Hebrews 3:2 in Tacana

2 Pamapa Diusu sa jacuatsasiati tu tiatana cuana tuahueda apetana. Tueda da Tata Diusu sa Ebacua quitaita atasaida. Tueda da Diusu ecuatsasiati emetse saida. Beju ecuaneda da tusa dharejiji cuana. Tata Diusu ja Jesús pamapa ai cuana ametaidha. Daja hue ecuaneda Diusu sa ene quita dharejiji cuana epuderati, ahua ecuaneda tu peje su jubida janimetucheati putsu, emanu teje beidaji neje tu peje su enimeid'uaderati su. Biahua tiempo Moisés chenu ja Tata Diusu ja cuatsasiataidha cuana apetaidha. Moisés chenu da emebajaji hue puidha Diusu ecuatsasiati su. Saida neje Diusu mebajataidha. Tueda da cuaja ai cuana epu quisa puidha. Daja biame, Jesús mu da Moisés chenu ebia su aida, tueda da Diusu sa Ebacua putsu.

Other Translations

King James Version (KJV)

Who was faithful to him that appointed him, as also Moses was faithful in all his house.

American Standard Version (ASV)

who was faithful to him that appointed him, as also was Moses in all his house.

Bible in Basic English (BBE)

Who kept faith with God who gave him his place, even as Moses did in all his house.

Darby English Bible (DBY)

who is faithful to him that has constituted him, as Moses also in all his house.

World English Bible (WEB)

who was faithful to him who appointed him, as also was Moses in all his house.

Young's Literal Translation (YLT)

being stedfast to Him who did appoint him, as also Moses in all his house,

Cross Reference

John 6:38 in Tacana

38 Aimue ema ye mundo su pue quema ai tsada cuana ya puji. Quema Tata sa ai tsada cuana ya puji bahui ema pueana.

John 7:18 in Tacana

18 Quebata tuseda puji saida emimiani su, tueda quita aida cristiano cuana ja pabata mesa tsada. Quebata mu tu beituji sa puji saida emimiani su, tueda da deja saida, butsepi, cristiano cuana ja tu beituji aida pabata mesa tsada putsu.

John 8:29 in Tacana

29 Ema beituji quema Tata da ema neje yani pamapa hora su. Aimue ema mehua ema emesiatani mahue, tusa ai tsada cuana bahui yama yainia putsu.

John 15:10 in Tacana

10 Tueda ibuneda neje meanique. Ahua micuaneda quema jacuatsasiati cuana yainia su, daja micuaneda tueda ibuneda neje yaniti. Daja quema Tata sa ibuneda neje ema yani, yama tusa jacuatsasiati cuana yapeinia putsu.

John 17:4 in Tacana

4 ‘Beju yama cristiano cuana mique tucheda bameana. Miada ema cuatsasiana ai cuana beju yama apeitia.

Ephesians 2:22 in Tacana

22 Beju micuaneda pia jei eputani cuana neje Diusu ja edunemetani mesa ani jude epu puji, Espíritu Santo dapia paaniti puji.

1 Timothy 1:12 in Tacana

12 Yama ecuana sa Echua Puji Jesucristo diusulupai yainia tuahueda ema tucheametana mesa jabuetsuati cuana cristiano cuana ebuetsua puji. Mesa emebajaji ema ichatana, ema saida, butsepi ba putsu.

1 Timothy 3:15 in Tacana

15 Daja mi yama equisainia mida bahue epu puji cuaja edue cuana sa jadusutime pu taji Diusu sa dharejiji cuana duju su. Pamapa Cristo peje su jei eputani cuana da eid'e eni Diusu sa familia. Diusu ja mesa jabuetsuati cuana tuna peje su menajatiatana painatsihuata huecuana puji, da je papuniunetita huecuana puji.

Hebrews 2:17 in Tacana

17 Daja etsahua huecuana puji Cristo sa bataji pu taji puana tuna nime deja quitame. Tuna nime pu putsu, beju tuna sa sacerdote puji puana tuneseda puji ibuneda neje Tata Diusu daja hue ebajadera puji. Deja equita pu putsu, Cristo quitaita curusu su jairutsuatiana Diusu peje su tuna sa jucha cuana echujetia puji.