Daniel 1 in Susu

1 يُدَيَ مَنفّ يٍهٌيَكِمِ شَ مَنفّيَ حّ سَشَن ندٍ رَ، بَبِلْن مَنفّ نٍبُكَدَنسَرِ نَشَ سِفَ دَرِ سَلَمُ فٍرٍدٍ، عَ شَ سْورِيٍ قَ مّننِ رَبِلِن فٍرٍ كِ مَ.

2 مَرِفِ نَشَ يُدَيَ مَنفّ يٍهٌيَكِمِ سَ عٍ بّلّشّ، عَ نُن عَلَ شَ هْرْ مْبَنشِ يِرَبَسٍ سّنِيّنشِ ندٍيٍ. مَنفّ نٍبُكَدَنسَرِ نَشَ نٍيٍ شَنِن بَبِلْن بْشِ مَ عَ شَ عَلَ شَ بَنشِ كُي، نَاقُلِ رَفَتَمَ دّننَشّ.

3 مَنفّ نَشَ عَ قَلَ عَسِثٍنَسِ بّ، عَ شَ وَلِكّيٍ شَ مَنفّ، عَ شَ عِسِرَيِلَ قٌنِكٍ ندٍيٍ سُفَندِ مَنفّ شَبِلّ يَ مَ، شَ نَ مُ كُنتِفِ دٍنبَيَيٍ يَ مَ.

4 عَ شَ شَشِلِمَ شَرَنشِيٍ سُفَندِ نَشٍيٍ قَتٍ يَلَنشِ، نَشٍيٍ تٌقَن، عَلَكٌ عٍ شَ نْ وَلِدٍ مَنفّ شَ بَنشِ كُي، عٍ مَن شَ بَبِلْن شُي نُن عَ سّبّلِ شْرِ شَرَن.

5 مَنفّ نَشَ دٌنسٍ نُن وّنِ عِتَشُن عٍ مَ، عٍ بَلٌمَ نَشَن نَ حّ سَشَن بُن مَ. نَ دَنفِ شَنبِ، عٍ شَ سٌ وَلِقٍ مَنفّ بّ.

6 يُدَيَكَ نَشٍيٍ نُ نَ عٍ يَ مَ، نٍيٍ نَن يَ؛ دَنِيّلِ، شَنَنِيَ، مِكَيٍلِ، نُن عَسَرَيَ.

7 مَنفّ شَ وَلِكّيٍ شُنيِ نَشَ شِلِ نّينّ سَ عٍ شُن مَ. عَ نَشَ دَنِيّلِ شِلِ سَ «بٍلٍتٍسَسَرِ.» عَ نَشَ شَنَنِيَ شِلِ سَ «سَدِرَكِ.» عَ نَشَ مِكَيٍلِ شِلِ سَ «مٍسَكِ.» عَ نَشَ عَسَرَيَ شِلِ سَ «عَبٍدِنٍفٌ.»

8 دَنِيّلِ نَشَ نَتّ تٌنفٌ عَ شَ عَ يّتّ رَتَنفَ مَنفّ شَ دٌنسٍ رَهَرَ مُشِيٍ نُن عَ شَ وّنِ مَ. عَ نَشَ وَلِكّيٍ شَ مَنفّ مَيَندِ عَ شَ تِن نَ رَ.

9 عَلَ تٌ نُ بَرَ عَ رَفِرِ دَنِيّلِ شَ رَقَن عَ مَ، وَلِكّيٍ شَ مَنفّ نَشَ دِحّ عَ مَ.

10 عَ نَشَ عَ قَلَ عَ بّ، «ﭑ بَرَ فَاشُ ﭑ مَ مَنفّ يَ رَ، نَشَن بَرَ دٌنسٍ نُن مِنسٍ عِتَشُن وٌ مَ. شَ عَ سَ وٌ تٌ، وٌ قَتٍ بَشِ وٌ مَ، وٌ قَتٍ مُ قَن عَلْ بٌورٍيٍ، مَنفّ قَمَ نّ ﭑ شُنيِ بَدٍ ﭑ دّ عِ.»

11 دَنِيّلِ نَشَ عَ كَنتَمَ يَابِ، وَلِكّيٍ شَ مَنفّ نُ بَرَ نَشَن تِ دَنِيّلِ، شَنَنِيَ، مِكَيٍلِ، نُن عَسَرَيَ شُن مَ،

12 «عِ شَ مُشُ مَتٌ شِ قُ بُن مَ. سَنسِ بٌفِيٍ نُن يٍ فبَنسَن سٌ مُشُ يِ رَ.

13 نَ دَنفِ شَنبِ، عِ شَ مُشُ لَهَلّ نُن بٌورٍيٍ لَهَلّ مَتٌ، نَشٍيٍ مَنفّ شَ دٌنسٍ دٌنمَ. نَ تّمُي، عِ شَ نَتّ تٌنفٌ عِ رَبَقٍ مَ.»

14 عٍ كَنتَمَ نَشَ تِن نَ رَ، عَ شَ عٍ مَتٌ شِ قُ بُن مَ.

15 شِ قُ تٌ دَنفِ، عٍ لَهَلّ نُ قَن دَنفِ بٌورٍيٍ رَ، نَشٍيٍ نُ مَنفّ شَ دٌنسٍ دٌنمَ.

16 نَ نَن عَ تٌشِ، عٍ كَنتَمَ نَشَ سَنسِ بٌفِيٍ سٌ عٍ يِ رَ مَنفّ شَ دٌنسٍ نُن وّنِ حْشْي رَ.

17 عَلَ نَشَ قٍ كٌلٌنيِ، لْننِ، نُن قَهَامُي قِ يِ قٌنِكٍ نَانِ مَ. دَنِيّلِ نَشَ نْ لَامَتُنيِيٍ نُن شِيٍيٍ قَسَرِدٍ.

18 وَشَتِ تٌ حْن، مَنفّ نُ بَرَ نَشَن قَلَ، وَلِكّيٍ شَ مَنفّ نَشَ عٍ مَتِ نٍبُكَدَنسَرِ يِرٍ.

19 مَنفّ شُنفبٍ تٌ فّ وْيّندٍ عٍ رَ، عَ نَشَ عَ كٌلٌن عٍ مَنِيّ مُ نُ نَ بٌورٍ قٌنِكٍيٍ يَ مَ. مِشِ يٌ مُ عَ كّنّن عَلْ دَنِيّلِ، شَنَنِيَ، مِكَيٍلِ، نُن عَسَرَيَ. نَ كُي، عٍ نَشَ سٌ وَلِقٍ مَنفّ بّ.

20 مَنفّ تٌ عٍ مَشْرِن قٍ كٌلٌنيِ، لْننِ، نُن قَهَامُي مَ، عَ نَشَ عَ كٌلٌن عٍ شَ يَابِيٍ قَن بَبِلْن كَرَ مْشْييٍ نُن سٍمَتٌي فبٍ بّ دْشْ قُ.

21 دَنِيّلِ نَشَ لُ نَ وَلِ كُي هَن سِرُ سِ شَ مَنفّيَ حّ سِنفٍ رَ.