1 Timothy 1:17 in Tacana 17 Da putsu, ecuaneda eid'e eni Diusu aida pamitsutsuaenitija. Tueda da quetsunu su biame emanu mahue Diusu. Aimue aiya biame bata cua mahue. Tueda da piada quita, bahue eni Echua Puji. Pamapa su tu jepuiti saida pamimienita. Daja papu.
Other Translations King James Version (KJV) Now unto the King eternal, immortal, invisible, the only wise God, be honour and glory for ever and ever. Amen.
American Standard Version (ASV) Now unto the King eternal, immortal, invisible, the only God, `be' honor and glory forever and ever. Amen.
Bible in Basic English (BBE) Now to the King eternal, ever-living, unseen, the only God, be honour and glory for ever and ever. So be it.
Darby English Bible (DBY) Now to the King of the ages, [the] incorruptible, invisible, only God, honour and glory to the ages of ages. Amen.
World English Bible (WEB) Now to the King eternal, immortal, invisible, to God who alone is wise, be honor and glory forever and ever. Amen.
Young's Literal Translation (YLT) and to the King of the ages, the incorruptible, invisible, only wise God, `is' honour and glory -- to the ages of the ages! Amen.
Cross Reference Matthew 6:13 in Tacana 13 Be ecuanaju Ishahua peje su pirubameji. Tusa eme jenetia d'eji su ecuanaju aque. Tucheda neje cuatsasiaenique. Daja papu.
Matthew 25:34 in Tacana 34 Da su beju quema bai eni bene Diusu sa dharejiji cuana yama uja ya: “Menubique ema ecuatsasiati su, quema Tata Diusu ja micuana ibunebatana putsu. Meinatsuque micuaneseda puji Diusu ja basetataidha ai cuana. Mundo bataji puidha jenetia tuahueda tueda ai saida cuana basetapirutaidha micuaneseda puji.
Matthew 28:20 in Tacana 20 Mebuetsuatique huecuana, pamapa yama micuana jacuatsasiati tiana cuana. Bahue mepuque, ema pamapa hora su micuana neje yani. Beju pamapa ai cuana epupe teje, ema micuana neje yani. Daja papu.
John 1:18 in Tacana 18 Beju aimue quetsunu su biame aiya Tata Diusu ba. Tusa piada quita Ebacua ja bahui tueda batana, tu naja su yani putsu. Tuahueda ecuana cuaja Diusu quisatana.
Romans 1:20 in Tacana 20 Diusu ja tucheda eni jabamesaisiatiana, pamapa ai cuana ataidha putsu. Pamapa cristiano cuana ja beju Diusu eid'e eni, tucheda ebatani, tuahueda ye mundo pamapa ataidha putsu. Da putsu, pamapa tu peje su jei puja mahue cristiano cuana tu butse su juchaji eputa, aimue tu peje su jei puja mahue putana huecuana putsu.
Romans 1:23 in Tacana 23 Diusu eid'e eni deja eimea su turucatana huecuana emitsutsua puji. Daja huecha animalo eimea cuana su. D'ia cuana, pushi tame cuana, etsedu neje aseji cuana eimea cuana yatani huecuana emitsutsua puji, aimue tueda ai cuana ja etsahuatani mahue huecuana biame.
Romans 2:7 in Tacana 7 Pamapa cristiano cuana Diusu ja eturuca etiatayu, cuaja ye mundo su anime putana batame. Ahua quebata cuana sa Diusu tuna jepuiti saida pamimi tsada su, ahua tu neje cielo su anienitija huecuana su, da su Diusu ja eid'e yameenitayu huecuana.
Romans 16:27 in Tacana 27 Piada quita bahue eni Diusu pamitsutsuaenitija Jesucristo jepuiti. Daja papu.
Ephesians 3:20 in Tacana 20 Pamitsutsuatija Tata Diusu, tusa tucheda neje ecuana jepuiti ye mundo su tusa ai tsada cuana yatani putsu. Tuahueda ecuaneda ebajainia ebia su tiata cua. Daja huecha ecuaneda epibainia ebia su tiata cua, tueda da ebia su tucheda putsu.
Colossians 1:15 in Tacana 15 Diusu bataji mahue biame, mesa ebacua Jesucristo jepuiti ecuana peje su jabametiana. Tueda Jesucristo da anidha, pamapa ai cuana ajiji mahue su.
1 Timothy 6:15 in Tacana 15 Diusu aida sa tsada hora su Cristo epue cielo jenetia, tueda da pamapa pia echua puji cuana ebia su aida Echua Puji Diusu putsu.
Hebrews 1:8 in Tacana 8 Diusu sa Ebacua Jesucristo da ene quita Diusu. Uja Diusu puidha Cristo jepuiti: Mida da Diusu. Mida da ecuatsasia epueni. Butsepi neje mida ecuatsasia equeni.
Hebrews 11:27 in Tacana 27 Janimetucheati jepuiti echua puji sa duinini mue iyuba. Nimetucheda eni puidha echua puji butse su, tu neje Diusu eneti tu etsahua puji bataidha putsu.
1 Peter 5:11 in Tacana 11 Diusu aida, tucheda papueni. Daja papu.
2 Peter 3:18 in Tacana 18 Ecuana sa Echua Puji Jesucristo saida meshanapaenique. Daja hue ibuneda mebaderaque. Tueda tucheda, aida papueni. Daja papu.
1 John 4:12 in Tacana 12 Aiya biame Diusu mue ba biame, ahua ecuaneda huamahuama ibuneda ebatiani su, Diusu ecuana sa muesumu su yaniti. Mesa jaibunebati butsepi ebametiani ecuana duju su.
Revelation 4:8 in Tacana 8 Pamapa su sucuta nabaime putaina. Ebia bene, ema bene etua neje sejeajiji putaina. Tsine, dhidha satsutana huecuana uja: Echua Puji, mida da Diusu aida, saida, butsepi, jucha mahue. Mida chue pujianati eid'e jiahue teje. Daja hue eid'e yanieniderati.
Revelation 5:9 in Tacana 9 Da su beju pamapa su satsu eichacua satsupirutana uja: Miada bahui quirica inatsu putsu, huini sello cuana jemi cua. Miada bahui jemi cua, mida manuametana huecuana putsu. Mique ami jad'uichatiana putsu, miada ecuanaju Diusu peje su nimebutsepiana. Tsapiapiati yana su mimiji cuana peje jenetia, pamapa ejude jenetia miada ecuanaju d'eji su ana.
Revelation 7:12 in Tacana 12 Uja putana huecuana: ¡Gloria Tata Diusu! Diusulupai Tata Diusu. Mida bahui bahue eni puque. Pamapa cristiano cuana ja mida aida baenitaque. Pamapa pia cuana ebia su tucheda eni puque. Daja papu.
Revelation 15:3 in Tacana 3 Moisés chenu ja dharetaidha satsu satsutanetina huecuana. Huisha Janana Nime jepuiti satsu di satsutanetina huecuana tu emitsutsua puji. Beju uja satsutanetina huecuana: Echua Puji, mida da Diusu aida, tucheda. Nimetiuda aida mique ai jaati cuana. Mida da huaraji aida pamapa ejude cuana bia su. Mida da saida, nimebutsepi.
Revelation 17:14 in Tacana 14 Huisha Janana Nime neje emajaitita huecuana. Da su Huisha Janana Nime ja epishitiameta huecuana, tueda pamapa pia echua puji huaraji cuana ebia su aida putsu. Tu neje yanita cuana da mesa jadhareti. Tu peje su ebia su enimetucheatitani huecuana. Tuna neje tupupai Huisha Janana Nime ja ai senida madhada epishitiameenitayu.
Revelation 19:1 in Tacana 1 Da su beju yama id'abana dueji cristiano cuana cielo su mimi neje jubida etsiatsiatani uja: ¡Aleluya! Ecuana sa Diusu ja ecuana d'eji su atana. Tueda da tucheda eni. Pamitsutsuaenitija.
Revelation 19:6 in Tacana 6 Da su beju neicha dueji cristiano cuana etsiatsiatani yama id'abana. Tuna sa etsui cuana nai sa id'apadada nime id'abana. Tiri jubida nime tuna sa etsui id'abana. Uja putana huecuana: ¡Aleluya! Ecuana sa Diusu aida beju ecuatsasia pupiruitia.
Revelation 19:16 in Tacana 16 Mesa ejud'uji bia su daja huecha etidada yami su pia mesa ebani derejiji yani. Uja tueda ebani epuani: “Pamapa Echua Puji Cuana sa Echua Puji.”