Proverbs 15 in Susu
1 يَابِ بْرْشْشِ مِشِ بْحّ رَفٌرٌ مَ نّ، كْنْ وْيّن شْنّ تَن مِشِ بْحّ رَتٍمَ نّ.
2 شَشِلِمَ شَ وْيّنيِ عَ نِيَمَ نّ شَشِلِ قَنيِ شَ رَقَن مِشِيٍ مَ، كْنْ شَشِلِتَرٍ شَ وْيّنيِ دَشُحَ نَن تُن مَسٍنمَ.
3 عَلَتَلَ مِشِ بِرِن مَتٌمَ، مِشِ حَاشِ نُن مِشِ قَنيِ.
4 وْيّن قَنيِ مِشِ رَيَلَنمَ، كْنْ وْيّن شْنّ مِشِ شَشِلِ تْورْ مَ نّ.
5 شَشِلِتَرٍ يٌمَ نّ عَ بَبَ شَ مَرَ سِ مَ، شَشِلِمَ تَن نَ مَرَ سِ نَن سُشُمَ.
6 هَرِفٍ قَنيِ نَ تِنشِنتْي شْنيِ، كْنْ تْورّ فبَنسَن نَن قِندِ مَ تِنشِنتَرٍ سَرٍ رَ.
7 لْننِلَيٍ شَ وْيّنيِيٍ شَشِلِ قِمَ نّ مِشِ مَ، كْنْ قٍ قَنيِ يٌ مُ نَ لْننِتَرٍيٍ بْحّ كُي.
8 عَلَتَلَ مِشِ حَاشِ شَ سّرّشّ شْنمَ، كْنْ عَ تِنشِنتْي شَ دُبَ سُشُمَ نّ.
9 عَلَتَلَ مِشِ حَاشِ شَ كِرَ شْنمَ، كْنْ مِشِ نَشَن بِرَ مَ تِنشِنيِ قْشْ رَ عَ رَقَن عَ مَ.
10 كِرَ قَنيِ بّحِنقٍ قِندِ مَ حَشَنكَتّ نَن نَ. شُرُتَرٍحَ مِشِ شُن تِمَ قَشّ كِرَ نَن مَ.
11 عَلَتَلَ تٌ قٍ بِرِن كٌلٌن، هَلِ نَشَن نَبَمَ عَلِفِيَمَ نُن يَهَننَمَ، عَ عِبُنَدَ مَ بْحّ قَن كٌلٌن.
12 يّتّ عِفبٌي مُ وَ مَ مَرَ سِ شْن مَ، عَ مُ سِفَمَ لْننِلَ يِرٍ.
13 بْحّ سّيوَشِ مِشِ لَهَلّ قَنمَ، كْنْ بْحّ تْورْشِ مِشِ لَهَلّ كَنَمَ نّ.
14 شَشِلِمَ لْننِ نَن قٍنمَ، كْنْ شَشِلِتَرٍ دَشُ وْيّنيِ نَن تُن قَلَمَ.
15 هَلِ مِسِكِينّ تْورْ عَ شَ سِمَيَ كُي، شَ عَ بْحّ سّيوَشِ، نَ قِندِ مَ نّ بَلٌي رَ عَ بّ.
16 سٍتَرٍ عَلَ يَرَفَاشُي، قَن بَننَ شَشِلِ عِقُشِ بّ.
17 بَندٍ حِحّ دٌنقٍ شَنُنتٍيَ كُي، نَ قَن سُبٍ دٌنقٍ بّ فبّسّنشْننّيَ كُي.
18 بْحّ رَتٍ فٍرٍ شْرّ عِسْشْمَ نّ، بْحّ رَفٌرٍ سْنشْي رَشِنبٍلِمَ نّ.
19 تُننَشْنّ شَ كِرَ مَبَلَنشِ تُنبٍيٍ نَن نَ، كْنْ تِنشِنتْي شَ كِرَ حّرّ حْشُن.
20 دِ لْننِشِ قِندِ مَ سّيوّ نَن نَ عَ بَبَ بّ، كْنْ دِ لْننِتَرٍ يٌمَ نّ عَ نفَ مَ.
21 شَشِلِتَرٍحَ رَقَن لْننِتَرٍ مَ، كْنْ شَشِلِمَ شَ كِرَ تِنشِن.
22 مَرَ سِتَرٍحَ وَلِ كَنَمَ نّ، كْنْ مَرَ سِ فبٍفبٍ وَلِ نَن سْونّيَمَ.
23 سّيوّ نَ مِشِ بّ نَشَن قَتَ عَ بٌورٍ يَابِدٍ. وْيّنيِ تِدٍ فبٌ نَشَن قَلَشِ عَ قَلَ كِ مَ نُن عَ قَلَ تّمُي مَ.
24 شَشِلِمَ شَ كِرَ عَ رَتٍمَ نّ كٌورٍ مَ، عَ عَ مَلِ عَ شَ عَلِفِيَمَ كِرَ مَتَنفَ.
25 عَلَتَلَ يّتّ عِفبٌي شَ بَنشِ رَبِرَ مَ نّ، كْنْ عَ كَاحّ فِنّ شَ بْشِ مَكَنتَمَ نّ.
26 مَحْشُن كٌبِ رَحَاشُ عَلَتَلَ مَ، كْنْ وْيّن قَنيِ تَن سّنِيّن.
27 مِلَنتٍ قِندِ مَ نّ تْورّ رَ عَ شَ دٍنبَيَ بّ، كْنْ نَشَن مُ وَ مَ فٍينِ تِنشِنتَرٍ شْن، نَ كَنيِ كِسِ نَن سْتْمَ.
28 تِنشِنتْي قٍ مَتٌمَ نّ عَ قَنيِ رَ بٍينُ عَ شَ يَابِ ندٍ قِ، كْنْ قٍ حَاشِ مَقُرَ مِنِدٍ مِشِ حَاشِ دّ عِ.
29 عَلَتَلَ مَكُيَ مِشِ حَاشِيٍ رَ، كْنْ عَ عَ تُلِ مَتِمَ تِنشِنتْييٍ شَ مَشَندِ رَ.
30 شّيرَ يَ عِيَلَنشِ مِشِ بْحّ رَ سّيوَ مَ نّ، شّيرَيَ قَنيِ سّنبّ نَن قِمَ مِشِ مَ.
31 مِشِ نَشَن عَ تُلِ مَتِمَ كِسِ مَرَ سِ رَ، نَ كَنيِ لُمَ نّ لْننِلَيٍ يَ مَ.
32 نَشَن تٌندِ مَ مَرَ سِ رَ مّدٍ، نَ يٌشِ عَ يّتّ نَن مَ، كْنْ نَشَن تِنمَ مَرَ سِ رَ مّدٍ، نَ كَنيِ شَ لْننِ نَن شُن مَسَمَ.
33 عَلَ شَ يَرَفَاشُي قِندِ مَ لْننِ نَن نَ مِشِ بّ. يّتّ مَفٌرٍ قَمَ بِنيّ نَن نَ.