Psalm 102 in Susu

1 تْورْ مِشِ نَشَن عَلَتَلَ مَشَندِقٍ عَ شَ تْورّ كُي.

2 عَلَتَلَ، عِ شَ ﭑ مَ مَشَندِ سُشُ، عِ شَ عِ تُلِ مَتِ ﭑ وَ شُي رَ.

3 عِ نَشَ عِ كٌبٍ سٌ ﭑ نَ ﭑ مَ تْورّ كُي. عِ شَ ﭑ مَ مَشَندِ سُشُ مَقُرٍن.

4 ﭑ مَ سِمَيَ نَ لْيقٍ عَلْ تُورِ لْيمَ كُيٍ مَ كِ نَشّ، ﭑ شْرِيٍ نَ حْنقٍ عَلْ يٍفٍ فَنمَ تّ رَ كِ نَشّ،

5 ﭑ بْحّ نَ لِسِقٍ عَلْ سّشّ نَشَن نَ قِيلِ مَ. ﭑ مُ دٌنسٍ دٌنمَ سْنْن.

6 ﭑ نَ وَ ﭑ شُي عِتٍشِ رَ، ﭑ شْرِيٍ بِرِن مَكّنّنمَ نّ.

7 ﭑ بَرَ لُ عَلْ شُندِ نَشَن تٌمَ وُلَ عِ، عَلْ كٌوقٌلٍ نَشَن نَ بَنشِ تٌنبٌلٌنيِ كُي.

8 ﭑ مُ نْمَ شِدٍ. ﭑ كِرٌشِ عَلْ شْنِ نَشَن نَ كٍرٍنيِ مَ بَنشِ قَرِ.

9 ﭑ يَشُييٍ يٌمَ ﭑ مَ لْشْي بِرِن، عٍ ﭑ شِلِ رَوَلِمَ دَنكّ وْيّنيِ رَ.

10 ﭑ دّ رَقٍشِ تّشُبٍ رَ عَلْ دٌنسٍ، ﭑ يَيٍ سِلْنمَ ﭑ مَ مِنسٍ شُن مَ

11 عِ شَ بْحّتٍ نُن عِ شَ شْنّ شَ قٍ رَ. عِ بَرَ ﭑ كٍرِ ثٌن!

12 ﭑ مَ سِمَيَ بَرَ لُ عَلْ نِينِ نَشَن لْيمَ دِ مِ كُي، عَلْ سّشّ نَشَن لِسِمَ قِيلِ مَ.

13 كْنْ عِ تَن عَلَتَلَ لُمَ نّ عِ شَ كِبَنيِ كُي عَبَدَن، عِ شِلِ مُ لْيمَ دُنِحَ مَ.

14 عِ قَمَ نّ كٍلِدٍ عِ شَ كِنِكِنِ سِيٌنِ مَ، بَرِ مَ عَ لَنشِ عِ شَ هِننّ عَ رَ يِ وَشَتِ سُفَندِشِ مَ.

15 عَ فّمّيٍ نُن عَ بْشِ رَقَن عِ شَ كٌنيِ دِيٍ مَ.

16 سِيٍ بِرِن قَمَ فَاشُدٍ عَلَتَلَ شِلِ يَ رَ، مَنفّيٍ بِرِن قَمَ عٍ شِنبِ سِندٍ عِ شَ نْرّ يَ رَ.

17 عَلَتَلَ مَن قَمَ نّ سِيٌنِ تِدٍ، عَ عَ يّتّ مَسٍن عَ شَ نْرّ كُي.

18 عَ عَ يَ رَقِندِ مَ نّ مِسِكِينّ شَ مَشَندِ مَ، عَ مُ يٌ عَ شَ دُبّ مَ.

19 نَ شَ سّبّ بْنسْييٍ بّ نَشٍيٍ قَمَ، عَلَكٌ مِشِ نَشٍيٍ مُ دَاشِ سِندٍن عٍ شَ عَلَتَلَ مَتْشْ،

20 بَرِ مَ عَ عَ يَ رَفٌرٌ مَ وٌن مَ كٍلِقٍ عَ شَ يِرٍ سّنِيّنشِ عِتٍشِ. عَلَتَلَ بْشِ مَتٌمَ كٍلِقٍ كٌورٍ مَ،

21 عَلَكٌ عَ شَ فٍيلِمَنِيٍ وَ شُي رَ مّ، عَ شَ مِشِيٍ رَتَنفَ نَشٍيٍ نَ قَشّ شَ كِرَ مَ،

22 عَلَكٌ عٍ شَ عَلَتَلَ شِلِ مَسٍن سِيٌنِ تَا كُي، عٍ شَ عَ مَتْشْ بّيتِ رَ دَرِ سَلَمُ،

23 سِيٍ نَ عٍ مَلَن تّمُي نَشّ عَلَتَلَ بَتُقٍ رَ.

24 عَ بَرَ ﭑ مَ سّنبّ بَ ﭑ يِ رَ ﭑ مَ دُنِحّءِفِرِ كُي، عَ بَرَ ﭑ مَ سِمَيَ رَدُنكٍ.

25 ﭑ نَشَ عَ قَلَ عَ بّ، «ﭑ مَرِفِ عَلَ، عِ نَشَ ﭑ نِي بَ ﭑ مَ سِمَيَ تَفِ رَ، عِ تَن نَشَن بُمَ عَبَدَن،

26 عِ تَن نَن دُنِحَ دَا، عِ تَن نَن كٌورٍ عِتَلَ عِ شْنيّ رَ.

27 عٍ تَن حْنمَ نّ، كْنْ عِ تَن بُمَ نّ عَبَدَن، عٍ بِرِن قٌرِ مَ نّ عَلْ سٌسٍ، كْنْ عِ تَن عٍ مَسَرَ مَ نّ عَلْ دٌنمَ. عِ عٍ مَسَرَ مَ نّ، عَلْ دٌنمَ نَشَن نَفٌرٌ مَ، عَ وْلّ.

28 كْنْ عِ تَن مُ مَسَرَ مَ، عِ مُ حْنمَ عَبَدَن.

29 عِ شَ كٌنيِيٍ شَ دِيٍ قَمَ نّ سَبَتِدٍ بٍ، عٍ بْنسْي قَ بُ شَشِلِسَ كُي عِ يَ عِ.»