Ezekiel 31 in Susu

1 عَ حّ قُ نُن كٍرٍن ندٍ، كِكٍ سَشَن، شِ سِنفٍ رَ، عَلَتَلَ نَشَ عَ مَسٍن ﭑ بّ، عَ نَشّ،

2 «عَدَ مَدِ، عَ قَلَ مِسِرَ قِرَوُنَ نُن عَ شَ حَمَ بّ، ‹وٌ مَنِيّ نَ مِندٍن؟

3 عَسِرِيَ بْشِ نُ لُشِ نّ عَلْ سّدِرِ وُرِ بِلِ ندٍ نَشَن نُ نَ لِبَن وٌندِ. عَ سَلٌنيِيٍ نُ تٌقَن، عَ نِينِ فبٌ، عَ عِتٍ دَنفِ وُرِ بِرِن نَ.

4 تُنّ يٍ نُ بَرَ عَ رَ مْ، يٍ نَشَن نَ بْشِ بُن، نَ نُ بَرَ عَ رَكُيَ. عَ نُ يٍ رَدِنمَ عَ سَنكٍيٍ مَ، عَ قَ يٍ شَنِن قْتْنيِ بِرِن كُي.

5 نَ نَن عَ نِيَ، عَ تَن نُ عِتٍ نَ قْتْنيِ وُرِ بِلِيٍ بِرِن بّ، عَ سَلٌنيِيٍ نُ بَرَ وُيَ، عٍ نُ قَ كُيَ رَ نَ يٍ سَابُي رَ.

6 شْنِيٍ نُ عٍ شّلّيٍ سَمَ عَ سَلٌنيِيٍ مَ، بُرُنيِ سُبٍيٍ نُ دِ بَرِ مَ عَ نِينِ بُن مَ، حَمَنّيٍ نُ سَبَتِشِ عَ سّيتِ مَ.

7 عَ نُ تٌقَن عَ شَ شُنفبٍ شَ قٍ رَ، عَ سَلٌنيِيٍ نُ كُيَ هَن، عَ سَنكٍ نُ بِرِشِ بْشِ بُن مَ ثٌن يٍ قٍنقٍ رَ.

8 سّدِرِ بِلِ نَشٍيٍ نُ نَ عَلَ شَ بْشِ مَ عٍدٍن مَبِرِ، نٍيٍ مُ عَ شَ كُيّ سْتْ. عَ سَلٌنيِيٍ نُ كُيَ سِثِرِ سَلٌنيِيٍ بّ، عٍ كُيَ وُرِ مْولِ بِرِن بّ. عَ تٌقَنيِ مَنِيّ يٌ مُ نُ نَ عَلَ شَ بْشِ مَ.

9 ﭑ تَن نَن عَ رَتٌقَن، ﭑ تَن نَ عَ سَلٌنيِيٍ وُيَ، دَنفِقٍ وُرِ بِلِ بِرِن نَ عَلَ شَ بْشِ مَ عٍدٍن مَبِرِ.›»

10 «نَ نَن عَ تٌ، وٌ مَرِفِ عَلَتَلَ نَشَ يِ مَسٍن؛ عَ تٌ نُ عِتٍ دَنفِ وُرِ بِرِن نَ، يّتّ عِفبٌحَ قَ لُ عَ بْحّ كُي،

11 ﭑ عَ سَشِ حَمَنّيٍ شَ مَنفّيٍ سَفٌي نَ نَن مَ، عٍ شَ عَ حَشَنكَتَ عَ شَ حَاشُحَ بّرّ رَ. ﭑ تٌ عَ بّحِن،

12 مَنفّ ندٍ نَشَن كٌبِ عَ بِرِن بّ، عَ بَرَ عَ قْن، عَ قَ عَ لُ نَا. عَ سَلٌنيِيٍ بَرَ بِرَ فٍيَيٍ قَرِ نُن فُلُنبَيٍ كُي. عَ سَلٌنيِ فِرَشِيٍ نُ نَ بْشِ بِرِن مَ. حَمَنّيٍ نَشَ كٍلِ عَ نِينِ بُن مَ.

13 شْنِيٍ نُن بُرُنيِ سُبٍيٍ فبَنسَن نَن نُ لُشِ عَ سَلٌنيِيٍ تَفِ.

14 نَ كُي، عَ مُ لَنمَ وُرِ يٌ شَ كُيَ نَ كِ دَنفِ وُرِ بِرِن نَ. وُرِ نَشٍيٍ يٍ سْتْ عَ قَنيِ رَ، عَ مُ لَن عٍ شَ نَ كُيّيَ لِ. سّرِيّ كِ مَ، عٍ شَ قَشَ عَلْ عِبُنَدَ مَ نَشَن سِفَمَ عَلِفِيَمَ.»

15 «وٌ مَرِفِ عَلَتَلَ يِ نَن مَسٍنشِ؛ عَ قَشَ لْشْي نَشّ، ﭑ عَ حْن قٍ رَبَ نّ يٍ بِرِن نَ، يٍ قَ شْرِ. ﭑ نَشَ دِ مِ رَ سِن لِبَن مَ عَ شَ قٍ رَ، قْتْنيِ نَشَ شَرَ.

16 ﭑ نَشَ حَمَنّيٍ رَفَاشُ عَ بِرَ شُي مَ، ﭑ تٌ عَ قَشَ عَلْ مِشِ نَشٍيٍ قَشَشِ سِفَمَ عَلِفِيَمَ. نَ تّمُي عٍدٍن وُرِ بِلِيٍ بِرِن، نَشٍيٍ قَن لِبَن وُرِ بِلِيٍ بِرِن بّ، نَشٍيٍ يٍ سْتْ عَ قَنيِ رَ، نٍيٍ نَشَ رَشَرَ.

17 مِشِ نَشٍيٍ نُ سَبَتِشِ نَ وُرِ شُنفبٍ نِينِ بُن مَ، عٍ نُن نَشٍيٍ نُ سَاتَشِ، عٍ قَن نَشَ سِفَ عَلِفِيَمَ، عٍ قَ مِشِيٍ لِ عٍ نُ بَرَ نَشٍيٍ قَشَ سَنتِدّفّمَ رَ.»

18 «عٍدٍن وُرِ مُندُن مَنِيَمَ وٌ شَ تٌقَنيِ نُن وٌ شَ سّنبّ رَ؟ هَلِ وٌ تَن فٌرٌ عَلِفِيَمَ، وٌ قَ لُ سُننَتَرٍيٍ يَ مَ نَشٍيٍ قَشَمَ سَنتِدّفّمَ رَ. نَ بِرِن مِسَالِشِ مِسِرَ مَنفّ قِرَوُنَ نُن عَ شَ سْورِ فَلِ نَن نَ. وٌ مَرِفِ عَلَتَلَ شُي نَن نَ كِ.»