Zechariah 1:4 in Sunwar 4 साइ ङा आं लोव़ पाइबपुकीमी इन किकी पिपी आन कली लोव़ पाम्तेक्म। मेकोपुकीमी मुर नेल्ल आन परमप्रभु यावेमी इन कली मार लोव़ पाप्तु देंशा हना इन मरिम्शो लां रे नु इन मरिम्शो पतीके रे परमप्रभु आ लां गे लेतीन, दे लोव़ पाम्तेक्म। तन्न इन किकी पिपीमी आं लोव़ मनेंथु मटीम। गेपुकी मेको आन खोदेंशो मपने। येरमीया ३:१२; इजीकीएल ३३:११
Other Translations King James Version (KJV) Be ye not as your fathers, unto whom the former prophets have cried, saying, Thus saith the LORD of hosts; Turn ye now from your evil ways, and from your evil doings: but they did not hear, nor hearken unto me, saith the LORD.
American Standard Version (ASV) Be ye not as your fathers, unto whom the former prophets cried, saying, Thus saith Jehovah of hosts, Return ye now from your evil ways, and from your evil doings: but they did not hear, nor hearken unto me, saith Jehovah.
Bible in Basic English (BBE) Be not like your fathers, to whom the voice of the earlier prophets came, saying, Be turned now from your evil ways and from your evil doings: but they did not give ear to me or take note, says the Lord.
Darby English Bible (DBY) Be ye not as your fathers, unto whom the former prophets cried, saying, Thus saith Jehovah of hosts: Turn ye now from your evil ways, and from your evil doings; but they did not hearken nor attend unto me, saith Jehovah.
World English Bible (WEB) Don't you be like your fathers, to whom the former prophets proclaimed, saying: Thus says Yahweh of hosts, 'Return now from your evil ways, and from your evil doings;' but they did not hear, nor listen to me, says Yahweh.
Young's Literal Translation (YLT) Ye shall not be as your fathers, To whom the former prophets called, saying: Thus said Jehovah of Hosts, Turn back I pray you, From your evil ways and from your evil doings, And they did not hearken, Nor attend to Me -- an affirmation of Jehovah.
Cross Reference 2 Chronicles 24:19 in Sunwar 19 मो हना यो परमप्रभु यावेम मेको आन कली आ गे लेप्पाइक्चा कली आ लोव़ पाइबपुकी सोइक्तीमी बाक्त। मिनु मेकोपुकीम मेको आन मरिम्शो पशो कोंइदमे बाक्त। तन्न मुरपुकीम मेको आन लोव़ मनेन्मे बाक्त।
2 Chronicles 29:6 in Sunwar 6 मारदे हना इं किकी पिपीम परमप्रभु यावे कली प्रोंइशा, परमप्रभु यावे, इं परमप्रभु आ ङोंइती मार मरिम्शो बाक्मे, मेको पाम्तेक्म। मेकोपुकीम मेको कली प्रोंइशा, मेको आ बाक्तीक आ पर्बम मारेइ ममिम्तेम। मेकोपुकीम परमप्रभु यावे आ खिं कली हिरशान मकोव़ङेम।
2 Chronicles 30:7 in Sunwar 7 गेपुकी इन किकी पिपी नु आंम मुर खोदेंशो मदुमीन। मेकोपुकीम परमप्रभु यावे, इन किकी पिपी आन परमप्रभु कली प्रोंइतेक्म। मोपतीके परमप्रभु यावेमी मेको आन कली खतम सेला बाक्त। मेको आंमा तशो बाक्नीनी।
2 Chronicles 34:21 in Sunwar 21 “गो नु इस्राएल नु यहूदाम लीशो मुर आन पर्बम परमप्रभु यावे कली हिल्लो पने। मेको थिश्शो किताबम ब्रेक्शो लोव़ गो नु आंइ किकी पिपीम मटितीके परमप्रभु यावे गोपुकी नु शुश गाइश्शो बाक्माक्त। मेको ब्रेक्शो लोव़ गो मपक” देंमाक्त।
2 Chronicles 36:15 in Sunwar 15 मिनु परमप्रभु यावे, आन किकी पिपी आन परमप्रभुमी आ लोव़ पाइबपुकी मेको आन दातेम सोइक्ना सोइक्न बाक्शो बाक्माक्त। मारदे हना आ मुर नु आ बाक्तीक कली शिशी पाइक्बाक्माक्त।
Ezra 9:7 in Sunwar 7 गो आंइ किकी पिपी रे मुलाक्त ङा नाक्त सम्म आंइ दोस थम ठेयब बाक्ब। आंइ काइ मरिम्शो पतीके आंइ पिप नु चढ़ेबपुकी अर्को रागी ङा पिप आन गुइमी साइक्चा, चोक्चा, मारेइ मारेइ रोइक्चा पुंइसीचा नु शुश मुने तोक्चा पुंइसाक्म। मिनु गोपुकी यो सिनाक्त मुलाक्त मोदेंशो दुम्शो बाक्नीकी।
Nehemiah 9:16 in Sunwar 16 मिनु आंइ किकी पिपीमी ठेयब लेश्शा, आन मिम्शो ला पशा, इन शेंशो मटीब दुम्शो बाक्तेक्म। प्रस्थान ३२:१,९
Nehemiah 9:26 in Sunwar 26 मेको नेल्ल तशा यो इन देंशो मटिथु, ठेयब लेश्शा, इन अरेशो लोव़ मटीमे बाक्त। इन लोव़ पाइबपुकीमी आन कली ‘गे मरिम्शो पाइब बाक्नीनी। आं गे लेतीन’ देंमानु, मेको आन कली सदमे बाक्त। मिनु मेकोपुकीमी शुश शुक्शी पामे बाक्त।
Nehemiah 9:30 in Sunwar 30 गे शुश बर्स सम्म मेको आन कली फाल्नी बाक्त। इन लोव़ पाइबपुकीमी मेको आन कली इन सोक्त रे पा शेंपाइक्नी बाक्त। तन्न मेकोपुकीमी नेंचा मबिस्समा बाक्त। मोपतीके गे मेको आन कली अर्को जात जात ङा मुर आन गुइमी गेनी बाक्त। येरमीया ७:२५-२६; येरमीया ४४:४-६
Psalm 78:8 in Sunwar 8 मेको आन किकी पिपी खोदेंशो मदुम्मल। मेकोपुकी खकटा थुं पाइश्शो नु मटीब पाला ङा मुर बाक्तेक्म। मेकोपुकी नोले शोंइसीशा, परमप्रभु कली प्रोंइतेक्म। ब्यवस्था ३२:५-६
Psalm 106:6 in Sunwar 6 गोपुकी नु आंइ किकी पिपीम पाप पाइतक। गोपुकीमी मरिम्शो पा इन अरेशो लोव़ मटिक। दानीएल ९:५
Isaiah 1:16 in Sunwar 16 गेपुकी चिक्सीन। ग्रांग्रा मदिशो दुमीन। मिनु आं ङोंइती इन नाक्ती किंत किंत ङा मरिम्शो पतीके प्रोनीन।
Isaiah 30:9 in Sunwar 9 मारदे हना एको मुर काइ मटीब बाक्नीम। थमा मसुइक्ब आल बाक्नीम। मेको आलपुकीमी परमप्रभु यावे आ शेंतीक लोव़ नेंचा मदाक्नीम।
Isaiah 31:6 in Sunwar 6 ए इस्राएली, गे हेंथे पा शुश ङोन लाइबपुकी, परमप्रभु गे लेतीन। येरमीया ७:३-५
Jeremiah 3:12 in Sunwar 12 ‘गे लावो। मिनु एको लोव़ उत्तर गे शेंदीमी। थमा सुइक्ने मचाप्ब इस्राएल, परमप्रभु यावेम लेतो। गो इ कली तशा मगाइक्नुङ। मारदे हना गो शिशी पाइब नङ। गो गेना हना यो मगाइक्नुङ’। प्रस्थान ३४:६;
Jeremiah 6:16 in Sunwar 16 मिनु परमप्रभु यावेम मार, देंत देंशा हना “लां ब्रातीकेम राप्शा कोव़ङीन। माइत लां आ पर्बम हिल्लो पने। मेको रिम्शो लां ते बाक्बा, दे हिल्लो पने। मिनु मेको लांमीन गाक्कीन। मिनु इन थुं नाइक्चा ताइनीनी। तन्न मेकोपुकीम ‘गो मेक मगाक्नीकी’ देंनीम। मत्ती ११:२९
Jeremiah 7:3 in Sunwar 3 मुर नेल्ल परमप्रभु यावे, इस्राएली आन परमप्रभुमी मार, देंत देंशा हना “इन गाक्तीक लां नु इन पशो नेल्ल रिम्शो सेलीन। मो पाइतीनी हना, गो गेपुकी नु एकेर बाक्नुङ। येरमीया १८:११; येरमीया २५:५; येरमीया २६:१३; यसैया १:१६
Jeremiah 11:6 in Sunwar 6 मिनु परमप्रभु यावेम आं कली “यहूदा ङा सहर नेल्लेम नु यरूसलेम ङा लां मेर एको कबल ङा लोव़ उरदी पा, मेको कबल ङा लोव़ नेंशा पने।
Jeremiah 13:9 in Sunwar 9 “ओदेंशो पा गो यहूदा आ ठेयब लेत्तीक नु यरूसलेम आ थाम्पा ठेयब लेत्तीक खतम पोक्नुङ।
Jeremiah 13:16 in Sunwar 16 मिनु “गे परमप्रभु यावे, इन परमप्रभुम छिङछिङ चाक्चा क्येङा ङोंइती मेको कली ‘ठेयब सेलीन’। नां रिक्चा क्येङा ङोंइती डांडा मेर इन खोइल दाइल पाइक्चा क्येङा ङोंइती मेको कली ‘परमप्रभु यावे ठेयब बाक्ब’ देनीन। गे हाम्सो आस पाइनीनी, तन्न मेकोमी छिङछिङ सेल्शा थम क्येर सेल्ब।
Jeremiah 17:19 in Sunwar 19 परमप्रभु यावेम आं कली “गे मुर आन ओव़तीक ठेयब लाप्चो आ नेक्था रपो। मेको लाप्चो रे यहूदा ङा पिप लाङगा खिंङगा पाइब। यरूसलेम ङा गारो ङा लाप्चो नेल्ल आन ङोंइती लशा रपो। नेहेम्याह १३:१५-२२
Jeremiah 18:11 in Sunwar 11 मोपतीके गे यहूदा ङा मुर आन कली नु यरूसलेममी बाक्ब मुर आन कली परमप्रभु यावेम इन कली मार देंत देंशा हना ‘नेनीन, गो इन कली मरिम्शो पाइनुङ। गो इन कली श्येत गेनुङ। मोपतीके गे इन मरिम्शो लां रे लेतीन। मिनु इन लां नु इन पतीके रिम्शो सेलीन’ देंनो। येरमीया ७:३
Jeremiah 25:3 in Sunwar 3 यहूदा ङा पिप आमोन आ तौ योसीयाह पिप दुम्शो १३ बर्स रे मुल २३ बर्स सम्म परमप्रभु यावेमी आं कली लोव़ पना पन बाक्त। मिनु गो मेको लोव़ इन कली शेंस ङा शेंस बाक्शो बाक्ती। तन्न गेपुकीम इन नोफा मदाइक्तीनी। येरमीया १:२; येरमीया ३६:२
Jeremiah 26:5 in Sunwar 5 गो गेना हना यो इन बाक्तीकेम सोइश्शो आं गेय पाइब, आं लोव़ पाइब आन लोव़ नोफा दाइश्शा मनेंतीनी हना, गेपुकीम मेको रिम्शो पा मनेंशो बाक्तीनी हना, येरमीया २५:४
Jeremiah 35:15 in Sunwar 15 गो इन कली आं गेय नु आं लोव़ पाइब आन कली सोइक्ना सोइक्न बाक्ती। मेकोपुकीमी इन कली ‘गे नेल्ल इन मरिम्शो लां रे लेतीन। मिनु इन मरिम्शो गेय रिम्शो सेलीन। मिनु देवी देवता आन कली पूजा पचा नु आन नोले खोइक्चा प्रोनीन। मिनु गे इन किकी पिपी आन कली गेशो रागीम बाक्चा ताइनीनी’ देंती। तन्न गेपुकीम आं देंशो लोव़ मनेंनी नु मटिनी। मत्ती २३:३७
Jeremiah 36:2 in Sunwar 2 मार लोव़ पाप्तु देंशा हना “गो योसीयाहम सासन पवा रे मुल सम्म इ कली इस्राएल, यहूदा नु रागी नेल्ल ङा मुर आन पर्बम देंशो लोव़ नेल्ल कागजम ब्रेक्तो। येरमीया २५:३
Jeremiah 36:23 in Sunwar 23 मिनु येहूदीम सां नु ४ हरप पढेने थुमानु, पिपम कागज ख्रोइक्तीकेम ख्रोइश्शा, मीम हुम्ताक्व। मेको तोल्शो कागज नेल्ल मनुम्म सम्म पिपम मो पना पन बाक्त।
Jeremiah 44:4 in Sunwar 4 मो हना यो गो आं गेय पाइब आं लोव़ पाइब आन कली मेको आन बाक्तीके सोइक्ना सोइक्न ‘गो इन कली मेको आं काइ मदाक्शो ग्रांग्रा दिशो गेय मपन’ देंपाइक्तामी। येरमीया २५:४
Jeremiah 44:16 in Sunwar 16 “गे परमप्रभु यावे आ नेंमी आंइ कली पशो लोव़ गो मनेंनीकी।
Ezekiel 3:7 in Sunwar 7 तन्न इस्राएली आन खिं ङा मुरुम इ लोव़ मनेंनीम। मारदे हना मेकोपुकीम आं लोव़ नेंचा मदाक्नीम। इस्राएली आन खिं ङा मुर नेल्ले काइ मटीब नु खकटा थुं पाइश्शो बाक्नीम।
Ezekiel 18:14 in Sunwar 14 तन्न मेको मुर आ तौमी आ आफोम पशो पाप नेल्ल ताइब। मेको नेल्ल तशा, मोदेंशो गेय मपाइब। ब्यवस्था २४:१६
Ezekiel 18:30 in Sunwar 30 मोपतीके ए इस्राएल आ खिं ङा मुर, गो नेल्ल इन कली इन पशो कोव़शा निसाफ पाइनुङ। मिनु इन हेंथे पशो नेल्ल रे लेतीन। मो मपाइतीनी हना, इन मरिम्शो पशोम इन कली साइक्ब।
Ezekiel 33:11 in Sunwar 11 मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्शो खोदेंशो पा आं अरेशो लोव़ मटीब मुर बेक्मानु मग्येरसीनुङ। तन्न मेकोपुकीम आं अरेशो लोव़ टिशा ब्रोंइमल। गे इन मरिम्शो लां रे लेतीन। ए इस्राएल आ खिं ङा मुरपुकी, गे मारदे बेक्चा दाक्नीनी? ब्यवस्था ३२:४०; यसैया ५५:७; योएल २:१२-१३
Hosea 14:1 in Sunwar 1 गे इस्राएली, परमप्रभु यावे, इन परमप्रभु गे लेश्शा जाक्कीन। मारदे हना गे इन मरिम्शो पतीके रे खतम दुम्तीनी।
Amos 5:13 in Sunwar 13 मोपतीके निप्स पाइश्शो मुर सिक्सी पा बाक्नीम। मारदे हना इस्राएलम काइ मरिम्शो दुम्शो बाक्ब।
Amos 5:24 in Sunwar 24 तन्न ठीक निसाफ पतीक ब्वाक्क खोदेंशो पा शाइक्पतीन। ठीक पतीक गेनायो मसोव़ब खोला खोदेंशो पा शाइक्पतीन।
Micah 2:6 in Sunwar 6 मेकोपुकीम “परमप्रभु यावे आ लोव़ मपने” देंनीम। तन्न लोव़ पाइनीम। मिनु मेकोपुकीमी “मोदेंशो श्येत आंइ कली मदुम्ब” देंनीम। आमोस ७:१६
Zechariah 1:3 in Sunwar 3 मोपतीके मुर नेल्ल आन परमप्रभु यावेमी मुर आन कली मार देंत देंशा हना ‘आं गे लेतीन। मिनु गो इन कली कोव़नुङ। मलाकी ३:७; याकूब ४:८
Zechariah 7:11 in Sunwar 11 तन्न मेकोपुकीमी एको लोव़ मनेनेम। काइ मटीब दुम्शा, आन नोफा सुम्तेक्म।
Matthew 3:8 in Sunwar 8 परमप्रभु यावे गे इन थुं लेश्शो तचा ङा पा फल सिप्पा कोंइदीने।
Acts 3:19 in Sunwar 19 मुल चहिं इन थुं परमप्रभु यावे गे लेश्शा, ख्रीस्त कली थमा सुतीन। मिनु मेकोमी इन पाप क्याम्ब। प्रेरित २:३८
Acts 7:51 in Sunwar 51 “ए, गे परमप्रभु यावे आ लोव़ मनेंथु मटीब फुल्लु खोदेंशो थुं पाइश्शोपुकी, गे परमप्रभु यावे कली मतुइक्ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्त आ देंशो मटिथु दूली पाइनीनी। प्रस्थान १२:९; लेवी २६:४; रोमी २:२८-२९
Acts 26:20 in Sunwar 20 दमस्कसमी जाक्दीश्शा, लोव़ शेंचा गोव़ता। मिनु यरूसलेममी, यहूदीया रागी हिरशा गाक्ती। अर्को रागी ङा मुर आन रागी रागी हिरशा गाक्ती। मोपा गाक्ङानु, मुर आन कली ‘पाप पचा प्रोंइशा, इन थुं परमप्रभु यावे गे हिरदीने। मिनु परमप्रभु कली शिरशो गेय पा इन थुं थमा पा हिरशो बाक्त, दे कोंइदीने’ दे शेंना शेंन गाक्ती।
1 Thessalonians 2:15 in Sunwar 15 यहूदीया ङा मुरपुकीमी प्रभु येसु कली नु परमप्रभु यावे आ लोव़ पाइब आन कली साइश्शा, आंइ कली खेरतेक्म। मेकोपुकीमी मोपा परमप्रभु यावे कली मग्येरपदेम, मुर नेल्ल आन कली श्येत गेम्तेक्म। प्रेरित २:२३; मत्ती २३:३७; प्रेरित ७:५२
1 Peter 1:18 in Sunwar 18 इन किकी पिपी रे “गो नरक लाइब बाक्नीकी” दे तुइक्नीनी। मुल गे नरक लतीक लां रे प्रोंइचा पुंइसीशो बाक्तीनी। दोपा प्रोंइचा पुंइसीशो बाक्तीनी देंशा हना, जाम्शा लाइब सुन नु चांदी थाप्शा ममाइ, १कोरिन्थी ६:२०; १कोरिन्थी ७:२३; १पत्रुस ४:३