Galatians 3:17 in Tacana 17 Beju Diusu ja Abraham chenu mesa jamitsuti equene tiataidha. Da su beju Moisés chenu sa jacuatsasiati cuana cuinaidha pushi cien quimisha tunca ejaitana mara jenetia. Da su jacuatsasiati cuana Abraham chenu tije cuinaidha. Da putsu, aimue detse jacuatsasiati cuana ja Diusu sa jamitsuti Abraham chenu neje taitanameta cua puana mahue, tueda jamitsuti equene anidha putsu. Aimue Moisés chenu sa jacuatsasiati cuana ja Diusu sa jamitsuti taitanameta cua mahue.
Other Translations King James Version (KJV) And this I say, that the covenant, that was confirmed before of God in Christ, the law, which was four hundred and thirty years after, cannot disannul, that it should make the promise of none effect.
American Standard Version (ASV) Now this I say: A covenant confirmed beforehand by God, the law, which came four hundred and thirty years after, doth not disannul, so as to make the promise of none effect.
Bible in Basic English (BBE) Now this I say: The law, which came four hundred and thirty years after, does not put an end to the agreement made before by God, so as to make the undertaking without effect.
Darby English Bible (DBY) Now I say this, A covenant confirmed beforehand by God, the law, which took place four hundred and thirty years after, does not annul, so as to make the promise of no effect.
World English Bible (WEB) Now I say this. A covenant confirmed beforehand by God in Christ, the law, which came four hundred thirty years after, does not annul, so as to make the promise of no effect.
Young's Literal Translation (YLT) and this I say, A covenant confirmed before by God to Christ, the law, that came four hundred and thirty years after, doth not set aside, to make void the promise,
Cross Reference Luke 1:68 in Tacana 68 Beju pamitsutsuatija israelita cuana sa Diusu, ecuana peje su pueitia beju ecuana d'eji su ya puji.
John 1:17 in Tacana 17 Moisés chenu ja ecuana jacuatsasiati jubida cuana bahui tiataidha. Beju Jesucristo ja mu ecuana ebia su ibunebatana. Mesa ene quita quisa saida cuana ecuana buetsuatana.
John 8:56 in Tacana 56 Micuana sa tata Abraham chenu da beidaji puidha, ema yahua su epusiu bahue pu putsu.
Acts 7:6 in Tacana 6 Diusu ja Abraham chenu daja hue quisainiame ataidha uja: “Pia cuana sa yahua su yama mique tije epusiu familia cuana ebeitu tuna sa esclavo cuana epu puji. Dapia aniji cuana ja nedaneda yatayu huecuana. Pushi cien mara cuana puji beju esclavo eputa huecuana.
Romans 3:3 in Tacana 3 Piada piada tuneda Diusu tije aja ataidha mahue biame, Diusu ja mesa jamitsuti cuana tuna neje apetaidha.
Romans 3:25 in Tacana 25 Cristo jucha jepuiti curusu su manuana putsu, Diusu ja nimebutsepi yatani huecuana, ahua Cristo peje su jei eputa huecuana su. Daja Diusu ja yatani tueda da butsepi pashanapata huecuana puji. Biahua tiempo aimue Diusu ja pamapa juchaji cuana matsepetaidha mahue, tuna sa jucha cuana jepuiti Cristo curusu su emanu puji ebeituta shanapa putsu.
Romans 4:13 in Tacana 13 Diusu ja tu peje su enimetucheatitani cuana Abraham chenu neje tupupai ye mundo etia jamitsuti tiataidha. Aimue jacuatsasiati cuana apetaidha huecuana putsu, Diusu ja tueda jamitsuti tiataidha mahue. Daja jamitsuti tiataidha huecuana, tu peje su janimetucheatitaidha huecuana putsu.
1 Corinthians 1:12 in Tacana 12 Piada piada micuaneda, “Ecuanaju da Pablo tije aji cuana”, epuani. Pia cuana micuaneda, “Ecuanaju da Apolos tije aji cuana”, epuani. Pia cuana micuaneda, “Ecuanaju da Pedro tije aji cuana”, epuani. Pia cuana micuaneda, “Ecuanaju da Cristo tije aji cuana”, epuani.
1 Corinthians 1:17 in Tacana 17 Beju aimue Cristo ja ema beitutana cristiano cuana yahui neje Diusu sa puji eichadera puji mahue. Ema beitutana tusa quisa saida cuana bahui quisaquisa epu puji. Tueda quisa saida cuana ema quisaquisa epuani id'abata saida mimi cuana neje aimue cristiano cuana ja ema ebia su aida ebata puji mahue. Quema mu tsada cristiano cuana ja, Cristo curusu su manuana tuna d'eji su ya puji pashanapaenita.
1 Corinthians 7:29 in Tacana 29 Edue cuana, yama micuana jubida equisainia, tiempo beju epupeni. Echua Puji beju tipeida epueicha. Jabutsenetijiji cuana jabutsenetiji mahue nime paputa.
1 Corinthians 10:19 in Tacana 19 Aimue eimea irutsuaji cuana tueda bid'umimi diusu eimea cuana neje edunetitani mahue, irutsuajiji jana ediatani huecuana su, tueda eimea cuana eid'e mahue putsu. Ene putsu, aimue bid'umimi diusu eimea quitaita cuana peje su jana eirutsuatani huecuana mahue.
2 Corinthians 1:20 in Tacana 20 Cristo ja pamapa Diusu sa jamitsuti cuana ecuana peje su yapeenita. Da putsu, ecuaneda Diusu emitsutsuainia Cristo jepuiti.
2 Corinthians 9:6 in Tacana 6 Mepibaenitique tueda ai cuana su. Quebata ja ucua chidi hue ebanata su, ucua chidi hue ejemitsuati. Daja huecha quebata ja jucuada ebanata su, dueji ejemitsuati.
Galatians 3:15 in Tacana 15 Edue cuana, yama micuana piada jabahuequisati equisa. Ahua quebata deja ja mesa derejiji jamitsuti pia etiata su, da su aimue detse turucata cua mahue. Daja da Diusu.
Galatians 3:21 in Tacana 21 ¿Jucuaja puji da su Diusu ja cristiano cuana mesa jacuatsasiati cuana tiataidha paata huecuana puji, tueda jacuatsasiati a putsu, Diusu peje su nimebutsepi eputa huecuana mahue biame? Beju aimue Diusu ja jacuatsasiati cuana tiataidha mahue cristiano cuana nimebutsepi paputa puji. Mesa jamitsuti jepuiti bahui Diusu ja cristiano cuana nimebutsepi yatani. Aimue detse Diusu peje su nimebutsepi puta cua huecuana mahue, jacuatsasiati cuana a putsu.
Galatians 5:4 in Tacana 4 Quebata Diusu peje su nimebutsepi epu puji jacuatsasiati cuana yatani su, Cristo peje jenetia netiderana. Diusu sa jaibunebati cuana mue shanapa.
Galatians 5:16 in Tacana 16 Yama micuana equisainia, jei meaque Espíritu Santo. Ahua micuaneda tueda jei ya su, aimue micuana sa ai utsatada madhada cuana aja epu mahue.
Ephesians 4:17 in Tacana 17 Edue cuana, Echua Puji sa ebani su jubida yama micuana equisainia, be medusutiji Diusu shanapaji mahue cuana nime. Saida mahue mecuana sa piba cuana.
Colossians 2:4 in Tacana 4 Da putsu, be mebaseametiji cristiano bahue eni cuana sa mimi neje.
Hebrews 6:13 in Tacana 13 Diusu ja mesa jamitsuti Abraham chenu tiataidha su, mesa ebani neje Diusu bahue puidha, aimue pia tu ebia su aida anidha mahue putsu.
Hebrews 7:18 in Tacana 18 Da su Moisés chenu sa jacuatsasiati cuana Diusu ja apemetana, tueda jacuatsasiati cuana ja cristiano cuana cuaja d'eji su a taji mahue batana putsu.
Hebrews 11:13 in Tacana 13 Pamapa tuneda Diusu peje su enimetucheatiani je, manupetaidha. Ye mundo emetse mahue cuana nime puniunetitaidha huecuana. Ye mundo su eid'e anitaidha su, aimue inatsupetaidha mahue Diusu sa jamitsuti ai saida cuana. Da putsu, ye mundo su mue inatsu ataidha huecuana biame, manutaidha huecuana Diusu peje su enimetucheatiani je, Diusu ja cielo su pamapa ai saida cuana etiatayu huecuana bahue putaidha putsu.
Hebrews 11:17 in Tacana 17 Abraham chenu Diusu peje su janimeid'uatidha, Diusu ja tueda abataidha su. Diusu ja Abraham tusa ebacua manuame putsu, pairutsuata cuatsasiataidha. Da su janimetucheati jepuiti Abraham chenu ja Isaac dusutaidha emanuame puji, Diusu peje su eirutsua puji, Isaac dueji bacuame epu jamitsuti Diusu ja tiataidha biame.
Hebrews 11:39 in Tacana 39 Daja pamapa tuneda jubida abajiji putaidha biame, aimue Diusu peje su janimeid'uarijiti putaidha huecuana. Daja biame, Diusu ja etiata jamitsuti ai cuana mue inatsu ataidha huecuana.
1 Peter 1:11 in Tacana 11 Espíritu Santo ja biahua tiempo bahue ametaidha huecuana Cristo epue jepuiti. Cuaja Cristo ye mundo su epue emanu puji, eid'e enetianayu, Echua Puji Aida, tucheda epuyu bahue ametaidha huecuana. Da su tuneda beju japibatitaidha uja: “¿Aidhe ni pu cua Cristo? ¿Quetsunu jia ye mundo su pue cua?”
1 Peter 1:20 in Tacana 20 Beju ye mundo aniji mahue su, Diusu ja uja pibataidha: “Yama Cristo mundo su ebeitu cristiano cuana sa jucha jepuiti emanu puji, tuna d'eji su ya puji.” Jiahue mu cuaja Diusu ja pibataidha nime, daja puana. Cristo manuana ecuana sa jucha cuana jepuiti.