Matthew 22:43 in Tenharim

43 Kiro Jesus'ga ei g̃a pe: —Na tuhẽ. Cristo'ga ko Daviva'ea rymymino'ga. Emo Tupana'ga ra'uva ombo'e Daviva'ea Cristo'ga ko ndepojykaharetero oko javo ga pe. Maraname Daviva'ea e'i Cristo'ga pe ga ko jipojykaharetero oko javo Cristo'ga rekorame Daviva'ea rymyminoro? Ymyahũ Daviva'ea okwatija a'ea mombe'gwovo inog̃a. Ikwatijarame ahe ei hako:

Other Translations

King James Version (KJV)

He saith unto them, How then doth David in spirit call him Lord, saying,

American Standard Version (ASV)

He saith unto them, How then doth David in the Spirit call him Lord, saying,

Bible in Basic English (BBE)

He says to them, How then does David in the Spirit give him the name of Lord, saying,

Darby English Bible (DBY)

He says to them, How then does David in Spirit call him Lord, saying,

World English Bible (WEB)

He said to them, "How then does David in the Spirit call him Lord, saying,

Young's Literal Translation (YLT)

He saith to them, `How then doth David in the Spirit call him lord, saying,

Cross Reference

Mark 12:36 in Tenharim

36 A'ereki Daviva'ea tuhẽ omombe'u nhog̃wenonde hako. Nahã ahe ei hako: “Tupana'ga e'i jipojykaharete'ga pe: ‘Eapy ji pyri ekovo huvihavamo,’ ei ga,” ei ahe. “‘Tamongo ti nearõe'ỹve'g̃a neremimbotarimova'ea rehe.’ A'ea Tupana'ga ei jipojykaharete'ga pe,” ei Daviva'ea ikwatija hako, ei Jesus'ga. A'ereki Tupana'ga ra'uva Daviva'ea mbo'euka a'ea rehe ikwatijaruka hako, ei ga g̃a pe.

Luke 2:26 in Tenharim

26 A'ero i'ei ahe ve: “Nde manoe'ymame po ti Tupana'ga Cristo'ga repiukari nde ve nehẽ. Gaha Tupana'ga ombuhu toko ti ga nderuvihavuhuhetero javo,” e'i Tupana'ga ra'uva ymya ahe ve.

Acts 1:16 in Tenharim

16 Igwete ga ei g̃a pe: —Nhiirũ, ymyahũ ko Tupana'ga ra'uva okwatijaruka Daviva'ea pe hako, ei Pedro'ga g̃a pe. A'ero Daviva'ea ikwatijari aerẽva'ea Judasva'ea mombe'unhog̃wenondeavo hako – kiroki ahe soldados'g̃a nderoho Jesus'ga pyhygauka ikwehe, ei ga. Judasva'ea oko tuhẽ Daviva'ea nhi'ĩpo'ruavo, ei Pedro'ga g̃a pe.

Acts 2:30 in Tenharim

30 —Daviva'ea ko Tupana'ga nhi'ig̃a mombe'uharamo oko, ei ga. Igwete Tupana'ga ikwahavukari aerẽva'ea Daviva'ea pe hako. Ga omombe'u nhog̃wenonde ahe ve Cristo'ga rekoag̃wama a'ero, ei ga. Nahã Tupana'ga ei Daviva'ea pe hako: “Tupanamo ji ei nde ve kiro,” ei ga onhinoina. “Aerẽ ti nde javijitehe nerymymino'ga israelitas'g̃a nduvihavuhuhetero toko nehẽ,” ei Tupana'ga ahe ve hako, ei ga.

Hebrews 3:7 in Tenharim

7 Tupana'gareheva'ero pejikovo g̃waramo pehendu katu ti ganhi'ig̃a – kiroki a'ea gara'uva omombe'u Tupana'ga rembikwatijarukara. Tupana'ga ra'uvapyryva e'i: “Po ag̃wamo pe Tupana'ga nhi'ig̃a renduvi, a'ero ti peko hete ganhi'ig̃a rehe hendukatuavo. Tapekoi ti penhamonhava'ea ja – kiroki ahe nohendukatupotari Tupana'ga nhi'ig̃a jipi opohipota ga hugwi,” e'i Tupana'ga ra'uva. “A'ea rupi ongae'ỹi me penamonhava'ea rekote'varuhui mara'ngu po ti Tupana'ga onhi'ig̃a rendukatue'yma raykavo nehẽ javo.

2 Peter 1:21 in Tenharim

21 Yvyakotyva'ea remimbotarimo rũi ahe omombe'u Tupana'ga nhi'ig̃a ikwatija hako. Ahe nomombe'uangavi a'ea aheremimbotarimo. Tupana'ga ra'uva remimbotarimo ki a'e te ahe omombe'u Tupana'ga nhi'ig̃a inog̃a hako.

Revelation 1:10 in Tenharim

10 Pevo Tupana'ga ra'uva ji pojykakatui domingo rupi. Jirakykwera koty ji henduvi ganhi'ig̃ahyahiva. Trombeta ja ga nhi'ig̃ahyahivi javo:

Revelation 4:2 in Tenharim

2 Kotihĩ Tupana'ga ra'uva ji pojykakatui ji rerogwovo yvagi pe. Nanime pevo yvagi pe aheruvihavuhuhete'ga apykavakatua g̃a omondo imohina. A'ea rehe ga'apykavareheve'ga apygi okovo aheruvihavuhuhetero ahe mongomongovo onhi'ig̃a rupi.