Proverbs 29 in Susu
1 مِشِ نَشَن تٌندِ مَ مَرَكْرْ سِ رَ، نَ كَنيِ حَشَنكَتَمَ نّ كٍرٍنيِ رَ.
2 تِنشِنتْي نَ سّنبّ سْتْ، حَمَ سّيوَ مَ نّ، كْنْ تِنشِنتَرٍ نَ قِندِ مَنفّ رَ، حَمَ تْورْ مَ نّ.
3 لْننِ رَقَن مِشِ نَشَن مَ، نَ عَ بَبَ رَ سّيوَ مَ نّ، كْنْ نَشَن بِرَ مَ لَنفٌيحَ قْشْ رَ، نَ فَنمَ نّ عَ هَرِفٍ رَ.
4 مَنفّ بْشِ رَ سَبَتِمَ تِنشِنيِ نَن نَ، كْنْ مَنفّ نَشَن كْبِرِ قٍنمَ عَ يّتّ بّ، نَ بْشِ شُن نَكَنَمَ نّ.
5 مِشِ نَشَن عَ بٌورٍ تَمِشِيَمَ، عَ نَ يّلّ عِتَلَقٍ عَ بٌورٍ نَن بّ.
6 مِشِ حَاشِ شَ يُنُبِ قِندِشِ فَنتَنيِ نَن نَ عَ بّ، كْنْ تِنشِنتْي شُن نَكٍلِمَ نّ سّيوّ كُي.
7 تِنشِنتْي كَتَمَ نّ تِنشِنيِ شَ رَبَ سٍتَرٍيٍ بّ، كْنْ مِشِ حَاشِ مُ مّينِمَ سٍتَرٍيٍ مَ قٍقٍ مَ.
8 مِشِ مَيٍلٍيٍ عَ نِيَمَ نّ تَاكَيٍ شَ شْنْ، كْنْ شَشِلِمَيٍ تَن حَمَ بْحّ رَفٌرٌ مَ نّ.
9 شَ كِيتِ لُ شَشِلِمَ نُن شَشِلِتَرٍ تَفِ، نَ شَشِلِتَرٍ سْنشْي رَتٍمَ نّ تُن، بْحّسَ شَ كَنَ.
10 قَشّتِيٍ تِنشِنتْي شْنمَ، كْنْ مِشِ تِنشِنشِيٍ عٍ بٌورٍ مَكَنتَمَ نّ.
11 شَشِلِتَرٍ بْحّ شَ تٍ مَقُرَ، كْنْ شَشِلِمَ تَن عَ يّتّ سُشُمَ نّ.
12 مَنفّ نَ بِرَ وُلٍ قْشْ رَ، عَ شَ مِشِ بِرِن قِندِ مَ نّ مِشِ حَاشِيٍ رَ.
13 قٍ كٍرٍن نَ سٍتَرٍ نُن مِشِ كٌبِ تَفِ؛ عَلَتَلَ نَن عٍ بِرِن دَا.
14 مَنفّ نَشَن سٍتَرٍ مَكِيتِمَ نْندِ رَ، نَ شَ كِبَنيِ مَبَنبَنمَ نّ عَبَدَن.
15 دِ شُرُقٍ لُشُسِنيِ رَ، نَ عَ نِيَمَ نّ عَ شَشِلِ سْتْ، كْنْ دِ لُقٍ عَ يّتّ يِ رَ، نَ قِندِ مَ يَافِ نَن نَ عَ نفَ بّ.
16 مِشِ حَاشِيٍ نَ سّنبّ سْتْ، يُنُبِيٍ فبٌمَ نّ، كْنْ تِنشِنتْييٍ قَمَ نّ عٍ شُننَفٌرٍ تٌدٍ.
17 عِ شَ دِ مَتِنشِن عَلَكٌ عِ شَ لُ بْحّسَ كُي، عَ حّرّ كِ شَ عِ رَ سّيوَ.
18 شَ حَمَ مُ عَلَ شَ قٍ تٌمَ، عٍ بِرَ مَ عٍ يّتّ وَشْنقٍ نَن تُن قْشْ رَ. سّيوّ نَ مِشِ بّ نَشَن عَلَ شَ سّرِيّ رَبَتُمَ.
19 وْيّنيِ شَ مُ كٌنيِ مَتِنشِنمَ. هَلِ عَ نَ مّ، عَ مُ عَ رَبَتُمَ.
20 شَشِلِتَرٍ قِسَ مِشِ بّ، نَشَن حّنفِ مُ سَمَ عَ شَ وْيّنيِ شْن مَ.
21 كٌنيِ نَشَن كَنيِ بَرَ عَ كَنَ كَبِ عَ دِ مّدِ تّمُي، نَ قِندِ مَ تْورّ نَن نَ عَ كَنيِ بّ.
22 بْحّتٍ نَن فٍرٍ رَ مِنِمَ، عَ قِندِ يُنُبِيٍ رَ.
23 يّتّ عِفبٌحَ مِشِ رَيَافِمَ نّ، كْنْ يّتّ مَفٌرٍ مِشِ شُن نَكٍلِمَ نّ.
24 مِشِ نَشَن كَقُمَ مُحّتِ مَ، نَ بَرَ عَ يّتّ فَن. عَ عَ كٌلٌن دَنكّ نَ سٍيدٍ تِنشِنتَرٍ بّ، كْنْ عَ نْندِ نْشُنمَ نّ.
25 فَاشُقٍ مِشِ يَ رَ، نَ قِندِ مَ فَنتَنيِ نَن نَ، كْنْ نَشَن عَ يّتّ تَشُمَ عَلَتَلَ رَ، عَ كِسِمَ نّ.
26 مِشِ فبٍفبٍ مَنفّ شَ هِننّ قٍنمَ، كْنْ عَلَتَلَ نَن مِشِ بِرِن مَكِيتِمَ نْندِ رَ.
27 مِشِ حَاشِيٍ رَحَاشُ تِنشِنتْييٍ مَ، تِنشِنتْييٍ رَحَاشُ مِشِ حَاشِيٍ مَ.