Revelation 5:12 in Tenharim

12 Hahyahi Tupana'gapyrive'g̃a nhi'ig̃a g̃a erame: —Pyry hete cordeiro'jave'ga jukapyra'jave'ga. Gaha ti toko aheruvihavuhuhetero opopoakaramo. Gaha ti toko imbateva'ero herekovo pyryva'ea. Gaha ti tokwaha hete onhimombaragwahava. Gaha ti tipopoaka hete. Gaha ti timbohete. Gaha ti timboukwaha hete tikatu hete ti ga javo. Gaha ti tohoryory hete, ei g̃a nhaporemo. A'ea rehe nhaporemo Tupana'gapyrive'g̃a nhi'ig̃i javo cordeiro'jave'ga mboheteavo gaha pyry hete g̃a hohe pa javo.

Other Translations

King James Version (KJV)

Saying with a loud voice, Worthy is the Lamb that was slain to receive power, and riches, and wisdom, and strength, and honour, and glory, and blessing.

American Standard Version (ASV)

saying with a great voice, Worthy is the Lamb that hath been slain to receive the power, and riches, and wisdom, and might and honor, and glory, and blessing.

Bible in Basic English (BBE)

Saying with a great voice, It is right to give to the Lamb who was put to death, power and wealth and wisdom and strength and honour and glory and blessing.

Darby English Bible (DBY)

saying with a loud voice, Worthy is the Lamb that has been slain, to receive power, and riches, and wisdom, and strength, and honour, and glory, and blessing.

World English Bible (WEB)

saying with a loud voice, "Worthy is the Lamb who has been killed to receive the power, wealth, wisdom, strength, honor, glory, and blessing!"

Young's Literal Translation (YLT)

saying with a great voice, `Worthy is the Lamb that was slain to receive the power, and riches, and wisdom, and strength, and honour, and glory, and blessing!'

Cross Reference

Matthew 28:18 in Tenharim

18 A'ero Jesus'ga ruri g̃a pyri katu javo g̃a pe: —Tupana'ga e'i ji ve: “Eko ti yvyakotyve'g̃a nduvihavuhuhetero yvagipeve'g̃a nduvihavuhuhetero no. Ndepopoaka hete nde g̃a hohe pa,” ei Tupana'ga ji ve, ei Jesus'ga.

John 1:29 in Tenharim

29 Ko'emame Joãova'ea Jesus'ga repiagi ga rurame ojipyri. A'ero ahe ei jara'g̃a pe: —Pehepia ga! ei ahe. Pevo ga rekoi – kiroki ga cordeiro ja, ei ahe. Ikwava'ẽhara'g̃a ojuka cordeiros jipi Tupana'ga ti tomombo nhanderekote'varuhua a'ero javo, ei ahe. Cordeiro ja po ti ga manoi nehẽ no. A'ereki Tupana'ga ga mbuhuruka nhande pyri tomano ti ga imomboa yvyakotyve'g̃a ndekote'varuhua javo, ei Joãova'ea g̃a pe.

John 3:35 in Tenharim

35 Tupana'ga oarõ hete gwa'yra'ga. A'ero ga ga mbopopoakarukari togwereko pa ti ga g̃wemimbotarimo.

John 17:2 in Tenharim

2 A'ereki nde ere'e jipe ji ve: “Emongo pa ti yvyakotyve'g̃a enhimimbotarimova'ea rehe teremboheaporog̃ita pyahu ti g̃a – kiroki g̃a ji ambojikoguka nde rehe,” ere ko nde ji ve, ei Jesus'ga javo uva'ga pe.

2 Corinthians 8:9 in Tenharim

9 A'ereki pe pekwaha tuhẽ Jesus Cristo'ga remimombyryva nhandepojykaharete'ga remimombyryva ga nhande arõhetero g̃waramo. Jypya ga huvihavamo oko yvagi pe Tupana'ga pyri okovo Tupana'ga katukatua pyteri pe pyryva'ea herekopava. Gwereko pa ga hako novĩa. Emo ga opohi pa jugwi ua avo yvya koty onhimongovo okoteheva'ero nhande ja. A'ero ga manoi nhande repyga toho ti g̃a yvagi pe herekopava nehẽ javo. Pekwaha pe Jesus Cristo'ga remiarõhetea ga javijitehe ti tiarõ hete ojipe'g̃a a'ero javo.

Philippians 2:9 in Tenharim

9 Cristo'ga nhimongotehero g̃waramo Tupana'ga ga mongoi huvihavuhuhetero jara'g̃a hohe pa.

1 Timothy 1:17 in Tenharim

17 Nurã ji ei Tupana'ga mombe'gwovo: Tupana'ga huvihavuhuhetero omongomongo pa g̃wemimbotarimova'ea rupi ymyypyagwera jate. Aerẽ po ti na jitehe nehẽ no. Gaha ko avuiramave'ga omanoe'yma. Nhande ndihepiagi ga novĩa. A'ereki ga ndaha'oi. Gaha jate ko Tupanamo oko. Timboukwaha ti ga avuirama a'ero nehẽ. Timbohete hete ti ga avuirama nehẽ. Na tuhẽ. Amém!

Revelation 4:11 in Tenharim

11 Ga mboheteavo g̃a ei ga pe: —Ndehe jate ndepyryhetero orepojykaharetea. Ndehe jate ti ahe tanemboukwaha a'ero gaha tikatu hete javo. Tanembohete ti ahe. Tereko ti aheruvihavuhuhetero epopoakaramo. A'ereki nde ereapo pa tanhimohẽ ti hehe javo. Nde ipotaro g̃waramo hekopavi a. Ejive nde ereapo pa. A'ea g̃a ei ga pe gworygworyvamo ga rehe.

Revelation 5:6 in Tenharim

6 Kiro ji Judáva'ea rakykwepohara'ga repiagi tuhẽ. Pevo ga ami g̃apyteri pe. Aheruvihavuhuhete'ga apykava pyri ga ami ga'apykavareheve'ga rovai pyteri pe okovo quatrove'g̃a ndovai pyteri pe no vinte e quatrove'g̃a ndovai pyteri pe no huvihavuhu'g̃a ndovai pyteri pe. Ga repiagame ji ei: Ga ko cordeiro ja jukapyra ja – g̃wia g̃a ojuka imondovo ikwava'ẽhava arimo. Sete ko garatĩa. Cordeiro ratĩa ja ko garatĩa. Ipopoaka hete ga a'ero aheruvihavuhuhetero. Sete ko gareakwara no. Tupana'ga ra'uva pe ji a'e gareakwara. Seteva'ea ja ko gara'uva. Tupana'ga omondomondo gwa'uva yvyakotyve'g̃a gwyri pe nhaporemo takwaha pa ti ji g̃andekoa pevo javo.

Revelation 5:9 in Tenharim

9 Kiro quatrove'g̃a vinte e quatrove'g̃a pavẽi, g̃a nhimby'yi ipyahuva'ea rehe. Onhimby'yita g̃a ei cordeiro'jave'ga pe: —Ndehe ko pyryheteva'ea aheruvihavuhuhetea no. Nurã ndehe epyhy livro ika'mbika'mbiga tuju'gia apopyra. A'ereki nde erejijukauka heka'voguka ejekoa yvyakotyve'g̃a ndepyga. Nahã nde g̃a mbopiro'yi g̃andekote'varuhua hugwi g̃a mongovo toko ti g̃a Tupana'gareheva'ero javo. Nahã ko nde yvyakotyve'g̃a hugwi g̃a mo'emo'ẽi, ei g̃a onhimby'yita. G̃ande'ynde'yja'g̃a hugwi nhaporemo nde g̃a mo'emo'ẽi. Kiroki g̃a ojoatyatyvi g̃anhi'ig̃a – g̃a hugwiugwi nhaporemo nde g̃a mo'emo'ẽi. Ojipe'g̃a hugwi nhaporemo nde g̃a mo'emo'ẽi. Yvyakotyve'g̃a gwyg̃agwyripeve'g̃a hugwi nhaporemo nde g̃a mo'emo'ẽi. Nahã ko nde yvyakotyve'g̃a mo'emo'ẽi Tupana'ga pe, ei g̃a onhimby'yita.

Revelation 5:13 in Tenharim

13 Kiro ji henduvi Tupana'ga rembiapohara'g̃a nhaporemo – kiroki g̃a oko yvagi pe yvya koty no yvya gwyri pe no ypiahua ruvihava pype no mbatera pavẽi. G̃ahã mbatera pavẽi e'i pa: —Tohoryory hete ti ga'apykavareheve'ga jipi cordeiro'jave'ga pavẽi. G̃ahã ti timbohete jipi. G̃ahã ti timboukwaha jipi tikatu hete ti g̃a javo. G̃ahã ti toko nhanderuvihavuhuhetero jipi. A'ea nhande ei ga'apykavareheve'ga mboheteavo nhanderuvihavuhuhete'ga mboheteavo. A'ea nhande ei cordeiro'jave'ga mboheteavo no, ei g̃a mbatera pavẽi. A'ea rehe nhaporemo Tupana'ga rembiapohara'g̃a nhaporemo g̃a nhi'ig̃i javo mbatera pavẽi.

Revelation 7:12 in Tenharim

12 A'ero g̃a ei: —Na tuhẽ! Amém! Tohoryory ti Tupana'ga nhanderuvihavuhuhete'ga. Gaha ti timboukwaha hete tikatu hete ti ga javo. Gaha ti tokwaha hete onhimombaragwahava. Ga pe ti xa'e: Ndepyry hete nde ore pokoga. Gaha ti timbohete. Gaha ti toko nhanderuvihavuhuhete'ga. Gaha ti tipopoaka hete. Na tuhẽ ti nhanderuvihavuhuhete'ga toko avuirama nehẽ. Na tuhẽ! Amém! ei Tupana'gapyrive'g̃a Tupana'ga mombe'gwovo.

Revelation 13:8 in Tenharim

8 Jihi, João, akwaha aere'ĩva'ea ikwatija. Ikwatija ji ei: Yvyakotyve'g̃a nhaporemo ti yhyapypeva'ea mbohetei ojikoga hehe nehẽ – kiroki g̃a ndojikogi Tupana'ga rehe ikwatijarukare'yma ga pe ojera livro pype, a'e ji ikwatija. G̃andera Tupana'ga ndokwatijari livro pype yvagi pe tuhu ti g̃a ji pyri okovo avuirama jave'yma. Livro ko cordeiro'jave'ga apoa. Gaha Tupana'ga omombe'u yvya apohava renonde aerẽ ti ga ojijukauka nehẽ javo, a'e ji ikwatija aere'ĩva'ea.

Revelation 19:1 in Tenharim

1 Tupana'gapyrive'ga hepiukapavirẽ ji ve ji hahyahiva'ea renduvi. He'yjuhuve'g̃a po ohapukai yvagi pe, a'e ji henduvame. Nahã g̃a ei: —Timbohete ti Tupana'ga nhanderuvihavuhuhete'ga! Tupana'ga ojiheve'g̃a ndekote'varuhua mombohetei g̃a mombyryva avuirama. Kiro ti ga g̃a nderohoukari ojipyri yvagi pe nehẽ. Gaha ti timboukwaha hete tikatu hete ti ga javo. Gaha ti timbohete. Gaha ti toko nhanderuvihavuhuhetero opopoakahetero.