1 John 3:19 in Tacana

19 Ahua daja ecuaneda ibuneda ebatiani su, ecuaneda da Diusu sa dharejiji saida cuana ebametiani. Da su Diusu peje su saida, beidaji epu, edue cuana neje saida ebatiani putsu.

Other Translations

King James Version (KJV)

And hereby we know that we are of the truth, and shall assure our hearts before him.

American Standard Version (ASV)

Hereby shall we know that we are of the truth, and shall assure our heart before him:

Bible in Basic English (BBE)

In this way we may be certain that we are true, and may give our heart comfort before him,

Darby English Bible (DBY)

And hereby we shall know that we are of the truth, and shall persuade our hearts before him --

World English Bible (WEB)

And by this we know that we are of the truth, and persuade our hearts before him,

Young's Literal Translation (YLT)

and in this we know that of the truth we are, and before Him we shall assure our hearts,

Cross Reference

John 13:35 in Tacana

35 Ahua micuaneda daja huamahuama ibuneda ebati su, pamapa cristiano cuana ja micuaneda da quema ebuqueji cuana eshanapata.

John 18:37 in Tacana

37 Da su Pilato ja Jesús quisabatana: —¿Da su jia mida echua puji? Jesús ja tueda jeutsutana: —Ehe, ema da cuaja mi epuani nime. Da puji ema bataji puana. Ema ye mundo su pueana mimi ene quita, butsepi cristiano cuana equisa puji. Beju pamapa mimi ene quita, butsepi id'abaji cuana bahui ema tije yata.

Romans 4:21 in Tacana

21 Daja Diusu ja tueda ebacua tiata cua Abraham chenu jei puidha.

Romans 8:38 in Tacana

38 Bahue saida ema Diusu ja ecuana daja hue ibuneda ebaderata. Ecuaneda eid'e ahua emanu su, aimue Diusu ja ecuana ibuneda ebarijita mahue. Aimue ángel, einid'u tucheda cuana, jiahue ejaitianani ai cuana, daja huecha epusiu ai cuana, baqui bauda, dueda eni su ai cuana, pia ai papu, tueda ai cuana ja Diusu sa ecuana neje jaibunebati cuana arijiameta cua mahue, ecuaneda Cristo neje dunejiji yani putsu.

2 Timothy 1:12 in Tacana

12 Tueda quisa saida ema quisaquisa epuani putsu, upia ema terijiji sufri epuani. Aimue ema ebidhuani mahue, Jesucristo peje su ema enimetucheatiani putsu. Bahue ema tueda tucheda eni yama pamapa tu menajatiana ai jabuetsuati saida eba puji tu epueicha teje.

Hebrews 6:10 in Tacana

10 Beju Diusu da butsepi. Aimue tueda micuana sa ai saida ajiji cuana esetata mahue. Micuaneda edue cuana ibuneda neje tsahuana aimue esetata mahue. Jiahue teje micuaneda edue cuana daja hue etsahuainia.

Hebrews 10:22 in Tacana

22 Da su beju pamapa muesumu butsepi neje menariatija. Tu peje su jubida menimetucheatija. Daja ecuaneda Diusu nariati cua, Cristo ja mesa ami neje ecuana saitiatana putsu. Aimue beju ecuaneda juchaji jabati cua mahue. Cuaja equene cristiano cuana jarucuatitaidha Diusu mebajaji mahue su nime, daja Diusu ja ecuana Espíritu Santo tia putsu ecuana rucuatana tu saida emebaja puji.

Hebrews 11:13 in Tacana

13 Pamapa tuneda Diusu peje su enimetucheatiani je, manupetaidha. Ye mundo emetse mahue cuana nime puniunetitaidha huecuana. Ye mundo su eid'e anitaidha su, aimue inatsupetaidha mahue Diusu sa jamitsuti ai saida cuana. Da putsu, ye mundo su mue inatsu ataidha huecuana biame, manutaidha huecuana Diusu peje su enimetucheatiani je, Diusu ja cielo su pamapa ai saida cuana etiatayu huecuana bahue putaidha putsu.

1 John 1:8 in Tacana

8 Ecuaneda juchaji cama epuani. Ahua ecuaneda, “Ecuaneda mu jucha mahue”, epuani su, ecuaneda bid'umimi puji. Daja pu putsu, ecuaneda quitaita ebaseatiani.

1 John 3:14 in Tacana

14 Diusu ja ecuana nimeeichacua, eid'e aenitana cielo su tu neje yaneniti puji. Da putsu, ecuaneda edue cuana saida ibuneda ebatiani. Beju quebata ja mesa edue ibuneda ebatani mahue, aimue tueda nimeeichacua mahue. Tueda Diusu mahue putsu, emanu nime.

1 John 3:21 in Tacana

21 Daja huecha ahua jucha mahue ecuaneda ebatiani su, ecuaneda Diusu peje su jubida enimetucheatiani.