1 Corinthians 1:18 in Tacana 18 Beju ecuaneseda puji tueda curusu jepuiti ai quisa saida cuana da tucheda eni ecuana d'eji su ya puji. Castigo su eputita cuana sa tsada mahue Diusu sa curusu jepuiti ai quisa saida cuana. Tueda curusu jepuiti ai quisa saida cuana da quisa tseitsi nime tuneseda puji ebia su bahue eni ebatitani huecuana putsu.
Other Translations King James Version (KJV) For the preaching of the cross is to them that perish foolishness; but unto us which are saved it is the power of God.
American Standard Version (ASV) For the word of the cross is to them that perish foolishness; but unto us who are saved it is the power of God.
Bible in Basic English (BBE) For the word of the cross seems foolish to those who are on the way to destruction; but to us who are on the way to salvation it is the power of God.
Darby English Bible (DBY) For the word of the cross is to them that perish foolishness, but to us that are saved it is God's power.
World English Bible (WEB) For the word of the cross is foolishness to those who are dying, but to us who are saved it is the power of God.
Young's Literal Translation (YLT) for the word of the cross to those indeed perishing is foolishness, and to us -- those being saved -- it is the power of God,
Cross Reference Acts 2:47 in Tacana 47 Diusu mitsutsuatana huecuana. Cristiano cuana ja pamapa jei eputani cuana saida batana. Pamapa tsine Cristo ja pia cristiano cuana d'eji su atana. Da su tu peje su jei eputani cuana jajucuatitana beju.
Acts 13:41 in Tacana 41 Mechamaque, jashishatiji cuana. Menimetiuque. Metaitanapeque. Ema da Diusu. Yama nimetiuda aida yainia micuana butse su mechamaque puji. Aimue micuana jei epu mahue, pia cuana ja micuana equisatani biame.
Acts 17:18 in Tacana 18 Piada piada tuneda epicúreo cuana sa jabuetsuati cuana su jei putana. Pia cuana ja estoico cuana sa jabuetsuati cuana su jei putana. Da su Pablo neje jubida jacuicuinatitana huecuana. Uja jaquisabatitana huecuana: —¿Ai pa da ye deja quisa epuani? Pia cuana tuneda uja putana: —Ye deja ja diusu eshanapa mahue cuana jepuiti ecuana quisaja yatani. Daja putana huecuana, Pablo Jesús id'eibana quisaquisa puana putsu.
Acts 17:32 in Tacana 32 Da su beju Pablo, Jesús id'eibana, epuani id'aba putsu, piada piada cuana jashishatitana. Pia cuana ja mu uja Pablo atana: —Pia tsunu su chu memimija cuaja manujiji cuana id'eyume epu jepuiti.
Romans 1:16 in Tacana 16 Aimue quema bidhu Cristo jepuiti Diusu sa quisa saida cuana quisaquisa epu puji. Tueda quisa saida cuana da tucheda eni cristiano cuana d'eji su ya puji. Ahua quebata Diusu sa quisa saida cuana su jei epu su, tueda Diusu ja d'eji su yatayu. Tueda Cristo jepuiti quisa saida cuana Diusu ja equene judío cuana quisamepirutana d'eji su paputa huecuana puji. Beju jiahue mu pamapa pia yahua cuana su aniji cristiano cuana peje su di tueda quisa saida cuana quisaquisa yametani tuneda di d'eji su paputa puji.
1 Corinthians 1:21 in Tacana 21 Cuaja shanapa taji mahue Diusu ebatani huecuana tuna sa piba bahue eni ai cuana jepuiti. Beju cristiano cuana d'eji su puta cua, Diusu sa quisa saida su jei pu putsu bahui. Tueda quisa saida neje Diusu ja cristiano cuana d'eji su yatani, bahue eni cuana ja tueda quisa saida cuana quisa tseitsi nime hue ebatani biame.
1 Corinthians 1:23 in Tacana 23 Ema judío cuana peje su, Cristo manuana tuna d'eji su ya puji, quisaquisa epuani su, cha ebia su duinini hue eputani huecuana ema neje. Daja huecha ema judío mahue cuana peje su Cristo jepuiti quisa saida cuana quisaquisa epuani su, tueda quisa saida da quisa tseitsi nime hue ebatani huecuana.
1 Corinthians 2:2 in Tacana 2 Ema micuana quisaquisa puana Cristo curusu su manuana jepuiti bahui.
1 Corinthians 2:14 in Tacana 14 Quebata sa Espíritu Santo aimue yani mahue su, aimue Diusu sa piba ai cuana shanapata cua mahue. Tuseda puji mu mue ai puji saida mahue nime ebatani Diusu sa ai cuana. Cuaja shanapa taji mahue ebatani, tuseda aimue muesumu su Espíritu Santo yani mahue putsu.
1 Corinthians 3:19 in Tacana 19 Ye mundo sa bahue eni ai cuana da mue ai puji saida Diusu ja ebatani. Beju uja derejiji yani Diusu sa quirica su: “Diusu ja deja cuana ebaseametani tuna sa bahue eni ai cuana quitaita jepuiti.”
1 Corinthians 15:2 in Tacana 2 Micuaneda d'eji su puana, Diusu sa quisa saida su jei puana putsu. Ahua daja hue jiahue teje micuaneda quema jabuetsuati cuana su jei epuderani su, beju d'eji su micuaneda. Da su aimue yanacane micuaneda quema quisa cuana eid'aba mahue.
2 Corinthians 2:15 in Tacana 15 Ecuaneda da incienso puida Tata Diusu peje su eirutsuaji nime. Daja puidame nime da ecuaneda Diusu peje su, Cristo neje dunejiji yani putsu. Tueda Diusu sa quisa saida puida nime cuana eberereatiani tu peje su jei eputani cuana peje su. Daja huecha tu peje su jei puja mahue cuana peje su di eberereatiani.
2 Corinthians 4:3 in Tacana 3 Cuati castigo su eputita cuana ja aimue quema Cristo jepuiti quisaquisa cuana eshanapatani mahue, Ishahua ja tuna sa piba cuana pitsametana putsu.
Galatians 6:12 in Tacana 12 Merejatique jahuitsanasiquitiji ebuetsuaji cuana neje. Tuneda ebuetsuatani edue cuana sa jahuitsanasiquiti taji Diusu peje su nimebutsepi epu puji. Daja edue cuana buetsuaja yatani huecuana curusu jepuiti quisa saida cuana aja mahue cuana ja aimue tijetije paata huecuana mahue puji.
1 Thessalonians 1:5 in Tacana 5 Equene ecuanaju micuana peje su quisaquisa puana Diusu sa quisa saida cuana. Espíritu Santo di mi peje su tucheda neje cuinana, ecuanaju micuana peje su quisaquisa puana su. Tuahueda micuana saida shanapametana ecuanaju sa ene quita quisa saida cuana. Beju micuaneda bahue, ecuanaju micuana neje anina su, saida ecuanaju jadusutiana micuana sa saida puji.
2 Thessalonians 2:10 in Tacana 10 Pamapa Diusu tsada mahue cristiano cuana ebaseatayu, Diusu peje su jei puja mahue huecuana putsu. Tueda deja madhada sa bid'umimi quisa su bahui jei eputa huecuana.
Hebrews 4:12 in Tacana 12 Beju Diusu sa quisa saida cuana da eid'e, tucheda, espada bubeta queuda nime. Cuaja espada equita su enubiani nime, daja Diusu sa quisa saida cuana enime su enubiani. Tueda quisa saida cuana ja pamapa cristiano cuana sa piba madhada cuana ebametani.