Genesis 29 in Susu

1 نَ دَنفِ شَنبِ يَشُبَ نَشَ عَ شَ بِيَاسِ دّ عِدْشْ. عَ تٌ بْشِ لِ نَشَن نَ سٌفٍتٍدٍ،

2 عَ نَشَ كْلْنيِ ندٍ تٌ وُلَ عِ. يّشّي نُن سِ فْورّ سَشَن نُ مَلَنشِ نَ كْلْنيِ قّ مَ، كْنْ فّمّ شُنفبٍ نَن نُ كْلْنيِ دّ مَكٌتٌشِ.

3 عٍ نُ دَرِشِ نَشَن نَ، شُرُ سٍ بِرِن نَ مَلَن نَ يِرٍ، شُرُ سٍ دّ مَدٌنيِيٍ نَ كْلْنيِ دّرَكٌتٍ فّمّ مَحِندِفِلِنمَ، عَ بَ نَا. شُرُ سٍ نَ فّ يٍ مِندٍ، شُرُ سٍ دّمَدٌنيِيٍ مَن نُ فّمّ رَفبِلٍنمَ كْلْنيِ دّ رَ.

4 يَشُبَ نَشَ شُرُ سٍ دّ مَدٌنيِيٍ مَشْرِن، «ﭑ نفَشَكٍرٍنيِيٍ، وٌ كٍلِشِ مِندٍن يِ كِ؟» عٍ نَشَ عَ يَابِ، «مُشُ كٍلِشِ شَرَنِ نّ.»

5 عَ نَشَ عٍ مَشْرِن، «وٌ لَبَن كٌلٌن، نَشٌرِ شَ دِ شّمّ؟» عٍ نَشَ عَ يَابِ، «عِيٌ، مُشُ عَ كٌلٌن.»

6 عَ نَشَ عٍ مَشْرِن، «تَنَ مُ نَ عَ مَ؟» عٍ نَشَ عَ يَابِ، «سٍسٍ مُ عَ تٌشِ. عَ شَ دِ فِنّ رَشٍلٍ نَن قَقٍ نَ كِ عٍ نُن شُرُ سٍيٍ رَ.»

7 عَ نَشَ عَ قَلَ عٍ بّ، «وٌن نَ يَنيِ نّ يِ كِ. شُرُ سٍيٍ مَلَن تّمُي مُ يِ كِ. وٌ يٍ قِ شُرُ سٍيٍ مَ مَقُرٍن، وٌ مَن شَ فبِلٍن عٍ رَ عٍ دّ مَدٌندٍ.»

8 عٍ نَشَ عَ يَابِ، «مُشُ مُ نْمَ قٍقٍ يٌ رَبَدٍ يِ كِ، قٌ شُرُ سٍ بِرِن نَ مَلَن. نَ تّمُي، مُشُ قَ يِ فّمّ بَ كْلْنيِ دّ رَ نَشَن عَ مَكٌتٌشِ، مُشُ يٍ قِ شُرُ سٍ بِرِن مَ.»

9 يَشُبَ تٌ نُ نَ وْيّنقٍ عٍ بّ، رَشٍلٍ قَن نَشَ قَ عَ بَبَ شَ شُرُ سٍيٍ رَ، بَرِ مَ شُرُ سٍ دّ مَدٌنيِ نَن نُ لَنشِ عَ قَن مَ.

10 يَشُبَ تٌ رَشٍلٍ تٌ قَ رَ، يَشُبَ نفَ تَارَ لَبَن شَ دِ فِنّ، عَ نُن عَ شَ شُرُ سٍيٍ، عَ نَشَ عَ مَسٌ كْلْنيِ رَ. عَ نَشَ فّمّ بَ كْلْنيِ دّ رَ، عَ نَشَ يٍ قِ لَبَن شَ شُرُ سٍ بِرِن مَ.

11 يَشُبَ نَشَ رَشٍلٍ شّيبُ سُنبُي رَ، عَ نُ وَ عَ شُي عِتٍشِ رَ.

12 عَ نَشَ عَ قَلَ رَشٍلٍ بّ، «عِ بَبَ شُنيَ شَ دِ نَن لَنشِ ﭑ مَ، رٍبٍكَ شَ دِ شّمّ.» رَشٍلٍ تٌ نَ مّ، عَ نَشَ عَ فِ رَكْي، عَ سَ نَ تَفِ رَبَ عَ بَبَ بّ.

13 لَبَن تٌ بَرَ عَ شُنيَ فِنّمَ شَ دِ يَشُبَ شَ قٍ مّ، عَ نَشَ سِفَ عَ سَ عَ رَلَن. عَ نَشَ قِندِفِلِن عَ مَ، عَ عَ شَنِن بَنشِ. يَشُبَ نَشَ دّنتّفّ سَ لَبَن بّ.

14 لَبَن نَشَ عَ قَلَ عَ بّ، «وٌن بِرِن وُلِ كٍرٍن قَسّ كٍرٍن.» يَشُبَ نَشَ كِكٍ كٍرٍن نَبَ لَبَن شْنيِ.

15 نَ لْشْي لَبَن نَشَ عَ قَلَ يَشُبَ بّ، «ﭑ مَ مَمَدِ نَن لَنشِ عِ مَ، كْنْ سّرِيّ يٌ مُ عَ قَلَشِ عِ شَ وَلِ ﭑ بّ عَ قَ لُ ﭑ مُ عِ سَرٍ قِ. عَ قَلَ ﭑ بّ، عَ لَنمَ ﭑ شَ عِ سَرٍ قِ نَشَن نَ.»

16 نَ تّمُي دِ فِنّ قِرِن نَن نُ نَ لَبَن يِ رَ. عَ شَ دِ فِنّ سِنفٍ شِلِ نّ لٍيَ، عَ قِرِن ندٍ رَشٍلٍ.

17 لٍيَ يَ نُ شُرُن، كْنْ رَشٍلٍ تَن فِنّ تٌقَنيِ نَن نُ لَنشِ عَ مَ.

18 رَشٍلٍ نَن نُ رَقَن يَشُبَ مَ كِ قَنيِ رَ. عَ نَشَ عَ قَلَ لَبَن بّ، «ﭑ حّ سٌلٌقٍرٍ نَن وَلِمَ عِ بّ، عَلَكٌ عِ شَ عِ شَ دِ فِنّ قِرِن ندٍ رَشٍلٍ قِ ﭑ مَ.»

19 لَبَن نَشَ عَ يَابِ، «بٍينُن ﭑ شَ ﭑ مَ دِ قِ مِشِ فبّتّ مَ، ﭑ لَن ﭑ شَ عَ قِ عِ تَن نَن مَ. لُ ﭑ شْنيِ بٍ.»

20 يَشُبَ نَشَ حّ سٌلٌقٍرٍ وَلِ رَبَ لَبَن يِ رَ رَشٍلٍ شَ قٍ رَ. كْنْ نَ حّ سٌلٌقٍرٍ لُ نّ عَ بّ عَلْ شِ سٌلٌقٍرٍ فبَنسَن، بَرِ مَ رَشٍلٍ نُ رَقَنشِ عَ مَ كِ قَنيِ رَ.

21 نَ حّ سٌلٌقٍرٍ دَنفِ شَنبِ، يَشُبَ نَشَ عَ قَلَ لَبَن بّ، «ﭑ مَ كّرّ تٌنفٌشِ بَرَ كَمَلِ. ﭑ مَ فِنّ سٌ ﭑ يِ رَ قَ، ﭑ شَ عَ قِندِ ﭑ يّتّ رَ.»

22 لَبَن نَشَ مّننِكَ بِرِن شِلِ، عٍ شَ قَ عٍ دّفٍ، عٍ شَ حّلّشِنيِ شُلُنيِ رَبَ.

23 نُنمَرٍ رَ، عَ نَشَ عَ شَ دِ فِنّ سِنفٍ لٍيَ تٌنفٌ، عَ نَشَ عَ شَنِن يَشُبَ شْن مَ. يَشُبَ نَشَ عَ قِندِ عَ يّتّ رَ.

24 لَبَن نَشَ سِلِثَ سٌ عَ شَ دِ لٍيَ يِ رَ، عَ شَ قِندِ عَ شَ كٌنيِ رَ.

25 كُيٍ تٌ عِبَ، يَشُبَ نَشَ عَ تٌ لٍيَ نَ عَ رَ. عَ نَشَ عَ قَلَ لَبَن بّ، «عِ مُنسٍ رَبَشِ ﭑ نَ يِ كِ؟ ﭑ مُ وَلِشِ عِ بّ رَشٍلٍ شَ قٍ شَ رَ؟ عِ ﭑ يَنقَشِ مُنقٍ رَ؟»

26 لَبَن نَشَ عَ يَابِ، «مُشُ تَن مَ نَامُنيِ مُ تِنمَ عَ رَ دِ فِنّ قِرِن ندٍ شَ دْشْ شّمّ تَا، عَ سِنفٍ مُ شّمّ سْتْشِ.

27 يِ لْشْشُنيِ رَبَ سِندٍن وٌ نُن لٍيَ. شَ عِ مَن حّ سٌلٌقٍرٍ وَلِ رَبَ ﭑ بّ، ﭑ نَن ﭑ مَ دِ فِنّ قِرِن ندٍ قَن قِمَ نّ عِ مَ، عَ قِندِ عِ شَ فِنّ رَ.»

28 يَشُبَ نَشَ نَ رَبَ. عٍ نُن لٍيَ تٌ لْشْشُنيِ رَبَ يِرٍ كٍرٍن، لَبَن نَشَ رَشٍلٍ قَن قِ عَ مَ،

29 عَ بِلَ سٌ رَشٍلٍ يِ رَ عَ شَ قِندِ عَ شَ كٌنيِ رَ.

30 يَشُبَ نَشَ رَشٍلٍ قِندِ عَ يّتّ رَ، عَ عَ شَنُ دَنفِقٍ لٍيَ رَ. نَ دَنفِ شَنبِ عَ مَن نَشَ حّ سٌلٌقٍرٍ وَلِ رَبَ لَبَن بّ.

31 عَلَتَلَ تٌ بَرَ عَ تٌ لٍيَ مُ فّشِ رَقَندٍ يَشُبَ مَ عَلْ رَشٍلٍ، عَ نَشَ لٍيَ قِندِ دِبَرِ رَ، عَ رَشٍلٍ قِندِ دِبَرِتَرٍ رَ.

32 لٍيَ نَشَ تّيفّ، عَ دِ شّمّ بَرِ. عَ نَشَ نَ دِ شِلِ سَ رُبٍن، عَ قَلَقٍ رَ، «عَلَتَلَ بَرَ ﭑ مَ يَافِ تٌ. يَكْسِ ﭑ قَ رَقَنمَ نّ ﭑ مَ شّمّ مَ.»

33 عَ مَن نَشَ تّيفّ دِ قِرِن ندٍ مَ. عَ تٌ نَ دِ بَرِ، عَ نَشَ عَ قَلَ، «عَلَتَلَ قَن يَتِ عَ كٌلٌن، ﭑ مُ رَقَن ﭑ مَ شّمّ مَ. نَ نَن عَ تٌشِ عَ يِ دِ قِرِن ندٍ قَن قِشِ ﭑ مَ.» عَ نَشَ نَ دِ شِلِ سَ سِمٍيْن.

34 عَ مَن نَشَ تّيفّ دِ سَشَن ندٍ مَ. عَ تٌ عَ بَرِ، عَ مَن نَشَ عَ قَلَ، «يِ بِيَاسِ، قٌ ﭑ شَ رَقَن نّ ﭑ مَ شّمّ مَ سْنْن، بَرِ مَ ﭑ بَرَ دِ سَشَن سْتْ عَ بّ.» نَ نَن عَ تٌ، عَ نَشَ نَ دِ شِلِ سَ لٍوِ.

35 عَ نَشَ تّيفّ دِ نَانِ ندٍ مَ. عَ تٌ نَ قَن بَرِ، عَ نَشَ عَ قَلَ، «يِ بِيَاسِ ﭑ عَلَتَلَ تَنتُمَ نّ.» عَ نَشَ نَ دِ شِلِ سَ يُدَ. عَ شَ دِ بَرِقٍ دَن نَ دِ نَانِ نَن مَ.