Revelation 8 in Susu

1 عَ تٌ بُكِ بَلَنسٍ سٌلٌقٍرٍ ندٍ رَبِ، كُيٍ نَشَ لُ يٍن وَشَتِ تَفِ حْندْن بُن مَ.

2 ﭑ نَشَ مَلٍكّ سٌلٌقٍرٍ تٌ، نَشٍيٍ نُ تِشِ عَلَ يَ عِ، سَرَ سٌلٌقٍرٍ نَشَ سٌ عٍ يِ رَ.

3 مَلٍكّ فبّتّ نَشَ قَ، عَ تِ سّرّشّبَدٍ قَرِ، سُرَيِ سَسٍ شّيمَ دَاشِ نُ نَ عَ يِ رَ. عٍ نَشَ سُرَيِ فبٍفبٍ سٌ عَ يِ رَ، عَ نُن سّنِيّنتْي بِرِن شَ عَلَ مَشَندِيٍ رَ. عَ نَشَ نَ سُرَيِ فَن سّرّشّبَدٍ شّيمَ دَاشِ مَ عَلَ شَ كِبَنيِ يَ عِ.

4 سُرَيِ تُورِ نَشَ تٍ عَلَ يَ عِ، عَ نُن سّنِيّنتْي شَ عَلَ مَشَندِيٍ، كٍلِقٍ مَلٍكّ بّلّشّ.

5 مَلٍكّ نَشَ سُرَيِ فَنسٍ تٌنفٌ، عَ نَشَ سّرّشّبَدٍ تّ سَ عَ كُي، عَ قَ عَ وٌلِ دُنِحَ مَ. فَلَنيِيٍ نَشَ بُلَ، شُييٍ نَشَ مّ، سٍيَمَكْنيِيٍ نَشَ مِنِ، بْشِ نَشَ سّرّن.

6 مَلٍكّ سٌلٌقٍرٍ، سَرَيٍ نُ نَ نَشٍيٍ يِ رَ، نٍيٍ نَشَ كٍلِ، عٍ شَ سَرَيٍ قٍ.

7 مَلٍكّ سِنفٍ تٌ عَ شَ سَرَ قٍ، بَلَبَلَنيِ نُن تّ نَشَ فٌرٌ دُنِحَ مَ، عٍ مَسُنبُشِ وُلِ رَ. بْشِ عِتَشُنشِ سَشَن نَ، نَ دْشْدٍ سَشَن ندٍ نَشَ فَن. وُرِ بِلِيٍ عِتَشُنشِ سَشَن نَ، نَ دْشْدٍ سَشَن ندٍ نَشَ فَن. حٌوفٍ شِندٍ بِرِن نَشَ فَن.

8 مَلٍكّ قِرِن ندٍ تٌ سَرَ قٍ، فٍيَ شُنفبٍ، تّ نَشَن فَنقٍ، عَ نَشَ سِن بَا مَ. بَا عِتَشُنشِ سَشَن نَ، نَ دْشْدٍ كٍرٍن نَشَ قِندِ وُلِ رَ.

9 بَا نِمَسٍيٍ عِتَشُنشِ سَشَن نَ، نَ دْشْدٍ سَشَن ندٍ نَشَ قَشَ. كُنكُييٍ عِتَشُنشِ سَشَن نَ، نَ دْشْدٍ سَشَن ندٍ قَن نَشَ كَنَ.

10 مَلٍكّ سَشَن ندٍ تٌ سَرَ قٍ، تُنبُي دّشّشِ بٍلٍبٍلٍ نَشَ بِرَ. شُرٍيٍ عِتَشُنشِ سَشَن نَ، نَ تُنبُي نَشَ بِرَ نَ سَشَن ندٍ مَ عَ نُن دُلٌنيِيٍ مَ.

11 نَ تُنبُي شِلِ نّ «شْنّ.» دُنِحَ يٍ عِتَشُنشِ سَشَن نَ، نَ دْشْدٍ سَشَن ندٍ تٌ قِندِ شْنّ رَ، عَدَ مَدِ فبٍفبٍ نَشَ قَشَ نَ مَ.

12 مَلٍكّ نَانِ ندٍ تٌ سَرَ قٍ، سٌفٍ، كِكٍ، نُن تُنبُي عِتَشُنشِ سَشَن نَ، نَ دْشْدٍ سَشَن ندٍ نَشَ قِندِ دِ مِ رَ. ندٍ نَشَ بَ يَنيِ نُن كْي شَ نَءِيَلَنيِ رَ.

13 نَ تّمُي ﭑ نَشَ شَرُ مَ ندٍ شُي مّ كٌورٍ مَ، عَ نَشَ عَ قَلَ عَ شُي عِتٍشِ رَ، «حَشَنكَتّ نَ دُنِحَ مِشِيٍ بّ، حَشَنكَتّ نَ عٍ بّ سَرَ قٍ تّمُي، مَلٍكّ سَشَنيِيٍ قَمَ نَشٍيٍ قٍدٍ.»