Cross Reference Matthew 13:52 in Tacana 52 Da su Jesús ja uja atana huecuana: —Ahua quebata Moisés chenu sa jacuatsasiati ebuetsuaji da quema jabuetsuati su jei epu su, beta ai chujeneda saida detse mesa pu cua nime. Jacuatsasiati edhi, quema jabuetsuati eichacua di mesa tupupai yani, ahua ema peje su jei epu su.
Matthew 26:28 in Tacana 28 Ye vino da quema ami pu cua nime. Quema ami ed'uichati putsu, Diusu ja cristiano cuana mesa jamitsuti eichacua etiata. Dueji cristiano cuana eperdonatayu, quema ami ed'uichati putsu.
Mark 14:24 in Tacana 24 Da su Jesús ja atana huecuana uja: —Ye vino da quema ami pu cua nime. Quema ami ed'uichati neje Diusu ja mesa jamitsuti eichacua cristiano cuana etiata. Diusu ja dueji cristiano cuana eperdonatayu, quema ami ed'uichati putsu.
Luke 22:20 in Tacana 20 Daja huecha vinoji emeji atana, diadiape putsu. Uja Jesús ja atana huecuana: —Ye vino da quema ami d'uichajiji pu cua nime. Quema ami d'uichajiji putsu, Diusu ja cristiano cuana mesa jamitsuti eichacua etiata. Quema ami ed'uichati putsu, Diusu ja micuana eperdonata.
John 5:21 in Tacana 21 Cuaja quema Tata ja manujiji cuana eid'e yametani nime, daja huecha yama di quebata quema tsada cuana eid'e yame.
John 6:63 in Tacana 63 Equita da nid'uji su, beju eid'e. Daja huecha quebata quema quisa su jei epu su, tueda eid'e epueni.
Romans 1:5 in Tacana 5 Tuahueda ema ebia su ibuneda ebatani putsu, ema huaratiatana tusa apóstol epu puji, tusa quisa saida cuana quisaquisa eputi puji, pamapa yahua cuana je pamapa cristiano cuana tu peje su jei paputa puji.
Romans 2:27 in Tacana 27 Beju tueda da Diusu butse su saida, nimebutsepi epu judío mahue epuani biame, jacuatsasiati cuana yatani putsu. Daja huecha micuaneda judío cuana mu Diusu butse su aimue nimebutsepi epu mahue judío quitaita biame, jacuatsasiati cuana mue a putsu. Micuaneseda jacuatsasiati derejiji cuana yani biame, aimue Diusu butse su nimebutsepi epu mahue, tueda jacuatsasiati cuana mue ape putsu.
Romans 3:20 in Tacana 20 Aimue cristiano cuana Diusu butse su nimebutsepi puta cua mahue, tueda jacuatsasiati cuana a putsu. Tueda jacuatsasiati quitaita ja pamapa cristiano cuana da juchaji ebuetsuatani.
Romans 4:15 in Tacana 15 Ene putsu, jacuatsasiati cuana ja ecuana ematsetani. Jacuatsasiati cuana mahue pu cua su, daja huecha aimue Diusu ja matseta cua mahue, jucha mahue putsu.
Romans 4:17 in Tacana 17 Uja Diusu ja ataidha Abraham chenu mesa quirica su derejiji yani: “Yama mida dueji sa tata pu cua nime ichana.” Beju tueda jamitsuti da ene quita, Diusu quitaita daja puidha putsu. Tuada da manujiji cuana eid'emeyuji Diusu. Daja huecha ai cuaja epu cuana tuahueda jaitianajiji nime ebatani.
Romans 7:6 in Tacana 6 Jiahue mu aimue ecuaneda jacuatsasiati cuana sa eme su yani mahue, Cristo neje tupupai ecuaneda manuana pu cua nime putsu. Aimue jiahue ecuaneda Diusu emebajainia mahue, jacuatsasiati edhi cuana a putsu. Jiahue mu ecuaneda nimeeichacua, eid'e putsu, Espíritu Santo sa tucheda neje Diusu emebajainia.
Romans 7:9 in Tacana 9 Beju yama jacuatsasiati cuana shanapaji mahue su, ema jucha mahue jabatiana. Jucha a putsu, aimue ema pibapibana mahue, jacuatsasiati cuana mue yama shanapa putsu. Tueda jacuatsasiati cuana yama beju shanapana su, ye chu ema juchaji jabatiana. Cuati castigo su quema puti taji yama shanapana, Diusu sa jacuatsasiati cuana mue yama ape putsu.
1 Corinthians 3:5 in Tacana 5 ¿Aidhe ni da Pablo? ¿Aidhe ni da Apolos? Beju etseju da Cristo sa emebajaji detse bahui. Diusu ja tiatana mudu bahui etseju yainia. Etseju jepuiti micuaneda Echua Puji Jesucristo peje su jei puana.
1 Corinthians 3:10 in Tacana 10 Micuaneda da ete emuduinia Diusu ja yatani nime. Ema da ete mudupiruji nime. Equene yama eti jude basetana. Da bia su pia ete muduji cuana ja ete emudutani. Beju saida pamudumuduta huecuana yama eti jude basetana bia su.
1 Corinthians 11:25 in Tacana 25 Daja huecha diadiape putsu, vinoji emeji jemitsua putsu, uja atana huecuana: “Ye vino da quema ami pu cua nime. Tueda ami ed'uichati putsu, Diusu ja cristiano cuana mesa jamitsuti eichacua etiata. Meid'ipeque, ema epiba putsu.” Daja atana Jesús ja mesa discípulo cuana.
1 Corinthians 12:28 in Tacana 28 Daja huecha Diusu ja mesa dharejiji cuana pamapa tsapiapiati ai mudu cuana tiatana tu emebaja puji. Beju equene piada piada tuneda apóstol cuana ichatana. Tije beju quisaquisa puji, ebuetsuaji, ai nimetiuda aji, esaisiameji, etsahuaji, ehuidusuji, bue mahue biame tsapiapiati yana cuana su mimiji cuana ichatana.
1 Corinthians 15:45 in Tacana 45 Diusu ja Adán deja eid'e ataidha. Equita tiataidha yahua sa puji. Ecuaneda da tu nime quitaji eid'e epuani. Beju Cristo mu Adán ebia su saida, ecuana sa enid'u eid'e yatani putsu.
2 Corinthians 3:7 in Tacana 7 Biahua tiempo Diusu ja mesa jacuatsasiati cuana tumu pachata su derejiji yani Moisés chenu tiataidha. Mesa hueda jubida neje tiataidha. Da putsu, Moisés chenu judío cuana peje su jasiapatidha su, mesa ebu cuaja chama taji mahue bataidha huecuana, ebia su cuareda saida puidha putsu, tueda Diusu neje anidha putsu. Daja puidha biame, tueda hueda mesa ebu su tipeida chamumuidha. Tueda jacuatsasiati tiajiji cuana emanu teje puji bahui biame, ebia su hueda tucheda neje cuinaidha.
2 Corinthians 3:9 in Tacana 9 Diusu ja Moisés chenu tiataidha jacuatsasiati cuana da hueda tucheda neje biame, beju emanu teje puji bahui. Diusu sa Cristo jepuiti eichacua quisa saida cuana mu da ebia su saida quita, ecuana Diusu peje su nimebutsepi yametani putsu.
2 Corinthians 3:14 in Tacana 14 Biahua tiempo judío cuana ja aimue Diusu shanapaenitaidha mahue, tu peje su pibatadadaji putaidha huecuana putsu. Jiahue teje daja ta huecuana. Tueda tiataidha jacuatsasiati derejiji cuana emimiametani je, aimue eshanapaenitani huecuana mahue. Diusu eba mahue puji jabud'amatiji pu cua nime huecuana. Daja biame, Cristo ja bahui Diusu sa eichacua quisa saida cuana shanapameta cua huecuana.
2 Corinthians 5:18 in Tacana 18 Beju Diusu ja daja yatani ecuaneseda puji. Ecuaneda Diusu neje jamajaiti bahue puina biame, tuahueda ecuana tu neje saida ametana, ecuaneda Cristo peje su jei puana putsu. Tuseda tsada ecuaneda pia cristiano cuana peje su Cristo jepuiti quisa saida cuana quisaquisa epu puji, tuneda di Diusu neje saida paputa huecuana puji.
Galatians 3:10 in Tacana 10 Mue aiya biame Moisés chenu sa jacuatsasiati cuana apeta cua mahue. Quebata cuana Diusu peje su nimebutsepi puja eputa su, jacuatsasiati cuana a putsu, aimue etejetita huecuana mahue. Tueda jacuatsasiati cuana cuaja ape taji mahue ebatani huecuana putsu, beju Diusu ja ematseta huecuana. Uja derejiji yani Diusu sa quirica su tueda ai cuana jepuiti: “Pamapa derejiji yani jacuatsasiati apejiji mahue cuana da Diusu ja ematsetayu.”
Galatians 3:21 in Tacana 21 ¿Jucuaja puji da su Diusu ja cristiano cuana mesa jacuatsasiati cuana tiataidha paata huecuana puji, tueda jacuatsasiati a putsu, Diusu peje su nimebutsepi eputa huecuana mahue biame? Beju aimue Diusu ja jacuatsasiati cuana tiataidha mahue cristiano cuana nimebutsepi paputa puji. Mesa jamitsuti jepuiti bahui Diusu ja cristiano cuana nimebutsepi yatani. Aimue detse Diusu peje su nimebutsepi puta cua huecuana mahue, jacuatsasiati cuana a putsu.
Ephesians 2:1 in Tacana 1 Edue cuana, equene Diusu butse su micuaneda jucha jepuiti matsejiji puina biame, Diusu ja micuana eid'e eni ametana, micuaneda Cristo neje dunejiji yani putsu.
Ephesians 2:5 in Tacana 5 Beju jucha jepuiti ecuaneda matsejiji puina biame, Diusu ja ecuana d'eji su atana, Cristo neje dunemetana putsu. Jiahue ecuaneda d'eji su yani, Diusu ja ecuana ebia su ibunebatana putsu.
Ephesians 3:7 in Tacana 7 Diusu ja ema ebia su ibuneda ebatani putsu, mesa quisaquisa puji ichatana mesa quisa saida cuana quisaquisa epu puji. Daja huecha ema mesa tucheda tiatana mesa quisa saida cuana quisaquisa epu puji.
Ephesians 4:11 in Tacana 11 Pamapa tusa dharejiji cuana tusa tucheda tiatana. Piada piada cuana apóstol ichatana. Pia cuana quisa puji ichatana Diusu peje jenetia ai quisa cuana quisa epu puji. Pia cuana mesa quisaquisa puji ichatana cristiano cuana cuaja d'eji su puta cua equisa puji. Pia cuana ehuidusuji ichatana. Pia cuana tusa jabuetsuti ebuetsuaji ichatana.
Colossians 1:25 in Tacana 25 Diusu ja ema mesa dharejiji cuana sa emebajaji ichatana tuna sa saida puji, tu jepuiti quisa saida cuana quisaquisa epupe puji.
1 Timothy 1:11 in Tacana 11 Diusu sa jabuetsuati cuana da saida. Da jepuiti Diusu ja cristiano cuana cuaja d'eji su puta cua eshanapametani. Tueda quisa saida cuana quisaquisa puji ema Diusu ja ichatana.
1 Timothy 4:6 in Tacana 6 Timoteo, ahua miada ye quema jabuetsuati cuana edue cuana ebuetsua su, mida Jesucristo sa emebajaji saida epu. Quema jabuetsuati cuana miada pia cuana buetsua putsu, miada quitaita Diusu eshanapaderati, daja huecha Diusu peje su enimetucheaderati.
2 Timothy 1:11 in Tacana 11 Diusu ja ema mesa quisaquisa puji ichatana mesa quisa saida cuana judío mahue cuana quisaquisa ya puji.
Hebrews 7:22 in Tacana 22 Daja Diusu Diusu bahue puidha putsu, Jesucristo ja ecuana Diusu peje su, nimebutsepi ata cua pia equene sacerdote ebia su saida.
Hebrews 8:6 in Tacana 6 Beju Cristo sa Diusu peje su eirutsuaji mudu cuana da ene quita, sacerdote cuana sa ebia su saida. Tuahueda equene sacerdote cuana ebia su saida Diusu ebajatani ecuaneseda puji. Diusu ja tueda sacerdote aida, ebia su saida ichatana mesa jamitsuti eichacua neje. Uja Diusu sa jamitsuti eichacua epuani: Diusu ja cristiano cuana sa jucha cuana eperdonatayu Cristo jepuiti.
Hebrews 9:15 in Tacana 15 Cristo ja Diusu sa jamitsuti eichacua cuana ecuana sa puji apirutana. Diusu sa biahua tiempo dharejiji cuana beju cielo su cuinaenitita cua, cuaja Diusu ja jamitsuti eichacua tiatana batame. Jiahue Cristo manuana putsu, cielo su putita cua huecuana, mecuana sa Cristo manuji mahue su jucha ataidha cuana Diusu ja perdonatana putsu.
Hebrews 12:24 in Tacana 24 Micuaneda Jesús quitaita enariainia. Tuahueda Tata Diusu ebajatani ecuaneseda puji, cuaja Diusu sa jamitsuti eichacua epuani batame. Micuaneda tusa ami d'uichajiji enariainia. Tueda ami jepuiti Diusu ja micuana eperdonatani. Biahua tiempo Diusu Caín chenu neje eturuca puidha, tuahueda mesa edue Abel chenu manuametaidha putsu. Beju jiahue aimue Diusu cristiano cuana neje eturuca epu mahue, mesa Ebacua Jesús manuametana huecuana biame.
Hebrews 13:20 in Tacana 20 Diusu ecuana sa Echua puji Jesucristo manujiji cuana duju jenetia netianametaibana ja menimepijajametaque. Netianaibana putsu, Jesucristo da ecuana sa Huisha Quinaji Nime epuani. Tusa ami d'uichajiji jepuiti Diusu ja cristiano cuana d'eji su yaenitani, cuaja mesa jamitsuti eichacua batame.
1 Peter 3:18 in Tacana 18 Cristo quitaita sufri puana emanu teje ecuana sa jucha cuana jepuiti. Piada nuati hue sufri puana pamapa sa puji. Tueda da saida biame, madhada cuana sa puji sufri puana Diusu peje su edusu huecuana puji. Curusu su manuametana huecuana biame, Espíritu Santo ja id'emetaibana.
1 John 1:1 in Tacana 1 Ema da Juan. Cristo jepuiti equisa puji yama micuana peje su ye quirica ebeituinia. Ye mundo ajiji mahue su, Cristo anidha beju. Tueda ye mundo su cuinana su, ecuanaju mesa jaquisati quisa saida cuana id'abana. Ecuanaju tu neje puniunetiana. Tueda ecuanaju bana ecuanaju sa etua quitaita neje. Tueda ecuanaju d'apabana ecuanaju sa eme quitaita neje. Tuahueda Diusu sa quisa saida cuana cristiano cuana equisatani. Quebata tueda quisa su jei epu su, eid'e epueni. Tu jepuiti bahui ecuana eid'e.