Romans 12:7 in Tacana 7 Ahua quebata Diusu ja ilisha sa emebajaji ichatana su, tuseda puji saida pia cuana mebaja taji. Ahua quebata Diusu ja ebuetsuaji ichatana su, tuseda puji saida buetsua taji.
Other Translations King James Version (KJV) Or ministry, let us wait on our ministering: or he that teacheth, on teaching;
American Standard Version (ASV) or ministry, `let us give ourselves' to our ministry; or he that teacheth, to his teaching;
Bible in Basic English (BBE) Or the position of a Deacon of the church, let a man give himself to it; or he who has the power of teaching, let him make use of it;
Darby English Bible (DBY) or service, [let us occupy ourselves] in service; or he that teaches, in teaching;
World English Bible (WEB) or service, let us give ourselves to service; or he who teaches, to his teaching;
Young's Literal Translation (YLT) or ministration -- `In the ministration!' or he who is teaching -- `In the teaching!'
Cross Reference Matthew 24:45 in Tacana 45 ‘Ete emetse ecuinanani su, pamapa mesa emebajaji cuana piada emebajaji emenajatiajusianatani saida pabata huecuana puji.
Matthew 28:19 in Tacana 19 Da putsu, meputique pamapa ejude cuana su aniji cristiano cuana peje su. Ema tije aji meatique huecuana. Diusu sa puji meichaderatique huecuana yahui neje. Daja meaque Tata Diusu, Ebacua, Espíritu Santo sa ebani su.
Luke 12:42 in Tacana 42 Jesús ja Pedro jeutsutana: —Quema jabuetsuati cuana quebata papu cuana sa puji. Ete emetse ecuinanani su, pamapa mesa emebajaji cuana piada emebajaji emenajatiajusianatani saida pabata huecuana puji.
John 3:2 in Tacana 2 Jesús peje su dhidha su putiana. Cuinati putsu, uja atana Jesús: —Ebuetsuaji, bahue ecuanaju mida Diusu peje jenetia pueana ecuanaju ebuetsua puji. Bahue ecuanaju Diusu mi neje yani, miada nimetiuda aida cuana yainia putsu.
Acts 6:1 in Tacana 1 Da tiempo su Cristo peje su jei eputani edue cuana dueji anitaina. Ebia su jajucuatitana huecuana. Beju judío jei eputani cuana duju su pia Grecia yahua jenetia edue cuana di anitaina. Griego yana su mimitaina huecuana. Aimue beidaji puana huecuana mahue, judío edue cuana ja aimue saida batana huecuana mahue putsu. Uja atana huecuana: —Aimue micuaneda griego ahue manujiji epuna edue cuana saida equinainia mahue. Tuna sa ediaji cuana aimue tupu etiainia mahue.
Acts 13:1 in Tacana 1 Beju Antioquía ejude su aniji jei eputani cuana duju su profeta, ebuetsuaji cuana anitaina. Tuneda da uja banime: Bernabé. Simón. Mesa esitu ebani da Negro puina. Lucio. Tueda Cirene ejude jenetia puina. Manaén. Tueda Echua Puji Herodes Felipe neje sehuana. Saulo.
Acts 20:20 in Tacana 20 Daja biame, yama micuana jabuetsuati saida cuana mue buetsuariji ana micuana sa saida puji. Jadhitati jude, cristiano cuana sa ete cuana su yama buetsuana huecuana.
Acts 20:28 in Tacana 28 Da su daja hue saida mepuderaniunetique Diusu butse su. Pamapa Cristo peje su jei eputani cuana di saida meduquinaque, tuneda da mesa dharejiji cuana putsu. Echua Puji ja mesa ami neje d'eji su atana huecuana. Espíritu Santo ja micuana ichatana ehuidusu huecuana puji.
1 Corinthians 12:28 in Tacana 28 Daja huecha Diusu ja mesa dharejiji cuana pamapa tsapiapiati ai mudu cuana tiatana tu emebaja puji. Beju equene piada piada tuneda apóstol cuana ichatana. Tije beju quisaquisa puji, ebuetsuaji, ai nimetiuda aji, esaisiameji, etsahuaji, ehuidusuji, bue mahue biame tsapiapiati yana cuana su mimiji cuana ichatana.
Galatians 6:6 in Tacana 6 Cristo jepuiti ebuetsuatitani cuana sa ebuetsuaji mecuana sa ai cuana neje tsahua taji.
Ephesians 4:11 in Tacana 11 Pamapa tusa dharejiji cuana tusa tucheda tiatana. Piada piada cuana apóstol ichatana. Pia cuana quisa puji ichatana Diusu peje jenetia ai quisa cuana quisa epu puji. Pia cuana mesa quisaquisa puji ichatana cristiano cuana cuaja d'eji su puta cua equisa puji. Pia cuana ehuidusuji ichatana. Pia cuana tusa jabuetsuti ebuetsuaji ichatana.
Colossians 1:28 in Tacana 28 Da putsu beju, ecuanaju Cristo jepuiti jubida quisaquisa epuani. Pamapa su ecuanaju equisainia, Cristo jepuiti ai cuana saida bahue paputa huecuana puji.
Colossians 4:17 in Tacana 17 Mequisaque edue Arquipo uja: “Diusu ja mi tiatana ya puji ai cuana beju aenipeque.”
1 Timothy 2:7 in Tacana 7 Da puji ema Diusu ja huaratiatana mesa quisa saida cuana quisaquisa epu puji. Judío mahue cuana peje su ema beitutana mesa jabuetsuati cuana tuna buetsua putsu, tu peje su jei yame huecuana puji.
1 Timothy 3:2 in Tacana 2 Beju ehuidusuji sa deja butsepi pu taji aimue aiya biame tueda patuaquisata mahue puji. Piada ehuaneji bahui mesa pu taji. Pamapa ai su jatupuati bahue pu taji. Saida jadusuti taji pamapa cristiano cuana neje. Ai hora papu perepereji cuana epuetani su, saida neje batsu taji. Diusu sa jabuetsuati cuana saida buetsua bahue pu taji.
1 Timothy 4:16 in Tacana 16 Mida quitaita jarejatique. Daja huecha mique jabuetsuati cuana su. Mique jabuetsuati cuana quitaita miada di aque. Pamapa ai su nimetucheda puderaque. Ahua daja miada yaderati su, mida d'eji su epu. Daja huecha mi id'abaji cuana d'eji su eputa.
1 Timothy 5:17 in Tacana 17 Ehuidusuji cuana ja edue cuana saida pahuidusuta. Saida pabuetsuatita huecuana. Saida Diusu sa quisa cuana pamimita huecuana. Meiyubaque ehuidusuji cuana. Saida chujetia taji huecuana.
2 Timothy 2:2 in Tacana 2 Pamapa yama mi tiana jabuetsuati cuana pia edue butsepi cuana miqueda buetsuadera taji. Daja huecha tuneda pia edue butsepi cuana macha buetsuaderata. Soldado nime tucheda jatucheati taji Jesucristo sa puji.
2 Timothy 2:24 in Tacana 24 Diusu sa emebajaji cuana sa mu aimue daja puniuneti taji mahue. Tuneseda saida pu taji cristiano cuana neje. Saida neje buetsua taji huecuana. Pamapa ai cuana su paciencia aidaji mecuana sa pu taji.
2 Timothy 4:2 in Tacana 2 Timoteo, Jesucristo, Tata Diusu detse butse su yama mi jubida ecuatsasiainia, daja hue cristiano cuana peje su quisaquisa puderaque Diusu sa quisa saida cuana. Pamapa hora su quepia mi eputiani je, quisaquisa puque. Paciencia neje Diusu sa jabuetsuati cuana edue cuana buetsuaque. Jubida butsepiaque huecuana. Diusu jepuiti quisaque huecuana.
1 Peter 5:1 in Tacana 1 Edue cuana sa ehuidusuji cuana, yama micuana equisainia, ya di micuana nime ehuidusuji putsu. Cristo curusu su sufri puana yama bana. Ema micuana neje tupupai huaraji aida, tucheda Cristo ja yametayu, tu epueicha su.