Nehemiah 1 in Susu

1 عَننَبِ نٍهٍمِ، شَكَلَيَ شَ دِ، شَ مَسٍنيِ نَن يَ. عَتَسَكَسِ شَ مَنفّيَ حّ مْشْحّن ندٍ، كِسِلٍوِ كِكٍ رَ، ﭑ تَن نٍهٍمِ نُ سَبَتِشِ سُسٍ تَا سّنبّمَ نَن كُي.

2 نفَشَكٍرٍنيِ شَنَنِ نُن شّمّ ندٍيٍ نَشَ قَ، كٍلِ يُدَيَ بْشِ مَ. ﭑ نَشَ عٍ مَشْرِن يُوِقِيٍ شَ قٍ مَ، نَشٍيٍ كٍلِ كٌنيِيَ كُي، عٍ قَ سَبَتِ يُدَيَ. ﭑ مَن نَشَ عٍ مَشْرِن دَرِ سَلَمُ تَا شَ قٍ مَ.

3 عٍ نَشَ ﭑ يَابِ، «نَشٍيٍ كٍلِشِ كٌنيِيَ كُي، عٍ سِفَ يُدَيَ، عٍ نَ تْورّ نُن يَافِ نَن كُي. دَرِ سَلَمُ تّتّ يِرٍ ندٍ كَنَشِ، عَ نَادّيٍ فَنشِ.»

4 ﭑ تٌ نَ مَسٍنيِ مّ، ﭑ نَشَ وَ، ﭑ نَشَ سُن، ﭑ نَشَ كٌورٍ مَنفّ مَشَندِ. ﭑ نَشّ،

5 «عَلَتَلَ، عَلَ نَشَن نَ كٌورٍ مَ، عَلَ شُنفبٍ نَشَن مَفَاشُ، نَشَن سَاتّ مَبَنبَنشِ مِشِيٍ بّ نَشٍيٍ عَ شَنُشِ، عٍ قَ بِرَ عَ شَ يَامَرِيٍ قْشْ رَ،

6 عِ شَ عِ تُلِ مَتِ عِ شَ كٌنيِ شَ مَشَندِ رَ. عِ شَ ﭑ تٌ. كْي نُن يَنيِ رَ ﭑ عِ مَشَندِ مَ عِ شَ كٌنيِ عِسِرَيِلَكَيٍ بّ. مُشُ بَرَ يُنُبِ رَبَ عِ رَ، ﭑ تَن، ﭑ مَ دٍنبَيَ، نُن عِسِرَيِلَكَيٍ بِرِن.

7 مُشُ بَرَ قٍ حَاشِ رَبَ عِ رَ. مُشُ بَرَ عِ شَ مَسٍنيِ، عِ شَ سّرِيّ، نُن عِ شَ يَامَرِيٍ مَتَندِ، عِ نَشٍيٍ قِ عِ شَ كٌنيِ عَننَبِ مُنسَ مَ.

8 عِ عَ قَلَ نّ عِ شَ كٌنيِ عَننَبِ مُنسَ بّ، ‹شَ وٌ مُ لُمَ تِنشِنيِ كُي، ﭑ قَمَ نّ وٌ رَيٍنسٍندٍ حَمَنّيٍ كُي.

9 كْنْ شَ وٌ سَ وٌ يّتّ رَفبِلٍن ﭑ مَ، وٌ مَن بِرَ ﭑ مَ سّرِيّ قْشْ رَ، ﭑ سَ وٌ تٌنفٌمَ نّ يِرٍ مَكُيٍ، ﭑ قَ وٌ رَ يِرٍ ﭑ دّننَشّ سُفَندِشِ ﭑ شِلِ مَتْشْقٍ رَ.›

10 مُشُ تَن نَن نَ عِ شَ كٌنيِيٍ رَ، عِ شَ حَمَ، عِ نَشٍيٍ رَ مِنِشِ كٌنيِيَ كُي عِ سّنبّ رَ.

11 مَرِفِ، ﭑ بَرَ عِ مَشَندِ، عِ شَ تِن عِ تُلِ مَتِدٍ عِ شَ كٌنيِيٍ شَ مَشَندِ رَ، نَشٍيٍ فَاشُمَ عِ شِلِ رَ. عِ شَ سْونّيَ رَبَ ﭑ بّ تٌ. ﭑ سِفَمَ مَنفّ نَشَن شْن، عِ شَ عَ نِيَ عَ شَ هِننّ ﭑ نَ.» نَ تّمُي ﭑ تَن نَن نُ نَ مَنفّ شَ مِنسٍ رَدَنفِمَ رَ.