1 Timothy 1:17 in Tsishingini 17 Tsu cayi A̱sula̱ ica, reve waru tsu ca niyi tsugbain. Tsu yuwusain ne babu ukotu. A̱yi ɗa Mogono ma babu ukotu, za na a̱ tse ene shi, agba u tsu kuwa̱ shi. A̱yi ɗa A̱sula̱ a̱ ndeꞌen. Ami.
Other Translations King James Version (KJV) Now unto the King eternal, immortal, invisible, the only wise God, be honour and glory for ever and ever. Amen.
American Standard Version (ASV) Now unto the King eternal, immortal, invisible, the only God, `be' honor and glory forever and ever. Amen.
Bible in Basic English (BBE) Now to the King eternal, ever-living, unseen, the only God, be honour and glory for ever and ever. So be it.
Darby English Bible (DBY) Now to the King of the ages, [the] incorruptible, invisible, only God, honour and glory to the ages of ages. Amen.
World English Bible (WEB) Now to the King eternal, immortal, invisible, to God who alone is wise, be honor and glory forever and ever. Amen.
Young's Literal Translation (YLT) and to the King of the ages, the incorruptible, invisible, only wise God, `is' honour and glory -- to the ages of the ages! Amen.
Cross Reference Matthew 6:13 in Tsishingini 13 She vu lyawa tsu tsu uwa a̱ ma̱lyungwa̱ wan, agba vu wawa tsu e ekere a za wuya.’
Matthew 25:34 in Tsishingini 34 “A̱vu Mogonoꞌo u damma aza a na a̱ ri o ukere usaꞌani wa̱ yi, ‘Ta̱wa̱i, Dada va̱ ca ɗu ta̱ abaꞌun a̱ yi. Ushiyi tsugono tsa na A̱sula̱ o foɓoo nɗu kafu u yuwan uvaɗi.
Matthew 28:20 in Tsishingini 20 I rito le a yuwan ili i na n damma nɗu. N ta̱ da̱na̱ oɓolo na̱ a̱ɗu kuci, hali a̱ tyo o ukosu wu uvaɗi.”
John 1:18 in Tsishingini 18 Babu za na enei ɗe A̱sula̱, she Mawun ma̱ ta̱ goon, za na ri una̱ta̱ na̱ A̱sula̱ waru u ri a muwwulai na̱ Dada. A̱yi ɗa goon u zuwai ama e revei cine A̱sula̱ a̱ ri.
Romans 1:20 in Tsishingini 20 Ama aa gura ene ucira wa̱ A̱sula̱ u na u ri babu ukotu nu ure wa akiza u majiyan ma̱ yi shi. Diga ana A̱sula̱ a yuwain uvaɗi, ili i na u yuwain suru i roco ta̱ cine a̱yi u ri. Adama o ndolo ama a̱ ri nu ure u mota̱a̱ shi.
Romans 1:23 in Tsishingini 23 Aa yuwusaan A̱sula̱ a tsugbain za na ri wuma babu ukotu a̱ga̱nda̱ shi. O una̱ u ndolo, reve a uwa a yuwusaan a̱ma̱li a̱ga̱nda̱ a na a yuwain oroci a ama a na a̱a̱ da̱na̱ wuma babu ukotu shi, oɓolo no oroci a̱ nnunu, ni inama, ni iyo.
Romans 2:7 in Tsishingini 7 Aza a na a lyuwai elime na̱ mayan me ili i saꞌani adama a na a zama tsugbain ni ica na̱ wuma u babu ukotu, A̱sula̱ a ta ca le wumaꞌa.
Romans 11:36 in Tsishingini 36 A̱sula̱ a yuwan ta̱ ili suru. A̱yi ɗa za na tsu zuwa ili suru i lyuwa elime. Ili suru i ta̱ lo adama a ca yi tsugbain. Tsu ꞌyuwan tsu ciga tsu cuwa A̱sula̱ babu ukotu! Ami.
Romans 16:27 in Tsishingini 27 Lyawa A̱sula̱, za na a̱yi ɗa goon u ri nu ugbozu, u ushi tsugbain o ure wa̱ Yesu Zamawawa babu ukotu. Ami.
Ephesians 3:20 in Tsishingini 20 A̱sula̱ a̱ ta̱ nu ucira u na waa yuwan ili i na i laꞌai ili i na tsu pati niyi u yuwan, hali ni ili i na tsu jiyain. Waru u yuwan le ta̱ nu ucira u na waa yuwusan ulinga o okolo a̱ tsu.
Colossians 1:15 in Tsishingini 15 Kristi Zamawawa ununa A̱sula̱ a̱ ri a ɗa u ri, shede ama aa gura ene A̱sula̱ ne esu e le shi. A̱yi ɗa Mawun mo ufaru ma̱ A̱sula̱ waru u to tsugono tsi ili i na A̱sula̱ a yuwain biti.
1 Timothy 6:15 in Tsishingini 15 A̱sula̱ o to roco Zamawawa diga zuva a mantsa ma na wu ntsayi. A̱sula̱ a ɗa goon za na rawai a ciɓala, a̱yi ɗa goon za na ri nu ucira suru suru a yuwusan tsugono. A̱yi ɗa Mogono mo ngono, a̱yi ɗa Zagbain va azagbain.
Hebrews 1:8 in Tsishingini 8 Agba apa ili i na A̱sula̱ a dammai adama a Mawun ma̱ yi, “A̱vu A̱sula̱ a ɗa, waru tsugono tsa̱ wu tsa̱ ri nu ukosu shi. Vu ta yuwan tsugono nu ugeꞌetosu u na wu ntsayi.
Hebrews 11:27 in Tsishingini 27 Adama o ucawu wo okolo a̱ yi, Musa lyawa ta̱ Masar, agba u da̱na̱ a uwwusa wovon wu upan u mogono shi. Musa kaɓa ta̱ asuvu adama a na u zuwaa ta̱ A̱sula̱ a na aa gura ene shi esu.
1 Peter 5:11 in Tsishingini 11 A̱yi ɗa za tsugbain nu ucira u babu ukotu. Ami.
2 Peter 3:18 in Tsishingini 18 I lyuwa elime a̱tsuma̱ e isaꞌani na̱ a̱tsuma̱ o urevu wu Zagbain tsu na̱ Zamawawa Yesu. Tsugbain nu ucira suru wo oꞌwo za va̱ yi babu ukotu. Ami.†
1 John 4:12 in Tsishingini 12 Babu vuma na enei ɗe A̱sula̱, amma na̱ tsu cigalai, A̱sula̱ a̱ to oɓolo na̱ a̱tsu, waru icigi ya̱ yi i ta̱ tapu a̱tsuma̱ a̱ tsu.
Jude 1:25 in Tsishingini 25 Nu ujimu ɗe, a̱ tyo mantsa ma nda, hali a̱ tyo o ukosu, A̱sula̱ a ɗa Za vi Iwawi i tsu adama e Yesu Zamawawa Zagbain tsu. Tsugbain suru za va̱ yi ɗa. Tsugono suru za va̱ yi ɗa. Ucira suru suru za va̱ yi ɗa. Waru ili suru i ta̱ o ukere wa̱ yi. Ami.
Revelation 4:8 in Tsishingini 8 Ili i wuma i na̱shi i nda suru a̱ ta̱ ne evelu a̱ ta̱li ta̱li, waru a̱ ta̱ wupalu ne esu, hali na a mpakatalai me eveluꞌu. Ayin nu urana a lyawa ucanasa wi ishipa shi: “Zagbain ta̱ na akiza. U ta̱ na akiza. U ta̱ na akiza. A̱yi ɗa A̱sula̱ Mogono me Ili Suru Suru. A̱yi ɗa za na ri lo diga o ufaru, waru u ta̱ lo gogo, za na waru ri lo a̱ ta̱wa̱.”
Revelation 5:9 in Tsishingini 9 A̱vu a cana ishipa i saꞌavu i nda: “A̱vu ɗa vu rawai vu tara aatagadaꞌa a̱vu waru vu ra̱ɓuwa̱ erepu o urotsu wa̱ yi a̱vu vu kpa̱tuꞌwa̱ yi. Ili i na i zuwai a̱yi ɗa ama o una wu ta̱, ɗaɗa mpasa ma̱ wu mo oꞌwoi atsupu ana vu tsupayi gundo, ne elentsu, na ama, ni iɗa, a̱vu gogo o oꞌwo ama a̱ A̱sula̱.
Revelation 7:12 in Tsishingini 12 A̱ da̱na̱ ta̱ adansa, “Tsu ta dansa A̱sula̱ a̱ tsu a̱ ta̱ mgbain, Lyawa tsu yuwaan niyi ica, tsu ca niyi tsugbain nu urevu, tsu to godyusho yi, u ta̱ nu ucira nu ukadu, a̱za̱ a̱ yi a ɗa suru babu ukotu. Lyawa wo oꞌwo ne!”
Revelation 15:3 in Tsishingini 3 Reve a cana ishipa i na Musa† aagbashi a̱ A̱sula̱ a canai a̱vu waru a cana ishipa i na Ma̱giriꞌi ma canai, adansa, “A̱vu ɗa A̱sulazuva Mogono me Ili Suru, vu ta yuwusan a̱ba̱jini a̱ba̱jini e ili ya asalama. Vu ta yuwusan tsugono tsu uvaɗi u nda suru. A̱tsuma̱ e ili i na vaa yuwusan suru amayun a ɗa oɓolo nu ulobonu.
Revelation 17:14 in Tsishingini 14 A ta yuwan uvon na̱ Ma̱giriꞌi, agba Ma̱giriꞌi mo ndolo ma ta lyuwa aci e le adama a na a̱yi ɗa Zagbain a aci a azagbain na̱ Mogono mo ngono suru suru. Ama a̱ yi ele ɗa aza a na u ɗeyi waru u ɗangwa le ta̱ waru a̱ ta̱ kurusu yi na amayun kuci.”
Revelation 19:1 in Tsishingini 1 Ana malingata mo uciraꞌa mo kotoi adanshi, reve mu uwwa mesun ma̱ a̱ba̱jini o oɓolo a ama zuva a yisaali: “A cuwa A̱sula̱! Iwawi, na̱ tsugbain, nu ucira za va̱ A̱sula̱ a̱ tsu a ɗa!
Revelation 19:6 in Tsishingini 6 Reve mu uwwa mesun ma̱ a̱ba̱jini o oɓolo a ama zuva a yisaali. U ta̱ gashi ma̱gugwa̱ ma̱ a̱ba̱jini a̱ mini a̱ riyisa̱ na̱ mesun ma tsata ma gbain. Mu uwwa le ta̱ adansa: “Cuwai A̱sula̱! Adama a na A̱sulazuva a̱ tsu, Mogono me ili suru suru, Mogono ma ɗa!
Revelation 19:16 in Tsishingini 16 Uba̱ta̱ wa̱ a̱tugu a gbagbain a na a palai aagutsu a̱ yi, a ɗana ta̱: MOGONO MO NGONO NA̱ ZAGBAIN VA AZAGBAIN.