Cross Reference Psalm 4:3 in Sunwar 3 परमप्रभु यावेमी आ कली टीब आन कली आ नेक्था वोइक्चा कली योव़शो बाक्त, दे तुइक्तीन। मिनु परमप्रभु यावेमी आं पुंइशो लोव़ नेंब।
Psalm 105:45 in Sunwar 45 मेकोपुकीमी परमप्रभुमी फुल्लुम मुशा ब्रेक्शो लोव़, आ अरेशो लोव़ टीमेक्ल, दे मोदेंशो पवा बाक्त। परमप्रभु यावे कली ठेयब सेलीन।
Isaiah 55:6 in Sunwar 6 परमप्रभु यावे कली मथिन्नी सम्म मालीने। मेको आ नेक्था बाक्मेनु, मेको कली पुनीन। येरमीया २९:१३-१४; आमोस ५:४
Ezekiel 18:30 in Sunwar 30 मोपतीके ए इस्राएल आ खिं ङा मुर, गो नेल्ल इन कली इन पशो कोव़शा निसाफ पाइनुङ। मिनु इन हेंथे पशो नेल्ल रे लेतीन। मो मपाइतीनी हना, इन मरिम्शो पशोम इन कली साइक्ब।
Ezekiel 33:14 in Sunwar 14 तन्न गो मेको आं अरेशो लोव़ मटीब मुर कली ‘गे थमा पा बेक्नेवे’ देंती हना, मेकोम आ पाप पतीक प्रोंइशा आं अरेशो नु ठीक पाप्तु हना,
Ezekiel 36:27 in Sunwar 27 गो आं सोक्ती इन आगाम वोइक्नुङ। मिनु आं फुल्लुम मुशा ब्रेक्शो लोव़ नु आं निसाफ पतीक लोव़ होस पा पाइब सेल्नुङ। इजीकीएल ३९:२९; यसैया ४४:३; इजीकीएल ३७:२४
Matthew 3:8 in Sunwar 8 परमप्रभु यावे गे इन थुं लेश्शो तचा ङा पा फल सिप्पा कोंइदीने।
Matthew 5:19 in Sunwar 19 सुमी परमप्रभु यावे आ अरेशो लोव़ के लोव़ का मपाइबा, मुर आन कली मो पचा शेंबा, मेको मुर स्वर्ग ङा राज्यमी नेल्ल क्येङा आइक्च दुम्ब। सुमी लोव़ का यो मप्रोंइथु, नेल्ल पशा ङा मिन, मुर आन कली शेंबा, मेको चहिं स्वर्ग ङा राज्यमी ठेयब दुम्ब। याकूब २:१०
Matthew 16:24 in Sunwar 24 मिनु येसुमी आ शेंसीब आन कली “सुमी आं नोले खोइक्चा थुं पाइबा, मेकोमी आंम दला दाक्स पचा प्रोंइशा, श्येत जचा महिंथु, आ नोले खोइय्यील। मत्ती १०:३८-३९; १पत्रुस २:२१
Matthew 28:20 in Sunwar 20 मिनु गोमी इन कली मार मार शेंदन्नी, मेको नेल्ल मेको आन कली शेंशा पपतीने। नेनीने, रागी मनुप्ची सम्म गो गेनायो गेपुक नु बाक्नुङ” देंत। मत्ती १६:२०
Luke 1:6 in Sunwar 6 मेको निक्शी परमप्रभु यावे आ ङोंइती ठीक पाइब बाक्सा बाक्त। परमप्रभु यावे आ अरेशो लोव़ नु पतीके लोव़ नेल्ल टिशा, दोस मताइब दुम्शा बाक्शो बाक्सा बाक्त।
Luke 1:75 in Sunwar 75 आ मुर दुम्शा, ब्रोंइका सम्म ठीक गेय पा बाक्ने चाप्यल’ दे परमप्रभु यावे आ लोव़ पाइबमी देंमा बाक्त। तीतस २:१२-१४
Luke 3:9 in Sunwar 9 तिम्चा, दे रवा आन पुंमी खा वोइश्शो बाक्ब। रिम्शो फल मसिप्ब रवा का का पा तिम्शा, मीम चोचा पुंइसीनीम, दे तुइक्तीन” दे माइक्मी बाक्त।
John 6:25 in Sunwar 25 मिनु मेकेर जाक्दीश्शा, येसु कली थित्तेक्म। मिनु मेकोपुकीमी “शेंब, एकेर गेना जाक्नी?” दे हिल्लो पाम्तेक्म।
John 14:30 in Sunwar 30 मुल ङा मेरे शुश मशेंनन्नी। मारदे हना रागी ङा मुर आन कली हुकुम पाइब जाक्ब। मेकोमी आं कली ग्राने मचाप्ब। यूहन्ना १२:३१; एफिसी २:२
John 17:14 in Sunwar 14 गो मेको आन कली इन देंशो लोव़ शेंताक्ङमी। मिनु रागी ङा मुरपुकीमी मेको आन कली श्येत गेम्तेक्म। मारदे हना रागी ङा मनम। गो यो रागी ङा मनङ। यूहन्ना १५:१९
Acts 24:16 in Sunwar 16 मोपतीके गो परमप्रभु यावे नु मुर आन ङोंइती रिम्शो पाइनुङ, दे आं थुं फ्रेंशा बाक्नुङ। प्रेरित २३:१
Acts 24:25 in Sunwar 25 मिनु पावलमी “ठीक पशो नु ठीक मपशो मार बाक्बा, इं थुं नु रां कली दोपा अरेचा नु परमप्रभुमी मुर नेल्ल आन कली निसाफ पाइब” दे शेंदानु, फेलीक्स हिंशा “लो मोक्ल, मुलाक्ती ओशो ला लोव़ पय। इ लोव़ दीसा नित्थ लेंशा नेंनुङ” दे सोइक्ता बाक्त।
Romans 6:4 in Sunwar 4 मिनु ब्वाक्कुम ग्रुम्यानु, गो येसु बेक्शा थिम्शो खोदेंशो दुम्तय। मिनु परमप्रभु यावे आ सक्तिमी ख्रीस्त कली बेक्शो रे सेंपाइश्शो खोदेंशो पा गो यो सेंसीशा, नक लांम गाक्तय। कलस्सी २:१२; १पत्रुस ३:२१
Romans 6:12 in Sunwar 12 इन बेक्शा लाइब रां कली पापम हुकुम पचा मगेने। उत्पत्ती ४:७
Romans 6:19 in Sunwar 19 इन कली रुप्पाइक्चा कली चिनु लेंशा शेंनन्नी। दोपा गेपुकीमी इन गुइ खोइल, मिक्च, शोव़, रां नेल्लेमी ग्रांग्रा दिशो गेय पशा, अरेशो लोव़ मटिनी, मोपा मुल इन थुं, रां नेल्ल ठीक पतीक आ वाइल दुम्चा कली परमप्रभु यावे आ गेय पाइब मुर दुमीन।
Romans 8:13 in Sunwar 13 मो पाइतीनी हना, जाम्शा लाइनीनी। तन्न गे परमप्रभु यावे आ सोक्त रे पा इन रां ङा दला दाक्स पतीक कली साइक्तीनी हना, ब्रोंइनीनी। रोमी ७:२४; गलाती ६:८; एफिसी ४:२२-२४
Romans 12:2 in Sunwar 2 परमप्रभु यावे कली मटीब आन पशो खोदेंशो मपने। तन्न परमप्रभु यावे कली इन थुं कली फाइक्चा गेन। मो पाइतीनी हना, परमप्रभु यावे आ मिम्शो मार में, रिम्शो मार में, आ दाक्शो मार में नु नेल्लेम ठीक दुम्शो तुइक्नीनी। एफिसी ४:२३; एफिसी ५:१०,१७
Romans 13:12 in Sunwar 12 नाक्दो लाक्शा नां सोक्शा, छेङछेङम बाक्शो खोदेंशो दुम्शा, होस पा बाक्कीन। छिङछिङ ङा गेय ताइश्शा, छेङछेङ ङा या पिम्सीन। १यूहन्ना २:८; एफिसी ५:११
1 Corinthians 6:9 in Sunwar 9 ठीक मपाइबपुकी परमप्रभु यावे आ राज्य ओव़चा मताइनीम दे मतुइक्नीनी? दूली ममिम्तीने। मरिम्शो पाइबपुकीमी दोदेंशो पाइनीम देंशा हना, पात्के, तेल्लेम पाइनीमी, मूर्ति कली पूजा पाइनीमी, मुर आन मीश लाइक्नीमी, वोंइश मुर वोंइश मुर ब्वांइसीनीमी, १तिमोथी १:९-११; गलाती ५:१९-२१
2 Corinthians 1:12 in Sunwar 12 गो आंइ नें बोरपा बाक्नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्शा, मुर नेल्ल आन कुल, इन कुल यो रिम्शो थुं रे पा गेय कोंइताक्क। आंम आंइ रागी ङा जोक्तीक तुइक्तीक रे ममाइ। तन्न परमप्रभु यावे आ शिशीम पतीके बाक्ब। २कोरिन्थी २:१७; हिब्रू १३:१८; १कोरिन्थी १:१७
2 Corinthians 7:1 in Sunwar 1 आं दाक्शोपुकी, गो नेल्लेमी परमप्रभु यावे आ गेशो लोव़ तुइश्शो बाक्नय। मोपतीके इं रां थुं नेल्ल मरिम्शो पतीक रे ङोन बाक्नय। मिनु इं परमप्रभु यावे कली ला मान पा हिंशा ठेयब सेल्नय।
Galatians 1:4 in Sunwar 4 प्रभु येसु ख्रीस्तमी इं पाप क्याम्चा नु रागीम ग्रूशो मरिम्शो पतीके रे प्रोंइचा कली आ गिंम गेप्तु। आ मोदेंशो पशो चहिं इं आफ परमप्रभु यावे आ दाक्शो बाक्त। गलाती २:२०; १तिमोथी २:६; तीतस २:१४; १यूहन्ना ५:१९
Galatians 5:24 in Sunwar 24 सु ख्रीस्त येसु आ मुर दुम्शो बाक्नीमी, मेकोपुकीमी आंम रां ङा दला दाक्स येसु ख्रीस्त खोदेंशो पा शीम क्याइक्ने थुम्शो बाक्नीमी। रोमी ६:६
Ephesians 1:4 in Sunwar 4 मोपतीके रागी सेल्चा क्येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्शा, दोस मताइब नु दाक्ब दुम्यल, दे योव़तु। रोमी ८:२८-३०; एफिसी ५:२७
Ephesians 2:2 in Sunwar 2 मिनु रागी ङा मुर आन लां खोइक्तीनी। मोपा फशेम हुकुम पाइब, सैतान आ देंशो टीब बाक्तीनी। मेको आ सोक्ती परमप्रभु परमप्रभु यावे कली मटीब आन आगाम बाक्ब। तीतस ३:३; एफिसी ६:१२; यूहन्ना १२:३१
Ephesians 4:22 in Sunwar 22 मोपतीके इन ङोंइती ङा ग्रांग्रा दिचा ङा दला दाक्स पाइब माइत थुं ङा मुर दुम्शा बाक्चा ताइक्तीने। मारदे हना मेकोम इन कली खतम सेल्ब। कलस्सी ३:९-१०; रोमी ८:१३; गलाती ६:८
Colossians 1:22 in Sunwar 22 मुल येसु ख्रीस्तमी आ रां साइक्चा गेशा, इन कली परमप्रभु यावे आ मुर दुम्पाइक्तु। मोपा इन कली दोस मताइब, काइ हेंथे मपाइब, परमप्रभु यावे आ मुर सेल्शा, आ ङोंइती राप्पाइक्तु। एफिसी ५:२७
Colossians 3:5 in Sunwar 5 मोपतीके इन आगामी बाक्शो माइत रागी ङा थुं कली सतीन। रागी ङा मुर आन थुंमी मार बाक्ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्स पचा, मरिम्शो मिम्तीके नु शिंम दुम्तीके बाक्ब। शिंम दुम्तीके चहिं मूर्ति पूजा पचा खोदेंशो बाक्ब। एफिसी ५:३
1 Thessalonians 4:7 in Sunwar 7 परमप्रभु यावेमी इं कली ग्रांग्रा दिचा ङा गेय पचा कली मयोव़ङ। पाप रे ङोन बाक्चा कली योव़तु।
1 Thessalonians 4:9 in Sunwar 9 थमा सुइक्ब लोक्ब आन दाक्मुतीके आ पर्बम सुइ मुरुमी इन कली ब्रेक्चा ममाल्ब। मारदे हना परमप्रभु यावेमी इन कली दाक्मुचा माल्नीनी, दे आंमान शेंशो बाक्त। यूहन्ना १३:३४; लेवी १९:१८
1 Timothy 4:12 in Sunwar 12 गे ठिटा बाक्ते हना यो, लोव़ पतीकेमी, मुर नु गेय पतीकेमी, दाक्तीकेमी, थमा सुइक्तीकेमी नु ग्रांग्रा मदिशोमी थमा सुइक्ब नेल्ल आन कली कोंइतीक दुमो। मिनु तोक्शो लोव़ पचा मगेमी। तीतस २:१५; २तिमोथी २:२२
1 Timothy 6:17 in Sunwar 17 गे मुल शुश क्येट थीब आन कली “ठेयब लेश्शो मदुमीन। जाम्शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्शा गेब। आ गेशो तशा ग्येरसीन” दे माइक्मी। भजन संग्रह ६२:११; लूका १२:१५-२१
2 Timothy 3:12 in Sunwar 12 सु सु ख्रीस्त येसुमी परमप्रभु यावे कली मिम्शा, दाक्शा ब्रोंइनीमी, मेकोपुकी खेदा पचा पुंइसीनीम। मत्ती १६:२४; प्रेरित १४:२२; १थिस्सलोनिकी ३:३
2 Timothy 4:10 in Sunwar 10 मारदे हना डेमासमी रागी ङा गेय दाक्शा, आं कली प्रोंइती। मिनु थिस्सलोनिकी सहर लत। क्रेसेन्स गलातीया नु तीतस डाल्मातीया रागी लाम्ताक्स। कलस्सी ४:७,१०,१४
Titus 3:3 in Sunwar 3 ङोंइती गो मरुप्ब बाक्तय। परमप्रभु यावे कली मटीब बाक्तय, हेंथे गाक्ब, मार मार दाक्तय, मेको दला दाक्स पाइब बाक्तय। ग्रांग्रा दिचा ङा गेय पाइब बाक्तय। गो मरिम्शो पा गेहे पाइतय। मिनु गोपुकी काइ मदाक्मुय। १कोरिन्थी ६:११; एफिसी २:२; एफिसी ५:८; १पत्रुस ४:३
Hebrews 8:11 in Sunwar 11 सुइमी आ लोक्ब नु आ वारच कली ‘परमप्रभु यावे कली तुइक्तीन’ दे शेंमुचा ममाल्नीम। मारदे हना आल रे खूशो सम्म ङा नेल्लेमी आं कली तुइक्नीम।
James 4:8 in Sunwar 8 परमप्रभु यावे आ नेक्था लने। मो पाइतीनी हना, मेको इन नेक्था जाक्ब। गे पापीपुकी “आंइ पाप क्याम्दीने” देंशा, माफ पुनीने। थुं निक्शी पाइश्शो मुरपुकी, इन थुं परमप्रभु यावे गे लेश्शा, थुं का दुमीने। जकरिया १:३; यसैया १:१६
1 Peter 1:14 in Sunwar 14 मुल टीब आल खोदेंशो पा इन ङोंइती मतुइक्थु पशो मरिम्शो पचा क्येङा ङोन बाक्कीन। रोमी १२:२
1 Peter 2:11 in Sunwar 11 आं दाक्शो लोक्बपुकी, गो इन कली इन थुं बारपाइक्तीक लोव़ पाइनुङ। गो रागीम बाक्यानु, रागी ङा पौना खोदेंशो बाक्नय। मोपतीके इन दला दाक्स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्कीन। मारदे हना मोदेंशो गेय इन थमा सुइक्तीक थुं नु जीब। भजन संग्रह ३९:१३
1 Peter 4:2 in Sunwar 2 मिनु गे रागीमी बाक्नी सम्म इन दला दाक्स मपथु, परमप्रभु यावे आ दाक्शो पने।
2 Peter 1:4 in Sunwar 4 मोपा आ नेल्ल क्येङा ठेयब थोक्शा पशो लोव़ गेप्तु। मेको तुइश्शा, गेपुकी रागी ङा मुर आन दला दाक्स पतीके रे ब्रोंइशा, प्रोक्ने चाप्नीनी। मोपा गेपुकी परमप्रभु यावे आ पशो खोदेंशो पाइब दुम्नीनी।
2 Peter 2:9 in Sunwar 9 परमप्रभु यावेमी चहिं आंम कली टीब मुर आन कली “दोपा थुं थाम्चा ङा श्येत रे ग्रुंइनुङा” दे तुइक्ब। मिनु ठीक मपाइब आन कली सजाइ गेचा कली निसाफ पची नाक्त सम्म वोइक्ब। १कोरिन्थी १०:१३
2 Peter 2:20 in Sunwar 20 मुरपुकी इं प्रभु येसु ख्रीस्त कली तुइक्तीकेमी रागी रागी ङा मुर आन पाप रे ब्रोंइशो बाक्तेक्म हना, मेको लेंशा पापमी मुर कली ग्रात हना, मेको पाप आ वाइल दुम्नीम। मेको आन कली ङोंइती ङा दुम्तीके क्येङा नोले शुश मरिम्शो दुम वा। मत्ती १२:४५
2 Peter 3:11 in Sunwar 11 मोदेंशो दुम्मेनु, नेल्ल मीम ग्रोइश्शा, मारेइ मलीब। मोपतीके गेपुकी परमप्रभु यावे कली थमा सुइश्शा, आ देंशो लोव़ टिशा, पाप रे ङोन बाक्शा, परमप्रभु आ नेक्था बाक्चा माल्नीनी।
1 John 2:6 in Sunwar 6 मिनु सुमी “गो येसु ख्रीस्त नु बाक्नुङ” देंबा, मेको येसु ख्रीस्त खोदेंशो दुम्चा माल्ब। यूहन्ना १३:१५; १पत्रुस २:२१-२३
1 John 2:15 in Sunwar 15 गेपुकी रागी नु रागी ङा थोव़क कली मदाक्तीन। सु चहिं रागी कली दाक्बा, मेको आ थुंमी इं आफ, परमप्रभु यावे आ दाक्शो मबाक्ब। याकूब ४:४
1 John 2:27 in Sunwar 27 येसु ख्रीस्तमी इन कली परमप्रभु यावे आ सोक्त गेप्तु। मिनु मेको गेपुकी नु बाक्ब। मेको परमप्रभु यावे आ सोक्त गेपुकी नु बाक्मेनु, अर्को शेंब ममाल्नीनी। परमप्रभु यावे आ सोक्तीमी इन कली नेल्ल शेंना शेंन बाक्ब। मेको आ शेंशो थमा बाक्तीके जोल मदुम्ब। मेकोमी ङोंइती इन कली शेंशो टिशा, मेको नु थुं का ङा दुम्शा, बाक्कीन। यूहन्ना १६:१३; २कोरिन्थी १:२१-२२; येरमीया ३१:३४
1 John 5:19 in Sunwar 19 मिनु गोपुकीमी “गोपुकी परमप्रभु यावे आ मुर नय” तन्न सैतानमी नेल्ल रागी ङा मुर आन कली हुकुम पाइब, दे तुइक्नय। गलाती १:४
Jude 1:18 in Sunwar 18 मेकोपुकीमी इन कली “मेको नोले ङा नाक्त शुक्शी लोव़ पाइनीम। परमप्रभु यावे कली मटिथु, आंम दला दाक्स पाइनीम” देंतेक्म। १तिमोथी ४:१; २पत्रुस ३:३
Revelation 14:12 in Sunwar 12 मेना रागीमी परमप्रभु यावे आ योव़शो थमा सुइक्बपुकीमी श्येत फाल्चा माल्नीम। मारदे हना मेकोपुकीमी परमप्रभु यावे आ अरेशो लोव़ पाइनीम। मिनु येसु कली थमा सुइक्नीम। प्रकाश १३:१०