Acts 9 in Susu

1 نَ تّمُي بِرِن، سْلُ نُ كْنكْشِ مَرِفِ قْشِرَبِرّيٍ مَ، عَ شَ عٍ قَشَ. عَ نَشَ سِفَ سّرّشّدُبّ كُنتِفِ شْن

2 كّيدِ مَشْرِندٍ كَتَرَبِ دَ مَسِ سَلِدٍ يَرٍرَتِيٍ مَ، عَلَكٌ شَ عَ نَشٍيٍ لِ نَا، عٍ بِرَشِ عِسَ شَ كِرَ قْشْ رَ، شّمّيٍ نُن فِنّيٍ، عَ شَ قَ عٍ شِرِشِ رَ دَرِ سَلَمُ.

3 عَ نَ مَكْرّقٍ دَ مَسِ رَ، يَنبّ نَشَ مِنِ عَ مَ كٍلِ كٌورٍ مَ، عَ عَ رَبِلِن.

4 عَ نَشَ بِرَ بْشِ مَ، عَ نَشَ شُي ندٍ مّ، «سْلُ، سْلُ، عِ نَ ﭑ حَشَنكَتَقٍ مُنقٍ رَ؟»

5 سْلُ نَشَ عَ يَابِ، «مَرِفِ، ندٍ عِ رَ؟» عَ نَشَ عَ يَابِ، «عِسَ نَن ﭑ نَ، عِ نَشَن حَشَنكَتَقٍ.

6 كٍلِ، سٌ تَا كُي، عٍ قَمَ عَ قَلَدٍ عِ بّ عَ لَنمَ عِ شَ نَشَن نَبَ.»

7 شّمّيٍ نَشٍيٍ نُ عَ قْشْ رَ، نٍيٍ دّ نَشَ بٌبٌ عَ رَ فَاشُي بّ. عٍ نُ شُي مّمَ، كْنْ عٍ مُ نُ مِشِ يٌ تٌمَ.

8 سْلُ نَشَ كٍلِ بْشِ مَ، عَ يَ رَبِشِ، كْنْ عَ يَ مُ سٍ تٌمَ. عٍ نَشَ عَ بّلّشّ سُشُ، عٍ عَ مَتِ دَ مَسِ.

9 عَ نَشَ لُ شِ سَشَن عَ مُ سٍسٍ تٌ، عَ مُ سٍسٍ دٌن، عَ مُ سٍسٍ مِن.

10 عِسَ قْشِرَبِرّ ندٍ نُ نَ دَ مَسِ، نَشَن شِلِ عَنَنِيَسِ. مَرِفِ نَشَ عَ شِلِ لَامَتُنيِ كُي، «عَنَنِيَسِ!» عَنَنِيَسِ نَشَ عَ رَتِن، «مَرِفِ، ﭑ تَن نَن يَ.»

11 مَرِفِ نَشَ عَ قَلَ عَ بّ، «كٍلِ، سِفَ كِرَ رَ نَشَن شِلِ ‹كِرَ تِنشِنشِ›، عِ شَ شّمّ قٍن يُدَ سِ شَ بَنشِ كُي، نَشَن شِلِ سْلُ تَرِ سٍكَ. عَ نَ عَلَ مَشَندِقٍ.

12 عَ بَرَ مِشِ ندٍ تٌ لَامَتُنيِ كُي، نَشَن شِلِ عَنَنِيَسِ، عَ نَ عَ بّلّشّ سَقٍ عَ مَ عَلَكٌ عَ مَن شَ سٍ تٌ.»

13 عَنَنِيَسِ نَشَ عَ يَابِ، «مَرِفِ، ﭑ بَرَ يِ شّمّ شَ قٍ مّ مِشِ وُيَشِ رَ، عَ بَرَ قٍ كٌبِ نَشَن نَبَ عِ شَ مِشِ سّنِيّنشِيٍ رَ دَرِ سَلَمُ.

14 سّرّشّدُبّ كُنتِفِيٍ بَرَ نْي سٌ عَ يِ رَ، عَ شَ بِرِن سُشُ نَشٍيٍ عِ شِلِ مَشَندِ مَ.»

15 كْنْ مَرِفِ نَشَ عَنَنِيَسِ يَابِ، «سِفَ، بَرِ مَ ﭑ بَرَ يِ شّمّ سُفَندِ شّيرَ رَ، عَ شَ ﭑ شِلِ مَسٍن سِ بِرِن بّ، عٍ شَ مَنفّيٍ بّ، عَ نُن عِسِرَيِلَ دِيٍ بِرِن بّ.

16 ﭑ عَ مَسٍنمَ نّ عَ بّ، عَ قَمَ تْورْدٍ كِ نَشّ ﭑ شِلِ شَ قٍ رَ.»

17 عَنَنِيَسِ نَشَ سِفَ نَ بَنشِ. عَ تٌ سٌ، عَ نَشَ عَ بّلّشّ سَ سْلُ مَ. عَ نَشَ عَ قَلَ عَ بّ، «ﭑ نفَشَكٍرٍنيِ سْلُ، مَرِفِ عِسَ نَشَن مِنِ عِ مَ كِرَ رَ، عَ تَن نَن ﭑ شّيشِ عِ مَ، عَلَكٌ عِ شَ سٍ تٌ، عِ مَن شَ عَلَ شَشِلِ سّنِيّنشِ سْتْ.»

18 سٍ ندٍ نَشَ بَ عَ يَ مَ كٍرٍن نَ عَلْ شَلٍيٍ، عَ يَ نَشَ سٍ تٌ. عَ نَشَ كٍلِ، عَ قَ عَ شُنشَ يٍ شْورَ.

19 نَ شَنبِ عَ نَشَ عَ دّفٍ، عَ قَ سّنبّ سْتْ. سْلُ نَشَ سَشَنيِ رَبَ دَ مَسِ عَ نُن عِسَ قْشِرَبِرّيٍ.

20 عَ نَشَ بْنبْ كَوَندِ تِقٍ رَ كٍرٍن نَ سَلِدٍيٍ كُي عَ نُ عَ مَسٍن عَ عَلَ شَ دِ نَن لَنشِ عِسَ مَ.

21 نَشٍيٍ بِرِن عَ شُي مّ، عٍ دّ نَشَ عِشَرَ. عٍ نَشَ عَ قَلَ، «يِ شّمّ شَ مُ نُ مِشِيٍ حَشَنكَتَمَ دَرِ سَلَمُ، نَشٍيٍ نُ مَشَندِ تِمَ عِسَ شِلِ رَ؟ عَ مُ قَشِ شّ بٍ، عَ شَ عٍ شَنِن عٍ شِرِشِ رَ سّرّشّدُبّ كُنتِفِيٍ شْن؟»

22 سْلُ نَشَ سّنبّ سْتْ. عَ شَ مَسٍنيِ نَشَ دَ مَسِ يُوِقِيٍ عِقُ، عَ قَلَقٍ عَ عِسَ نَن لَنشِ عَلَ شَ مِشِ سُفَندِشِ مَ.

23 تّمُي ندٍ تٌ دَنفِ، يُوِقِيٍ نَشَ لَن عَ مَ عٍ شَ سْلُ قَشَ.

24 سْلُ نَشَ عٍ شَ فُندٌ كٌلٌن. عٍ نُ تَا سٌدٍ دّ كَنتَمَ كْي نُن يَنيِ عَلَكٌ عٍ شَ عَ قَشَ.

25 كْنْ كْي ندٍ رَ، عِسَ قْشِرَبِرّيٍ نَشَ عَ رَفٌرٌ تّتّ قَرِ مَ سَفَ كُي.

26 سْلُ تٌ سِفَ دَرِ سَلَمُ، عَ نَشَ وَ بٌنِقٍ عِسَ قْشِرَبِرّيٍ رَ، كْنْ عٍ بِرِن نُ فَاشُشِ عَ يَ رَ. عٍ مُ نُ لَشِ عَ رَ شَ عِسَ قْشِرَبِرّ نَن يَتِ عَ رَ.

27 عَوَ، بَرَنَبَسِ نَشَ عَ شَنِن شّيرَيٍ شْن. عَ نَشَ عَ تَفِ رَبَ عٍ بّ سْلُ مَرِفِ تٌشِ كِ نَشّ، عَ مَن عَ شُي مّشِ كِرَ رَ كِ نَشّ. عَ نَشَ عَ مَسٍن عٍ بّ سْلُ بَرَ كَوَندِ نَشَن نَبَ عِسَ شِلِ رَ دَ مَسِ تَا كُي.

28 عٍ بِرِن نَشَ دْشْ يِرٍ كٍرٍن دَرِ سَلَمُ. سْلُ نُ مَرِفِ شِلِ كَوَندِ مَ سّنبّ رَ.

29 عٍ نُن يُوِقِيٍ قَن نَشَ وْيّن عٍ نُ شْرْشْ، يُوِقِ نَشٍيٍ فِرّكِ شُي قَلَمَ، كْنْ نٍيٍ نُ كَتَقٍ عٍ شَ سْلُ قَشَ.

30 عَ نفَشَكٍرٍنيِ عِسَيَنكَيٍ تٌ نَ قٍ مّ، عٍ نَشَ عَ شَنِن سٍسَرٍ، عٍ قَ عَ رَ سِفَ تَرِ سٍ.

31 دَنشَنِيَتْي حَمَ نَشَ لُ بْحّسَ كُي يُدَيَ، فَلِلٍ، نُن سَمَرِ بْشِ بِرِن مَ. عٍ نُ لُمَ عٍ بٌرٍ رَلِمَنِيَ رَ، عٍ نُ عٍ حّرّ مَرِفِ شَ يَرَفَاشُي كُي. عٍ شُن نُ مَسَمَ عَلَ شَشِلِ سّنِيّنشِ سَابُي رَ.

32 ثِيّرِ تٌ نُ بْشِ عِحّرّ مَ، عَ نَشَ فٌرٌ سّنِيّنتْييٍ يِرٍ لِدَ.

33 عَ نَشَ شّمّ نَمَتَشِ ندٍ لِ نَا، نَشَن شِلِ عٍنٍ، عَ نُ سَشِ سَدٍ مَ كَبِ حّ سٌلٌمَسَشَن.

34 ثِيّرِ نَشَ عَ قَلَ عَ بّ، «عٍنٍ، عِسَ عَلَ شَ مِشِ سُفَندِشِ بَرَ عِ رَيَلَن. كٍلِ، عِ عِ شَ سَدٍ يَءِلَن.» عَ نَشَ كٍلِ كٍرٍن نَ.

35 لِدَكَيٍ نُن سَرْنكَ بِرِن تٌ يِ قٍ تٌ، عٍ نَشَ تُوبِ مَرِفِ مَ.

36 فِنّ ندٍ نُ نَ يَقَ عِسَ قْشِرَبِرّيٍ يَ مَ. عَ نُ شِلِ تَبِتَ، نَشَن قَلَشِ دْرَكَسِ. عَ نُ قٍ قَنيِ فبٍفبٍ رَبَمَ، عَ نُ تْورْ مِشِيٍ كِ.

37 نَ تّمُي، قُرٍ نَشَ عَ سُشُ، عَ نَشَ قَشَ. عٍ تٌ عَ مَشَ، عٍ نَشَ عَ سَ كٌورٍ بَنشِ دّكِ قِرِن ندٍ.

38 عِسَ قْشِرَبِرّيٍ نَشٍيٍ نُ نَ يَقَ، عٍ نَشَ عَ مّ عَ ثِيّرِ نَ لِدَ. لِدَ مُ مَكُيَ يَقَ رَ. عَوَ، عٍ نَشَ شّمّ قِرِن شّي ثِيّرِ مَ، عٍ شَ عَ مَيَندِ عَ شَ قَ عٍ شْنيِ مَقُرٍن.

39 ثِيّرِ نَشَ كٍلِ، عٍ نُن نَ شّمّيٍ نَشَ سِفَ. عٍ تٌ سٌ، عٍ نَشَ عَ شَنِن كٌورٍ بَنشِ كْن نَ. كَاحّ فِنّيٍ نَشَ عَ رَبِلِن، عٍ وَ مَ. عٍ نَشَ دُفِيٍ نُن سٌسٍيٍ مَسٍن عَ بّ دْرَكَسِ نَشٍيٍ يَءِلَن عَ نُ نَ عٍ يَ مَ تّمُي نَشّ.

40 ثِيّرِ نَشَ عٍ بِرِن نَمِنِ تَندٍ. عَ نَشَ عَ شِنبِ سِن، عَ عَلَ مَشَندِ. نَ شَنبِ، عَ نَشَ عَ مَقِندِ قُرٍ مَبِرِ رَ. عَ نَشَ عَ قَلَ، «تَبِتَ، كٍلِ.» تَبِتَ نَشَ عَ يَ رَبِ. عَ تٌ ثِيّرِ تٌ، عَ نَشَ كٍلِ.

41 ثِيّرِ نَشَ عَ بّلّشّ سُشُ، عَ عَ رَكٍلِ. عَ نَشَ سّنِيّنتْييٍ نُن كَاحّ فِنّيٍ شِلِ. عَ نَشَ عَ حِحّ دّنتّفّ عٍ بّ.

42 يَقَكَيٍ بِرِن نَشَ نَ قٍ مّ. مِشِ وُيَشِ نَشَ دَنشَنِيَ مَرِفِ مَ.

43 ثِيّرِ نَشَ شِ وُيَشِ رَبَ يَقَ، سِمْن فَرَنفٍ شْنيِ.