2 Timothy 2:24 in Tsishingini 24 Agbashi a̱ A̱sulazuva a ciga a ꞌyuwan a yuwan mawasan wan, amma e ene iliyali ya ama suru. Waru a gura rito ozo o ro mejege, waru a yuwan ankuri na ama a na a̱ ri usa̱n wu nden.
Other Translations King James Version (KJV) And the servant of the Lord must not strive; but be gentle unto all men, apt to teach, patient,
American Standard Version (ASV) And the Lord's servant must not strive, but be gentle towards all, apt to teach, forbearing,
Bible in Basic English (BBE) For it is not right for the Lord's servant to make trouble, but he is to be gentle to all, ready in teaching, putting up with wrong,
Darby English Bible (DBY) And a bondman of [the] Lord ought not to contend, but be gentle towards all; apt to teach; forbearing;
World English Bible (WEB) The Lord's servant must not quarrel, but be gentle towards all, able to teach, patient,
Young's Literal Translation (YLT) and a servant of the Lord it behoveth not to strive, but to be gentle unto all, apt to teach, patient under evil,
Cross Reference Matthew 12:19 in Tsishingini 19 Waa yuwan mawasan shi, waru waa yuwan adanshi ni yisaali shi, ko u yuwan adanshi nu ucira e re shi.
John 6:52 in Tsishingini 52 A̱vu aza a Israꞌila a uwa mawasan va̱ni le, adansa, “Cine tsa ɗa vuma nda a ca tsu lipu va̱ yi tsu tama?”
Acts 7:26 in Tsishingini 26 Ana usana u tawai waru, reve wu utisa̱ mabura me le, a̱vu we ene ama a Israꞌila e re a̱ nla̱ngi. A̱vu u ciga wu kasa le. A̱vu u damma, ‘Ili i ta̱ i ɗa i ri, adama a̱ nye yaa amatonloi?’
Acts 15:2 in Tsishingini 2 Adama a adanshiꞌi Bulu na̱ Banaba o sowo ta̱ a yuwusan mawasan lon na amaꞌa. Ɗaɗa a zuwai Bulu na̱ Banaba na ama o ro waru a̱ ꞌya̱wa̱ Urishelima uba̱ta̱ wa ajiya na azagbain adama a adanshiꞌi.
Acts 23:9 in Tsishingini 9 Reve e reme mawasan va̱ni le, hali munlu n Wila̱† ma Afarishi n ꞌyon mishin a̱vu a yuwan mawasan o una̱ wa̱ Bulu. A̱vu a̱ ꞌya̱sa̱n uɗyo zuva, adansa, “Tse ene unusu u na vuma nda yuwain shi. Nu ululu u ɗa ko malingata ma̱ A̱sula̱ ma ɗa ma yuwaan niyi adanshi gba?”
2 Corinthians 10:1 in Tsishingini 1 A̱mu, Bulu n ta patishi ɗu na̱ cine Yesu Zamawawa tarai aciya̱yi ili i ro shi na ankuri. Ama o ro a damma n ta̱ na̱ wono na̱ n ri oɓolo na̱ a̱ɗu amma na̱ n ri alanga na̱ a̱ɗu n tu usuɗuwu.
2 Corinthians 10:4 in Tsishingini 4 Tsu ta yuwusan uvon ni itana yu uvon i na i ri koꞌo na aza a na uvaɗi waa yuwusaan ulinga. Itana yu uvon i tsu a̱ ta̱ nu ucira diga uba̱ta̱ wa̱ A̱sula̱ na aa gura lungusa̱ ba̱ta̱ a cira maꞌyuwatan.
Galatians 5:22 in Tsishingini 22 Amma na̱ Ruhu va̱ A̱sula̱ o goloɓuso ɗu, u ta matsan muwun n nda: I ta̱ da̱na̱ a ncigalai. I ta̱ da̱na̱ a̱ ma̱za̱nga̱, na asuvu nden. Ruhu ta zuwa ɗu i yuwan ankuri. I ta̱ da̱na̱ a nkambulai. I ta yuwan ili i isaꞌani. O to soɗuwo ɗu ma̱tsa̱n.
Ephesians 4:2 in Tsishingini 2 A̱tsuma̱ e ili i na yaa yuwusan biti, i tara aciya̱ɗu ili i ro wan, reve waru i kuru ben na ama. Adama a na i cigai ama, i yuwan ankuri, waru she i yuwan upan wan, na a yuwan unusu.
Philippians 2:3 in Tsishingini 3 She i yuwan ili adama a̱ tsushuꞌun wan, waru she i yuwan ili adama o uꞌya̱sa̱sa̱n wa avangaci wan. Amma vu tara aciya̱wu ili i ro wan na̱ vaa yuwusan ili, reve vu da̱na̱ a majiyan vuma ro laꞌa wu ta̱.
Philippians 2:14 in Tsishingini 14 She i yuwan mokoɗo ko nwasanlai a̱tsuma̱ e ili i na yaa yuwusan wan.
Colossians 3:13 in Tsishingini 13 She i da̱na̱ a muwwulai mu upan va̱ni ɗu wan, waru ni i nusunlai, i yuwunlai gafura. Zagbain yuwaan ɗu ta̱ ɗe gafura, adama o ndolo i yuwunlai gafura ne.
1 Thessalonians 2:7 in Tsishingini 7 O una̱ u na, a̱tsu ajiya e Yesu Zamawawa ɗa, tsu shi ta zuwa ɗu i ca tsu ili. Agba tsu yuwan ne shi, amma, reve tso oꞌwo ben a̱tsuma̱ a̱ ɗu cine mma tsu ca mawun maani reve waru u goloɓo yi.
1 Timothy 3:2 in Tsishingini 2 To, zagbain nu u ciga u ꞌyuwan u yuwan wuma u na ama aa yuwan adanshi a vama adama a̱ yi wan. U ciga u ꞌyuwan woo oꞌwo vali vu ka ta̱. U ciga u ꞌyuwan u goloɓo aciya̱yi, waru u da̱na̱ nu ugbozu. U da̱na̱ na ala a saꞌani. U ka̱lyuwa̱ omocin a na a̱ ta̱wusa̱ o uꞌwa wa̱ yi ulobonu, waru u gura rito ama.
1 Timothy 6:11 in Tsishingini 11 A̱vu Timoti aagbashi a̱ A̱sula̱ a ɗa. Adama o ndolo ꞌyuwan ciga vu suma iwuya i ndolo suru, waru vu toni ili ya̱ a̱ɓula̱, reve vu yuwan ili i saꞌani. Vu yuwan wuma u saꞌani tsa̱ra̱ A̱sula̱ a uwwa uyoꞌo wa̱ wu. Vu roco ucawu wo okolo ni icigi. Vu lyuwa elime nu ulinga wa̱ wu, waru vu yuwan yi ben.
Titus 1:1 in Tsishingini 1 A̱mu ɗa Bulu aagbashi a̱ A̱sula̱, waru a̱mu aajiya e Yesu Kristi Zamawawa ɗa. A̱sula̱ a̱ lyungu mu ta̱ tsa̱ra̱ n ta̱wa̱a̱ nu ucawu wo okolo e ekere a aza a na u ɗangwai. Waru u lyungu mu ta̱ tsa̱ra̱ n rito le e reve amayun a na oo rocosu le ununa aa yuwan nden n saꞌani nu ununa A̱sula̱ aa yuwan ma̱za̱nga̱ ne ele.
Titus 1:7 in Tsishingini 7 Ne ɗa waru zagbain u ciga u ꞌyuwan u yuwan wuma u saꞌani adama o ulinga wa̱ A̱sula̱ u na waa yuwusan. U da̱na̱ za vu ugbawu wan, waru u da̱na̱ za vu upan babu usa̱n wan. U ciga u ꞌyuwan u da̱na̱ ososowi wan. She u da̱na̱ za vu ulungusu wan. She wo oꞌwo za vi icigi yi ikebe lon wan.
Titus 1:9 in Tsishingini 9 U ciga u ꞌyuwan u guza̱ uritosu wa adanshi a amayun. Reve u yuwan ulinga nu uritosuꞌu u kamba ama, waru u lapula aza a na a yuwusan mawasan na adanshi a̱ A̱sula̱.
Titus 3:2 in Tsishingini 2 Na a ꞌyuwan a ciga a yuwan adanshi e iwuya a aci a vuma ro wan, waru a ciga a ꞌyuwan a lyawa nwasanlai. Na a yuwan ne, a̱ ta̱ da̱na̱ no okolo nven reve waru a ca ama suru tsugbain tsa amayun.
James 1:1 in Tsishingini 1 A̱mu ɗa Yakubu, aagbashi a̱ A̱sula̱ waru aagbashi e Yesu Kristi Zagbain Zamawawa. N ta ɗanasaa a̱za̱ e Itoni ya amayun a na a̱ ri ubazu suru a̱tsuma̱ o uvaɗi. N ta̱ lyungusu ica̱su i va̱.
James 1:19 in Tsishingini 19 Ncigata n va̱, i da̱na̱ na̱ mawwa babu usa̱n, amma i yuwan adanshi goꞌo wan, waru i yuwan upan goꞌo wan.
James 3:17 in Tsishingini 17 Amma ugbozu u na wu uta̱i ɗe zuva suru u ta̱ cece. U ciga ta̱ asuvu nden. Mantsa suru ben ɗa u tsu da̱na̱, waru u tsu zuwaa ta̱ ama atsuvu. U ta̱ ni isaꞌani, waru u tsu yuwan ta̱ linga saꞌani. U tsu roco mayan me ili kokoꞌo shi, waru u tsu yuwan ili ni ikpaꞌa shi.
James 4:2 in Tsishingini 2 I ciga ta̱ ili i na i ri na̱ a̱yi shi, a̱vu i yuwan ifoɓi a̱vu yu una tsa̱ra̱ i tsura̱ ili i ndolo. I ta yuwusan tsushuꞌun tsi ili i na ozo o ro a̱ ri na̱ a̱yi, waru ya̱a̱ tsura̱ ili i ndolo adama a aciya̱ɗu shi, a̱yi ɗa i zuwai yaa yuwusan mawasan na̱ nla̱ngi adama i usa le e ekere a aza a na a̱ ri ni i ɗa. Suru na̱ ne, ili i na i zuwai i tsura̱i ili i na i cigai shi, a̱yi ɗa, i pati A̱sula̱ shi.
1 Peter 3:8 in Tsishingini 8 Gogo gba, i yuwan nden n na n lobonoi va̱ni ɗu, reve ili i na i farai na̱ za ro a̱tsuma̱ a̱ ɗu i tara yi gashi ya̱ꞌa̱ ɗu ɗa, a̱vu i cigalai ana muwun ma̱ a̱na̱wu. I roco ama isaꞌani agba i tara aciya̱ɗu ili i ro wan.
Jude 1:3 in Tsishingini 3 Ncigata n va̱, n shi ta̱ n ciga n ɗanaa ɗu ili ya̱ a̱bunda̱ adama e iwawi i na tsu tsura̱i. Agba gogo n ciga n ꞌyuwan n ɗanaa ɗu adama e ili i ro koꞌo. N ciga n ꞌyuwan n ɗanaa ɗu adama i geshe amayun a Alabari a Saꞌani. A̱sula̱ a ca ta̱ amayun a nda a na a̱ ri n vadala shi u ta̱ o una̱ u mantsa suru adama a ama a akiza† a̱ yi.