Joshua 2 in Susu

1 نُنُ شَ دِ يٌسُوٍ، نَشَ قٍ رَبّنيِ قِرِن شّي عَ فُندٌ كِ مَ كٍلِ سِتِمِ سِفَقٍ رَ يٍرِكٌ. عَ نَشَ عَ قَلَ عٍ بّ، «وٌ سِفَ يٍرِكٌ تَا نُن عَ رَبِلِنيِ رَبّندٍ.» عٍ نَشَ سِفَ، عٍ سَ سٌ رَشَبِ لَنفٌي فِنّ ندٍ شَ بَنشِ كُي. نَ نَشَ عٍ يِفِيَ نَا.

2 يٍرِكٌكَ ندٍيٍ نَشَ سَ عَ قَلَ عٍ شَ مَنفّ بّ، «عِ بَرَ عَ تٌ، عِسِرَيِلَكَ مِشِ قِرِن بَرَ قَ تٌ كْي رَ، عٍ شَ قَ يِ بْشِ رَبّن.»

3 نَ كُي، يٍرِكٌ مَنفّ نَشَ شّيرَيٍ شّي رَشَبِ مَ، عٍ شَ عَ قَلَ عَ بّ، «شّمّ نَشٍيٍ سٌشِ عِ شْنيِ، عٍ رَ مِنِ، بَرِ مَ عٍ قَشِ يِ بْشِ عِقٍ نَن بِرِن نَبّندٍ.»

4 كْنْ رَشَبِ نُ بَرَ يِ شّمّ قِرِنيِيٍ شَنِن، عَ سَ عٍ نْشُن. عَ نَشَ عَ قَلَ مَنفّ شَ شّيرَيٍ بّ، «عِيٌ، يِ شّمّيٍ قَ نّ ﭑ شْنيِ، كْنْ ﭑ مُ عٍ كٍلِدٍ كٌلٌن.

5 عٍ سِفَ نّ نُنمَرٍ رَ، تَا نَادّ بَلَن تّمُي. يِ شّمّيٍ سِفَشِ دّدّ، ﭑ مُ عَ كٌلٌن. شَ وٌ سَ وٌ شُلُن، وٌ نْمَ عٍ سُشُدٍ!»

6 رَشَبِ نُ بَرَ يِ شّمّيٍ رَتٍ بَنشِ فبَنيِ رَ، عَ عٍ نْشُن سَنسِ شَبَشِ شَرٍيٍ يَ مَ.

7 عٍ قٍنمَيٍ نَشَ سِفَ يُرُدّن كِرَ شْن، هَن عٍ شُرٍ عِفِرِدٍ لِ. عٍ تٌ مِنِ، تَاكَيٍ نَشَ تَا نَادّ بَلَن.

8 بٍينُن قٍ رَبّنيِيٍ شَ شِ، رَشَبِ نَشَ تٍ بَنشِ فبَنيِ رَ عٍ يِرٍ.

9 عَ نَشَ عَ قَلَ عٍ بّ، «ﭑ بَرَ عَ كٌلٌن، عَلَتَلَ بَرَ مُشُ شَ بْشِ سٌ وٌ يِ رَ. وٌ مِرِنيِ بَرَ عَ نِيَ لِمَنِيَ بَرَ بَ مُشُ تَن بِرِن يِ رَ. يِ بْشِ مِشِيٍ بَرَ سّرّن وٌ يَ رَ،

10 بَرِ مَ مُشُ بَرَ عَ مّ عَ عَلَتَلَ بَرَ شُلُنيُمِ بَا شَرَ وٌ يَ رَ، وٌ نُ مِنِمَ مِسِرَ تّمُي نَشّ. مُشُ مَن بَرَ عَ مّ وٌ نَشَن نَبَشِ عَمٌرِكَيٍ شَ مَنفّ قِرِنيِيٍ رَ، سِشْن نُن عٌفٌ، نَشٍيٍ نُ نَ يُرُدّن كِرِ مَ. وٌ نَشَ عٍ رَتْن، عَ نُن عٍ كّ بِرِن نَ.

11 مُشُ تٌ نَ قٍ مّ، مُشُ بْحّ نَشَ كَنَ. لِمَنِيَ نَشَ بَ كَنكَن يِ رَ وٌ شَ قٍ رَ، بَرِ مَ وٌ مَرِفِ عَلَتَلَ نَن نَ عَلَ رَ كٌورٍ نُن بْشِ مَ.»

12 «يَكْسِ، وٌ شَ وٌ كَلِ ﭑ بّ عَلَتَلَ شِلِ رَ، عَ ﭑ كُي عِقَنيِحَ نَشَن نَبَشِ وٌ بّ، وٌ قَن نْمَ نَ كُي عِقَنيِحَ مْولِ رَبَدٍ ﭑ تَن قَن نُن ﭑ مَ دٍنبَيَ بّ. وٌ شَ تْنشُمَ ندٍ سٌ ﭑ يِ رَ، عَلَكٌ ﭑ شَ عَ كٌلٌن

13 وٌ مُ ﭑ بَبَ، ﭑ نفَ، ﭑ شُنيَيٍ، ﭑ تَارَيٍ، نُن عٍ شَ مِشِ كٍرٍن قَشَمَ.»

14 نَ شّمّيٍ نَشَ رَشَبِ يَابِ، «مُشُ رّدِشِ قَشَقٍ مَ وٌ حْشْي رَ. شَ عِ مُ مُشُ شَ قٍ قَلَ مِشِ يٌ بّ، مُشُ قَن كُي عِقَنيِحَ رَبَمَ نّ عِ بّ دُفُتّفّحَ نُن تِنشِنيِ رَ، عَلَتَلَ نَ يِ بْشِ سٌ مُشُ يِ رَ تّمُي نَشّ.»

15 رَشَبِ نَشَ نَ شّمّيٍ رَفٌرٌ لُوتِ مَ وُندّرِ رَ، بَرِ مَ عَ شَ بَنشِ نُ قَتُشِ تّتّ نَن نَ. عَ نُ سَبَتِشِ نَ تّتّ نَن كُي.

16 رَشَبِ نَشَ عَ قَلَ عٍ بّ، «وٌ سِفَ فٍيَ بِرِ، شَ نَ مُ عَ رَ وٌ قٍنمَيٍ وٌ تٌمَ نّ. وٌ شَ وٌ نْشُن مّننِ هَن شِ سَشَن، بٍيمَنُ وٌ قٍنمَيٍ فبِلٍنمَ تّمُي نَشّ. نَ شَنبِ، وٌ قَ سِفَ وٌ شَ حّرّ رَ.»

17 نَ شّمّيٍ نَشَ عَ قَلَ رَشَبِ بّ، «مُشُ مُ مُشُ شَ مَرَكَلِ كَنَمَ،

18 كْنْ قٌ عِ شَ يِ لُوتِ فبٍيلِ شِرِ وُندّرِ رَ، عِ مُشُ رَ مِنِ دّننَشّ رَ. مُشُ نَ قَ تّمُي نَشّ يِ بْشِ مَ، عَ لَنمَ مُشُ شَ نَ لُوتِ لِ نَا. عِ مَن شَ عِ بَبَ، عِ نفَ، عِ تَارَيٍ، عِ شُنيَيٍ، نُن عِ شَ مِشِيٍ بِرِن مَلَن بٍ عِ شَ بَنشِ كُي.

19 شَ مِشِ يٌ مِنِ عِ شَ بَنشِ كُي، شَ نَ كَنيِ قَشَ، عَ عَ تَرِشِ نّ، مُشُ تَن قْشِ مُ نَ كِ. كْنْ شَ مُشُ شَ مِشِ ندٍ عَ بّلّشّ دِن عِ شَ مِشِ ندٍ رَ عِ شَ بَنشِ كُي، مُشُ مُشُ تَرِشِ نّ نَ تّمُي.

20 شَ عِ مُشُ شَ قٍ قَلَ مِشِ ندٍ بّ، مُشُ بَرَ قُلُن يِ مَرَكَلِ مَ.»

21 رَشَبِ نَشَ عٍ يَابِ، «وٌن بَرَ لَن نَ مَ.» عَ نَشَ نَ شّمّيٍ بّحِن، عٍ نَشَ سِفَ. نَ تّمُي عَ نَشَ نَ لُوتِ فبٍيلِ شِرِ وُندّرِ رَ.

22 نَ شّمّيٍ نَشَ سِفَ. عٍ تٌ فٍيَ يِرٍ لِ، عٍ نَشَ عٍ نْشُن نَا شِ سَشَن، هَن عٍ قٍنمَيٍ نَشَ فبِلٍن. عٍ قٍنمَيٍ نَشَ عٍ قٍن كِرَ شْن، كْنْ عٍ مُ عٍ تٌ.

23 نَ تّمُي نَ شّمّ قِرِنيِيٍ نَشَ فٌرٌ فٍيَ قَرِ قَ، عٍ يُرُدّن عِفِرِ، عٍ فبِلٍن نُنُ شَ دِ يٌسُوٍ يِرٍ. قٍ نَشَن عٍ سْتْ، عٍ نَشَ نَ بِرِن تَفِ رَبَ عَ بّ.

24 عٍ نَشّ يٌسُوٍ بّ، «مُشُ عَ كٌلٌن عَلَتَلَ بَرَ نَ بْشِ بِرِن سَ وٌن بّلّشّ عِ. لِمَنِيَ بَرَ بَ نَ بْشِ مِشِ بِرِن يِ رَ تِقٍ رَ وٌن كَنكٍ.»