Hebrews 8 in Susu

1 مَسٍنيِ شُنيِ نَن يَ؛ وٌن مَ سّرّشّدُبّ كُنتِفِ مَفٌرٌشِ عَلَ شِلِ شُنفبٍ كَنيِ شَ كِبَنيِ يِرٍقَنيِ مَ عَرِيَننَ كُي.

2 عَ وَلِمَ عَلَ شَ هْرْ مْلِنفِرَ يَتِ يَتِ نَن كُي، مَرِفِ نَشَن تِشِ، عَدَ مَدِيٍ بّلّشّ قْشِ مُ نَشَن نَ.

3 سّرّشّدُبّ كُنتِفِ بِرِن لَنمَ عَ شَ سّرّشّ مْولِ بِرِن بَ عَلَ بّ. نَ كُي عَ نُ لَنمَ سٍ ندٍ شَ لُ يِ سّرّشّدُبّ قَن يِ رَ عَ نَشَن بَمَ سّرّشّ رَ.

4 شَ وٌن مَ سّرّشّدُبّ كُنتِفِ نُ نَ دُنِحَ نُ، عَ مُ نُ قِندِ مَ سّرّشّدُبّ رَ نُ، بَرِ مَ عَلَ شَ يَامَرِ حَن بَرَ مِشِ فبّتّيٍ تِ نَ سّرّشّ وَلِ رَ.

5 نَ مِشِيٍ عَلَ بَتُمَ هْرْ مْلِنفِرَ نَن كُي، نَشَن مِسَالِشِ هْرْ مْلِنفِرَ رَ نَشَن نَ عَرِيَننَ. نَ نَن عَ تٌشِ عَلَ نَشَ عَننَبِ مُنسَ يَمَرِ هْرْ مْلِنفِرَ تِقٍ رَ، عَ قَلَقٍ رَ، «عَ مَتٌ عَ قَنيِ رَ، عِ شَ هْرْ مْلِنفِرَ تِ عَلْ عَ مَسٍنشِ عِ بّ فٍيَ قَرِ كِ نَشّ.»

6 كْنْ يَكْسِ عَلَ شَ مِشِ سُفَندِشِ بَرَ وَلِ سْتْ نَشَن تِدٍ فبٌ بٌورٍ سّرّشّدُبّيٍ شَ وَلِ بّ تِقٍ رَ عَلَ نُن عَدَ مَدِيٍ تَفِ. عَ تِدٍ فبٌ بَرِ مَ عَ قَشِ سَاتّ نَشَن نَ، نَ قَن سَاتّ قٌرِ بّ. عَ شَ سَاتّ مَبَنبَنشِ لَايِدِيٍ نَن نَ، نَشٍيٍ قَن دَنفِ لَايِدِ قٌرِيٍ رَ.

7 شَ نَ سَاتّ سِنفٍ نُ نْمَ عَ شَ وَلِ رَبَدٍ نُ، عَلَ مُ قَمَ عَ قِرِن ندٍ رَ نُ.

8 عَلَ نَشَ يِ مَرَكْرْ سِ رَبَ حَمَ رَ، «مَرِفِ شَ مَسٍنيِ نَن يَ؛ وَشَتِ نَ قَقٍ، ﭑ سَاتّ نّينّ تٌنفٌمَ عِسِرَيِلَ نُن يُدَيَ حَمَ بّ تّمُي نَشّ.

9 نَ مُ لُمَ عَلْ نَ سَاتّ سِنفٍ ﭑ نَشَن تٌنفٌ عٍ بٍنبَيٍ بّ، ﭑ عٍ رَ مِنِ مِسِرَ بْشِ رَ تّمُي نَشّ. عٍ تٌ ﭑ مَ سَاتّ بّحِن، ﭑ قَن نَشَ عٍ بّحِن. مَرِفِ شَ مَسٍنيِ نَن نَ كِ.

10 سَاتّ نَن يَ ﭑ نَشَن تٌنفٌمَ عِسِرَيِلَ حَمَ بّ، نَ وَشَتِ دَنفِ شَنبِ. مَرِفِ شَ مَسٍنيِ نَن يَ؛ ﭑ نَن ﭑ مَ سّرِيّ رَ سٌمَ نّ عٍ شَشِلِ كُي، ﭑ عَ سّبّ عٍ سٌندٌنيِ مَ. ﭑ قِندِ مَ عٍ مَرِفِ عَلَ نَن نَ، عٍ قَن قِندِ ﭑ مَ حَمَ رَ.

11 مِشِ يٌ مُ عَ بٌورٍ مَتِنكَنمَ، مِشِ يٌ مُ عَ قَلَمَ عَ نفَشَكٍرٍنيِ بّ، ‹عِ شَ عَلَ كٌلٌن،› بَرِ مَ نَ وَشَتِ عٍ بِرِن ﭑ كٌلٌنمَ نّ، كٍلِقٍ مِشِ شُرِ مَ هَن مِشِ شُنفبٍ.

12 ﭑ دِحّمَ نّ عٍ شَ تِنشِنتَرٍيَ مَ، ﭑ عٍ شَ يُنُبِيٍ شَقَرِ مَ نّ.»

13 عَ تٌ يِ سَاتّ شِلِ قَلَ سَاتّ نّينّ، عَ بَرَ بٌورٍ قِندِ سَاتّ قٌرِ رَ. سَاتّ قٌرِ تَن لَنمَ عَ شَ بَ نَ، عَ تِدٍ مُ نَ سْنْن.