Revelation 16:7 in Tol

7 Niná nin tjevele na, p'a wa tjevele tjapjacas mesa mpe, mesa niná Dios mpes ja'ayapj nt'a. Ninana tjevele jupj Dios lal: “T'üc' way tjevele jupj. Jipj ne Jepa. Jipj ne Dios. Jipj ne más püné pjü jis lal. 'Ücj la tjejay niná, jis capj la tül. Jipj tjevelen jin la tjejay”, nin tjevele jupj mesa mpe.

Other Translations

King James Version (KJV)

And I heard another out of the altar say, Even so, Lord God Almighty, true and righteous are thy judgments.

American Standard Version (ASV)

And I heard the altar saying, Yea, O Lord God, the Almighty, true and righteous are thy judgments.

Bible in Basic English (BBE)

And a voice came from the altar, saying, Even so, O Lord God, Ruler of all, true and full of righteousness is your judging.

Darby English Bible (DBY)

And I heard the altar saying, Yea, Lord God Almighty, true and righteous [are] thy judgments.

World English Bible (WEB)

I heard the altar saying, "Yes, Lord God, the Almighty, true and righteous are your judgments."

Young's Literal Translation (YLT)

and I heard another out of the altar, saying, `Yes, Lord God, the Almighty, true and righteous `are' Thy judgments.'

Cross Reference

Revelation 6:9 in Tol

9 Locopyaya Oveja Tsjicj tsjan ts'ülüc' p'a wa nt'ya popel mpe. (Cínquiya quinam.) Nin la tjiji na niná, jis qjues nepénowa tjinyuc. Mesa 'ala'á tjatja yupj, mesa niná Dios ja'ayapj nt'a. La p'a jis tjü'ünan yupj, nosis casá tapatja na. Jis tjü'ünan yupj Dios tjevelá tjowelepj mpes. Lovin tjowelepj Jesucristo po'o topon, mpes wa jis tjü'ünan yupj.

Revelation 8:3 in Tol

3 Ángel p'a wa tjac' wa. Plato tyá'atsja jupj, ts'ülüc' 'üsüs cjumsu mo'o la 'üm. Plato oro waytsja jupj. Ángel niná ne'aj tjac', mesa Dios ja'ayapj nt'a ton̈ca jupj. Oro watsja jupj, mesa niná. Ángel tjac' na, tja'ayapj jupj ts'ülüc' püné, 'üsüs cjumsu la 'üm. Jupj ts'ülüc' niná quelel 'yǘmatsja mesa casa'á Dios wolap'a'á, jupj myusca ca jay la p'a'a mim Dios wolap'a'á. Pjü way Dios ts'uyupj la tjomon Dios lal, niná ca jay la p'a'a mal wa myusca lal, 'ücj lo pjac.

Revelation 13:10 in Tol

10 Dios selé gente ca jis ntji'lin̈ jupj ts'uyupj nepenowá, cawilta mo'o mo'onsocj, jis capj ntülücj. Dios se 'aya nin lajay, mpes jupj ts'uyupj nepenowá ca majatjum cawilta mo'ó. Dios selé wa gente ca mü'ü'nacj jupj ts'uyupj nepenowá polomay mpes. Dios se 'aya nin lajay, mpes jupj ts'uyupj nepenowá ca nca'lin̈, polomay mpes sey jajocj mpes. Nin tepyala na, más 'ücj Dios ts'uyupj newa 'üsüs lajay Dios jos jin. Newa ca mponecj Dios 'üsüs. Ma ca ts'i mi'inacj.

Revelation 14:10 in Tol

10 nin p'iyá ca nsem yupj jis lal. Dios pajal jis capj ntülüs nin lajay. T'üc' way ma ca perdonar lis mijis jis capj tyüla nas. Ca mpen̈ azufre mpes. Ca pajal jis mvajas ca yupj. Dios angelpan jis walap'a'á ca nsem, Oveja Tsjicj wolap'a'a ca nsem wa.

Revelation 14:18 in Tol

18 P'a wa ángel tjac' mesa mpe, mesa niná nt'a Dios mpes ja'ayapj ne'aj. Ángel niná, jupj 'awa tjejyámatsja ne'aj. Jupj yümücj tjevele, ma'ajapj ca 'ücj mpjacam jupj tjevelá, ma'ajapj ne polomay pjoye tyá'atsja p'iyá. Tjevele: “Tjevyala tjejyo'o jipj. Nt'ya wa 'a mulú, 'a mulú velan̈ uva jinwá. Pjü niná tji'yǘ quinam”, nin tjevele polomay pjoye tya'a lal.

Revelation 15:3 in Tol

3 Yupj tjenejets'en̈, Moisés tjünüejets'e jinwatsja. (Moisés Dios jomozo waytsja püná.) Yupj tjenejets'en̈, Oveja Tsjicj mpestsja. Ninana tjenejets'en̈: “Jipj pajal 'üsüs lejay, jipj pajal püné mpes. Jipj Dios, jipj Jepa. Pjü 'ücj jis la jay jipj. Jipj 'üsüs lejay. Nin p'iyá lejay jipj, jipj tjevelen jinwá. Jipj Jepa pjü gente jis lal.

Revelation 19:2 in Tol

2 'Üsüs nin, Dios nin liji cus la tül Babilonia, pülücj patja nt'a. Jupj nin la tjiji jupj tjevelá. Jupj tjevele t'üc' way pajal malala nyuca la tjajay Babilonia mo'o patjá. Quepj niyom pülücj lal wine jinwá la tjajay yupj. Yupj ma jisastsja Dios. P'a p'in jisastsja lovin. Nosis casá tapatjá, Babilonia nt'a lajaytsja jinwá quelel lajaytsja yupj, mpes yupj malala wa lajaytsja pajal. Dios jis capj tyüla Babilonia mo'o patja quinam, yupj p'iyá jis tjü'ünan Dios jomozopan.”