2 Corinthians 8:4 in Tenharim 4 “Na ore imondoi ojipe'g̃a pavẽi nhaneirũ'g̃a pe Tupana'ga remimo'ẽhara'g̃a pe,” ei g̃a ore ve imondopotaheteavo. “A'ereki ahã g̃a pe ogwyri pe Judéia pe. Peroho ti g̃a pe a'ero,” ei Macedôniapeve'g̃a gwyripeve'g̃a ore ve ikwehe.
Other Translations King James Version (KJV) Praying us with much intreaty that we would receive the gift, and take upon us the fellowship of the ministering to the saints.
American Standard Version (ASV) beseeching us with much entreaty in regard of this grace and the fellowship in the ministering to the saints:
Bible in Basic English (BBE) Seriously requesting us that they might have a part in this grace of being servants to the needs of the saints:
Darby English Bible (DBY) begging of us with much entreaty [to give effect to] the grace and fellowship of the service which [was to be rendered] to the saints.
World English Bible (WEB) begging us with much entreaty to receive this grace and the fellowship in the service to the saints.
Young's Literal Translation (YLT) with much entreaty calling on us to receive the favour and the fellowship of the ministration to the saints,
Cross Reference Matthew 10:42 in Tenharim 42 —Imombe'ukatuavo ji ei pe me: Po g̃a omondo yhya vehevi iroyxag̃ahiva'ea ipyahuve'ga pe nhiremimbo'ehara'ga pe to'u ti ga javo. Po g̃a imondoi ga pe ga ko oko Jesus'ga remimbo'eharamo javo – g̃a pe po ti Tupana'ga ikwepykava imondoi a a'ero nehẽ, ei Jesus'ga.
Matthew 12:50 in Tenharim 50 Kiroki g̃a jiruva'ga nhi'ĩpo'ru yvagipeve'ga nhi'ĩpo'ru – g̃a pe ji ei nhiirũ'g̃a. A'e ji g̃a pe no nhirendyra'g̃a. Nhiy'g̃a a'e ji g̃a pe no, ei Jesus'ga.
Matthew 25:40 in Tenharim 40 —A'ero po ti ji ei g̃a pe jirekorame g̃anduvihavuhuhetero nehẽ: Imombe'ukatuavo ji ei pe me: Pe nhiirũ'ga pokokaturame jihi tuhẽ pe ji poko katu a'ero. Po okoteheva'ero ga rekoi novĩa nhiirũ'ga jireheve'ga. Pe ga pokokaturame jihi tuhẽ pe ji poko katu a'ero, a'e po ti ji Tupana'ga nhi'ig̃arupive'g̃a pe nehẽ, ei Jesus'ga.
Matthew 25:44 in Tenharim 44 —A'ero po ti g̃a ei ji ve nehẽ opojykaharetea pe nehẽ: “Maranime ore nde repiagi ty'ara nde jukarame?” e po ti g̃a nehẽ. “Ndorohepiagi tuhẽ reki ore. Maranime ore nde repiagi nde ygweirame? Maranime ore nde repiagi nde rekorame hajiheva'ero ore ve? Ndorohepiagi tuhẽ reki ore,” e po ti g̃a ji ve nehẽ, ei Jesus'ga. “Maranime ore nde repiagi nde pire'ymame? Maranime ore nde repiagi nde tetirũarame?” e po ti g̃a ji ve nehẽ, ei Jesus'ga. “Maranime ore nde repiagi nde rekorame cadeia pype? Nahanahã nde rekorame ore ndorohepiagi tuhẽ reki. Nurã ore ndoropokogi nde,” e po ti g̃a ji ve nehẽ, ei Jesus'ga.
Mark 14:7 in Tenharim 7 Nane'ymi po g̃a ndekoi pe pavẽi imbatere'ỹve'g̃a jipi. Pe g̃a pokopotarame po pe g̃a pokogi jipi. Ji po ti a'ea nakombegwei pe pyri nehẽ, ei Jesus'ga g̃a pe.
John 19:26 in Tenharim 26 Kiro Jesus'ga o'yembora repiagi a'ero g̃wemimbo'ehara'ga reheve g̃wemiarõhara'ga reheve. A'ero ga ei o'yembora pe: —Ha'i, ei ga. Gaha po ti oko ndera'yra ja nehẽ ji py'rovo nehẽ, ei ga ahe ve.
Acts 6:1 in Tenharim 1 Igwaigwavete ojipe'g̃a jikogi Jesus'ga rehe onhimongyavo. Aerẽ g̃a nhonhi'ig̃ayvari reki judeus'g̃a. Kiroki g̃a grego g̃anhi'ig̃a – g̃a onhi'ig̃ahy g̃a pe – kiroki g̃a aramaico g̃anhi'ig̃a. —G̃a ndoporakakatui aherembirekokwera'g̃a, ei g̃a g̃a pe. Nomondokatui g̃a orere'yja'g̃a pe mbatera ma'ema'ẽrame jipi, ei g̃a – kiroki g̃a grego g̃anhi'ig̃a.
Acts 9:39 in Tenharim 39 A'ero Pedro'ga ruri g̃a ndupi. Ga vahemame g̃a ga rerojiupiri onga jo'ari pe. Igwete aherembirekokwera'g̃a Pedro'ga atimani o'ama ojehe'gwovo Tabitahẽa rehe omano ahe ore hugwi javo. Igwete g̃a hepiukari opira ga pe hẽarembiapoagwera i'arimova'ea igwyriva'ea no. A'ea hẽa omboja g̃a pe jipi okorame g̃a pavẽi.
Acts 11:29 in Tenharim 29 Nahã Ágabo'ga imombe'unhog̃wenondei Jesus'gareheve'g̃a pe. A'ero g̃a ei ojohupe: —Timondo ti itambere'ia nhaneirũ'g̃a pokoga Judéia pe a'ero, ei g̃a. A'ero g̃a imondomondoi. Kiroki g̃a he'yi gwereko – he'yi g̃a omondo. Kiroki g̃a mokonhete gwereko – mokonhete'i g̃a omondo. Igwete g̃a imondoi Barnabé'g̃a pe togweroho ti g̃a Judéiapeve'g̃a gwyripeve'g̃a pe javo. Aerẽ Barnabé'g̃a herohoi Judéia pe Saulo'ga pavẽi imondovo Jesus'gareheve'g̃a ndepiakatuhara'g̃a pe.
Acts 16:15 in Tenharim 15 Aerẽ ore hẽa mobatizai a'ero. Ore hẽarongapypeve'g̃a mobatizai no. Aerẽ hẽa ei ore ve: —Pekwaha pe kiro jijikoga nhandepojykaharete'ga rehe, ei hẽa. Nurã pejijo tuhẽ nhironga pype pejipytavo, ei hẽa ore ve. A'ero ore hẽa mbopogwei orogwovo hẽaronga pe oropytavo.
Acts 24:17 in Tenharim 17 —Ambokwara'ara'ja'ja ji jitekove'ỹ Jerusalém me, ei ga Félix'ga pe. Ag̃wamo jate ji hoa'javi pevo itambere'ia rerogwovo jire'yja'g̃a pe imbatere'ỹve'g̃a pe oji'i. Mbatera ji herohoi no takwava'ẽ ti Tupana'ga pe javo, ei ga ga pe.
Romans 15:25 in Tenharim 25 Kirog̃we po ti ji hoi na'ẽ Jerusalém me tapoko ti Cristo'gareheve'g̃a pevo.
Romans 15:31 in Tenharim 31 Nahã ti pe'ji ga pe: “Apĩ, ea'ngu ti Paulo'ga ga horame Judéiapeve'g̃a gwyri pe tojukayme ti g̃a ga pevo. A'ereki g̃a ndojikogi Cristo'ga rehe,” pe'ji ti ga pe. “Kiro po ti Paulo'ga herohoi judeus'g̃arũive'g̃a itambere'ia Cristo'gareheve'g̃a pe judeus'g̃a pe Jerusalém me nehẽ. Ga herohorame g̃a pe embohoryory ti g̃a judeus'g̃arũive'g̃a itambere'ia rehe topyhy ti g̃a Paulo'ga hugwi javoji,” pe'ji ti Tupana'ga pe ji repyga, a'e hete ji pe me.
1 Corinthians 16:1 in Tenharim 1 Ta'e ti kiro pe me itambere'ia mono'ono'og̃a pe – akoja po ti nhande timondo Cristo'gareheve'g̃a pe imbatere'ỹve'g̃a pe Judéiapeve'g̃a gwyri pe. A'e ji Cristo'gareheve'g̃a pe Galáciapeve'g̃a gwyri pe itambere'ia rehe ikwehe. Nahã ti peko javo ji ei g̃a pe. Kiro ji ei jitehe pe me no: Nhirembi'ea rupi po ti peko no hamo.
1 Corinthians 16:3 in Tenharim 3 Jihorame po ti ji a'ea imondoukari penemimo'ẽhara'g̃a pe nehẽ togweroho ti g̃a Jerusalémmeve'g̃a pe nehẽ. Togweroho ti g̃a g̃a pe ikwatijara no – kiroki omombe'u g̃andekokatua. A'ero po ti g̃a imondoi itambere'ia ikwatijara reheve Jerusalémmeve'g̃a pe nehẽ.
1 Corinthians 16:15 in Tenharim 15 Pekwaha pe Estéfanas'g̃a. Ga na'ẽ ojiko Cristo'ga rehe g̃wongapeve'g̃a pavẽi ikwehe – perope Acaiapeve'g̃a gwyri pe. Onhimondo g̃a onhimboporavykyavo Cristo'gareheve'g̃a pokopokoga jipi. Nhiirũ, a'e hete ji pe me tapehendu katu ti nanongara'g̃a nhi'ig̃a pejikovo hupi. Pehendu katu ti jara'g̃a nhi'ig̃a no – kiroki g̃a Cristo'gareheva'ero oporavyky hete ojipe'g̃a pokopokoga jipi.
2 Corinthians 8:18 in Tenharim 18 Kiro ore ojipe'ga mondoi Tito'ga rupi pe pyri no. Ga ko nhaneirũ'ga ojikoga g̃waramo Cristo'ga rehe. Cristo'gareheve'g̃a nhaporemo ga kwaha hete pyry hete ga javo. A'ereki ga Cristo'ga mombe'u katu katu jipi.
2 Corinthians 9:1 in Tenharim 1 Akwatija tehe ji kiro pe me itambere'ia mondoa mombe'gwovo – kiroki a'ea ore orogweroho pota Tupana'ga remimo'ẽhara'g̃a pe Judéia pe.
2 Corinthians 9:12 in Tenharim 12 A'ereki pe imondorame Tupana'ga remimo'ẽhara'g̃a pe imbatere'ỹve'g̃a pe g̃a pe jate rũi pe imombyryvi. Tupana'ga pe pe imombyryhetei no. A'ereki he'yjuhuve'g̃a ga mbohete hete ndepyry hete nde imbuhuruka ore ve javo.
Galatians 2:10 in Tenharim 10 Igwete g̃a ei ore ve: “Tapemoka'nhymi ti imondovo mbatera Jesus'gareheve'g̃a pe – kiroki g̃a ndogwerekoi avo oregwyri pe,” ei g̃a. “A'ea pe jate ko ore ei pe me,” ei g̃a ore ve. Ji namoka'nhymi tuhẽ jijirokwa g̃a ndehe imondomondovo mbatera g̃a pe jipi.
Galatians 6:10 in Tenharim 10 Nhanderekorame g̃a pavẽi xako katu ti g̃a pe nhaporemo a'ero, g̃a pe kaitu Jesus'gareheve'g̃a pe.
1 Timothy 5:10 in Tenharim 10 Ojipe'g̃a omombe'u katu aherembirekokwera'g̃a nahã g̃a ojipe'g̃a poko katu gweaporog̃itakaturo jipi javo. Momi ko aherembirekokwera'g̃a mombe'ua: G̃a gwa'yra'g̃a ndereko katu g̃a monhimomboakakatuavo. Ymyagwera jate g̃a horyory hajiheve'g̃a ndehe g̃a mboapyga g̃a mbuhuruka g̃wonga pe g̃a ndurame. Na jitehe g̃a Tupana'ga remimo'ẽhara'g̃a poko g̃a ndurame onga pe. G̃a g̃a poko g̃a nderekokatuavo – kiroki g̃a pe ite'varuhu. G̃a ojirokwa opyryvamo ojipe'g̃ape'g̃a pe jipi oporavykyparavuhuavo nahã g̃a pokopava jipi. Po nahã aherembirekokwera'g̃a ndekokatui – kiroki g̃a pe ndiporakahavi, a'ero pyry Jesus'gareheve'g̃a ikwatijari g̃andera g̃ahã nhande tipoko javo.
Philemon 1:5 in Tenharim 5 A'ereki ojipe'g̃a nde mombe'u ji ve. G̃a e'i: “Filemom'ga ojiko hete Jesus'ga rehe nhandepojykaharete'ga rehe. Oko hete ga Tupana'ga remimo'ẽhara'g̃a ndehe nhaporemo g̃a aromo,” ei g̃a nde mombe'gwovo.
Hebrews 6:10 in Tenharim 10 A'ereki Tupana'ga ahe rereko katu jipi ahe poravykykaturame ga pe. Nurã po ti ga nomoka'nhymi peporavykyagwera nehẽ. Peporavyky katu pe Tupana'ga remimo'ẽhara'g̃a pokoga ikwehe Tupana'ga arõhetero g̃waramo. Ag̃wamo vehevi pe g̃a pokogi. Peporavykypava Tupana'ga hepiagi okopyryvamo pe me.
1 John 3:16 in Tenharim 16 Cristo'ga onhikwava'ẽ omanomo nhande repyga nhande arõheteavo ikwehe. A'ero nhande ikwahavi kiro nahã ko ojipe'g̃a arõa javo. Nhande tiarõ hete nhaneirũ'g̃a a'ero hamo. Xa'eyme po nhande hamo: “Namanopotari ji. Nurã ji nanhikwava'eg̃i nhiirũ'g̃a ndepyga.” Xa'eyme ti a'ea. Xanhikwava'ẽ tuhẽ po nhande nhaneirũ'g̃a ndepyga hamo.