Revelation 15 in Susu

1 نَ دَنفِ شَنبِ، ﭑ مَن نَشَ تْنشُمَ شُنفبٍ تٌ نَشَن بَرَ ﭑ دّ عِشَرَ. مَلٍكّ سٌلٌقٍرٍ نَشَ مِنِ فبَلٌي دْنشْي سٌلٌقٍرٍ رَ، عَلَ شَ شْنّ كَمَلِمَ نَشٍيٍ رَ.

2 ﭑ نَشَ بَا ندٍ تٌ، عَ لُشِ عَلْ دِيَمَن، عَ سُنبُشِ تّ رَ. مِشِ نَشٍيٍ نُ بَرَ نْ نَ سُبٍ رَ، عَ نُن نَ كُيٍ نَشَن يَءِلَنشِ عَ مِسَالِ رَ، عَ نُن عَ شِلِ شَ كْنتِ رَ، عٍ نُ تِشِ بَا قَرِ، عَلَ شَ كْرَيٍ نُ نَ عٍ بّلّشّ.

3 عٍ نُ عَلَ شَ كٌنيِ مُنسَ شَ بّيتِ نَن بَمَ، عَ نُن يّشّييْرّ شَ بّيتِ، عَ قَلَقٍ رَ، «مُشُ مَرِفِ عَلَ سّنبّ كَنيِ، عِ شَ وَلِيٍ سّنبّ فبٌ! عٍ مَكَابَ! دُنِحَ مَنفّ، عِ شَ كِرَ نْندِ نَ عَ رَ، عَ مَن تِنشِن.

4 مَرِفِ، ندٍ مُ فَاشُمَ عِ يَ رَ؟ ندٍ مُ عِ شِلِ مَتْشْمَ؟ عِ كٍرٍن ثٍتِ نَن سّنِيّن. حَمَنّ بِرِن قَمَ نّ عٍ مَفٌرٌدٍ عِ بّ، بَرِ مَ عِ بَرَ عِ شَ تِنشِنيِ مَكّنّن.»

5 نَ تٌ دَنفِ، ﭑ نَشَ عَلَ شَ هْرْ مْلِنفِرَ رَبِشِ تٌ كٌورٍ مَ، سَاتّ كَنكِرَ نَ نَشَن كُي.

6 مَلٍكّ سٌلٌقٍرٍ، تْورّ دْنشْي سٌلٌقٍرٍ نُ نَ نَشٍيٍ يِ رَ، عٍ نَشَ مِنِ هْرْ مْلِنفِرَ كُي، سّرّشّدُبّ دُفِ قِيشّ مَيَنبَشِيٍ رَفٌرٌشِ عٍ مَ، بّلّتِ شّيمَ دَاشِ بَلَنشِ عٍ كَنكٍ مَ.

7 نِمَسٍ كٍرٍن نَ نِمَسٍ نَانِ يَ مَ، عَ نَشَ تْنبِلِ شّيمَ دَاشِ سٌلٌقٍرٍ سٌ نَ مَلٍكّ سٌلٌقٍرٍ يِ رَ. نَ تْنبِلِيٍ نُ رَقٍشِ عَلَ شَ شْنّ نَن نَ، عَلَ نَشَن حِحّ عَ رَ عَبَدَن.

8 تُورِ نَشَ هْرْ مْلِنفِرَ رَقٍ عَلَ شَ نْرّ نُن عَ سّنبّ شَ قٍ رَ. مِشِ يٌ مُ نُ نْمَ سٌدٍ هْرْ مْلِنفِرَ كُي، قٌ تْورّ سٌلٌقٍرٍ شَ وَلِ شَ كَمَلِ نَشٍيٍ نُ نَ مَلٍكّ سٌلٌقٍرٍيٍ يِ رَ.