Acts 27 in Susu

1 عٍ تٌ نَتّ تٌنفٌ مُشُ شَ بَكِ كُنكُي كُي سِفَقٍ رَ عِتَلِ، عٍ نَشَ ثْلُ نُن فٍيلِمَنِ ندٍيٍ سٌ سْورِ مِشِ كّمّ شُنمَتِ يِ رَ نَشَن شِلِ يُلِيُسِ، نَشَن نَ مَنفّ شُنفبٍ شَ سْورِيٍ يَ مَ.

2 مُشُ نُن عَرِ سِتَرَكِ، نَشَن كٍلِ تّسَلٌنِكِ مَسٍدٌن بْشِ مَ، نَشَ بَكِ كُنكُي كُي نَشَن كٍلِ عَدِرَ مِتِ. عَ نُ لَن عَ شَ دَنفِ عَسِ سّيتِ مَ.

3 نَ كُيٍ عِبَ، مُشُ نَشَ كِلْن سِدْن. يُلِيُسِ، نَشَن نُ عَ حْشْ سَشِ ثْلُ شْن مَ عَ قَنيِ رَ، عَ نَشَ عَ سَفٌ سَ عَ شَ سِفَ عَ بٌورٍيٍ شْنيِ بِيَاسِ قَندّ قٍندٍ.

4 مُشُ تٌ كٍلِ نَا، مُشُ نَشَ دَنفِ سِثِرِ سُرِ مَ، بَرِ مَ قٌيٍ مُ نُ تِنشِ مُشُ بّ.

5 مُشُ تٌ سِلِسِ نُن ثَنقِلِيَ بَا عِفِرِ، مُشُ نَشَ سٌ مِرَ، لِسِ بْشِ مَ.

6 مّننِ، سْورِ مِشِ كّمّ شُنمَتِ نَشَ كُنكُي تٌ نَشَن كٍلِ عَلٍسَندِرٍ، عَ سِفَقٍ عِتَلِ. مُشُ نَشَ بَكِ نَ كُي.

7 شِ وُيَشِ بُن مَ كُنكُي نُ تْورْ مَ حّرّدٍ. كَتَ نُن كَتَ مُشُ قَ سِنِدِ لِ كْنْ قٌيٍ مُ تِن مُشُ شَ كِلْن نَا. نَ نَن عَ تٌ مُشُ نَشَ دَنفِ كِرّتِ سُرِ لَابٍ رَ، سَلٍمٌنٍ سّيتِ مَ.

8 نَا عِحّرّقٍ نُ شْرْشْ. مُشُ نَشَ يِرٍ ندٍ لِ، نَشَن شِلِ وَقُ تٌقَنيِ، لَسٍيَ قّ مَ.

9 مُشُ نَشَ بُ نَا. حّرّ مَن نُ شْرْشْ بَرِ مَ سُنيِ تّمُي نُ بَرَ دَنفِ.

10 نَ نَ عَ رَ، ثْلُ نَشَ عَ قَلَ، «ﭑ بِيَاسِبٌورٍيٍ، ﭑ بَرَ عَ كٌلٌن وٌن مَ حّرّ قَمَ نّ شْرْشْدٍ. كٌتٍيٍ، كُنكُي، نُن مِشِيٍ قَمَ نّ تْورْدٍ.»

11 سْورِ كّمّ شُنمَتِ نَشَ عَ تُلِ مَتِ كّثِنِ نُن كُنكُي كَنيِ شَ وْيّنيِ رَ، عَ تٌندِ ثْلُ شَ مَرَ سِ رَ.

12 مِشِ فبٍفبٍ نَشَ وَ قٍنِكِ لِقٍ، بَرِ مَ عٍ نُ نَ وَقُ دّننَشّ، مّننِ مُ نُ قَن حّمّ رَدَنفِدٍ رَ. قٍنِكِ، كِرّتِ سُرِ وَقُ نَن عَ رَ، نَشَن يَ رَقِندِشِ سٌفٍفٌرٌدٍ بِرِ مَ. عٍ نَشَ وَ عٍ شَ حّمّ رَدَنفِ نَا.

13 قٌيٍ دِ ندٍ نَشَ مِنِ كٍلِ كْولَ مَ. عٍ نَشَ عَ مَحْشُن عَ بِيَاسِ بَرَ قَن. عٍ نَشَ هَنفَ بّندُن، عٍ كُنكُي رَدَنفِ كِرّتِ سُرِ قّ مَ.

14 كْنْ نَ تّمُي قٌيٍ شُنفبٍ، نَشَن شِلِ يُرَكِلْن، عَ نَشَ قَ كٍلِ سُرِ مَ.

15 قٌيٍ نَشَ كُنكُي تُتُن، هَن كُنكُي مُ نُ نْمَ مَتِنشِندٍ. مُشُ نَشَ مُشُ رَشَرَ قٌيٍ يِ رَ.

16 مُشُ نَشَ دَنفِ سُرِ لَنمَدِ لَابٍ رَ، نَشَن شِلِ كِلٌدَ. مُشُ نَشَ تْورْ كُنكُي لَنمَ مَسْتْقٍ رَ.

17 عٍ تٌ فّ عَ رَتٍدٍ، عٍ نَشَ لُوتِ مَقِلِن كُنكُي مَ. عٍ تٌ نُ فَاشُشِ دْشْقٍ رَ سِرِتٍ بّنكِ مَ، عٍ نَشَ بّلَ رَفٌرٌ، قٌيٍ نُ قَ سِفَ مُشُ رَ.

18 قٌيٍ نَشَ مُشُ بْنبْ عَ قَنيِ رَ. نَ كُيٍ عِبَ، مُشُ نَشَ كٌتٍ ندٍ وٌلِ بَا مَ.

19 شِ سَشَن تٌ دَنفِ، مُشُ يَتِ نَشَ كُنكُي عِسٍيٍ بِرِن نَفٌرٌ يٍ مَ.

20 شِ وُيَشِ نَشَ دَنفِ، سٌفٍ مُ نَ، تُنبُييٍ مُ نَ، قٌيٍ سّنبّ نُ فبٌمَ نَن تُي. مُشُ مُ نُ لَشِ مُشُ كِسِقٍ رَ سْنْن.

21 كَبِ شِ وُيَشِ مُشُ مُ نُ دٌنسٍ دٌنمَ. عَوَ ثْلُ نَشَ تِ مِشِيٍ تَفِ، عَ نَشَ عَ قَلَ عٍ بّ، «ﭑ بٌورٍيٍ، شَ وٌ وٌ تُلِ مَتِ ﭑ نَ نُ، وٌن مُ كٍلِمَ كِرّتِ نُ، وٌن مُ يِ كَسَرّ نُن لْسِ سْتْمَ نُ.

22 كْنْ يَكْسِ، ﭑ وٌ رَ سِمَ نّ، وٌ شَ لِمَنِيَ، بَرِ مَ مِشِ يٌ مُ قَشَمَ وٌ يَ مَ، كُنكُي نَن فبَنسَن كَسَرَ مَ.

23 ﭑ مَرِفِ عَلَ، ﭑ وَلِمَ نَشَن بّ، عَ شَ مَلٍكّ ندٍ بَرَ مِنِ ﭑ مَ يِ كْي رَ.

24 عَ نَشَ عَ قَلَ ﭑ بّ، ‹ثْلُ، عِ نَشَ فَاشُ، قٌ عِ شَ تِ نّ مَنفّ شُنفبٍ يَ عِ. عَلَ بَرَ تِن عِ بِيَاسِبٌورٍ بِرِن نَتَنفَدٍ.›

25 نَ نَ عَ رَ، وٌ شَ لِمَنِيَ بَرِ مَ ﭑ لَشِ عَلَ شَ مَسٍنيِ رَ.

26 وٌن قَمَ سُرِ ندٍ لِدٍ.»

27 كْي قُ نُن نَانِ ندٍ، مُشُ نَشَ عَدِرِيَتِكٍ بَا لِ. نَ كْي تَفِ كُنكُي رَحّرّ نَشَ سٌفِ عَ مُشُ بَرَ مَكْرّ بْشِ ندٍ رَ.

28 عٍ تٌ يٍ تِلِنيِ مَنِيَسٍ رَفٌرٌ، عٍ نَشَ كَنكٍ يَ مْشْحّن سْتْ. عٍ تٌ مَكُيَ دٌندٌرٌنتِ، عٍ مَن نَشَ عَ رَفٌرٌ، عٍ نَشَ كَنكٍ يَ قُ نُن سُولِ سْتْ.

29 عٍ تٌ فَاشُ فَرِندٍ قَنيٍ ندٍ رَ، عٍ نَشَ هَنفَ نَانِ وٌلِ كُنكُي شَنبِ رَ. عٍ نَشَ فبَتَ كُيٍ عِبَقٍ رَ.

30 كْنْ كُنكُي رَحّرّيٍ نُ وَ مَ كٍلِقٍ كُنكُي شُن. عٍ نَشَ كُنكُي لَنمَ رَفٌرٌ بَا مَ عَلْ عٍ نَ هَنفَيٍ نَن نَفٌرٌقٍ كُنكُي يَ رَ.

31 ثْلُ نَشَ عَ قَلَ سْورِ مِشِ كّمّ شُنمَتِ نُن سْورِيٍ بّ، «شَ يِ مِشِيٍ مُ لُ كُنكُي كُي، وٌ مُ نْمَ كِسِدٍ.»

32 عَوَ، سْورِيٍ نَشَ كُنكُي لَنمَ لُوتِ بٌلٌن، عٍ نَشَ عَ رَبّحِن عَ شَ سِفَ.

33 بٍينُن كُيٍ شَ عِبَ، ثْلُ نَشَ عٍ بِرِن نَسِ عٍ شَ دٌنسٍ دٌن. عَ نَشَ عَ قَلَ عٍ بّ، «عَ شِ قُ نُن نَانِ نَن تٌ وٌ مَمّ تِقٍ، وٌ مُ تِنشِ وٌ دّفٍدٍ.

34 ﭑ بَرَ وٌ رَ سِ وٌ شَ دٌنسٍ دٌن، بَرِ مَ نَ نَن قَن وٌ قَتٍ بّ. مِشِ يٌ مُ هَلَكِمَ، هَلِ وٌ شُنسّشّ كٍرٍن مُ لْيمَ.»

35 عَ تٌ نَ قَلَ، عَ نَشَ تَامِ تٌنفٌ، عَ عَلَ نُوَلِ سَ عٍ بِرِن يَ شْرِ، عَ تَامِ عِفِرَ، عَ نَشَ عَ دٌن قْلْ.

36 نَ تّمُي عٍ بِرِن نَشَ لِمَنِيَ، عٍ قَن نَشَ سٌ تَامِ دٌنقٍ.

37 مُشُ مِشِ كّمّ قِرِن مِشِ تٌنفٌ سٌلٌقٍرٍ عَ نُن سٍننِ نَن نُ نَ كُنكُي كُي.

38 عٍ تٌ وَ سَ دٌنسٍ رَ، عٍ نَشَ قَرِن وٌلِ بَا مَ عَلَكٌ كُنكُي شَ يٍلٍبُ.

39 كُيٍ تٌ عِبَ، عٍ مُ عَ كٌلٌن عٍ نَ دّننَشّ، كْنْ عٍ نَشَ بْشِ ندٍ تٌ. عٍ نَشَ نَتّ تٌنفٌ عٍ شَ كَتَ كُنكُي رَ سِفَدٍ نَا.

40 عٍ نَشَ هَنفَيٍ قُلُن، عٍ شَ سِن بَا مَ. عٍ نَشَ قّيَ لُوتِيٍ قَن بٌلٌن. عٍ نَشَ يَرٍ بّلَ رَتٍ، عٍ شَ عٍ شُن سَ شَرٍ مَ.

41 كْنْ عٍ نَشَ بّنكِ لِ، كُنكُي نَشَ كَنكَن. كُنكُي شُنيِ تٌ كَنكَن، مْرْنيِ نَشَ عَ شْرّ كَنَ سّنبّ رَ.

42 سْورِيٍ نَشَ لَن فٍيلِمَنِيٍ قَشَقٍ مَ، عَلَكٌ عٍ نَشَ يٍ مَسَ، عٍ عٍ فِ.

43 كْنْ سْورِيٍ كّمّ شُنمَتِ، نَشَن نُ وَ مَ ثْلُ رَكِسِقٍ، عَ نَشَ عٍ رَتْن. عَ نَشَ يَامَرِ قِ عٍ مَ عَ نَشٍيٍ قَتَ يٍ مَسَدٍ، عٍ سِنفٍ شَ بَفَن يٍ مَ عَلَكٌ عٍ شَ شَرٍ مَسْتْ.

44 بٌورٍيٍ شَ فبَكُ شٍبٍنيِيٍ رَ، شَ نَ مُ عَ رَ كُنكُي شُنتُنيِيٍ رَ. عٍ بِرِن نَشَ شَرٍ مَسْتْ هّيرِ كُي.