Leviticus 17 in Susu

1 عَلَتَلَ نَشَ عَ مَسٍن عَننَبِ مُنسَ بّ،

2 «عَ قَلَ هَرُنَ بّ نُن عَ شَ دِيٍ بّ، عَ نُن عِسِرَيِلَكَ بِرِن بّ، عَلَتَلَ يِ نَن يَمَرِشِ.

3 عِسِرَيِلَكَ نَشَن نِنفٍ، شَ نَ مُ عَ رَ يّشّي، شَ نَ مُ عَ رَ سِ بَمَ سّرّشّ رَ حَمَ يٌنكِندٍ كُي، شَ نَ مُ عَ رَ حَمَ يٌنكِندٍ قَرِ مَ،

4 عَ مُ عَ شَنِنمَ هْرْ مْلِنفِرَ سٌدٍ دّ شَ رَ عَلَكٌ عَ شَ عَ قِ ﭑ تَن عَلَتَلَ مَ هْرْ مْلِنفِرَ يِرٍ، نَ كَنيِ لُمَ نّ عَلْ قَشّتِ. عَ بَرَ قَشّ تِ، عَ لَنمَ نَ كَنيِ شَ كٍرِ حَمَ يَ مَ.

5 يِ يَامَرِ وَ مَ عَ مَسٍنقٍ نّ عَ عِسِرَيِلَكَيٍ مُ لَنمَ عٍ شَ سّرّشّ بَ بُرُنيِ. عٍ شَ قَ شَنُنتٍيَ سّرّشّ رَ سّرّشّدُبّ نَن شْن ﭑ تَن عَلَتَلَ يَ عِ ﭑ مَ هْرْ مْلِنفِرَ سٌدٍ دّ رَ.

6 سّرّشّدُبّ شَ نَ وُلِ كَسَن ﭑ تَن عَلَتَلَ شَ سّرّشّبَدٍ سّيتِيٍ مَ هْرْ مْلِنفِرَ سٌدٍ دّ رَ، عَ مَن شَ نَ تُرٍ فَن تّ عِ، عَ شَ قِندِ شِرِ قَنيِ رَ ﭑ تَن عَلَتَلَ بّ.

7 عِسِرَيِلَكَيٍ نَشَ سِكْتّ سّرّشّ بَ كُيٍ بّ سْنْن دٍ. نَ قِندِ مَ يَنقَنتٍيَ نَن نَ ﭑ تَن عَلَتَلَ مَبِرِ. يِ يَامَرِ مُ كَنَمَ عَبَدَن.»

8 «عَ قَلَ عٍ بّ، عِسِرَيِلَكَ، شَ نَ مُ عَ رَ شْحّ نَشَن سَبَتِشِ عٍ تَفِ، شَ عَ سّرّشّ فَن دَاشِ، شَ نَ مُ عَ رَ سّرّشّ فبّتّ بَ،

9 عَ مُ عَ شَنِن هْرْ مْلِنفِرَ سٌدٍ دّ رَ، عَلَكٌ عَ شَ قِ ﭑ تَن عَلَتَلَ مَ، نَ كَنيِ كٍرِ مَ نّ عَ شَ حَمَ تَفِ.»

10 «شَ عِسِرَيِلَكَ ندٍ، شَ نَ مُ عَ رَ شْحّ ندٍ نَشَن سَبَتِشِ عِسِرَيِلَ بْشِ مَ عَ نَشَ وُلِ مِن، ﭑ فبِلٍنمَ نّ نَ كَنيِ قْشْ رَ، ﭑ قَ عَ كٍرِ عَ شَ حَمَ يَ مَ،

11 بَرِ مَ سُبٍ نِي بَرَ لُ عَ وُلِ يَ مَ. ﭑ بَرَ وُلِ قِندِ وٌ شُنسَرٍ رَ، نَشَن بَمَ سّرّشّ رَ سّرّشّبَدٍ قَرِ. وُلِ نَن نَ شُنسَرٍ رَ.

12 نَ نَ عَ رَ، ﭑ بَرَ عِسِرَيِلَكَيٍ يَمَرِ عٍ نَشَ وُلِ مِن. وٌ شَ شْحّ نَشٍيٍ سَبَتِشِ عِسِرَيِلَ بْشِ مَ، عٍ قَن نَشَ وُلِ مِن دٍ.

13 شَ عِسِرَيِلَكَ، شَ نَ مُ عَ رَ شْحّ ندٍ نَشَن نَ وٌ تَفِ، سَ سُبٍ ندٍ، شَ نَ مُ عَ رَ شْنِ ندٍ قَشَ نَشَن دَشَ عَ شَ دٌن، عَ شَ نَ وُلِ عِقِلِ بْشِ مَ، عَ بّندّ سَ عَ قَرِ،

14 بَرِ مَ سُبٍ نِي نَ عَ وُلِ نَن يَ مَ. نَ نَ عَ رَ، ﭑ بَرَ عِسِرَيِلَكَيٍ يَمَرِ وٌ نَشَ سُبٍ وُلِ يٌ مِن، بَرِ مَ سُبٍ نِي نَ عَ وُلِ نَن يَ مَ. نَشَن يٌ نَ رَبَ، عَ قَمَ كٍرِدٍ عِسِرَيِلَ حَمَ يَ مَ.»

15 «شَ عِسِرَيِلَكَ، شَ نَ مُ عَ رَ شْحّ ندٍ نَشَن نَ وٌ تَفِ، نَ سُبٍ دٌن نَشَن قَشَشِ عَ يّتّ مَ، شَ نَ مُ عَ رَ سُبٍ فبّتّ نَشَن قَشَشِ كِ فبّتّ رَ، نَ كَنيِ شَ عَ شَ دُفِيٍ شَ يٍ رَ، عَ مَن شَ عَ يّتّ مَشَ. عَ مُ سّنِيّنمَ هَن نُنمَرٍ رَ.

16 شَ عَ مُ عَ شَ دُفِيٍ شَ، شَ عَ مُ عَ يّتّ مَشَ، نَ سّنِيّنتَرٍحَ لُمَ نّ عَ مَ.»