Song of Solomon 8:6 in Sunwar 6 आं कली इन थुंमी छाप थोक्शो खोदेंशो पा वोतीन। इन गुइमी यो छाप थोक्शो खोदेंशो पा वोतीन। मारदे हना दाक्तीके, बेक्पाइक्ब खोदेंशो पा सक्ति पाइश्शो बाक्ब। मेको आ दाक्शो तुरस खोदेंशो मटीब नु शुश ब्रशो मी क्येङा यो शुश ब्राइब बाक्ब। मत्ती २२:३०; रोमी ७:२; उत्पत्ती २:२४; मत्ती १९:५-६; एफिसी ५:२८-३३
Other Translations King James Version (KJV) Set me as a seal upon thine heart, as a seal upon thine arm: for love is strong as death; jealousy is cruel as the grave: the coals thereof are coals of fire, which hath a most vehement flame.
American Standard Version (ASV) Set me as a seal upon thy heart, As a seal upon thine arm: For love is strong as death; Jealousy is cruel as Sheol; The flashes thereof are flashes of fire, A very flame of Jehovah.
Bible in Basic English (BBE) Put me as a sign on your heart, as a sign on your arm; love is strong as death, and wrath bitter as the underworld: its coals are coals of fire; violent are its flames.
Darby English Bible (DBY) Set me as a seal upon thy heart, As a seal upon thine arm: For love is strong as death; Jealousy is cruel as Sheol: The flashes thereof are flashes of fire, Flames of Jah.
World English Bible (WEB) Set me as a seal on your heart, As a seal on your arm; For love is strong as death. Jealousy is as cruel as Sheol; Its flashes are flashes of fire, A very flame of Yahweh.
Young's Literal Translation (YLT) Set me as a seal on thy heart, as a seal on thine arm, For strong as death is love, Sharp as Sheol is jealousy, Its burnings `are' burnings of fire, a flame of Jah!
Cross Reference Exodus 28:9 in Sunwar 9 मिनु गे ओनीक्स हीरा निक्शी चाक्शा, इस्राएल आ १२ जना तौ आन नें मेको आस तारी मुशा ब्रेक्पाइक्चा माल्नेवे। प्रस्थान २५:७
Exodus 28:21 in Sunwar 21 मेको हीरा १२ ओटा दुम्चा माल्नीम। मिनु इस्राएल आ तौ आन नें का का पा मेको आन तार छाप थोक्शो खोदेंशो पा मुशा ब्रेक्पाइक्चा माल्नेवे। हीरा का आ तारी थर का आ नें दुम्चा माल्ब।
Exodus 28:29 in Sunwar 29 मिनु मोदेंशो पा हारून परमप्रभु यावे आ बाक्तीक ओव़मेनु, इस्राएल आ तौ आन नें ब्रेक्शो निसाफ पतीक झोला आ कुचु तारी कुरचा माल्ब। मेको परमप्रभु यावेमी गेना हना यो मिम्चा कली बाक्ब।
Numbers 5:14 in Sunwar 14 मेको वोंइश मुरुमी आ ग्रांग्रा दिशो सेल्सीशो मीश आ पर्बम रुश पा, आ थुंम मरिम्शो मिम्शो बाक्त हना, मेको आ मीश आंम कली ग्रांग्रा दिशो मसेल्सीशो बाक्त हना यो,
Numbers 25:11 in Sunwar 11 “चढ़ेब हारून आ चच, एलाजर आ तौ, फिनेहासमी इस्राएली आन पर्बमी आं गाइश्शो नाइक्पाइक्तु। फिनेहासमी आं रुश पशो तुइश्शा, आ जोंब बोक्शा, आं गाइश्शो नाइक्पाइक्तु। मिनु मेको आन कली मसदुमी।
Deuteronomy 32:21 in Sunwar 21 देवी देवता आन पर्बमी आं कली रुश पपाइक्नीम। मूर्ति पूजा पा आं कली गाइक्ब सेल्तीमी। मोपतीके गो ङोन ङा मुर आन कली आंम के सेल्शा, एको आन कली रुश पपाइक्नुङ। रागी ङा मतुइक्ब मुर आन कली गुप्शा, मेको आन कली गाइक्पाइक्नुङ। भजन संग्रह ७८:५८; येरमीया २:११; रोमी १०:१९
Psalm 42:1 in Sunwar 1 कुम्सो पपाइक्ब कली शेंतीक कुम्सो। कोराह आ तौ आन कुम्सो। १इतिहास ६:१६,२२; २इतिहास २०:१९ दोपा रोकोशेमी खोला ङा ब्वाक्कु तूतू दाक्शा ब्वाक्कु मिम्बा, मोपा आं थुंमी यो परमप्रभु, इन कली मिम्ब।
Psalm 63:1 in Sunwar 1 यहूदा आ गोरशो रागीम बाक्शो ना ङा दाऊद आ कुम्सो। १सामुएल २२:५ परमप्रभु, गे आं परमप्रभु बाक्नीनी। गो इन कली थमा पा माल्नुङ। गो ब्वाक्कु तूतू दाक्शो खोदेंशो पा आं थुंमी इन कली माल्नुङ। गो ब्वाक्कु मबाक्शो रागीम ब्वाक्कु माल्शो खोदेंशो पा इन कली माल्स ङा माल्स बाक्नुङ। भजन संग्रह ४२:३
Psalm 84:2 in Sunwar 2 गो आं थुं नेल्लेमी परमप्रभु यावे आ खिं ङा लाङगा लचा दाक्नुङ। गो ग्येरशा सोम्शा ब्रोंइशा बाक्ब परमप्रभु कली कुम्सो पाइनुङ। भजन संग्रह ४२:३
Psalm 120:4 in Sunwar 4 लडाइ पाइबमी आ हेश्शो ब्रा आप्ब। मिनु ब्रशो कोइला इ तार जुक्पाइक्नीम।
Proverbs 6:34 in Sunwar 34 मिनु मेको मीश मुर आ वोंइश शुश गाइक्ब। मिनु मेकोमी क्येक्क लेत्ची नाक्ती मेको कली मारेइ शिशी मपाइब।
Proverbs 25:22 in Sunwar 22 मो पाप्तीवी हना, मेको आन पिया तारी ब्रशो कोइला मोइश्शो खोदेंशो दुम्ब। मिनु परमप्रभु यावेमी इ कली इनाम गेब।
Song of Solomon 5:8 in Sunwar 8 ए यरूसलेम ङा तमी “गो इन कली ‘गेपुकीम आं दाक्शो मुर कली ग्रुम्तीनी हना, मेको कली इन कली दाक्ब मुर दाक्तीकेम थशो बाक्ब’ देनीन” देंत। ठेयब कुम्सो २:५
Isaiah 49:16 in Sunwar 16 कोव़ङो, गो इ कली आं गुइमी ब्रेक्ताक्न। इ गारोपुकी गेना हना यो आं ङोंइती बाक्नीम।
Jeremiah 22:24 in Sunwar 24 परमप्रभु यावेम “गो दोपा ब्रोंइशा बाक्ङा, मोपा यहूदा ङा पिप येहो-याकीम आ तौ कोन्याह माइश्शो येहो-याकीम कली ‘गे आं ग्युरा गुइ ङा छाप थोक्तीक औंठी नवे हना, गो इ कली ग्रुंइशा ताइक्तन वा।कोन्याह कली योयाकीम यो देंनीम।२राजा २४:८-१६; येरमीया २४:१
Haggai 2:23 in Sunwar 23 मिनु मुर नेल्ल आन परमप्रभु यावेमी “मेको नाक्त शाल्तीएल आ तौ, आं गेय पाइब, जेरूब-बाबेल गो इ कली छाप पाइश्शो औंठी खोदेंशो सेल्नन। मारदे हना गो इ कली योव़शो बाक्नुङ” दे मुर नेल्ल आन परमप्रभु यावेमी देंत। जकरिया ४:६-७
Zechariah 3:9 in Sunwar 9 मारदे हना गो यहोसु आ ङोंइती फुल्लु का वोइक्ता। मेको आ तारी ७ ओटा मिक्च बाक्नीम। मिनु गो फुल्लु तारी मेको आ ब्रेक्स मुशा ब्रेक्नुङ। मिनु गो काबुमीन मेको रागी ङा मुर आन दोस नेल्ल क्याम्नुङ। प्रस्थान ३९:६-७; जकरिया ४:१०; प्रकाश ५:६
John 21:15 in Sunwar 15 मिनु जने थुम्शा, येसुमी सिमोन पत्रुस कली “योआन्नेस आ तौ सिमोन, गे आं कली एको आन क्येङा दाक्नेवे?” दे हिल्लो पाप्तु। मिनु पत्रुसमी “दाक्नन्नी, प्रभु, गे तुइक्नीनी” दे माइक्तु। मिनु येसुमी “आं पाठा आन कली थुल्मी” देंत। यूहन्ना १:४२
Acts 20:24 in Sunwar 24 गो साइक्चा पुंइसाक्ङ हना यो, एको आं गिंम मारेइ ममिम्नुङ। प्रभु येसुमी आं कली पपाइश्शो लोव़ ‘परमप्रभु यावेमी मुर आन कली शिशी पाइब’ आ ग्येरपाइक्ब लोव़ कली तुइक्पाइक्नुङ। प्रेरित २१:१३; २तिमोथी ४:७
Acts 21:13 in Sunwar 13 पावलमी चहिं “मारदे ङाक्शा ब्रेश्शा, आं थुं खाइक्पाइक्नीनी? मलथु मप्रोंइनुङ। यरूसलेम जाक्दीश्शा, प्रभु येसु आ नेंमी फ्रेंसीचा ला ममाइ, बेक्चा माल्ती हना यो, बेक्नुङ” देंत। प्रेरित २०:२४
Romans 12:20 in Sunwar 20 क्येक्क मलेत्चा ला ममाइ। “इ जोरी सत्रु शोव़लु बेक्तेक्म हना, जचा गेवो। तूतू दाक्तेक्म हना, तूचा गेवो। मो पाप्तीवी हना, मेको आन पियामी मी मोइश्शो खोदेंशो पा, मुने तोक्नेवे” दे ब्रेक्शो बाक्ब। हितोपदेस २५:२१-२२
2 Corinthians 5:14 in Sunwar 14 मारदे हना ख्रीस्तमी इं कली दाक्ब, दे शुश मिम्नीकी। मेको नेल्ल मुर आन पर्बम बेक्त, दे तुइश्शा, गो नेल्ल बेक्चा ङा मुर बाक्नय, दे तुइक्नीकी।
2 Corinthians 11:2 in Sunwar 2 इन कली मिम्शा, गो परमप्रभु यावेमी रुश पशो खोदेंशो दुम्ती। मारदे हना रिम्शो ग्युम्ली ग्युंबे पा गेशो खोदेंशो पा, इन कली ख्रीस्त कली गेतन्नी। एफिसी ५:२६-२७
Philippians 1:20 in Sunwar 20 गो काइ मुने मदोक्नुङ, दे तुइश्शा, आस पाइनुङ। मिनु काइ महिंब दुम्शा, ब्रोंइती हना यो, साइक्तीमी हना यो, मुरपुकीमी गेना हना यो ख्रीस्त कली ठेयब सेल्मेक्ल, देंनुङ।
2 Timothy 2:19 in Sunwar 19 तन्न परमप्रभु यावे आ थमा शेंतीके मब्रेत्चा ङा जग खोदेंशो बाक्ब। प्रभुमी आ मुर आन कली तुइक्ब। मिनु प्रभु कली तुइक्ब मुरपुकी मरिम्शो पचा रे ङोन बाक्चा माल्नीम। मेको थोव़शो छाप खोदेंशो बाक्ब। गन्ती १६:५; मत्ती ७:२२-२३; यूहन्ना १०:१४,२७
Revelation 12:11 in Sunwar 11 मिनु थमा सुइक्बपुकीमी सैतान कली ग्राशो बाक्तेक्म। दोपा सैतान कली ग्राशो बाक्तेक्म देंशा हना, पाठा आ हुश चढ़ेशोमी नु आन सांकछी आन पतीके सैतान कली ग्राशो बाक्तेक्म। मेकोपुकीमी आंम कली ममिम्थु, येसु ख्रीस्त आ पर्बम साइक्चा पुंइसीचा यो महिंम। प्रकाश ७:१४; प्रकाश ६:९