2 John 1 in Susu

1 ﭑ تَن وٌ شَ كُنتِفِ بَرَ وٌ شّيبُ، وٌ تَن نَشٍيٍ قِندِشِ دَنشَنِيَتْي حَمَ سُفَندِشِ رَ، عَ نُن وٌ بٌورٍ نَشٍيٍ بَرَ نْندِ كٌلٌن. وٌ رَقَن ﭑ تَن نُن نْندِ كٌلٌنيِ بِرِن مَ،

2 بَرِ مَ نْندِ لُمَ وٌن بْحّ مَ عَبَدَن.

3 بَبَ عَلَ نُن عَ شَ دِ عِسَ، عَ شَ مِشِ سُفَندِشِ، عٍ شَ هِننّ وٌن نَ، عٍ شَ كِنِكِنِ وٌن مَ، عٍ شَ بْحّسَ قِ وٌن مَ نْندِ نُن شَنُنتٍيَ كُي.

4 ﭑ بَرَ سّيوَ كِ قَنيِ، بَرِ مَ ندٍيٍ نَ وٌ يَ مَ نَشٍيٍ حّرّقٍ بَبَ عَلَ شَ نْندِ كِرَ شْن مَ عَ شَ سّرِيّ كِ مَ.

5 دَنشَنِيَتْي قَنيِيٍ، ﭑ بَرَ وٌ مَيَندِ، وٌن شَ وٌن بٌرٍ شَنُ. ﭑ نَ نَشَن سّبّقٍ يِ كِ، يَامَرِ نّينّ مُ عَ رَ. وٌن بَرَ نَ سّرِيّ كٌلٌن كَبِ عَ قْلّ.

6 شَنُنتٍيَ نَن يَ، وٌ شَ بِرَ عَلَ شَ سّرِيّ قْشْ رَ. وٌ لَن نّ وٌ شَ عَلَ شَ يَامَرِيٍ رَبَتُ، عَلْ وٌ عَ مّشِ كِ نَشّ كَبِ عَ قْلّ.

7 مِشِ فبٍفبٍ وَ مَ وٌ مَدَشُقٍ، عَ قَلَقٍ رَ عَ عَلَ شَ مِشِ سُفَندِشِ عِسَ مُ قَشِ دُنِحَ عَدَ مَ كِ مَ. نَ مِشِ مَدَشُي مْولِ قِندِشِ عَلَ شَ مِشِ سُفَندِشِ يَشُي نَن نَ.

8 وٌ شَ قٍ بِرِن نَبَ عَلَكٌ وٌ نَشَ فَن وٌ شَ وَلِ مُنَقَنيِ رَ. وٌ شَ كَتَ وٌ شَ سَرٍ كَمَلِشِ سْتْ.

9 مِشِ نَشَن قٍ فبّتّ سُشُمَ، عَ مُ بِرَ عَلَ شَ مِشِ سُفَندِشِ شَ شَرَنيِ قْشْ رَ، نَ كَنيِ مُ عَلَ كٌلٌن. نَشَن بِرَ مَ عَ قْشْ رَ، عَ بَرَ بَبَ عَلَ نُن عَ شَ دِ كٌلٌن.

10 شَ كَرَ مْشْ ندٍ سَ قَ وٌ يِرٍ يِ شَرَنيِ شَنبِ، وٌ نَشَ عَ رَ سّنّ، وٌ نَشَ عَ شّيبُ،

11 شَ نَ مُ عَ رَ وٌ قَن بَرَ لُ عَ شَ وَلِ حَاشِ كُي.

12 ﭑ وَ مَ قٍ فبٍفبٍ قَلَقٍ وٌ بّ، كْنْ ﭑ مُ وَ مَ نَ رَبَقٍ سّبّلِ رَ، قٌ وٌن شَ لُ يِرٍ كٍرٍن، وٌن شَ دّ مَسَرَ، عَلَكٌ وٌن مَ سّيوّ شَ كَمَلِ.

13 وٌ بٌورٍ دَنشَنِيَتْييٍ بَرَ وٌ شّيبُ.