Revelation 17:16 in Tenharim

16 —Akwaimbae'g̃a upaharahẽa – akojahẽa nde erehepia – hehẽa ipopoaka yvyakotyve'g̃a nduvihavuhu'g̃a mondomondopavuka g̃wemimbotarimova'ea rupi okovo g̃anduvihavuhuro tuhẽ, ei Tupana'gapyrive'ga. —Dezva'ea yhyapypeva'ea ratĩa – akoja nde erehepia, akoja ko yvyakotyve'g̃a nduvihavuhuro – g̃ahã ti noarõhetei akwaimbae'g̃a upaharahẽa nehẽ yhyapypeva'ea pavẽi nehẽ, ei Tupana'gapyrive'ga ji ve. Nurã ti g̃a hẽa mbotegwetei hẽapopoakara mombiga hẽambatera pyhyga hẽa hugwi nehẽ. Tata pyvõ ti g̃a hẽa mbokaipavi nehẽ. Cidadeuhua ji amombe'u hẽa mombe'urame, ei Tupana'gapyrive'ga imombe'gwovo ji ve. Nahã ti g̃a cidade rerekoi imbokaipava nehẽ. A'ereki nanongara Tupana'ga opota g̃wemimbotarimova'ea arõuka g̃a pe g̃andeaporog̃ita mbojoyvyyvyre'ymuka. Nahã ga ei: “Tombojoyvyyvyryme ti yvyakotyve'g̃a nduvihavuhu'g̃a ojeaporog̃ita yhyapypeva'ea pokoga okovo a'ea nhi'ig̃a rupi nehẽ,” ei Tupana'ga. Nahã ti Tupana'ga g̃a nderekoi nehẽ toho ti nhinhi'ig̃a apiavo javo, ei Tupana'gapyrive'ga imombe'gwovo ji ve.

Other Translations

King James Version (KJV)

And the ten horns which thou sawest upon the beast, these shall hate the whore, and shall make her desolate and naked, and shall eat her flesh, and burn her with fire.

American Standard Version (ASV)

And the ten horns which thou sawest, and the beast, these shall hate the harlot, and shall make her desolate and naked, and shall eat her flesh, and shall burn her utterly with fire.

Bible in Basic English (BBE)

And the ten horns which you saw, and the beast, these will be turned against the evil woman, and will make her waste and uncovered, and will take her flesh for food, and will have her burned with fire.

Darby English Bible (DBY)

And the ten horns which thou sawest, and the beast, these shall hate the harlot, and shall make her desolate and naked, and shall eat her flesh, and shall burn her with fire;

World English Bible (WEB)

The ten horns which you saw, and the beast, these will hate the prostitute, and will make her desolate, and will make her naked, and will eat her flesh, and will burn her utterly with fire.

Young's Literal Translation (YLT)

and the ten horns that thou didst see upon the beast, these shall hate the whore, and shall make her desolate and naked, and shall eat her flesh, and shall burn her in fire,

Cross Reference

Revelation 16:12 in Tenharim

12 Kiro ojipe'ga seteve'g̃a nde'yja'ga heka'vogi Tupana'ga nhimonha'ngahetea ojipea hugwi nhaetingy'a'java'ea hugwi. Seis ko g̃anembiheka'vogagwera a'ero. Paranauhũa ruvihava rehe rio Eufrates rehe ga heka'vogi. Paranauhũa ruvihava rio Eufrates ty pa onhimboavujikwea a'ero tuhu ti kwara porakotyve'g̃a nduvihavuhu'g̃a yvya pikag̃a rupi javo.

Revelation 17:1 in Tenharim

1 Kiro Tupana'gapyrive'ga ruri ji pyri seteve'g̃a nde'yja'ga – kiroki seteve'g̃a gwereko nhaetingy'a'java'ea yvagipeve'g̃a. Ji ve ga nhi'ig̃i javo: —Herejo, ei ga. Kiro ti ji ipopoakavehẽa repiukari nde ve nehẽ Tupana'ga erame hẽa pe: “Ereko te'varuhu nde. Eho ti a'ero tata pype hahyva'ea ruvihava pype.” A'ea ti Tupana'ga ei hẽa pe nehẽ – kiroki akwaimbae'g̃a upaharahẽa oapy ypiahua arimo ypiahua ruvihava arimo no paranauhũa arimo no. Onhimongyheteuhu yhya. A'ea arimo nhaporemo hẽa apygi oina.

Revelation 17:10 in Tenharim

10 Seteva'ea yhyapypeva'ea akag̃a, a'e ko ji seteve'g̃a pe no g̃anduvihavuhu'g̃a pe yvyakotyve'g̃a nduvihavuhu'g̃a pe, ei Tupana'gapyrive'ga. Cincove'g̃a seteve'g̃a nde'yja'g̃a ndokoa'javi yvyakotyve'g̃a nduvihavuhuro. Ojipejive'ga seteve'g̃a nde'yja'ga oko g̃anduvihavamo kiro. Ojipe'ga seteve'g̃a nde'yja'ga ndokoi ve g̃anduvihavuhuro. G̃anduvihavuhuro okorame ti ga topytaahi'vi okovo g̃anduvihavuhuro, ei Tupana'gapyrive'ga imombe'gwovo ji ve.

Revelation 17:12 in Tenharim

12 —Dezva'ea yhyapypeva'ea ratĩa – akoja nde erehepia – a'ea ji ei dezve'g̃a pe yvyakotyve'g̃a nduvihavuhu'g̃a pe, ei Tupana'gapyrive'ga. G̃a ndokoi ve g̃anduvihavuhuro. Aerẽ ti yhyapypeva'ea g̃a mongoahi'vi nehẽ toko ti g̃a g̃anduvihavuhuro javo. Uma hora rupi jate ti g̃a ndekoahi'vi g̃anduvihavuhuro yhyapypeva'ea pavẽi nehẽ, ei Tupana'gapyrive'ga.

Revelation 18:8 in Tenharim

8 Nurã ti karugwara ruri g̃a pe nehẽ. Kotihĩ ti turi karugwara he'yjuhuva'ea g̃a pe ara rupi ve nehẽ. Omano ti g̃a nehẽ. Ojehe'o ti g̃a okoveveuhuavo nehẽ. Ahã tuhẽ ti mbatera g̃a pe nehẽ. Ty'arateuhua ti g̃a jukai nehẽ. Tata ti g̃a mbokaipavi nehẽ. Nahã nhaporemo ti g̃a pe ara rupi ve nehẽ. A'ereki Tupana'ga ipopoaka hete nhandepojykaharete'ga. Gaha ti omondouka karugwara g̃a pe g̃a ndekote'varuhuro g̃waramo, ei ga.

Revelation 18:16 in Tenharim

16 —G̃a ti e'i nehẽ: “Ite'va! Ite'va cidadeuhupeve'g̃a pe – kiroki g̃a omongi tapy'ynhapipyryva linho apopyra, tapy'ynhapig̃wag̃ahiva'ea no, tapy'ynhapig̃wag̃uhũva'ea no. He'yjuhuva'ea g̃a imongi ombojigwahava ouro apopyra, itakatua no pérolas no.

Revelation 18:19 in Tenharim

19 A'ero ti g̃a imombori otimbuguhua oakag̃a rehe nehẽ orokoveveuhu ore javo. Ovy'are'yma ti g̃a jehe'oi g̃a ndehe nehẽ. E'i ti g̃a nehẽ: “Ite'va! Ite'va cidadeuhupeve'g̃a pe! – kiroki g̃a omombate yharuhua jara'g̃a ipyhyga g̃ambaterahetea pyryva'ea g̃a hugwi imondovo itambere'ia g̃a pe. Kotihĩ tuhẽ uma hora rupi tuhẽ oka'nhymba g̃a hugwi g̃a mbokaipavame.” A'ea ti mbatera ma'ẽhara'g̃a ei nehẽ, ei Tupana'gapyrive'ga imombe'gwovo.

Revelation 19:18 in Tenharim

18 Penhimono'ono'õ ti ti'u ti g̃anda'oa javo yvyakotyve'g̃a nduvihavuhu'g̃a nda'oa soldados'g̃a nduvihavuhu'g̃a nda'oa no ipopoakaheteve'g̃a nda'oa no cavalos ra'oa no cavalos arimove'g̃a nda'oa no. Penhimono'õ ti ti'u ti g̃anda'oa nhaporemo javo – kiroki g̃a oporavyky ojive jate ipiro'yve'g̃a, kiroki ipiro'ye'ỹve'g̃a g̃a g̃a mboporavykyuka g̃a mbopohirukare'yma ojihugwi. Pe'u ti okoteheve'g̃a nda'oa g̃anduvihavuhu'g̃a nda'oa no, ei Tupana'gapyrive'ga ipepova'ea pe.