2 Peter 2:2 in Tsishingini 2 Ama na̱ a̱bunda̱ a̱ ta̱ kuru uritosu wi iwuya i le. A̱vu waru a̱ kuru ili yi idaba i wono i le. Reve adama e le ama a yuwan adanshi a vama adama a Zamawawa nu ure wa amayun a̱ yi.
Other Translations King James Version (KJV) And many shall follow their pernicious ways; by reason of whom the way of truth shall be evil spoken of.
American Standard Version (ASV) And many shall follow their lascivious doings; by reason of whom the way of the truth shall be evil spoken of.
Bible in Basic English (BBE) And a great number will go with them in their evil ways, through whom the true way will have a bad name.
Darby English Bible (DBY) and many shall follow their dissolute ways, through whom the way of the truth shall be blasphemed.
World English Bible (WEB) Many will follow their immoral{TR reads "destructive" instead of "immoral"} ways, and as a result, the way of the truth will be maligned.
Young's Literal Translation (YLT) and many shall follow out their destructive ways, because of whom the way of the truth shall be evil spoken of,
Cross Reference Matthew 7:14 in Tsishingini 14 Amma una̱ntsu u na u ri a̱ tyo uba̱ta̱ u wuma u na woo koto shi, u tu uɓoru waru ureꞌe u tu usa̱n wu mmalu, waru ama waꞌa ɗa oo tono ureꞌe.”
Matthew 22:16 in Tsishingini 16 A̱vu a̱ lyunguwa̱ yi ama o ro a̱tsuma̱ o ojoro e le oɓolo no ozo o ro a na oo tono Hiridu. Reve a damma, “Manlu tsu reve ta̱ vu ta dansa amayun kuci, waru vu to rocosu ama ure wa̱ A̱sula̱ mejege. Vu tara ta̱ ama suru una̱ta̱, ko cine tsa ɗa a̱ ri.
Matthew 24:10 in Tsishingini 10 Adama o ndolo ama na̱ a̱bunda̱ a ta lyawa itoni i va̱. A ta yuwan nla̱ngi va̱ni le, reve a ꞌyuwunlai.
Matthew 24:24 in Tsishingini 24 Azamawawa e epen na ama̱sula̱ e epen a̱ ta̱ ta̱wa̱ a yuwan ili ya asalama ya̱ a̱bunda̱. A ta yuwan a̱tyo a na aa yuwan tsa̱ra̱ ama o toni le, hali na ama a na A̱sula̱ a ɗangwai, na aa gura.
Mark 12:14 in Tsishingini 14 Ana a rawai, reve e ece yi, “Manlu, a̱tsu tsu reve ta̱ a̱vu za va amayun a ɗa, waru vu ri na aɗangulu shi. Vu tara ta̱ ama suru una̱ta̱, vu to rocosu ure wa̱ A̱sula̱. Damma tsu u lobono ta̱ a tsupa utafa a̱ tyo ya Kaisa mogono ma̱ Roma† ko tsu tsupa wan?”
Mark 13:22 in Tsishingini 22 Adama a na azamawawa e epen na ama̱sula̱ e epen, a̱ ta̱ ta̱wa̱. A ta gura yuwan ili ya asalama na̱ a̱bunda̱, tsa̱ra̱ o polo aza a na a ɗangwai n na aa gura.
John 14:6 in Tsishingini 6 Reve u usu, “A̱mu ɗa ure u na u rocoi amayun a̱ A̱sula̱ waru n ca ama wuma. Babu vuma na a̱a̱ ꞌya̱wa̱ ya Dada she nu u kuru nu uba̱ta̱ u va̱.
Acts 13:10 in Tsishingini 10 A̱vu u damma, “A̱vu mawun ma̱ Mekerenkesu! A mantsa suru vu tsu damma mejege shi, waru vu ta̱ pususa̱n ama ugbozu. A̱vu rala ɗa e ekere e ili i na i ri ulobonu. Urana u ne vaa lyawa tsushuꞌun na adanshi a̱ A̱sulazuva?
Acts 14:2 in Tsishingini 2 Ama aza a Israꞌila na a ꞌyuwain a ca okolo, reve a̱ ꞌya̱sa̱n ugbozu wa Atakpaci o ro. A̱vu Atakpaciꞌi a̱ la̱nga̱la̱i na̱ a̱za̱ e Itoni.
Acts 16:17 in Tsishingini 17 Reve u tonishi tsu a̱ca̱pa̱ a yisaali, “Ama a nda agbashi o Mogono ma̱ A̱sula̱ ma ɗa o to rocosu ure wi iwawi.”
Acts 18:26 in Tsishingini 26 Reve u reme uritosu a̱tsuma̱ a̱ a̱a̱ꞌisa̱ no okolo ugbamu. Ana Akila na̱ Birisika uwwa niyi reve a banu yi o uꞌwa u le, reve a̱ da̱shi cuɗuwa yi ure wa̱ A̱sula̱ mejege.
Acts 19:9 in Tsishingini 9 Ozo o ro a̱tsuma̱ e le a ꞌyuwan ta̱ adanshi a̱ yi, a alanga e eteshe a ɗa a yuwain adanshi a vanvama o Ure wu Zagbain. Adama o ndolo, reve Bulu lyawa a̱a̱ꞌisa̱ꞌa̱, a̱vu u tara a̱za̱ e Itoni a̱ ka̱ra̱ na̱ a̱yi. Reve u teme alajiya a aasula o uritosu a Tayaranu usana suru.
Acts 24:14 in Tsishingini 14 “Gogo ili i ta̱ i ɗa ma̱a̱ usu, ana a dammai n ta̱ kurusu Ure wu Zagbain u na aa dansa amayun a ɗa shi. Agba n tsu yuwaan ta̱ A̱sula̱ a nkaya n tsu a̱ga̱nda̱, waru n usu ta̱ ili suru i na i ri uɗanu a atagada a Ama̱sula̱.
Romans 2:24 in Tsishingini 24 Ununa Adanshi a̱ A̱sula̱ a dammai ɗa, “Atakpaci a ta yuwusan adanshi a vama e ekere a̱ A̱sula̱ adama a̱ ɗu.”
1 Timothy 5:14 in Tsishingini 14 Adama o ndolo n ta casu nruna̱ n kekeꞌen a̱sa̱la̱ a yuwisan lolo ro. A yuwan limatan, reve a̱ ka̱lyuwa̱ ꞌwa le ulobonu. Ne ɗa maꞌyuwatan ma̱ tsu maa gura damma ili i ro a aci e le shi.
Titus 2:5 in Tsishingini 5 O rito le a yuwan nden n saꞌani nu ugbozu. Waru o rito le cine a̱a̱ ka̱lyuwa̱ ꞌwa le ulobonu, waru a yuwan ili i saꞌani. O rito le ununa aa yuwan ntoniloi na ali e le ulobonu. Ne ɗa aa yuwan a̱vu a̱ kuɗa̱ ta̱wa̱a̱ Adanshi a̱ A̱sula̱ ni ili i wono.
Titus 2:8 in Tsishingini 8 Lyawa uritosu wa̱ wu wo oꞌwo mejege adama a̱ tsura̱ za na aa yuwan adanshi o ro a aci a̱ yi wan. Ne ɗa aza a na a cigai a yuwan mawasan a uwwa wono, adama a na a̱a̱ tsura̱ ili i wuya i na aa yuwan adanshi a aci a̱ tsu shi.
1 Peter 2:12 in Tsishingini 12 I yuwan ugbozu cine ya̱a̱ da̱nusu oɓolo na ama a̱ ɗu aza a na a̱ ri e itoni shi. Ko na aa dansa ne epen, a na i ta yuwusan ili i na i lobonoi shi, e te ene wuma u saꞌani u ɗu, reve a ca okolo e le a̱vu a ca A̱sula̱ tsugbain a mantsa ma na wa̱a̱ ta̱wa̱ adama o ugeꞌetosu wu uvaɗi.
2 Peter 2:12 in Tsishingini 12 Ama o ndolo o rotso ta̱ inama yu una, aza a na a tsu yuwan majiyan shi. A matsan le ta̱ adama o urana u ro e reme o una le la̱nga̱. Ama a nda a tsu yuwan ta̱ adanshi a vama e ekere a̱ A̱sula̱ adama e ili i gbagbain i na e revei aciyele shi. Cuꞌun wuma babu ulobonu u le u ta̱ ta̱wa̱a̱ le nu ukwa̱.
2 Peter 2:15 in Tsishingini 15 A lyawa ta̱ ɗe ure u mejege, reve a̱ kuru ure wa Balam† vumava̱sula̱ ve epen, mawun ma Beyuru. A̱yi vuma ɗa za na cigai u tsura̱ ikebe o ure u na u ri mejege shi.
2 Peter 2:21 in Tsishingini 21 U shi ta laꞌaa ama o ndolo na̱ a̱ shi e reve ure wa̱ A̱sula̱ shi suru suru. U tsu laꞌa ta̱ uwuyanu na̱ vuma reve ure u saꞌani, reve u ꞌyuwan ili i cece ni ili i saꞌani i na A̱sula̱ a ca niyi.
1 John 2:18 in Tsishingini 18 Ncigata m muwun n va̱, rana vu ukosu ɗa ndaꞌa. Yu uwwa ta̱ ɗe a na maꞌyuwatan ma Zamawawa ma̱ ri lo a̱ ta̱wa̱, gogo gba nꞌyuwatan ma̱ a̱bunda̱ mu Zamawawa n ta̱ pa. Ne ɗa tsu revei a na rana vu ukosu ɗa.
Jude 1:10 in Tsishingini 10 Amma munlu n nda n ta yuwusan ulamu, waru a ta yuwusaan ili i na e revei shi una̱. A̱ ta̱ vadamma inama. A ta yuwusan ili i na lipu le cigai a yuwan, ne ɗa a̱a̱ ta̱wa̱a̱ aciyele nu ulungusu.
Jude 1:15 in Tsishingini 15 U te geꞌeto ama o uvaɗi. U to roco ama a na a ꞌyuwain o toni A̱sula̱ a̱ ta̱ nu unusu wi iwuya suru i na a yuwain a na a̱ ꞌya̱sa̱yin A̱sula̱ aci. Waru u to roco aza a na a̱ ri a̱za̱ o unusu oɓolo na aza a na a̱ ri na̱ A̱sula̱ shi, a̱ ta̱ nu unusu adama a na a ta yuwusan adanshi a vanvama a aci a̱ A̱sula̱.”
Revelation 12:9 in Tsishingini 9 Reve Mikaꞌilu oɓolo na̱ nlingata ma̱ yi mu uta̱a̱ a̱ba̱jini a aaganguꞌu diga zuva reve a̱ ca̱co yi oɓolo na̱ nlingata ma̱ yi a̱ tyo e iɗa. Aagangu a nda a̱yi ɗa za na ri lo wuma nu ujimu. A̱yi ɗa za na a̱ tsu ɗe Mekerenkesu ko Male. A̱yi ɗa za na a̱a̱ lulumusa̱ ama suru.
Revelation 13:8 in Tsishingini 8 Ama suru a ta yuwaan yi a̱ga̱nda̱, ele ɗa aza a na a ɗanai ala e le a̱tsuma̱ a aatagada a ama a wuma kafu a yuwan uvaɗi shi. Aatagadaꞌa za Ma̱giriꞌi ma na o unai ɗa.
Revelation 13:14 in Tsishingini 14 A̱sula̱ a lyawa ta̱ a̱a̱dodo e ire a yuwan ili ya asalama a̱ ma̱ka̱ka̱n ma̱ a̱a̱dodo o ufaru. Adama e ili ya asalama o ndolo, u gura ta̱ luma̱ ama o uvaɗi. U zuwa le ta̱ a ruma a̱a̱ma̱li a̱ a̱a̱dodo o ufaru, za na o unai na̱ matsun me peꞌeni agba u ka̱mba̱ ta̱ wuma.