1 Corinthians 9:17 in Tacana

17 Ahua ema quema tsada hue Diusu sa quisa saida quisaquisa epuani su, da su Diusu ja ema echuje tiata cua. Beju aimue daja mahue. Aimue quema piba jenetia mahue, Diusu ja ema dharetana putsu, mesa quisa saida quisaquisa epu puji. Da putsu, aimue yama echuje echacuinia mahue.

Other Translations

King James Version (KJV)

For if I do this thing willingly, I have a reward: but if against my will, a dispensation of the gospel is committed unto me.

American Standard Version (ASV)

For if I do this of mine own will, I have a reward: but if not of mine own will, I have a stewardship intrusted to me.

Bible in Basic English (BBE)

But if I do it gladly, I have a reward; and if not, I am under orders to do it.

Darby English Bible (DBY)

For if I do this voluntarily, I have a reward; but if not of my own will, I am entrusted with an administration.

World English Bible (WEB)

For if I do this of my own will, I have a reward. But if not of my own will, I have a stewardship entrusted to me.

Young's Literal Translation (YLT)

for if willing I do this, I have a reward; and if unwillingly -- with a stewardship I have been entrusted!

Cross Reference

Matthew 10:41 in Tacana

41 Beju quebata ja Diusu sa profeta ebatsuta su, Diusu ja profeta sa echuje huecha tueda cha tiayu hue yata. Quebata ja deja nimebutsepi saida ebatsuta su, Diusu ja deja nimebutsepi sa echuje huecha tueda cha tiayu hue yata.

Matthew 24:25 in Tacana

25 Beju yama jiahue micuana butsepi equisainia, tueda ai cuana cuinaji mahue su.

Luke 12:42 in Tacana

42 Jesús ja Pedro jeutsutana: —Quema jabuetsuati cuana quebata papu cuana sa puji. Ete emetse ecuinanani su, pamapa mesa emebajaji cuana piada emebajaji emenajatiajusianatani saida pabata huecuana puji.

1 Corinthians 3:8 in Tacana

8 Ebanaji, ebiad'uichaji detse da tupupai Diusu butse su. Pamapa Diusu mebajaji cuana Diusu ja echuje etiata, cuaja mebajatana huecuana batame.

1 Corinthians 3:14 in Tacana

14 Ahua quebata edue ja Jesucristo saida emebajata su, Diusu ja tueda saida echuje etiatayu, mesa Diusu sa puji ai jamebajati chujeji cuana da oro, plata, joya cuana nime Diusu ja ebata putsu. Ahua quebata edue ja Jesucristo saida emebajata mahue su, aimue Diusu ja tueda echuje etiata mahue, mesa ai jamebajati saida mahue cuana da aqui, nutsa, eina cuana nime Diusu ja ebata putsu. Tueda saida mahue jamebajati cuana cuati utsu su etiupetayu. Beju mesa mudu saida mahue epu biame, tueda edue da d'eji su epu.

1 Corinthians 4:1 in Tacana

1 Micuaneseda ecuanaju Cristo sa emebajaji nime bahui ba taji. Diusu ja ecuanaju cuatsasiatana mesa etsia quisa micuana ebuetsua puji.

1 Corinthians 9:16 in Tacana

16 Diusu sa quisaquisa puji jabati putsu, aimue ema aida ebatiani mahue. Aimue yama tueda mudu dhareana mahue, Diusu ja ema da puji dharetana putsu. Diusu sa quisa saida cuana quema puji cuaja quisaquisa puriji taji mahue. Ahua ema quisaquisa puriji cua su, aba ema, da puji ema Diusu ja dharetana putsu.

2 Corinthians 8:12 in Tacana

12 Ahua ene quita micuaneda chipilu tiaja su, micuana sa ai chidi cuana jenetia tia taji. Quejucua tiaja tupu beju tia taji. Daja Diusu sa tsada.

Galatians 2:7 in Tacana

7 Beju bahue putana huecuana Diusu ja ema huaratiatana mesa Cristo jepuiti quisa saida cuana judío mahue cuana peje su quisaquisa eputi puji. Daja huecha Pedro huaratiatana Diusu ja tueda quisa saida cuana judío cuana peje su quisaquisa paputi puji bahue putana huecuana.

Ephesians 3:2 in Tacana

2 Micuaneseda bahue pu taji Diusu ja ema huaratiatana mesa quisa saida cuana judío mahue cuana peje su quisaquisa epu puji. Tueda da micuana sa saida puji, micuaneda da judío mahue putsu.

Philippians 1:16 in Tacana

16 Daja quisaquisa eputani huecuana cristiano cuana tuna tije bahui paputa puji. Tuneseda tsada mahue cristiano cuana ja ema paid'abata puji. Beidaji huecuana, ema terijiji yani ba putsu. Quema sufrimiento cuana yapacaja yatani huecuana.

Colossians 1:25 in Tacana

25 Diusu ja ema mesa dharejiji cuana sa emebajaji ichatana tuna sa saida puji, tu jepuiti quisa saida cuana quisaquisa epupe puji.

1 Thessalonians 2:4 in Tacana

4 Diusu quitaita ja ecuanaju beitutana, tsaba putsu. Tuahueda ecuanaju huaratiatana mesa quisa saida cuana cristiano cuana peje su quisaquisa epu puji. Daja ecuanaju quisaquisa epuani Diusu bahui beidaji yame puji. Aimue cristiano cuana beidaji yame puji ecuanaju quisaquisa epuani mahue. Diusu bahui ecuanaju beidaji yameinia, tuahueda ecuanaju sa piba cuana tsabatana putsu.

1 Timothy 1:11 in Tacana

11 Diusu sa jabuetsuati cuana da saida. Da jepuiti Diusu ja cristiano cuana cuaja d'eji su puta cua eshanapametani. Tueda quisa saida cuana quisaquisa puji ema Diusu ja ichatana.

Philemon 1:14 in Tacana

14 Aimue daja ya mahue, ahua mique tsada mahue su. Aimue yama mi jubida neje ecuatsasia mahue ai chidi su ema etsahua puji.

1 Peter 5:2 in Tacana

2 Saida mebaque Diusu sa dharejiji cuana. Cristo sa jabuetsuati cuana mebuetsuaque huecuana, Diusu ja micuana equinametani putsu. Daja micuaneseda a taji pamapa muesumu, ibuneda neje, aimue jubida neje mahue. Be echuje einatsu puji bahui saida mequinaji huecuana. Saida piba neje memebajaque huecuana. Daja Diusu sa tsada.