James 5:16 in Tacana 16 Da putsu, micuana sa ai jaati madhada jucha cuana metuaquisatique huamahuama. Micuaneseda puji huamahuama Diusu mebajaque micuaneda esaisiyu puji. Deja nimebutsepi sa Diusu peje su jabajati cuana da chujeji saida Diusu peje su.
Other Translations King James Version (KJV) Confess your faults one to another, and pray one for another, that ye may be healed. The effectual fervent prayer of a righteous man availeth much.
American Standard Version (ASV) Confess therefore your sins one to another, and pray one for another, that ye may be healed. The supplication of a righteous man availeth much in its working.
Bible in Basic English (BBE) So then, make a statement of your sins to one another, and say prayers for one another so that you may be made well. The prayer of a good man is full of power in its working.
Darby English Bible (DBY) Confess therefore your offences to one another, and pray for one another, that ye may be healed. [The] fervent supplication of the righteous [man] has much power.
World English Bible (WEB) Confess your offenses to one another, and pray one for another, that you may be healed. The effective, earnest prayer of a righteous man is powerfully effective.
Young's Literal Translation (YLT) Be confessing to one another the trespasses, and be praying for one another, that ye may be healed; very strong is a working supplication of a righteous man;
Cross Reference Matthew 3:6 in Tacana 6 Pamapa Diusu peje su tuna sa jucha cuana jatuaquisatitana cuana Juan ja yahui neje ichaderatana Diusu sa puji Jordán ena su.
Matthew 7:7 in Tacana 7 ‘Mebajaque Diusu. Ahua micuaneda Diusu ebaja su, tuahueda micuana etiatayu. Chacu putsu, micuaneda etejeyu. Meturubaderaque. Turuba putsu, etsequed'iatiyu.
Matthew 18:15 in Tacana 15 ‘Ahua mique edue ja mi ai jucha yata su, butseatique tu jucha yatani jepuiti. Ahua tusa jucha eshanapata su, da su neicha miada mique edue saida yameinia.
Matthew 21:22 in Tacana 22 Pamapa micuaneda Diusu ebajainia cuana tuahueda etiatayu, ahua tu peje su enimetucheati su.
Luke 7:3 in Tacana 3 Capitán ja cristiano cuana id'abatana Jesús jepuiti emimitani. Da su beju piada piada judío deja edhi cuana beitutana Jesús peje su tu pabajata huecuana puji, capitán sa ete su Jesús paputi puji, mesa emebajaji pasaisiametita puji.
Luke 9:6 in Tacana 6 Da su beju cuinanatana huecuana. Pamapa ejude su putitana huecuana. Diusu sa quisa saida quisaquisa putana huecuana. Nedaji cuana saisiametana huecuana.
Luke 11:11 in Tacana 11 ‘Ahua micuana sa ebacua cuana ja pan ebajatani su, ¿ai da micuaneda tumu etia bata? Ahua micuana sa ebacua cuana ja se ebajatani su, ¿ai da micuaneda bacua etia bata?
Luke 18:1 in Tacana 1 Jesús ja discípulo cuana bahue quisa neje daja hue buetsuainiame atana. Pamapa hora su mecuana sa jamitsuti taji yani Diusu neje buetsuatana huecuana.
John 9:31 in Tacana 31 Bahue eni ecuaneda aimue Diusu ja juchaji cuana eid'abatani mahue. Tusa ai tsada aji cuana bahui da eid'abatani. Pamapa tu eiyubatani cuana eid'abatani.
Acts 4:24 in Tacana 24 Da su beju pamapa tueda ai cuana id'aba putsu, beidaji neje Diusu mitsutana huecuana uja: —Ecuana sa Tata Diusu, miada buepa, yahua, mar aida ichaidha. Pamapa ai cuana miada ichaidha.
Acts 12:5 in Tacana 5 Pedro terisaisiajiji yani tupu, jei eputani cuana ja jubida Diusu bajatana tuseda puji.
Acts 19:18 in Tacana 18 Jucuada Diusu peje su jei eputani cuana jatuaquisatitana mecuana sa ai madhada cuana.
Romans 3:10 in Tacana 10 Beju uja derejiji yani Diusu sa quirica su: Aimue aidhe biame nimebutsepi mahue.
Romans 5:19 in Tacana 19 Daja huecha Adán chenu ja Diusu jei ataidha mahue putsu, pamapa cristiano cuana da juchaji eputani. Daja biame, Cristo ja Tata Diusu jei atana putsu, dueji cristiano cuana nimebutsepi puta cua.
Colossians 1:9 in Tacana 9 Da putsu, jiahue teje ecuanaju Diusu daja hue ebajainia micuaneseda puji Espíritu Santo ja Diusu sa tsada, bahue eni piba cuana meshanapametaque puji.
1 Thessalonians 5:23 in Tacana 23 Diusu ja menimepijajametaque. Nimebutsepi meanitaque. Pamapa micuaneda quitana saida jucha mahue mequinataque Echua Puji Jesucristo epueicha teje.
1 Thessalonians 5:25 in Tacana 25 Edue cuana, mebajaque Diusu ecuanaju sa puji.
Hebrews 11:4 in Tacana 4 Janimetucheati jepuiti Abel chenu sa Diusu peje su jairutsuati cuana Caín chenu sa ebia su saida quita puidha. Da putsu, Diusu ja Abel chenu tsabataidha. Tusa jairutsuati cuana jepuiti Diusu ja tueda nimebutsepi bataidha. Abel chenu da manujiji biame, cuaja tueda eid'e hora su Diusu peje su janimetucheatidha nime, daja jiahue ecuaneseda di janimetucheati taji.
Hebrews 11:7 in Tacana 7 Biahua tiempo Diusu ja Noé chenu a neje ye mundo ebiaterita quisataidha. Ena neje ye mundo biateriji mahue su, Noé chenu janimetucheati jepuiti Diusu quisa su jei puidha. Beju Diusu jei ataidha. Barco aida ataidha mesa familia cuana d'eji su ya puji. Pamapa pia cristiano cuana huidipetaidha, jei puja mahue putaidha huecuana putsu. Beju Diusu ja Noé chenu nimebutsepi bataidha, tu peje su janimetucheatidha putsu.
Hebrews 12:13 in Tacana 13 Saida, butsepi neje mepuniunetique pia cuana di micuana tije saida papuniunetita puji. Diusu peje su nimepishihue cuana micuana tije a putsu, enimetucheatita huecuana.
Hebrews 13:18 in Tacana 18 Ecuanaju sa enime cuana butsepi Diusu butse su. Daja hue ecuanaju puderatija.
1 Peter 2:24 in Tacana 24 Cristo da ecuana sa jucha jepuiti curusu su manuana. Tueda sufri puana ecuana esaisiameeni puji. Da putsu, be jucha cuana tsada mebaji. Saida, butsepi neje medusutique.
1 John 3:22 in Tacana 22 Pamapa ecuana sa jabajati cuana etiata, ecuaneda pamapa mesa jacuatsasiati, ai tsada cuana yainia putsu.