Luke 1:78 in Tenharim

78 Nahã po ti nehẽ. A'ereki Tupana'ga omombyry nhande ve nhande repiakatuavo. Opyryvamo g̃waramo po ti ga ipopoakaheteve'ga mbuhurukari nhande pyri yvaga hugwi nehẽ.

Other Translations

King James Version (KJV)

Through the tender mercy of our God; whereby the dayspring from on high hath visited us,

American Standard Version (ASV)

Because of the tender mercy of our God, Whereby the dayspring from on high shall visit us,

Bible in Basic English (BBE)

Because of the loving mercies of our God, by which the dawn from heaven has come to us,

Darby English Bible (DBY)

on account of [the] bowels of mercy of our God; wherein [the] dayspring from on high has visited us,

World English Bible (WEB)

Because of the tender mercy of our God, Whereby the dawn from on high will visit us,

Young's Literal Translation (YLT)

Through the tender mercies of our God, In which the rising from on high did look upon us,

Cross Reference

John 3:16 in Tenharim

16 A'ereki Tupana'ga oarõ hete yvyakotyve'g̃a. A'ero ga gwa'yra'ga mbuhuri yvyakotyve'g̃a pyri ikwehe. Gara'yra'ga ko ojipeji hete ko ga rekoi ga pe. Emo Tupana'ga ga mbuhuri nhande pyri ga momanomouka nhande repyga toho ti g̃a yvagi pe nehẽ javo. Nurã nhandejikogame Tupana'ga ra'yra'ga rehe po ti nhande rekoi Tupana'ga pyri avuirama nehẽ. Ndiahoi po ti nhande hahyva'ea ruvihava pype a'ero nehẽ nhanemanorame nehẽ.

Ephesians 2:4 in Tenharim

4 Tupana'ga nhande arõ hete ranuhũ reki. Nurã ga nhande porogwetyhetei.

Ephesians 5:14 in Tenharim

14 Nurã Tupana'ga rembikwatijarukara i'ei: “Pema'ẽ ti ikwahaheteavo! A'ereki pe ndapekwahavi g̃a ja – kiroki g̃a oki upa ikwahave'yma. Pendeaporog̃ita tiruahũ. Nurã Tupana'ga pe pe ndekoi omanove'g̃a ja ga kwahave'yma g̃waramo. Pejirokwa ti imbopyahuuka pejeaporog̃ita Cristo'ga pe! A'ero ti ga imboukwahavi pe me pendekote'varuhua. A'ero ti pe pohiri pejikote'varuhua hugwi pejikoga ga rehe nehẽ,” ei Tupana'ga rembikwatijarukara.

Philippians 1:8 in Tenharim

8 Jesus Cristo'ga py'a ja hete pe. Nurã jipy'a ja hete pe no. Tupana'ga okwaha nhi'mbee'yma.

Philippians 2:1 in Tenharim

1 Pejikoty'aro g̃waramo Cristo'ga pavẽi a'ea pe mbojirokwa mbatera rehe. Cristo'ga remiarõro g̃waramo pepy'a u katu no. Pejogwereko katu pe Tupana'ga ra'uva pavẽi. Pejopy'a pe ojo'ja hete. Pejoporogwety pe no.

Colossians 3:12 in Tenharim

12 Nurã pejikovo Jesus'gareheva'ero ti peko katu. A'ereki Tupana'ga oko hete pe ndehe pe arõheteavo. Ga pe mo'emo'ẽ toko ti g̃a Jesus'gareheva'ero okokatuavo javo. Pejoporogwety po ti pe hamo hahyrame pe me nehẽ. Pepyry ti pejohupe. Tapenhimbohetei ti. Penhimog̃atyrõ ti. Penhimomirana ti penhimonha'ngae'yma pejikokatuavo pejohupe. Ojipe'ga rekote'varuhurame nde ve terehenonha'javi garekote'varuhua ejive. Nahã ti tapehenonha'javi pejikote'varuhua pejohupe. A'ereki imomborirẽ Cristo'ga nohenonha'javi pendekote'varuhua. Na jitehe ti tapehenonha'javi pejikote'varuhua pejohupe.

2 Peter 1:19 in Tenharim

19 Igwete Tupana'ga nhi'ig̃a mombe'uharava'ea heroviarukari tuhẽ nhande ve no ikwatijarame Cristo'ga mombe'gwovo. Pejapyaka po pe a'ea rehe hamo. Nhande herekorame nhanderyapehava ypytunimo, a'ero nhande ikwahavi hepiaga. Na jitehe nhande herekorame aherembikwatijara nhandejapyakavo hehe, a'ero nhande ikwahavi a'itituhẽva'ea. Ko'ema rupi nhande ikwahahetei mbatera repiaga. Na jitehe ura'java rupi po ti Cristo'ga ikwahavukahetei nhande ve nehẽ. Cristo'ga ko jaytata'iuhua ja huvihavava'ea ja – kiroki omomytu'emba ko'ema koty. A'ea javijitehe po ti Cristo'ga imomytu'embavi nhaneakag̃i pe nehẽ.

1 John 3:17 in Tenharim

17 Po imbateve'ga gwepia oirũ'g̃a mbatere'ymame. Po imbateve'ga ndoporogwetygi g̃a, a'ero po ga etehei: “A'arõ hete ji Tupana'ga.” Ga noarõi tuhẽ reki Tupana'ga. A'ereki ga noarõi oirũ'g̃a porogwetyge'yma.

1 John 4:9 in Tenharim

9 Tupana'ga omboukwaha g̃wemiarõhetea nhandepyteri pe. A'ereki ga ombuhuruka gwa'yra'ga. Ojipeji hete gara'yra'ga. Igwete ga ga mbuhurukari yvya koty tomongo ti ga g̃a ji pyri avuirama javo.

Revelation 22:16 in Tenharim

16 —Jihi ko Jesus, ei ga. Jihi amondo jijipyrive'ga pe pyri tomombe'u ti ga nhinhi'ig̃a g̃a pe javo. A'ero ti pemombe'u garemimombe'ua ojipe'g̃a pe – kiroki g̃a ojatyka Tupana'ga mboheteavo hendukatuavo ganhi'ig̃a. Daviva'ea ko nhiremboypya. Ji ko Daviva'ea rakykwepoharamo no. Ji ko jaytata'iuhua ja – kiroki hendy'jandy'ja ko'ema koty, ei Jesus'ga.