Revelation 20 in Susu

1 نَ دَنفِ شَنبِ، ﭑ نَشَ مَلٍكّ تٌ فٌرٌ رَ كٍلِقٍ كٌورٍ مَ، يِلِ تِلِنشِ نَادّ سَابِ نُن يْلْنشْنيِ بٍلٍبٍلٍ نُ نَ عَ يِ رَ.

2 عَ نَشَ نَ سُبٍ مَفَاشُشِ سُشُ، نَ بْشِمَسٍ قٌرِ، نَشَن قِندِشِ عِبُلِسَ رَ، نَ نَن نَ كِ سٍنتَنّ. عَ نَشَ عَ شِرِ، عَ شَ لُ نَ كِ حّ وُلُ كٍرٍن بُن مَ.

3 عَ نَشَ عَ وٌلِ يِلِ تِلِنشِ كُي، عَ نَادّ بَلَن، عَ تْنشُمَ سَ نَادّ مَ، عَلَكٌ عَ نَشَ مِنِ سِيٍ مَدَشُدٍ هَن نَ حّ وُلُ كٍرٍن شَ كَمَلِ. نَ شَنبِ عَ لَنمَ عَ شَ قُلُن وَشَتِ دُنكٍدِ بُن مَ.

4 ﭑ نَشَ كِبَنيِ ندٍيٍ تٌ. مِشِ نَشٍيٍ مَفٌرٌشِ عٍ كُي، نٍيٍ نُ بَرَ يَامَرِ سْتْ عٍ شَ كِيتِ سَ. ﭑ نَشَ مِشِيٍ تٌ نَشٍيٍ شُنيِيٍ نُ بَرَ بَ عٍ دّ عِ عِسَ شَ سٍيدٍحْشْيَ نُن عَلَ شَ مَسٍنيِ شَ قٍ رَ. ﭑ مَن نَشَ مِشِيٍ تٌ نَشٍيٍ مُ نُ تُوبِ نَ سُبٍ نُن عَ شَ كُيٍ بّ، نَ سُبٍ شِلِ مُ نُ سّبّشِ عٍ تِفِ مَ، شَ نَ مُ عَ رَ عٍ بّلّشّ مَ. عٍ نُ بَرَ كٍلِ قَشّ مَ، عٍ حِحّ، عٍ يَامَرِ رَبَ عَلَ شَ مِشِ سُفَندِشِ سّيتِ مَ حّ وُلُ كٍرٍن بُن مَ.

5 بٌورٍ مِشِ قَشَشِيٍ مُ نُ كٍلِشِ قَشّ مَ سِندٍن، قٌ نَ حّ وُلُ كٍرٍن شَ كَمَلِ. مَرَكٍلِ سِنفٍ نَن نَ كِ.

6 حّلّشِنيِ نُن سّنِيّنيِ نَ مِشِيٍ بّ نَشٍيٍ بَرَ لُ نَ مَرَكٍلِ سِنفٍ كُي. سَيَ قِرِن ندٍ مُ نْمَ عٍ لِدٍ سْنْن. عٍ قِندِ مَ نّ عَلَ نُن عَلَ شَ مِشِ سُفَندِشِ شَ سّرّشّدُبّيٍ رَ، عٍ قَ يَامَرِ تِ عَ سّيتِ مَ حّ وُلُ كٍرٍن بُن مَ.

7 نَ حّ وُلُ كٍرٍن نَ كَمَلِ تّمُي نَشّ، سٍنتَنّ مِنِمَ نّ عَ شَ فٍيلِ كُي،

8 عَ سِفَ دُنِحَ بِرِن سِيٍ مَدَشُدٍ، عَلْ فٌفٌ نُن مَفٌفٌ، عَ عٍ مَلَن فٍرٍ شِلِ مَ. عٍ شَسَبِ لُمَ نّ عَلْ مّيّنيِ نَشَن نَ بَا دّ رَ.

9 سِيٍ كٍلِمَ نّ دُنِحَ يِرٍ بِرِن، عٍ قَ عَلَ شَ حَمَ رَبِلِن عَ شَ تَا شَنُشِ كُي. كْنْ نَ تّمُي تّ فٌرٌ مَ نّ كٍلِقٍ كٌورٍ مَ، عَ قَ عٍ سْنتْ.

10 عِبُلِسَ نَشَن نُ سِيٍ مَدَشُمَ، عَ تَن بَرَ وٌلِ تّ نُن سٌدَ شْورَ، نَ سُبٍ نُن نَ نَمِحْنمّ وُلٍ قَلّ نَ دّننَشّ. عٍ حَشَنكَتَمَ نّ نَا كْي نُن يَنيِ رَ عَبَدَن.

11 نَ دَنفِ شَنبِ، ﭑ نَشَ كِبَنيِ شُنفبٍ قِيشّ تٌ، عَلَ مَفٌرٌشِ عَ كُي. بْشِ نُن كٌورٍ نَشَ عٍ فِ عَ يَ رَ، عٍ لْي.

12 ﭑ نَشَ مِشِ قَشَشِيٍ تٌ، قٌرِيٍ نُن دِ مّيٍ، عٍ بِرِن تِشِ كِبَنيِ يَ عِ. بُكِيٍ نَشَ رَبِ، بٌورٍ بُكِ قَن نَشَ رَبِ نَشَن قِندِشِ كِسِ بُكِ رَ. مِشِ قَشَشِيٍ نَشَ مَكِيتِ عٍ كّوَلِ رَ نَشَن نُ سّبّشِ نَ بُكِيٍ كُي.

13 مِشِ قَشَشِيٍ نَشٍيٍ نُ نَ بَا مَ، نٍيٍ نَشَ كٍلِ. مِشِ قَشَشِيٍ نَشٍيٍ نُ نَ عَلِفِيَمَ، نٍيٍ قَن نَشَ كٍلِ، عٍ بِرِن نَشَ مَكِيتِ عٍ كّوَلِ مَ.

14 قَشّ نُن عَلِفِيَمَ نَشَ وٌلِ تّ شْورَ، نَشَن قِندِشِ قَشّ قِرِن ندٍ رَ.

15 مِشِ نَشَن بِرِن شِلِ مُ نُ سّبّشِ كِسِ بُكِ كُي، عٍ نَشَ وٌلِ تّ شْورَ.