Hebrews 13:21 in Susu 21 عَلَ شَ قّيرّ بِرِن قِ وٌ مَ عَلَكٌ وٌ شَ نْ عَ سَفٌ رَبَدٍ. عَلَ شَ قٍ لُ وٌن بْحّ مَ نَشَن نَقَن عَ مَ عَ شَ مِشِ سُفَندِشِ عِسَ سَابُي رَ. مَتْشْي نَ عَ بّ عَبَدَن. عَمِنَ.
Other Translations King James Version (KJV) Make you perfect in every good work to do his will, working in you that which is wellpleasing in his sight, through Jesus Christ; to whom be glory for ever and ever. Amen.
American Standard Version (ASV) make you perfect in every good thing to do his will, working in us that which is well-pleasing in his sight, through Jesus Christ; to whom `be' the glory for ever and ever. Amen.
Bible in Basic English (BBE) Make you full of every good work and ready to do all his desires, working in us whatever is pleasing in his eyes through Jesus Christ; and may the glory be given to him for ever and ever. So be it.
Darby English Bible (DBY) perfect you in every good work to the doing of his will, doing in you what is pleasing before him through Jesus Christ; to whom [be] glory for the ages of ages. Amen.
World English Bible (WEB) make you complete in every good work to do his will, working in you that which is well pleasing in his sight, through Jesus Christ, to whom be the glory forever and ever. Amen.
Young's Literal Translation (YLT) make you perfect in every good work to do His will, doing in you that which is well-pleasing before Him, through Jesus Christ, to whom `is' the glory -- to the ages of the ages! Amen.
Cross Reference Deuteronomy 32:4 in Susu 4 «عَلَتَلَ مَنِيَشِ قَنيٍ نَن نَ، نَشَن مِشِ كَنتَمَ. عَ وَلِمَ تِنشِنيِ نَن نَ. عَ شَ نَتّيٍ بِرِن قَن. عَ شَ وْيّنيِ مُ كَنَمَ، وُلٍ يٌ مُ نَ عَ دّ كُي. عَ تِنشِن.»
Psalm 72:18 in Susu 18 عِسِرَيِلَ مَرِفِ عَلَتَلَ تَنتُ. عَ كٍرٍن نَن كَابَنَكٌي رَبَمَ.
Psalm 138:8 in Susu 8 عَلَتَلَ ﭑ مَ قٍيٍ رَكَمَلِمَ نّ. عَلَتَلَ، دَن مُ نَ عِ شَ شَنُنتٍيَ مَ. عِ نَشَ عِ شَ دَالِيٍ رَبٌلٌ.
Matthew 6:13 in Susu 13 عِ نَشَ مُشُ تِ مَرَتَنتَنيِ كِرَ شْن، عِ شَ مُشُ رَتَنفَ سٍنتَنّ مَ. عِ تَن نَن فبٍ نَ مَنفّيَ، سّنبّ، نُن بِنيّ رَ عَبَدَن. عَمِنَ.›»
Matthew 7:21 in Susu 21 «مِشِ نَشٍيٍ عَ قَلَمَ ﭑ بّ، ‹ﭑ مَرِفِ، ﭑ مَرِفِ،› عٍ بِرِن شَ مُ سٌمَ عَلَ شَ مَنفّيَ نِينِ بُن مَ، قٌ نَشٍيٍ ﭑ بَبَ سَفٌ رَبَمَ نَشَن نَ عَرِيَننَ.
Matthew 12:50 in Susu 50 مِشِ يٌ نَشَن ﭑ بَبَ سَفٌ رَبَمَ نَشَن نَ عَرِيَننَ، نَ كَنيِ نَن قِندِشِ ﭑ شُنيَ شّمّمَ، ﭑ مَافِنّ، نُن ﭑ نفَ رَ.»
Matthew 21:31 in Susu 31 يِ مِشِ قِرِنيِيٍ يَ مَ، ندٍ عَ بَبَ سَفٌ رَبَشِ؟» عٍ نَشَ عَ يَابِ، «نَ دِ سِنفٍ.» عِسَ مَن نَشَ عَ مَسٍن عٍ بّ، «ﭑ شَ نْندِ قَلَ وٌ بّ، دُوتِ مَشِلِيٍ نُن لَنفٌييٍ سِنفٍ سٌمَ وٌ بّ عَلَ شَ مَنفّيَ نِينِ بُن مَ.
Matthew 28:20 in Susu 20 وٌ شَ عٍ تِنكَن ﭑ مَ يَامَرِ بِرِن نَبَتُدٍ. وٌ عَ مَتٌ، ﭑ نَ وٌ قّ مَ تّمُي بِرِن، هَن دُنِحَ رَحْنيِ.»
John 7:17 in Susu 17 مِشِ نَشَن وَ مَ عَلَ وَشْنقٍ رَبَقٍ، عَ نْمَ نّ عَ كٌلٌندٍ شَ يِ شَرَنيِ قَتَنشِ عَلَ نَن نَ. شَ ﭑ فبٍ فبَنسَن نَ عَ رَ، مِشِيٍ عَ كٌلٌنمَ نّ نُ.
John 16:23 in Susu 23 نَ لْشْي نَ عَ لِ، وٌ مُ ﭑ مَشْرِنمَ سٍسٍ مَ سْنْن. ﭑ شَ عَ قَلَ وٌ بّ عَ نْندِ كِ مَ، وٌ نَ بَبَ عَلَ مَشَندِ قٍقٍ مَ ﭑ شِلِ رَ، عَ عَ سٌمَ نّ وٌ يِ.
John 17:23 in Susu 23 ﭑ تَن نَ عٍ عِ، عِ قَن نَ ﭑ عِ، عَلَكٌ عٍ شَ كٍرٍنحَ شَ كَمَلِ. نَ كُي، دُنِحَ عَ كٌلٌنمَ نّ عَ عِ تَن نَن ﭑ شّيشِ، عَ عِ مَن عٍ تَن شَنُشِ عَلْ عِ ﭑ قَن شَنُشِ كِ نَشّ.»
Romans 11:36 in Susu 36 سٍ بِرِن كٍلِشِ عَ تَن نَن مَ، سٍ بِرِن بَلٌشِ عَ تَن نَن سَابُي رَ، عَ سٍ بِرِن دَاشِ عَ يّتّ نَن بّ. تَنتُي نَ عَ بّ عَبَدَن! عَمِنَ.
Romans 14:17 in Susu 17 عَلَ شَ مَنفّيَ نِينِ مُ قِندِشِ دٌنسٍ نُن مِنسٍ قٍ شَ رَ. عَ قِندِشِ تِنشِنيِ نُن سّيوّ قٍ نَن نَ، عَلَ شَشِلِ سّنِيّنشِ سَابُي رَ.
Romans 16:27 in Susu 27 عَلَ، عَ تَن كٍرٍن نَشَن قٍ بِرِن كٌلٌن، مَتْشْي نَ عَ بّ عَ شَ مِشِ سُفَندِشِ عِسَ سَابُي رَ عَبَدَن. عَمِنَ!
2 Corinthians 9:8 in Susu 8 عَلَ نْمَ بَرَكّ مْولِ بِرِن نَفٌرٌدٍ وٌ مَ. نٍيٍ وٌ هَيِ لِمَ نّ، عٍ مَن دَنفِ عَ رَ، عَلَكٌ وٌ شَ نْ وَلِ قَنيِ مْولِ بِرِن نَبَدٍ.
Galatians 1:5 in Susu 5 تَنتُي نَ عَلَ بّ عَبَدَن. عَمِنَ.
Ephesians 2:10 in Susu 10 عَلَ شَ وَلِ قْشِ نَن نَ وٌن نَ. يَكْسِ، عَ بَرَ وٌن دَا عَ شَ مِشِ سُفَندِشِ عِسَ سَابُي رَ، عَلَكٌ وٌن شَ نُ وَلِ قَنيِيٍ رَبَ، عَ بَرَ نَشٍيٍ تِ وٌن يَ عِ وٌن شَ نُ حّرّ عٍ مَ.
Ephesians 2:18 in Susu 18 عَ تَن نَن نَادّ رَبِشِ وٌن قِرِن بِرِن بّ، وٌن نُن بَبَ عَلَ شَ لُ يِرٍ كٍرٍن، عَ شَشِلِ سّنِيّنشِ كٍرٍنيِ سَابُي رَ.
Ephesians 3:16 in Susu 16 ﭑ عَ مَشَندِ مَ عَ شَ وٌ مَلِ عَ شَ نْرّ مَكَابَشِ سَابُي رَ، عَ شَ وٌ بْحّ سّنبّ سٌ عَ شَشِلِ سَابُي رَ.
Philippians 1:11 in Susu 11 نَ لْشْي عِسَ قَمَ نّ وٌ مَتِنشِندٍ عَلَكٌ عَلَ شَ مَتْشْ، عَ سّنبّ شَ كٌلٌن.
Philippians 2:11 in Susu 11 عٍ شَ عَ قَلَ، «عَلَ شَ مِشِ سُفَندِشِ عِسَ نَن نَ مَرِفِ رَ.» نَ شَ قِندِ مَتْشْي رَ بَبَ عَلَ بّ.
Philippians 2:13 in Susu 13 عَلَ نَن قٍ رَفِرِ مَ وٌ مَ عَلَكٌ وٌ حَنِفٍ شَ لَن عَ فبٍ مَ، وٌ شَ عَ وَشْنقٍ رَبَ.
Philippians 4:13 in Susu 13 ﭑ نْمَ قٍ بِرِن نَ ﭑ مَرِفِ سَابُي رَ، نَشَن سّنبّ قِمَ ﭑ مَ.
Philippians 4:18 in Susu 18 ﭑ هَيِ نَ نَشَن بِرِن مَ، ﭑ بَرَ عَ سْتْ. وٌ نَشَن نَسَنبَشِ ﭑ مَ عٍثَقٌرٌدِتٍ سَابُي رَ، عَ بَرَ ﭑ وَ سَ هَن عَ بَرَ دَنفِ عَ عِ. نَ سّرّشّ بَرَ رَقَن عَلَ مَ، عَ عَ كّنّن.
Colossians 1:9 in Susu 9 نَ نَن عَ تٌشِ، مُشُ قَن، كَقِ مُشُ نَشَ نَ كٌلٌن، مُشُ عَلَ مَشَندِقٍ نّ وٌ بّ تّمُي بِرِن، عَ شَ قَهَامُي نُن شَشِلِ قَنيِ قِ وٌ مَ عَلَكٌ وٌ شَ عَلَ سَفٌ كٌلٌن عَ قَنيِ رَ.
Colossians 3:17 in Susu 17 وٌ قٍ نَشَن بِرِن قَلَمَ، وٌ قٍ نَشَن بِرِن نَبَمَ، وٌ شَ نَ بِرِن نَبَ وٌ مَرِفِ عِسَ شِلِ رَ. وٌ شَ بَبَ عَلَ تَنتُ عِسَ سَابُي رَ.
Colossians 3:20 in Susu 20 دِ مّدِيٍ، وٌ شَ وٌ بَرِ مِشِيٍ شُي رَتِنمّ قٍ بِرِن كُي، بَرِ مَ نَ رَقَن مَرِفِ مَ.
Colossians 4:12 in Susu 12 عٍثَقِرَ سِ، نَشَن قِندِشِ وٌ شْنيِكَ رَ، عَ وٌ شّيبُ. عَلَ شَ مِشِ سُفَندِشِ عِسَ شَ وَلِكّ نَن عَ رَ. عَ عَلَ مَشَندِ مَ وٌ بّ تّمُي بِرِن عَلَكٌ وٌ شَ دَنشَنِيَ شَ سَبَتِ، وٌ شَ عَلَ وَشْنقٍ كٌلٌن، وٌ مَن شَ عَ رَبَ.
1 Thessalonians 3:13 in Susu 13 عَلَ شَ وٌ سٌندٌنيِيٍ سّنبّ سٌ عَلَكٌ وٌن مَرِفِ عِسَ نَ فبِلٍن لْشْ نَشّ عَ نُن عَ شَ سّنِيّنتْييٍ رَ، وٌ شَ نْ تِدٍ وٌن بَبَ عَلَ يَ عِ سّنِيّنيِ نُن تِنشِنيِ كُي.
1 Thessalonians 4:3 in Susu 3 عَلَ سَفٌ نَ عَ رَ وٌ شَ سّنِيّن. وٌ نَشَ لَنفٌيحَ رَبَ.
1 Thessalonians 5:23 in Susu 23 عَلَ شَ وٌ رَ سّنِيّن عَ كِ نُن عَ كّحَ مَ، عَ تَن عَلَ نَشَن بْحّسَ قِمَ. عَلَ شَ وٌ شَشِلِ نُن وٌ نِي نُن وٌ قَتٍ رَتَنفَ، مَرَكْرْ سِ يٌ نَشَ لُ وٌ مَ وٌن مَرِفِ عِسَ قَ تّمُي.
2 Thessalonians 2:17 in Susu 17 عٍ شَ وٌ سٌندٌنيِيٍ رَلِمَنِيَ. عٍ مَن شَ سّنبّ قِ وٌ مَ، وٌ شَ وَلِ نُن وْيّنيِ بِرِن شَ قِندِ عَ قَنيِ رَ.
1 Timothy 1:17 in Susu 17 مَنفّ عَلَ كٍرٍنيِ، نَشَن مُ قَشَمَ، نَشَن مُ تٌمَ، بِنيّ نُن نْرّ شَ لُ عَ بّ عَبَدَن. عَمِنَ.
1 Timothy 5:10 in Susu 10 عَ نُن مَن عَ كٌلٌنشِ تِنشِنتْي رَ عَ شَ وَلِ قَنيِيٍ شَ قٍ رَ، عَلْ دِ شُرُقٍ، شْحّ رَ سّنّقٍ، سّنِيّنتْييٍ سَنيِ مَشَقٍ، تْورْ مِشِيٍ مَلِقٍ، عَ نُن بِرَقٍ قٍ قَنيِ مْولِ بِرِن قْشْ رَ.
1 Timothy 6:16 in Susu 16 نَشَن كٍرٍن مُ قَشّ كٌلٌن، نَشَن شْنيِ نَ نَءِيَلَنيِ رَ، عَدَ مَدِيٍ مُ نَشَن تٌشِ، عَدَ مَ مُ نْمَ نَشَن تٌدٍ. بِنيّ نُن سّنبّ نَ عَ بّ عَبَدَن. عَمِنَ.
2 Timothy 4:18 in Susu 18 مَرِفِ مَن قَمَ ﭑ نَتَنفَدٍ مِشِيٍ شَ وَلِ كٌبِ بِرِن مَ، عَ قَ ﭑ نَكِسِ، ﭑ شَ سٌ عَ شَ مَنفّيَ نِينِ بُن مَ عَرِيَننَ. مَتْشْي نَ عَلَ بّ عَبَدَن.
Hebrews 10:36 in Susu 36 وٌ هَيِ نَ تُننَبّشِ مَ، عَلَكٌ وٌ شَ عَلَ سَفٌ رَكَمَلِ، وٌ قَ قٍ سْتْ عَ نَشَن لَايِدِشِ وٌ بّ.
Hebrews 12:23 in Susu 23 عَلَ شَ حَمَ قَن نَ نَ، نَشٍيٍ شِلِ سّبّشِ بُكِ كُي عَرِيَننَ. عٍ قِندِشِ عَلَ شَ دِ سِنفٍيٍ نَن نَ. دُنِحَ مَكِيتِمَ عَلَ نَ مّننِ نّ، عَ نُن تِنشِنتْي نِي نَشٍيٍ شَ قٍ بَرَ كَمَلِ.
Hebrews 13:16 in Susu 16 وٌ مَن نَشَ نّيمُ قٍ قَنيِيٍ رَبَدٍ مِشِيٍ بّ. وٌ شَ وٌ بٌورٍيٍ كِ، بَرِ مَ نَ قٍ مْولِيٍ قِندِ مَ سّرّشّيٍ نَن نَ نَشٍيٍ رَقَنشِ عَلَ مَ.
1 Peter 2:5 in Susu 5 وٌ قَن مِسَالِشِ فّمّ كّندّيٍ نَن نَ نَشٍيٍ تِشِ عَلَ شَشِلِ شَ بَنشِ رَ. وٌ بَرَ قِندِ سّرّشّدُبّ سّنِيّنشِيٍ رَ عَلَكٌ وٌ شَ وٌ بْحّ بَ سّرّشّ رَ عَلَ شَ مِشِ سُفَندِشِ عِسَ سَابُي رَ. نَ نَن نَقَن عَلَ مَ.
1 Peter 4:2 in Susu 2 نَ كُي، عَ بَرَ دُنِحَ وَشْنقٍ لُ نَ، عَ شَ بِرَ عَلَ وَشْنقٍ قْشْ رَ عَ شَ سِمَيَ كُي نَشَن لُشِ.
1 Peter 5:10 in Susu 10 وٌ نَ فّ تْورْدٍ دٌندٌرٌنتِ، عَلَ هِننّنتٍ قَمَ وٌ شَ قٍ يَءِلَندٍ، عَ وٌ رَلِمَنِيَ، عَ سّنبّ سٌ وٌ يِ نَشَن مُ كَنَمَ. عَلَ وٌ شِلِشِ نّ عَ شَ مِشِ سُفَندِشِ عِسَ سَابُي رَ وٌ شَ لُ عَ شَ نْرّ بُن مَ عَبَدَن.
2 Peter 3:18 in Susu 18 وٌ شَ سّنبّ سْتْ وٌن مَرِفِ نُن وٌن نَكِسِمَ عِسَ شَ هِننّ نُن عَ كٌلٌنقٍ سَابُي رَ. تَنتُي نَ عَلَ شَ مِشِ سُفَندِشِ عِسَ بّ عَبَدَن. عَمِنَ.
1 John 2:17 in Susu 17 دُنِحَ نُن عَ وَشْنقٍ حْنمَ نّ، كْنْ نَشٍيٍ عَلَ وَشْنقٍ رَبَمَ، عٍ كِسِمَ نّ عَبَدَن.
1 John 3:22 in Susu 22 عَلَ وٌن مَ دُبَ بِرِن سُشُمَ نّ، بَرِ مَ وٌن بِرَ مَ عَ شَ سّرِيّيٍ نُن عَ وَشْنقٍ نَن قْشْ رَ.
Jude 1:25 in Susu 25 عَلَ تَنتُ، نَشَن قِرِن ندٍ مُ نَ، نَشَن بَرَ وٌن نَكِسِ عَ شَ مِشِ سُفَندِشِ عِسَ سَابُي رَ. نْرّ، شُننَكٍلِ، سّنبّ، نُن نْي نَ عَ بّ بٍينُن دُنِحَ شَ قْلْ، يَكْسِ، نُن وَشَتِ نَشَن سَ قَمَ عَبَدَن. عَمِنَ.
Revelation 4:6 in Susu 6 بَا تِنسٍ قَن نُ نَ كِبَنيِ يَ عِ. نِمَسٍ نَانِ نُ نَ عَلَ شَ كِبَنيِ رَبِلِنيِ، يَيٍ نُ نَ عٍ يَتَفِ نُن عٍ كٌبٍ مَ.
Revelation 5:9 in Susu 9 عٍ نَشَ بّيتِ نّينّ ندٍ بَ، عٍ نُ عَ قَلَ، «عِ تَن نَن دَشَ يِ بُكِ تٌنفٌدٍ، عِ تَن نَن دَشَ عَ بَلَنسٍيٍ رَبِدٍ، بَرِ مَ عِ بَرَ عِ يّتّ بَ سّرّشّ رَ، عِ بَرَ عَدَ مَدِيٍ شُنسَرَ عَلَ بّ عِ وُلِ سَابُي رَ، عَدَ مَدِ نَشٍيٍ كٍلِشِ بْنسْي بِرِن، نَشٍيٍ شُي بِرِن قَلَمَ، نَشٍيٍ قَتَنشِ حَمَنّ نُن سِ بِرِن نَ.
Revelation 5:13 in Susu 13 نِمَسٍ نَشَن بِرِن نَ كٌورٍ مَ، بْشِ قَرِ، بْشِ بُن مَ، بَا مَ، عَ نُن دَالِسٍ بِرِن، ﭑ نٍيٍ بِرِن شُي مّ نّ، عٍ نُ قَ عَ قَلَ، «مَتْشْي، بِنيّ، تَنتُي، نُن سّنبّ نَ عَلَ بّ نَشَن مَفٌرٌشِ كِبَنيِ كُي، عَ نُن يّشّييْرّ بّ عَبَدَن.»