2 Corinthians 5:13 in Tacana

13 Ahua pia cuana ja ema tseitsi nime ebatani su, jade, daja tseitsi ema epu Diusu sa puji. Ahua ema piba saida ebatani huecuana su, tueda da micuana sa saida puji hue.

Other Translations

King James Version (KJV)

For whether we be beside ourselves, it is to God: or whether we be sober, it is for your cause.

American Standard Version (ASV)

For whether we are beside ourselves, it is unto God; or whether we are of sober mind, it is unto you.

Bible in Basic English (BBE)

For if we are foolish, it is to God; or if we are serious, it is for you.

Darby English Bible (DBY)

For whether we are beside ourselves, [it is] to God; or are sober, [it is] for you.

World English Bible (WEB)

For if we are beside ourselves, it is for God. Or if we are of sober mind, it is for you.

Young's Literal Translation (YLT)

for whether we were beside ourselves, `it was' to God; whether we be of sound mind -- `it is' to you,

Cross Reference

Acts 26:24 in Tacana

24 Beju Pablo daja mimiana su, huaraji Festo uja tsiatsiana: —¡Pablo, mida da tseitsi, ebia su ebahuetsuatiani putsu!

Romans 12:3 in Tacana

3 Beju Diusu ja ema ebia su ibuneba putsu, ema mesa quisaquisa puji ichatana. Da putsu, yama micuana jubida equisainia be ebia su aida mebatiji, Diusu ja metse su hue micuana sa tupu mesa tucheda tiatana putsu. Piba butsepi neje mepibatique cuaja Diusu ja metse su hue micuana tiatana.

1 Corinthians 4:10 in Tacana

10 Beju pamapa cristiano cuana ja ecuanaju apóstol cuana tseitsi nime ebatani. Ecuanaju ai eni mahue nime ebatani huecuana ecuanaju sa Cristo jepuiti jabuetsuati cuana jepuiti. Beju micuaneda mu ebia su bahue eni ebatiani. Micuaneda ecuanaju nimetucheda mahue ebainia cama, micuaneda ebia su nimetucheda ebatiani. Cristiano cuana ja ecuanaju ai eni mahue nime ebatani cama, micuaneda mu ebia su aida ebatani huecuana.

2 Corinthians 7:12 in Tacana

12 Aimue yama quema quirica su micuana jubida d'ayana mahue micuaneda tueda edue juchaji ecastiga puji. Daja huecha aimue tueda quirica micuana peje su yama beituana mahue micuaneda tueda deja sa enime cuana tusa tata detse neje ebaseta puji. Beju yama micuana daja quirica su ameana micuaneda Diusu jepuiti neicha ema ebia su ibuneda eba puji.

2 Corinthians 11:1 in Tacana

1 Edue cuana, paciencia mepuque ema neje, yama daja micuana equisainia putsu. Paciencia neje quema quisa cuana meid'abaque. Be ema mimi aida, tseitsi nime mebaji.

2 Corinthians 11:16 in Tacana

16 Neicha yama micuana equisainia, be ema tseitsi nime mebaji, ema daja mimiana putsu. Tseitsi nime ema mebaque papu biame, meid'abaque ema. Cuaja tueda bid'umimi quisaquisa puji deja madhada cuana tuneseda puji ebia su saida emimitani nime, daja ya di ema jepuiti huai chidi cama micuana neje quema puji saida mimija. Aimue tuna jepuiti quitaita butsepi emimiani mahue. Ema mu saida, butsepi emimiani quema puji.

2 Corinthians 12:6 in Tacana

6 Quema jaati saida cuana jepuiti ema butsepi neje mimi cua biame, aimue daja emimi mahue pia cuana ja ema ebia su aida pabata mahue puji. Quema tsada mu papibata huecuana quema ai puiti, jabuetsuati saida cuana bahui su.

2 Corinthians 12:11 in Tacana

11 Edue cuana, quema puji mimi taji mahue biame, daja ema mimiana micuana peje su. Ema tseitsi nime puana, daja mimiana putsu. Beju micuaneda da juchaji ema daja emimi puji. Aimue quema puji micuaneda saida mimiana mahue putsu, quema quitaita mimi taji quema puji. Ema mue ai eni papu biame, beju ema tueda bid'umimi quisaquisa puji deja cuana ebia su bahue eni quita.

Colossians 1:24 in Tacana

24 Edue cuana, micuana sa puji ema terijiji yani su sufri epuani biame, nimebeidaji ema. Cristo sa eturuca mesa sufrimiento cuana yama yaderainia mesa dharejiji cuana sa puji, mesa equita pu cua nime putsu.

1 Thessalonians 1:5 in Tacana

5 Equene ecuanaju micuana peje su quisaquisa puana Diusu sa quisa saida cuana. Espíritu Santo di mi peje su tucheda neje cuinana, ecuanaju micuana peje su quisaquisa puana su. Tuahueda micuana saida shanapametana ecuanaju sa ene quita quisa saida cuana. Beju micuaneda bahue, ecuanaju micuana neje anina su, saida ecuanaju jadusutiana micuana sa saida puji.

1 Thessalonians 2:3 in Tacana

3 Ecuanaju sa quisaquisa micuana peje su butsepi puina. Aimue ecuanaju sa piba cuana japitsatijiji puina mahue.

2 Timothy 2:10 in Tacana

10 Da putsu, ema beidaji, sufri epuani biame. Ema daja sufri epuani Diusu sa dharejiji cuana d'eji su papuenita puji, Jesucristo dunejiji yanita putsu.