Luke 17:25 in Tacana

25 Equene quema ebia su sufri pu taji. Cristiano cuana ja ema tsada mahue ebata.

Other Translations

King James Version (KJV)

But first must he suffer many things, and be rejected of this generation.

American Standard Version (ASV)

But first must he suffer many things and be rejected of this generation.

Bible in Basic English (BBE)

But first, he will have to undergo much and be put on one side by this generation.

Darby English Bible (DBY)

But first he must suffer many things and be rejected of this generation.

World English Bible (WEB)

But first, he must suffer many things and be rejected by this generation.

Young's Literal Translation (YLT)

and first it behoveth him to suffer many things, and to be rejected by this generation.

Cross Reference

Matthew 16:21 in Tacana

21 Da hora jenetia Jesús ja mesa discípulo cuana quisapirutana cuaja pia cuana ja tu emanuameta. Jerusalén ejude su mesa puti taji quisatana huecuana. Judío cuana sa ehuidusuji, sacerdote huaraji aida, jacuatsasiati ebuetsuaji cuana ja cuaja Jesús ebia su sufri yameta quisatana huecuana. Cuaja tu emanuameta huecuana quisatana huecuana. Beju emanuameta huecuana su, quimisha tsine jaitianaja su, tueda eid'eyu manujiji cuana duju jenetia quisatana huecuana.

Matthew 17:22 in Tacana

22 Beju Jesús da mesa discípulo cuana neje Galilea yahua je epuniuneti cama, quisapirutana huecuana cuaja deja madhada cuana ja tueda menajatiame yata emanuame puji.

Matthew 20:18 in Tacana

18 —Beju Jerusalén ejude su ecuaneda epuhu. Tueda ejude su ema emenajatiata sacerdote huaraji aida, jacuatsasiati ebuetsuaji cuana peje su. Beju ema romano soldado cuana peje su emenajatiata huecuana ema pamanuameta huecuana puji.

Matthew 21:42 in Tacana

42 Da su Jesús ja atana huecuana: —¿Aimue jia maida micuaneda Diusu sa quirica mimiameana mahue? Uja derejiji yani: Ete muduji cuana ja yapiruji tumu jusiaderatana biame, tueda tumu macha beju Diusu ja dharetana. Tueda pia tumu cuana ebia su saida ametana. Tueda da nimetiuda ecuaneda ebainia.

Mark 8:31 in Tacana

31 Yasetaneti cama, Jesús ja tu jepuiti uja buetsuapirutana huecuana: —Ema da Diusu sa Jabeituti Deja. Ebia su sufri quema pu taji. Tata edhi ehuidusuji cuana, sacerdote aida, jacuatsasiati ebuetsuaji cuana ema tsada mahue ebata. Ema da emanuameta huecuana. Beju quimisha tsine jenetia ema enetianayu.

Mark 9:31 in Tacana

31 Jesús ja discípulo cuana uja atana: —Ema da Diusu sa Jabeituti Deja. Ema emenajatiata huecuana deja madhada cuana peje su cuana peje su ema pamanuameta huecuana puji. Beju quimisha tsine jenetia manujiji cuana duju jenetia ema enetianayu. Daja Jesús ja quisatana huecuana.

Mark 10:33 in Tacana

33 —Meid'abaque. Ecuaneda Jerusalén ejude su epuhu. Dapia sacerdote huaraji aida, jacuatsasiati ebuetsuaji cuana peje su ema emenajatiata. Romano soldado cuana peje su ema emenajatiata huecuana ema pamanuameta huecuana puji.

Mark 12:10 in Tacana

10 ‘Beju Diusu sa quirica su uja derejiji yani: Ete muduji cuana ja yapiruji tumu jusiaderatana biame, tueda tumu macha beju Diusu ja dharetana. Tueda pia tumu cuana ebia su saida ametana.

Luke 9:22 in Tacana

22 Ema da Diusu sa Jabeituti Deja biame, ebia su sufri pu taji. Beju judío cuana sa ehuidusuji, sacerdote, huaraji aida, jacuatsasiati ebuetsuaji cuana ja ema jusiadera putsu, emanuameta huecuana. Quimisha tsine ejaitiana su, ema eid'eyu manujiji cuana duju jenetia.

Luke 18:31 in Tacana

31 Jesús ja mesa discípulo cuana uja atana: —Jerusalén ejude su ecuanaju epuhu. Dapia ema emanuameta huecuana, cuaja Diusu sa profeta chenu cuana ja biahua tiempo deretaidha batame.

Luke 18:33 in Tacana

33 Tuneda ema eicheta. Equedi neje ema equid'uata. Daja a putsu, ema emanuameta huecuana. Quimisha tsine ejaitiana su, ema enetianayu manujiji cuana duju jenetia.

Luke 24:25 in Tacana

25 Da su beju Jesús uja atana tse: —Metseda beju bue mahue eni. Atadhada metseda profeta chenu cuana sa mimi cuana derejiji yani su jei epu puji.

Luke 24:46 in Tacana

46 Uja atana huecuana: —Uja da derejiji yani: “Cristo manu putsu, quimisha tsine jenetia eid'eyu.

John 1:11 in Tacana

11 Mesa judío cristiano quitaita cuana peje su pueana biame, aimue batsutana huecuana mahue.

John 12:38 in Tacana

38 Tuna jepuiti Diusu sa profeta Isaías chenu ja quirica su uja deretaidha: Diusu, aimue aiya biame ecuanaju sa mi jepuiti quisa su jei putana mahue. Miada mique tucheda bameana biame, aimue jei puja putana mahue.