1 Thessalonians 5:14 in Tsishingini 14 Ama a̱ va̱, ni i ciga i ꞌyuwan i rono orogo atsuvu. I da̱shi aza a na a̱ tsu la̱pa̱ uwwa wovon shi okolo ugbamu. I toni ben waru i ka̱lyuwa̱ aza a na a̱ ri nu ucira shi. I yuwan ankuri na̱ za suru.
Other Translations King James Version (KJV) Now we exhort you, brethren, warn them that are unruly, comfort the feebleminded, support the weak, be patient toward all men.
American Standard Version (ASV) And we exhort you, brethren, admonish the disorderly, encourage the fainthearted, support the weak, be longsuffering toward all.
Bible in Basic English (BBE) And our desire is that you will keep control over those whose lives are not well ordered, giving comfort to the feeble-hearted, supporting those with little strength, and putting up with much from all.
Darby English Bible (DBY) But we exhort you, brethren, admonish the disorderly, comfort the faint-hearted, sustain the weak, be patient towards all.
World English Bible (WEB) We exhort you, brothers, admonish the disorderly, encourage the fainthearted, support the weak, be patient toward all.
Young's Literal Translation (YLT) and we exhort you, brethren, admonish the disorderly, comfort the feeble-minded, support the infirm, be patient unto all;
Cross Reference Matthew 12:20 in Tsishingini 20 Waa kuɗa aapumpu a na a̱ ri uka̱nzu shi, waru wa̱a̱ kimusa̱ fitila na cigai ma̱kima̱a̱ shi. Ne ɗa waa lyuwa elime she ni isaꞌani i lyuwa aci e iwuya.
Luke 22:32 in Tsishingini 32 Agba n yuwaan wu ta̱ avasa adama vu riya̱ wan. Na̱ vu ka̱mbisa̱, vu kamba a̱za̱ a̱ wu.”
John 21:15 in Tsishingini 15 Ana o kotoi alya, reve Yesu ece Simo Bituru, “Simo mawun ma Yahaya, vu laꞌa ta̱ a̱za̱ a̱ wu ciga mu?” A̱vu u usu, “Ee, Zagbain, vu reve ta̱ a na n ciga nuwu.” Reve u damma, “Vu lyuwato mukyokyon n va̱.”
Acts 20:27 in Tsishingini 27 Adama a na ko ili i ta̱ n soko ɗu shi n damma ɗu ta̱ ili i na A̱sula̱ a cigai i reve suru.
Acts 20:31 in Tsishingini 31 I da̱na̱ ufoɓu! I cuwan n da̱nu ta̱ na̱ a̱ɗu aꞌwan a taꞌatsu a ɓarasa ɗu waru a̱ ka̱lyuwusa̱ ɗu nu usana na ayin, na̱ moo ocosuyi aɓara.
Acts 20:35 in Tsishingini 35 N yuwusan ta ne adama n roco ɗu ure u na ya̱a̱ kuru, adama i yuwan ulinga lon i kamba aza a na a̱ ri nu ucira shi a̱tsuma̱ a̱ ɗu. I cuwan na adanshi e Yesu Zagbain ana u dammai, ‘U laꞌa ta̱ lobono vuma ca, ana wa̱a̱ ushi.’ ”
Romans 12:1 in Tsishingini 1 Ama a̱ va̱, A̱sula̱ a̱ tu ulobonu, a̱yi ɗa i zuwai n ri a patishi ɗu i ca aciya̱ɗu e ekere a̱ A̱sula̱ tsa̱ kucci, ni i ri wuma. I ca aciya̱ɗu kpa̱ra̱-kpa̱ra̱ i yuwaan A̱sula̱ ulinga waru i yoꞌonoto yi okolo. Ne ɗa wu ntsayi i yuwaan A̱sula̱ a̱ga̱nda̱ o okolo a̱ ɗu.
Romans 14:1 in Tsishingini 1 I ushi aza a na a̱ kurusu Zagbain, ko na aza a na ucawu wo okolo u le u ri nu ucira shi ɗa. She i yuwan mawasan ne ele adama e ili i na a tarai u na u ri ulobonu ko ulobonu shi wan.
Romans 15:1 in Tsishingini 1 A̱tsu na tsu ri nu ucawu wo okolo o ucira, tsu yuwain ankuri na̱ a̱za̱ e Itoni yi Zagbain aza a na ucawu wo okolo e le a̱ ri nu ucira shi. She tsu cigai tsu zuwa aciya̱tsu na tsaa uwwai uyoꞌo goon wan.
1 Corinthians 4:14 in Tsishingini 14 Maa ɗanasaa ɗu ili i nda adama yu uwwa wono shi. N ciga ta̱ n rono ɗu atsuvu adama a na muwun n va̱ n ɗa i ri.
1 Corinthians 13:4 in Tsishingini 4 Icigi i ta̱ na ankuri nu ulobonu. Icigi i ri na̱ tsushuꞌun shi. Icigi i tsu yuwan adanshi nu uꞌya̱sa̱sa̱n wa avangaci shi. U tsu tara aciya̱yi ili i ro shi.
Galatians 5:22 in Tsishingini 22 Amma na̱ Ruhu va̱ A̱sula̱ o goloɓuso ɗu, u ta matsan muwun n nda: I ta̱ da̱na̱ a ncigalai. I ta̱ da̱na̱ a̱ ma̱za̱nga̱, na asuvu nden. Ruhu ta zuwa ɗu i yuwan ankuri. I ta̱ da̱na̱ a nkambulai. I ta yuwan ili i isaꞌani. O to soɗuwo ɗu ma̱tsa̱n.
Galatians 6:1 in Tsishingini 1 Ama a̱ va̱, na̱ za ro a̱tsuma̱ a̱ ɗu yuwan ta̱ unusu, to, a̱ɗu a na i ri nu ucira a̱tsuma̱ a̱ Ruhu i ka̱mba̱to vumaꞌa o ure u mejege. Amma i yuwan yi ben. Amma i yuwan ugbozu, adama a̱ɗu fo i yuwan cuꞌun vi iwuya i ndolo wan.
Ephesians 4:2 in Tsishingini 2 A̱tsuma̱ e ili i na yaa yuwusan biti, i tara aciya̱ɗu ili i ro wan, reve waru i kuru ben na ama. Adama a na i cigai ama, i yuwan ankuri, waru she i yuwan upan wan, na a yuwan unusu.
Ephesians 4:32 in Tsishingini 32 Ana yaa yuwan ne, u laꞌaa ɗu ta̱ i yuwunlai ili i na i lobonoi, reve i roco isaꞌani a̱ tyo ama a na a uwwusa a̱tsuma̱lima̱. I yuwaan ama a̱tsuma̱ a̱ ɗu gafura na a nusaan ɗu, cine A̱sula̱ a yuwaan nɗu gafura vu nusu ɗu adama e Yesu Zamawawa.
Colossians 1:28 in Tsishingini 28 Adama o ndolo a ɗa tsaa dansaa koyan ɗa adama a Zamawawa uba̱ta̱ u na tsu ꞌya̱wa̱i suru. Tsu to ronuso le atsuvu waru tsu to rocosu le. Tsu ta yuwusan ulinga nu urevu u na A̱sula̱ a ca ntsu, adama a na tsu cigai a̱ da̱na̱ oɓolo na̱ Kristi Zamawawa waru oo oꞌwo wuntsayi na̱ a̱a̱ ꞌya̱wa̱ a̱ ma̱ka̱ka̱n ma̱ A̱sula̱.
Colossians 3:12 in Tsishingini 12 Adama e ili nda, waru adama a na A̱sula̱ a ɗangwa nɗu yo oꞌwo ama a̱ yi, waru u zuwa ɗu ta̱ yo oꞌwo cece, waru adama a na u ciga nɗu, adama o ndolo i guzula̱i ni iliyali, ni isaꞌani. Waru i da̱na̱ ben na ankuri. Ili i nda yo oꞌwo tsu utugu u na i tso oto.
1 Thessalonians 2:7 in Tsishingini 7 O una̱ u na, a̱tsu ajiya e Yesu Zamawawa ɗa, tsu shi ta zuwa ɗu i ca tsu ili. Agba tsu yuwan ne shi, amma, reve tso oꞌwo ben a̱tsuma̱ a̱ ɗu cine mma tsu ca mawun maani reve waru u goloɓo yi.
2 Thessalonians 3:6 in Tsishingini 6 Gogo gba ama a̱ va̱, tsu ta zuwusa ɗu i yuwan ili i nda a̱tsuma̱ a ala a Zagbain tsu Yesu Zamawawa: Yi kasa na̱ vuma suru na ri nu ukuɗu a̱tsuma̱ a̱ ɗu waru za na aa yuwusan nden ma̱ yi a̱ kurusu uritosu u na i tsura̱i ya̱ꞌa̱ tsu shi.
2 Thessalonians 3:11 in Tsishingini 11 Gogo gba tsu uwwa ta̱ ozo o ro a̱tsuma̱ a̱ ɗu a̱ ta̱ a̱ nden me pere, reve a ꞌyuwan a linga, reve a uwa e gesheshe ulinga wa akapi a ama.
1 Timothy 3:3 in Tsishingini 3 She vuma ndolo wo oꞌwo ososowi wan, she u da̱na̱ za vu ulungusu wan. U ciga u ꞌyuwan u da̱na̱ ben. U ꞌyuwan u ciga u ciga nden n lafiya. She wo oꞌwo za vi icigi yi ikebe lon wan.
1 Timothy 6:11 in Tsishingini 11 A̱vu Timoti aagbashi a̱ A̱sula̱ a ɗa. Adama o ndolo ꞌyuwan ciga vu suma iwuya i ndolo suru, waru vu toni ili ya̱ a̱ɓula̱, reve vu yuwan ili i saꞌani. Vu yuwan wuma u saꞌani tsa̱ra̱ A̱sula̱ a uwwa uyoꞌo wa̱ wu. Vu roco ucawu wo okolo ni icigi. Vu lyuwa elime nu ulinga wa̱ wu, waru vu yuwan yi ben.
2 Timothy 2:24 in Tsishingini 24 Agbashi a̱ A̱sulazuva a ciga a ꞌyuwan a yuwan mawasan wan, amma e ene iliyali ya ama suru. Waru a gura rito ozo o ro mejege, waru a yuwan ankuri na ama a na a̱ ri usa̱n wu nden.
2 Timothy 4:2 in Tsishingini 2 vu yuwan alajiya a adanshi a̱ A̱sula̱. Vu ꞌyuwan ciga vu da̱na̱ a yuwusan ne ko na̱ mantsa, ko babu mantsa. Vu ciga vu ꞌyuwan vu yuwaan a̱za̱ a̱ wu ulapulu nu uritosu u saꞌani. Uritosuꞌu u roco le unusu u le, waru u da̱shi ca le ugbamu wa asuvu. Vu yuwan ili i ndolo na ankuri.
Titus 1:6 in Tsishingini 6 Zagbain suru u ciga u ꞌyuwan wo oꞌwo vuma na ama a yuwan majiyan ma saꞌani a aci a̱ yi adama a na u yuwain nden n saꞌani. U ciga u ꞌyuwan u da̱na̱ vali vu ka ta̱. Waru muwun ma̱ yi moo oꞌwo a̱za̱ e Itoni a̱ a̱ɓula̱, aza a na aa yuwusan nden mu uwuyanu shi, waru aza a na a̱ ri na aciyogbamu shi.
Titus 1:10 in Tsishingini 10 Ne ɗa wa̱a̱ da̱na̱ adama a na ama o ro o ta̱ lo aza a na a yuwusan mawasan nu uritosu wa amayun. Ama a nda a tsu yuwusan ta̱ adanshi a vama, reve waru a̱ lulumusa̱ ama. A̱tsuma̱ a̱ munlu n ndolo ozo o ro na̱ a̱bunda̱ a̱ ta̱ pe a̱tsuma̱ a aza a na a dammai she na a paɗa vuma suru uryumbu. Ama a nda ele ɗa a laꞌai adanshi a vanvama.
Hebrews 5:2 in Tsishingini 2 Aabara a nan ganu a̱ ri nu ucira shi, u ta̱ tsa akapi a ama. A̱yi ɗa i zuwai woo tono ben na aza a na a yuwusan unusu adama a na a̱ ri nu urevu shi.
Hebrews 12:12 in Tsishingini 12 I gbamato obolu a̱ ɗu a na a̱ kuna̱i, reve waru i gbamato a̱lu a̱ ɗu.
Hebrews 13:3 in Tsishingini 3 She yi icina na aza a na a̱ ri pe o uꞌwa wa ali wan. I sowo a̱tsuma̱lima̱ oɓolo ne ele gashi i ta̱ ɗe oɓolo ne ele. I cuwan na aza a na o ɓongiyi gashi a̱ɗu fo i ta̱ pe a̱tsuma̱ e le.