Isaiah 2 in Susu
1 عَمٌسُ شَ دِ عَننَبِ عٍسَيِ شَ مَسٍنيِ نَن يَ يُدَ نُن دَرِ سَلَمُ شَ قٍ رَ.
2 وَشَتِ دْنشْي عَلَتَلَ شَ بَنشِ تِشِ فٍيَ نَشَن قَرِ، نَ قَمَ نّ لُدٍ فٍيَيٍ بِرِن شُن مَ. سِ بِرِن عٍ شُن تِمَ نّ نَ يِرٍ عِتٍشِ رَ.
3 بْنسْي وُيَشِ سِفَمَ نّ نَا، عٍ عَ قَلَ، «وٌ قَ، وٌن شَ تٍ عَلَتَلَ شَ فٍيَ قَرِ، يَشُبَ مَرِفِ عَلَ شَ بَنشِ نَ دّننَشّ. عَ وٌن شَرَنمَ نّ عَ شَ سّرِيّ رَ، عَلَكٌ وٌن شَ بِرَ عَ شَ كِرَ قْشْ رَ.» عَلَتَلَ شَ سّرِيّ مِنِمَ سِيٌنِ فٍيَ مَ، عَ شَ مَسٍنيِ قْلْمَ دَرِ سَلَمُ تَا كُي.
4 عَلَتَلَ نَن كِيتِ سَمَ حَمَنّيٍ تَفِ، عَ قِندِ سِ وُيَشِ تَفِ عِبَمَ رَ. عٍ قَمَ عٍ شَ سَنتِدّفّمَيٍ شَبُدٍ كٍرِيٍ نَن نَ، عٍ عٍ شَ تَنبّيٍ قِندِ وْرْتّيٍ رَ. فٍرٍ حْنمَ نّ سِيٍ تَفِ، سْورِحَ مُ مَتِنكَنمَ سْنْن.
5 يَشُبَ بْنسْي، وٌ قَ، وٌن شَ وٌن حّرّ عَلَتَلَ شَ نَءِيَلَنيِ مَ.
6 عَلَتَلَ، عِ بَرَ عِ شَ حَمَ رَبٌلٌ، بَرِ مَ عٍ بِرَ مَ نَامُنيِيٍ قْشْ رَ، نَشٍيٍ كٍلِشِ سٌفٍتٍدٍ مَبِرِ. سٍ مَتٌي بَرَ وُيَ نَشٍيٍ وَلِمَ عَلْ قِلِسِتَكَيٍ. عِ شَ حَمَ نُن سِ عَلَ كٌلٌنتَرٍيٍ بَرَ لَنيِ شِرِ.
7 عِ شَ حَمَ بَرَ شّيمَ نُن فبٍتِ فبٍفبٍ سْتْ، عٍ شَ نَاقُلِ مُ حْنمَ. عٍ شَ بْشِ بَرَ رَقٍ سْورِ شَ سٌييٍ نُن عٍ رَفِسٍيٍ رَ.
8 كُيٍيٍ تٌمَ نّ يِرٍ بِرِن. كَنكَن عَ شِنبِ سِنمَ كُيٍيٍ بّ، عٍ نَشٍيٍ مَسٌلِشِ عٍ بّلّشّ رَ.
9 عٍ قٍلٍنمَ نّ عٍ بّ، عٍ عٍ مَفٌرٌ عٍ بَتُقٍ رَ. نَ كُي، عِ نَشَ دِحّ عٍ مَ قٍوٌ.
10 وٌ وٌ نْشُن قَنيٍيٍ تَفِ بْشِ مَ، عَلَكٌ وٌ شَ وٌ مَكُيَ عَلَتَلَ شَ شْنّ رَ، نَشَن قَمَ عَ شَ نْرّ مَكَابَشِ كُي.
11 عَدَ مَدِ شَ يّتّ عِفبٌيَ مَفٌرٌ مَ نّ، مِشِيٍ شَ يّتّ عِتٍيَ كُنتِن. عَلَتَلَ كٍرٍن نَن عَ يّتّ عِتٍمَ نَ لْشْي.
12 عَلَتَلَ سّنبّمَ شَ كِيتِ لْشْي قَمَ يّتّ عِفبٌي بّ. نَشٍيٍ بَرَ عٍ يّتّ عِتٍ، عَلَ قَمَ نّ عٍ رَفٌرٌدٍ.
13 عَ لِبَن سّدِرِ بِلِ نُن بَسَن شَ وُرِ بِلِ عِتٍشِ بِرِن نَفٌرٌ مَ نّ.
14 عَ فٍيَ عِتٍشِ قَن بَمَ نّ.
15 عَ مِشِيٍ شَ بَنشِ مَكَنتَشِيٍ كَنَمَ نّ، عَ عٍ شَ تّتّيٍ رَبِرَ.
16 عَ عٍ شَ كُنكُي شُنفبٍيٍ رَدُلَمَ نّ.
17 عَلَتَلَ قَمَ نّ عَدَ مَدِ شَ يّتّ عِفبٌيَ رَفٌرٌدٍ، عَ مِشِيٍ شَ يّتّ عِتٍيَ كُنتِن. عَلَتَلَ كٍرٍن نَن عَ يّتّ عِتٍمَ نَ لْشْي.
18 كُيٍ قٍ بِرِن كَنَمَ نّ.
19 مِشِيٍ عٍ نْشُنمَ نّ قْنمّيٍ تَفِ فّمّ لٌنفٌرِ رَ، عٍ يِلِ فٍمَ نّ بْشِ كُي، عٍ قَ عٍ نْشُن عَلَتَلَ شَ شْنّ مَ، نَشَن قَمَ عَ شَ نْرّ مَكَابَشِ كُي، عَ نَ كٍلِ بْشِ رَ سّرّندٍ تّمُي نَشّ.
20 نَ لْشْي، مِشِيٍ قَمَ نّ عٍ شَ كُيٍ وْلّدٍ بَلٍ نُن تُوكّ مَ، عٍ نُ نَشٍيٍ يَءِلَنشِ شّيمَ نُن فبٍتِ رَ عٍ بَتُقٍ رَ.
21 عٍ عٍ نْشُنمَ نّ يِلِيٍ نُن قْنمّيٍ كُي قَنيٍ لٌنفٌرِ رَ، عٍ شَ عٍ مَكُيَ عَلَتَلَ شَ شْنّ رَ، نَشَن قَمَ عَ شَ نْرّ مَكَابَشِ كُي، عَ نَ كٍلِ بْشِ رَ سّرّندٍ تّمُي نَشّ.
22 وٌ بَ وٌ يّتّ تَشُقٍ عَدَ مَدِ رَ، حّنفِ كٍرٍن ثٍتِ نَ نَشَن بّ. تِدٍ مُندُن نَ عَ مَ؟