Psalm 22 in Susu
1 دَوُدَ شَ بّيتِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ «سُبَشّ شٍلِ.»
2 عَلَ، ﭑ مَرِفِ عَلَ، عِ ﭑ نَبٌلٌشِ مُنقٍ رَ؟ عِ كِسِ مَكُيَ ﭑ نَ، عِ مُ ﭑ وَ شُي رَ مّ؟
3 ﭑ مَرِفِ عَلَ، كْي نُن يَنيِ، ﭑ عِ شِلِمَ، كْنْ عِ مُ ﭑ مَ شِلِ رَتِنمَ.
4 كْنْ عِ تَن سّنِيّنتْي، عِ شَ كِبَنيِ رَبِلِنشِ عِسِرَيِلَ شَ تَنتُي رَ.
5 مُشُ بٍنبَيٍ بَرَ دَنشَنِيَ عِ مَ. عِ بَرَ عٍ رَكِسِ عٍ شَ دَنشَنِيَ سَابُي رَ.
6 عٍ تٌ عِ شِلِ، عِ نَشَ عٍ شْرّيَ. عٍ بَرَ دَنشَنِيَ عِ مَ. عِ مُ عٍ لُ يَافِ كُي.
7 كْنْ ﭑ تَن بَرَ قِندِ مِشِ شُرِ رَ عَلْ دٌندٌلِ، عَلْ مِشِ مُ نَ ﭑ تَن نَ. عَدَ مَدِيٍ ﭑ نَيَافِمَ، مِشِيٍ ﭑ مَيٍلٍمَ.
8 مِشِ نَشَن بِرِن ﭑ تٌمَ، عٍ يٌمَ ﭑ مَ. عٍ دّ ثّتّسِمَ ﭑ مَ، عٍ عٍ بّلّشّسٌلٍ تِمَ ﭑ مَ عَ حَاشِ رَ.
9 عٍ نَشّ، «عِ يَ تِ عَلَتَلَ رَ. عَ عِ رَكِسِمَ، عَ عِ رَتَنفَمَ، بَرِ مَ عِ رَقَن عَ مَ!»
10 عٍٍ عَلَ، عِ بَرَ ﭑ نَمِنِ ﭑ نفَ تّيفّ، عِ بَرَ ﭑ سَ عَ كَنكٍ مَ.
11 ﭑ شَشِلِ تِشِ عِ رَ كَقِ ﭑ بَرِ تّمُي. عِ قِندِشِ ﭑ مَرِفِ عَلَ رَ كَقِ ﭑ بَشِ قٌيٍ تٌدٍ.
12 عِ نَشَ عِ مَكُيَ ﭑ نَ، بَرِ مَ كْنتْقِلِ بَرَ وُيَ ﭑ شُن. مَلِلَ يٌ مُ نَ ﭑ قّ مَ.
13 سّنبّمَيٍ بَرَ ﭑ نَبِلِن عَلْ بَسَن تُورَيٍ.
14 عٍ دّ رَبِشِ عَلْ يّتّ شَاحّيٍ.
15 ﭑ نِي نَ بَقٍ ﭑ قَتٍ، ﭑ شْرِيٍ نَ بَقٍ عٍ رَدْشْدٍيٍ. ﭑ بْحّ مُ سَمَ، لِمَنِيَ بَرَ بَ ﭑ يِ.
16 ﭑ سّنبّ دٌلٌشِ عَلْ بٌورَ. ﭑ نّنيِ بَرَ كَنكَن ﭑ كْن نَ. عِ نَ ﭑ مَقِندِقٍ بّندّ رَ.
17 مِشِ حَاشِ فَلِ بَرَ ﭑ نَبِلِن عَلْ بَرٍيٍ. عٍ بَرَ ﭑ بّلّشّ نُن ﭑ سَنيِ تُنبَ.
18 ﭑ شْرِ بِرِن سَشِ كّنّ مَ. عٍ يَ بَنبَنشِ ﭑ نَ.
19 عٍ ﭑ مَ دُفِيٍ عِتَشُنمَ عٍ بٌرٍ مَ، عٍ ﭑ مَ دُفِ قَنيِ مَتٌمَ عَ لَنمَ عَ شَ لُ نَشَن بّ.
20 عَلَتَلَ، عِ نَشَ عِ مَكُيَ ﭑ نَ! ﭑ مَ سّنبّمَ نَن عِ رَ. عِ شَ عِ شُلُن ﭑ مَلِدٍ.
21 عِ شَ ﭑ نِي رَكِسِ سَنتِدّفّمَ مَ. عِ شَ ﭑ نَتَنفَ نَ بَرٍيٍ مَ.
22 عِ شَ ﭑ نَكِسِ نَ يّتّيٍ مَ. عِ شَ ﭑ نَكِسِ نَ تُورَيٍ قٍرِيٍ مَ.
23 ﭑ عِ شِلِ مَسٍنمَ نّ ﭑ مَ مِشِيٍ بّ، ﭑ عِ مَتْشْمَ نّ حَمَ تَفِ.
24 وٌ تَن نَشَن فَاشُمَ عَلَتَلَ يَ رَ، وٌ شَ عَ تَنتُ. وٌ تَن نَشَن كٍلِشِ وٌ بٍنبَ يَشُبَ بْنسْي، وٌ شَ عَ مَتْشْ. وٌ تَن نَشَن كٍلِمَ عِسِرَيِلَ بْنسْي، وٌ شَ فَاشُ عَ يَ رَ.
25 عَلَ مُ يٌمَ مِسِكِينّ شَ تْورّ مَ. عَ مُ عَ يّتّ نْشُنمَ عَ مَ شّ، عَ عَ شَ مَشَندِ سُشُمَ نّ.
26 عَلَ، ﭑ عِ مَتْشْمَ حَمَ شُنفبٍ يَ مَ. ﭑ قَمَ ﭑ مَ لَايِدِ رَكَمَلِدٍ مِشِيٍ بّ، نَشٍيٍ فَاشُمَ عَلَ يَ رَ.
27 مِشِ مَفٌرٌشِيٍ قَمَ عٍ دّفٍدٍ، هَن عٍ وَ سَ. نَشٍيٍ عَلَتَلَ قٍنمَ، عٍ قَمَ عَ مَتْشْدٍ. عَلَ شَ سِمَيَ قِ وٌ مَ.
28 دُنِحَ بِرِن قَمَ رَتُدٍ عَلَتَلَ شَ قٍ مَ، عٍ مَن بِرِن عٍ يَ رَقِندِ مَ عَ مَ. سِ بِرِن قَمَ عٍ مَفٌرٌدٍ عَ بّ،
29 بَرِ مَ بِرِن نَ عَلَتَلَ شَ مَنفّيَ نَن بُن. عَ سِ بِرِن يَمَرِ مَ.
30 دُنِحَ سّنبّمَيٍ نَ فّ عٍ دّفٍدٍ، عٍ بِرِن قَمَ عٍ مَفٌرٌدٍ عَلَ بّ. نَشٍيٍ بِرِن قِندِ مَ بّندّ رَ، عٍ قَمَ عٍ شُن سِندٍ عَلَ بّ. عٍ مُ نْمَ عٍ يّتّ نِي رَتَنفَدٍ.
31 عَدَ مَدِيٍ بِرِن قَمَ عَلَ بَتُدٍ. عٍ عٍ مَرِفِ شَ قٍ قَلَمَ عٍ بٌرٍ بّ.
32 عَلَ قَمَ عَ شَ تِنشِنيِ مَسٍندٍ مِشِ بِرِن بّ نَشٍيٍ قَمَ بَرِدٍ. عَلَ بَرَ نَ رَفِرِ.