Zechariah 3 in Susu

1 عَ نَشَ سّرّشّدُبّ كُنتِفِ يٌسُوٍ مَسٍن ﭑ بّ، عَ نُ تِشِ عَلَتَلَ شَ مَلٍكّ يَ عِ. سٍنتَنّ نُ تِشِ عَ يِرٍقَنيِ مَ عَ شَ عَ تْوحّفّ.

2 عَلَتَلَ نَشَ عَ قَلَ سٍنتَنّ بّ، «ﭑ تَن، عَلَتَلَ نَشَن دَرِ سَلَمُ سُفَندِشِ، ﭑ بَرَ عَ قَلَ عِ بّ سٍنتَنّ، عِ سَبَرِ! يٍفٍ شُنتُنيِ شَ مُ نَ يِ شّمّ رَ نَشَن بَشِ تّ دّ عِ؟»

3 يٌسُوٍ نُ تِشِ مَلٍكّ يَ عِ، دُفِ نْشْشِ نَن نُ رَفٌرٌشِ عَ مَ.

4 مَلٍكّ نَشَ عَ قَلَ عَ بٌورٍيٍ بّ نَشٍيٍ نُ تِشِ يٌسُوٍ سّيتِ مَ، «وٌ دُفِ نْشْشِيٍ بَ عَ مَ.» عَ مَن نَشَ عَ قَلَ يٌسُوٍ بّ، «عَ مَتٌ، ﭑ بَرَ عِ شَ يُنُبِ بَ، ﭑ بَرَ دُفِ تٌقَنيِيٍ رَفٌرٌ عِ مَ.»

5 ﭑ نَشَ عَ قَلَ، «وٌ شَ شُنيِ رَتٌقَن سٍ سّنِيّنشِ دْشْ عَ شُنيِ مَ.» عٍ نَشَ شُنيِ رَتٌقَن سٍ سّنِيّنشِ دْشْ عَ شُنيِ مَ، عٍ نَشَ دُفِيٍ رَفٌرٌ عَ مَ. عَلَتَلَ شَ مَلٍكّ نُ تِشِ نَا.

6 عَلَتَلَ شَ مَلٍكّ نَشَ يِ مَسٍنيِ تِ يٌسُوٍ بّ،

7 «مَنفّ عَلَتَلَ شَ مَسٍنيِ نَن يَ؛ شَ عِ حّرّ ﭑ مَ كِرَيٍ شْن، شَ عِ ﭑ مَ يَامَرِيٍ سُشُ، عِ قَمَ نّ ﭑ مَ بَنشِ رَحّرّدٍ، عِ قَ ﭑ مَ تّتّ مَكَنتَدٍ. نَ تّمُي عِ يِرٍ سْتْمَ نّ بٍ يٍيٍ تَفِ.

8 سّرّشّدُبّ كُنتِفِ يٌسُوٍ، عِ تَن نُن نَشٍيٍ دْشْشِ عِ يَ عِ، وٌ وٌ تُلِ مَتِ. وٌ بَرَ قِندِ مِسَالِ رَ. ﭑ قَمَ ﭑ مَ كٌنيِ شّيدٍ، نَشَن شِلِ ‹سَلٌنيِ.›

9 وٌ شَ فّمّ مَتٌ ﭑ نَشَن دْشْشِ يٌسُوٍ يَ عِ. يَ سٌلٌقٍرٍ نَ نَ فّمّ كٍرٍنيِ مَ. ﭑ سّبّلِ تِمَ نّ عَ مَ، ﭑ مَن قَ يِ بْشِ شَ يُنُبِ بَ لْشْي كٍرٍن كُي.» مَنفّ عَلَتَلَ شَ مَسٍنيِ نَن نَ كِ.

10 «نَ لْشْي، وٌ وٌ بٌورٍ شِلِمَ نّ، وٌ شَ لُ يِرٍ كٍرٍن وٌ شَ وّنِ بِلِ نُن شْرّ بِلِ بُن مَ.» مَنفّ عَلَتَلَ شَ مَسٍنيِ نَن نَ كِ.