Romans 6 in Susu

1 وٌن قَ مُنسٍ قَلَمَ قَ؟ وٌن مَن شَ نُ لُ يُنُبِ رَبَ رَ، عَلَكٌ عَلَ شَ هِننّ شُن شَ مَسَ؟

2 عَستْقُلَهِ! وٌن بَرَ وٌن كٌبٍ سٌ يُنُبِ رَ عَلْ قَشَمِشِ عَ كٌبٍ سٌمَ دُنِحَ رَ كِ نَشّ. وٌن مَن قَ نْمَ حّرّدٍ يُنُبِ كُي دِ؟

3 وٌن تَن بِرِن نَشٍيٍ بَرَ وٌن شُنشَ يٍ شْورَ، وٌن نُن عَلَ شَ مِشِ سُفَندِشِ عِسَ نَن قَ عَ رَ قَ. وٌ مُ عَ كٌلٌن عَ وٌن شُنشَقٍ يٍ شْورَ نَ بَرَ مِسَالِ عِسَ شَ قَشّ رَ؟

4 وٌن شُنشَقٍ يٍ شْورَ سَابُي رَ، وٌن نُن مَرِفِ عِسَ بَرَ قَشَ، وٌن مَن بَرَ سَ فَبُرِ عَ سّيتِ مَ. يِ رَبَشِ نّ عَلَكٌ وٌن قَن شَ دُنِحّءِفِرِ نّينّ تٌنفٌ، عَلْ عَلَ شَ مِشِ سُفَندِشِ كٍلِ قَشَمِشِيٍ تَفِ كِ نَشّ بَبَ عَلَ سّنبّ مَكَابَشِ سَابُي رَ.

5 نَ كُي، شَ وٌن نُن مَرِفِ عِسَ بَرَ قِندِ كٍرٍن نَ وٌن وٌن شُنشَشِ يٍ شْورَ تّمُي نَشّ عَ شَ قَشّ مَ مِسَالِ رَ، وٌن مَن قَمَ نّ رَكٍلِدٍ قَشّ مَ عَلْ عَ تَن.

6 وٌن شَ عَ كٌلٌن عَ وٌن مَ قٍ قٌرِ بَرَ بَنبَن وُرِ مَفَلَنبُشِ مَ عَ نُن مَرِفِ عِسَ رَ، عَلَكٌ وٌن يُفٍ قٌرِ شَ مَسَرَ نَشَن نُ يُنُبِ رَبَمَ، وٌن نَشَ قِندِ يُنُبِ شَ كٌنيِيٍ رَ سْنْن.

7 بَرِ مَ شَ مِشِ بَرَ قَشَ، عَ كَنيِ بَرَ فبِلٍن يُنُبِ رَبَقٍ قْشْ رَ.

8 يَكْسِ، شَ وٌن بَرَ قَشَ وٌن نُن عَلَ شَ مِشِ سُفَندِشِ، وٌن مَن لَشِ عَ رَ عَ وٌن كِسِمَ نّ وٌن نُن عَ تَن،

9 بَرِ مَ وٌن عَ كٌلٌن عَ عَلَ شَ مِشِ سُفَندِشِ تٌ بَرَ رَكٍلِ قَشّ مَ نَ كِ عَ مُ قَشَمَ سْنْن. قَشّ شَ نْي يٌ مُ نَ عَ قَرِ سْنْن.

10 عَ تٌ قَشَ، يُنُبِ مُ سٍسٍ نْمَ عَ رَ سْنْن. عَ تٌ بَرَ رَكٍلِ قَشّ مَ، عَ قَ كِسِشِ عَلَ نَن بّ.

11 نَ كُي، وٌ شَ وٌ يّتّ تٌ قَشَمِشِ رَ يُنُبِ تَن مَبِرِ. وٌ مَن تٌ كِسِشِ، وٌ بَرَ قِندِ عَلَ نَن شَ كِسِ مِشِ رَ عَ شَ مِشِ سُفَندِشِ عِسَ سَابُي رَ.

12 نَ نَن عَ تٌشِ عَ مُ لَن يُنُبِ شَ نْ وٌ نِي رَ سْنْن، عَلَكٌ وٌ نَشَ بِرَ وٌ نِي وَشْنقٍ كٌبِيٍ قْشْ رَ.

13 وٌ نَشَ وٌ قَتٍ رَبٌلٌ يُنُبِ يِ، عَ شَ قِندِ قٍ كٌبِ رَبَسٍ رَ. وٌ شَ وٌ يّتّ بِرِن سَ عَلَ سَفٌي عَلْ مِشِ نَشٍيٍ كٍلِشِ قَشّ مَ، عٍ كِسِ. وٌ قَتٍ بِرِن شَ قِندِ تِنشِنيِ رَبَسٍ نَن نَ عَلَ بّ

14 نَ كُي، وٌ نَشَ عَ لُ يُنُبِ شَ نْ وٌ رَ، بَرِ مَ سّرِيّ شَ نْي مُ وٌ قَرِ سْنْن. وٌ قَ نَ عَلَ شَ هِننّ نَن كُي.

15 وٌن قَ نَ مَ دِ؟ سّرِيّ شَ نْي تٌ مُ وٌن قَرِ سْنْن وٌن تٌ قَ نَ عَلَ شَ هِننّ نَن كُي، وٌن شَ يُنُبِ رَبَ يِرٍ؟ عَستْقُلَهِ!

16 وٌ مُ عَ كٌلٌن عَ وٌ نَ وٌ يّتّ قِندِ مِشِ ندٍ شَ كٌنيِ رَ، قٌ وٌ شَ عَ شَ يَامَرِ بِرِن نَبَتُ؟ وٌ مُ عَ كٌلٌن عَ وٌ نَ نَشَن شَ يَامَرِ رَبَتُ، نَ نَن قِندِشِ وٌ مَرِفِ رَ، عَ نَ قَ قِندِ يُنُبِ رَ نَشَن وٌ شَنِنمَ قَشّ مَ، شَ نَ مُ عَ قِندِ عَلَ رَ نَشَن وٌ شَنِنمَ كِسِ مَ؟

17 كْنْ عَلَ تَنتُ! وٌ تَن نَشٍيٍ نُ قِندِشِ يُنُبِ شَ كٌنيِيٍ رَ، نْندِ تٌ كَوَندِ وٌ بّ، وٌ نَ نَن نَبَتُقٍ قَ وٌ بْحّ بِرِن نَ.

18 وٌ بَرَ شْرّيَ يُنُبِ شَ كٌنيِيَ مَ، وٌ قَ قِندِشِ عَلَ شَ كٌنيِيٍ نَن نَ، عَلَكٌ وٌ شَ بِرَ تِنشِنيِ قْشْ رَ.

19 ﭑ وْيّنقٍ نّ وٌ بّ عَلْ مِشِيٍ وْيّنمَ كِ نَشّ، عَلَكٌ وٌ شَ قَهَامُي سْتْ. سِنفٍ رَ نُ، وٌ نُ وٌ يّتّ قِندِشِ يُنُبِ شَ كٌنيِيٍ نَن نَ، وٌ شَ وَلِ كٌبِيٍ نُ سِفَ شُن مَسَ رَ تُن. كْنْ يَكْسِ، وٌ شَ قِندِ تِنشِنيِ نَن شَ كٌنيِيٍ رَ، وٌ لُ سّنِيّنيِ كِرَ شْن.

20 وٌ تٌ نُ نَ يُنُبِ شَ كٌنيِيَ كُي، تِنشِنيِ شَ نْي يٌ مُ نُ نَ وٌ قَرِ.

21 وٌ نُ حّرّ مَ قٍ كٌبِ نَشٍيٍ كُي، وٌ قَ يَافِشِ نَشٍيٍ رَ تٌ، نٍيٍ مُنسٍ قَنشِ وٌ مَ؟ قَشّ فبَنسَن نَن قَمَ نَ قٍ مْولِيٍ شَنبِ رَ.

22 كْنْ يَكْسِ، وٌ تٌ بَرَ مِنِ يُنُبِ شَ كٌنيِيَ كُي، وٌ قِندِ عَلَ شَ كٌنيِيٍ رَ، وٌ سّنِيّنيِ نَن سْتْقٍ يِ كِ نَشَن عَ نِيَمَ وٌ شَ كِسِ عَبَدَن.

23 بَرِ مَ يُنُبِ سَرٍ قِندِشِ قَشّ نَن نَ، كْنْ عَلَ شَ كِ قِندِشِ عَ شَ هِننّ نَن نَ؛ وٌن شَ كِسِ عَبَدَن وٌن مَرِفِ عِسَ سَابُي رَ، عَلَ شَ مِشِ سُفَندِشِ.