2 Corinthians 7:1 in Tacana 1 Da su ibuneda edue cuana, daja Diusu ja mesa jamitsuti saida cuana tiatana putsu, pamapa ai madhada cuana jenetia ecuaneseda netidera taji. Equita, enime madhatiaji ai cuana jenetia netidera taji. Diusu sa puji bahui nimebutsepi ecuaneseda pu taji, tu eiyubainia putsu.
Other Translations King James Version (KJV) Having therefore these promises, dearly beloved, let us cleanse ourselves from all filthiness of the flesh and spirit, perfecting holiness in the fear of God.
American Standard Version (ASV) Having therefore these promises, beloved, let us cleanse ourselves from all defilement of flesh and spirit, perfecting holiness in the fear of God.
Bible in Basic English (BBE) Because God, then, will give us such rewards, dear brothers, let us make ourselves clean from all evil of flesh and spirit, and become completely holy in the fear of God.
Darby English Bible (DBY) Having therefore these promises, beloved, let us purify ourselves from every pollution of flesh and spirit, perfecting holiness in God's fear.
World English Bible (WEB) Having therefore these promises, beloved, let us cleanse ourselves from all defilement of flesh and spirit, perfecting holiness in the fear of God.
Young's Literal Translation (YLT) Having, then, these promises, beloved, may we cleanse ourselves from every pollution of flesh and spirit, perfecting sanctification in the fear of God;
Cross Reference Matthew 5:8 in Tacana 8 ‘Nimebeidaji da muesumu butsepiji cuana, Diusu ebatayu huecuana putsu.
Matthew 5:48 in Tacana 48 Beju micuaneseda butsepi, saida pamapa ai su pu taji, micuana sa Tata Diusu cielo su yani da saida, butsepi putsu.
Matthew 12:33 in Tacana 33 Jesús ja daja hue fariseo cuana quisainiame atana uja: —Equi saida da ejaja saida epuani. Equi saida mahue mu ejaja saida mahue epuani. Pamapa equi cuana ejaja jepuiti etse eshanapainia.
Matthew 23:25 in Tacana 25 ‘¡Aba, jacuatsasiati ebuetsuaji, fariseo cuana! Micuaneda da emeji dume adhida nime, ebia je bahui saida, rucuajiji. Micuaneda di ebia je bahui saida nime. Muesumu su mu ai piapiati madhada micuana sa yani.
Luke 11:39 in Tacana 39 Da su Jesús ja tueda jubida d'ayatana uja: —Micuaneda da emeji dume adhida pu cua nime, ebia je bahui saida, rucuajiji. Micuaneda di ebia je bahui saida nime. Edume su mu ai piapiati madhadaji micuana sa yani.
Acts 9:31 in Tacana 31 Da su Judea, Galilea, Samaria yahua cuana su aniji jei eputani cuana saida, janimetucheatitana, Saulo ja aimue tijetije a huecuana putsu, tueda beju Cristo peje su jei puana putsu. Diusu ebia su iyubatana huecuana. Espíritu Santo ja ebia su tsahuatana huecuana putsu, dueji cristiano cuana jei putana.
Romans 5:20 in Tacana 20 Beju Moisés chenu sa jacuatsasiati cuana ja cristiano cuana da juchaji ebametani. Da su cristiano cuana ebia su juchaji eputani biame, tuna neje Diusu sa jaibunebati cuana ebia su yani jucha cuana edhipa puji.
1 Corinthians 6:20 in Tacana 20 Da putsu, Diusu sa tsada ai cuana bahui meaque micuana sa equita, piba cuana neje, equita, piba detse da Diusu sa putsu.
2 Corinthians 1:20 in Tacana 20 Cristo ja pamapa Diusu sa jamitsuti cuana ecuana peje su yapeenita. Da putsu, ecuaneda Diusu emitsutsuainia Cristo jepuiti.
2 Corinthians 6:17 in Tacana 17 Neicha Diusu uja epuani mesa quirica su: Mecuinanaque tuna peje jenetia. Menetideraque tuna peje jenetia. Be mecuana sa ai jucha adhida cuana meaji. Da su yama micuana ebatsu.
Ephesians 2:3 in Tacana 3 Equene pamapa ecuaneda jucha su puniunetina. Pamapa ecuana sa ai utsatada, piba madhada cuana aina.
Ephesians 4:12 in Tacana 12 Daja Cristo ja mesa dharejiji cuana etsahuatani tu saida emebaja puji, pamapa edue cuana Diusu peje su enimetucheame puji.
Philippians 3:12 in Tacana 12 Beju yama tejetiji mahue tsuhu. Aimue ema tupu, butsepi, jucha mahue tsuhu biame, daja hue ema Diusu peje su enimeid'uaderatiani Cristo nime epu teje.
1 Thessalonians 3:13 in Tacana 13 Tuahueda menimetucheametaque micuaneda saida, butsepi, jucha mahue Tata Diusu butse su epu puji, Echua Puji Jesucristo epue su pamapa mesa ángel cuana neje.
1 Thessalonians 4:7 in Tacana 7 Diusu ja ecuana ichaderatana saida, butsepi ecuaneda epuniuneti puji. Aimue ecuana ichaderatana madhada neje epuniuneti puji mahue.
1 Thessalonians 5:23 in Tacana 23 Diusu ja menimepijajametaque. Nimebutsepi meanitaque. Pamapa micuaneda quitana saida jucha mahue mequinataque Echua Puji Jesucristo epueicha teje.
Titus 2:11 in Tacana 11 Beju Diusu ja pamapa cristiano cuana ebia su ibuneda ebatani putsu, mesa jabuetsuati cuana tiatana huecuana. Tueda jabuetsuati cuana ja ecuana ebuetsuatani cuaja ecuaneda d'eji su pume pu cua.
Hebrews 4:1 in Tacana 1 Beju jiahue teje Diusu ja pamapa ecuaneda eihuatani tu neje cielo su yanieniti puji. Da su merejatique piada piada micuaneda cielo mue teje ya, tusa quisa saida cuana su jei puja mahue, pu putsu.
Hebrews 12:23 in Tacana 23 Micuaneda da Diusu sa dharejiji ebacua cuana. Pamapa mesa dharejiji cuana sa ebani cuana mesa cielo su yani quirica su derejiji yani. Diusu ebaji saida micuaneda enariainia. Tu peje su jei epuani je manutana cuana sa enid'u cuana cielo su micuaneda enariainia. Diusu ja nimebutsepi atana cuana sa enid'u cuana enariainia.
Hebrews 12:28 in Tacana 28 Aimue quetsunu su biame etiatanaeni mahue. Da su Diusu diusulupai ecuaneseda a taji tuahueda tu ecuatsasiati etaitanaeni mahue su, ecuana ichatana putsu. Iyuda neje ecuaneseda Diusu mebaja taji tueda beidaji yame puji.
James 4:8 in Tacana 8 Diusu peje su menariatique. Ahua daja micuaneda epu su, tuahueda di micuana enariata. Juchaji cuana, jucha mearijique. Bubeta cuana, aimue detse da hora su cama micuaneda Diusu ibuneda ebainia neje tupupai ai madhada cuana a cua mahue. Ahua daja micuaneda epibatiani su, micuaneda da beta pibaji epuani. Menimebutsepiatique.
1 Peter 1:22 in Tacana 22 Beju micuaneda Espíritu Santo ja tiajiji ene quita quisa saida cuana jei a putsu, nimebutsepi epuani. Pamapa Cristo jepuiti edue cuana ibuneda ebainia. Daja huecha ibuneda jabaderati taji pamapa muesumu neje.
1 Peter 2:11 in Tacana 11 Ibuneda edue cuana, micuaneda da ye mundo su Diusu sa dharejiji putsu, be micuana sa ai utsatada madhada cuana meaji. Tueda ai utsatada madhada cuana a putsu, micuaneda Diusu tije ariji cua.
1 Peter 5:10 in Tacana 10 Beju micuaneda ubu hora chidi sufri pu putsu, Diusu ja micuana nimebutsepi, tucheda yametayu. Tuahueda ecuana pamapa mesa jaibunebati cuana tiatana. Cielo su eid'e yameenitayu, ecuaneda Cristo neje dunejiji yani putsu.
2 Peter 1:4 in Tacana 4 Tusa jamitsuti chujeneda aida cuana ecuana tiatana. Ahua ecuaneda tueda jamitsuti cuana su jei epu su, tuahueda ecuana pamapa ai madhada, utsatada cuana jenetia d'eji su yatayu, tu neje ecuana edunetayu tu nime epu puji.
1 John 1:7 in Tacana 7 Diusu mu hueda su yani. Ahua mesa quisa saida cuana su ecuaneda epuniuneti su, ecuaneda cama dunejiji epu. Daja huecha Jesucristo ja mesa ami neje ecuana sa jucha cuana pamapa edhipatani.
1 John 1:9 in Tacana 9 Ahua ecuaneda ecuana sa jucha cuana Diusu peje su etuaquisa su, tuahueda ecuana eperdonatayu, tueda da butsepi putsu. Daja huecha pamapa ai madhada cuana jenetia ecuana d'eji su yatayu.
1 John 3:3 in Tacana 3 Ahua ecuaneda daja Cristo peje su enimeid'uatiani su, aimue ecuaneda jucha cuana aja epu mahue, tu nime butsepi ecuaneda epu.