Song of Solomon 5:6 in Sunwar 6 मिनु गो आं दाक्शो मुर कली लाप्चो रोक्ता, तन्न मेको गाक्ने थुमा बाक्त। मेको मेकेर मबा। मेको गाक्तीके गो सुर्ता पाता। गो मेको कली माल्ता। तन्न मथिदु। गो मेको कली ब्रेत्ताक्ङ। तन्न मेकोम लोव़ मलेत्ती।
Other Translations King James Version (KJV) I opened to my beloved; but my beloved had withdrawn himself, and was gone: my soul failed when he spake: I sought him, but I could not find him; I called him, but he gave me no answer.
American Standard Version (ASV) I opened to my beloved; But my beloved had withdrawn himself, `and' was gone. My soul had failed me when he spake: I sought him, but I could not find him; I called him, but he gave me no answer.
Bible in Basic English (BBE) I made the door open to my loved one; but my loved one had taken himself away, and was gone, my soul was feeble when his back was turned on me; I went after him, but I did not come near him; I said his name, but he gave me no answer.
Darby English Bible (DBY) I opened to my beloved; But my beloved had withdrawn himself; he was gone: My soul went forth when he spoke. I sought him, but I found him not; I called him, but he gave me no answer.
World English Bible (WEB) I opened to my beloved; But my beloved left; gone away. My heart went out when he spoke. I looked for him, but I didn't find him. I called him, but he didn't answer.
Young's Literal Translation (YLT) I opened to my beloved, But my beloved withdrew -- he passed on, My soul went forth when he spake, I sought him, and found him not. I called him, and he answered me not.
Cross Reference Genesis 42:28 in Sunwar 28 मिनु मेकोमी आ लोक्ब आन कली “आं क्येट लेत्मे देय मार में? आं धोक्रो आ शोव़म बाक्त, शां” दे लोव़ पवा बाक्त। मिनु नेल्लेमी सुर्ता पशा “परमप्रभुमी इं कली मार पवा” दे हिंमा बाक्त।
1 Samuel 28:6 in Sunwar 6 मिनु सावलम परमप्रभु यावे कली हिल्लो पवा बाक्त। तन्न परमप्रभु यावेम ङोमुम, ऊरीम नु परमप्रभु यावे आ लोव़ पाइब आन रे लोव़ मलेत्ता बाक्त। १सामुएल १४:४१; प्रस्थान २८:३०
2 Samuel 16:10 in Sunwar 10 तन्न पिपमी “ए सेरूयाह आ तौ, गे गो नु मगारचा ङा बाक्नीसी। परमप्रभु यावेमी मेको कली ‘दाऊद कली सराप पावो’ दे सोइश्शो बाक्त हना, सुम तेक्ने चाप्बा ङा?” देंमाक्त। २सामुएल १९:१७-२४
Psalm 22:1 in Sunwar 1 कुम्सो पपाइक्ब कली सुनी ङा किश्श आ लायो ङा दाऊद आ कुम्सो। यसैया ५३:-; मत्ती २७:३५-४६ आं परमप्रभु, आं परमप्रभु, गे मारदे आं कली प्रोंइयीनी? मारदे गे आं कली वारच मपथु, ङोन बाक्नीनी। मारदे आं थोशो मनेंनीनी। मत्ती २७:४६
Psalm 28:1 in Sunwar 1 दाऊद आ कुम्सो। परमप्रभु यावे, गो इन कली लोव़ पाइनुङ। गे आं सेरथे फुल्लु बाक्नीनी। आं कली लोव़ मलेत्थु, आं क्येङा ङोन मलने। मो पाइतीनी हना, गो बेक्शो मुर खोदेंशो दुम्नुङ।
Psalm 30:7 in Sunwar 7 परमप्रभु यावे गेमी शिशी पा आं डांडा बोल्यो सेल्तीनी। मिनु नोले इन कुल ख्रुइक्तीनीनु, गो हिंती।
Psalm 69:3 in Sunwar 3 गो ‘वारच पने’ दे प्रवा किवा पा दती। आं सेंदा सोव़ती। आं परमप्रभु कली माल्शा आं मिक्च ब्राब्रा दुम्ती।
Psalm 77:3 in Sunwar 3 गो परमप्रभु कली मिम्ताक्ङ, गो रोंका पाता। गो आं श्येत मिम्ना मिम्न बाक्ती। मिनु आं थुं लुक्च लत। ठेयब सेंदा पा।
Psalm 80:4 in Sunwar 4 परमप्रभु यावे, मुर नेल्ल आन परमप्रभु, इन मुर आन पुंइशो आ पर्बम गेना सम्म गाइक्नीनी?
Psalm 88:9 in Sunwar 9 सुर्ता पतीके आं मिक्च ब्रा ब्रा दुम्ती। परमप्रभु यावे, गो नाक्त किंत किंत इन कली पुंइना पुंइन बाक्नुङ। मिनु इन नेंमी आं गुइ पोक्नुङ।
Proverbs 1:28 in Sunwar 28 मेना आं कली थोनीनु, गो इन कली लोव़ मलेत्नुङ। गेपुकीमी आं कली शुश माल्तीनी हना यो, मथित्नीनी। यसैया ५९:२; मीका ३:४
Song of Solomon 3:1 in Sunwar 1 गो नाक्दो रे आं ब्राख्येम आं दाक्शो वोंइश मुर कली माल्ता। गो मेको कली ब्रेत्ताक्ङ। तन्न मेकोम लोव़ मलेत्ती। ठेयब कुम्सो ५:६
Song of Solomon 5:2 in Sunwar 2 गो गोल्ती, तन्न मइम्ङ। नेनीन, आं दाक्शो मुरुमी लाप्चो ख्रोकोल पाप्तु। “आं समी, आं दाक्शो मीश आल, आ ढुकुर, मारेइ मारेइम रिम्शो बाक्शो मीश आल लाप्चो रोक्को। आं पिया सीतम जिश्शो बाक्ब। आं चां नाक्दो ङा सीतम जिश्शो बाक्ब” देंत।
Song of Solomon 5:4 in Sunwar 4 आं दाक्शो वोंइश मुरुमी लाप्चो रोक्चा कली गुइ पिदानु, मेको तशा आं लुङगीर प्रेक्त।
Song of Solomon 6:1 in Sunwar 1 ए नेल्ल क्येङा दारशो मीश आल, इ दाक्शो वोंइश मुर ते लमे? गो गारशा मेको कली माल्थ लय?
Isaiah 8:17 in Sunwar 17 मिनु गो याकूब आ खिं ङा मुर आन क्येङा आ कुल ख्रुइक्ब परमप्रभु यावे आ लां कोव़शा, रिम्शा बाक्नुङ।
Isaiah 12:1 in Sunwar 1 मेको नाक्ती गेपुकीमी “परमप्रभु यावे, गे रिम्शो पाइब बाक्नीनी। गे आंइ पर्बम गाइक्ताक्नी हना यो, इन गाइक्चा नाइक्साक्व। मुल गे आंइ कली लेम्नीनी।
Isaiah 50:2 in Sunwar 2 गो जाक्ङानु, मारदे सुइ मबाक्मा? गो ब्रेङङानु, मारदे सुइमी लोव़ मलेत्ता? आं गुइ इन कली पाप रे प्रोंइने मचाप्चा ङा दुम्शो बाक्मे? इन कली प्रोंइने चाप्तीक सक्ति गो नु मबाक्बा? गो हुइक्तुनु, समुन्द्र सोव़ब। खोलापुकी ब्वाक्कु मबाक्शो गोरशो रागी सेल्नुङ। ब्वाक्कु मबाक्तीके ङांइपुकी बेक्शा, राक्शा, रिना पाइनीम। यसैया ५९:१; गन्ती ११:२३; प्रस्थान १४:२१
Isaiah 54:6 in Sunwar 6 मारदे हना परमप्रभु यावेमी इ कली प्रोंइसीशो नु थुं लुक्च लशो मीश मुर कली खोदेंशो पा ब्रेत्ताक्व। मुल गे ठिटी ना चाक्शा नोले प्रोंइशो मीश आल खोदेंशो बाक्नेवे। यसैया ५०:१
Isaiah 57:16 in Sunwar 16 मिनु गो गेना हना यो दोस मगेनुङ। गाइक्स ङा गाइक्स मबाक्नुङ। मोपा बाक्ती हना, आंम आं सेल्शो मुर आन थुं थाइब। भजन संग्रह १०३:९
Isaiah 58:2 in Sunwar 2 मेकोपुकी मटीब बाक्तेक्म हना यो, आं कली नाक्त किंत किंत माल्नीम। आं लां तुइक्चा दाक्नीम। मेकोपुकी ठीक पाइब रागी ङा मुर खोदेंशो दुम्शा, आन परमप्रभु, आं ठीक पतीक लोव़ मप्रोंइशो खोदेंशो बाक्नीम। मिनु आं कली ठीक निसाफ पुंइनीम। परमप्रभु आ नेक्था जाक्चा दाक्नीम। यसैया २९:१३-१४
Lamentations 3:8 in Sunwar 8 गो “वारच पाइय्यीनी” दे शुश ब्रेत्ती। तन्न आं ब्रेश्शो नेंशा यो सिक्सी पा बाक्त। भजन संग्रह २२:३; भजन संग्रह ६९:४
Hosea 5:6 in Sunwar 6 मिनु मेको आन क्यारश भेडा नु बी ब्यफ लाइश्शा, परमप्रभु यावे कली माल्थ लाइनीमी। तन्न मेकोपुकीमी मेको कली मथित्नीम। मारदे हना मेको आन क्येङा ङोन लत। यसैया १:११-१५
Hosea 5:15 in Sunwar 15 मिनु गो आं बाक्तीकेमी लेश्शा बाक्नुङ। मेकोपुकीमी आन मरिम्शो पशो तुइश्शा, आं कली ममाल्मे सम्म बाक्नुङ। मिनु मेकोपुकीमी शुश श्येत जशा, आं कली माल्नीम” दे परमप्रभुमी देंत। यसैया २६:१६
Zechariah 7:13 in Sunwar 13 दोपा मेकोपुकीमी आं लोव़ मनेन्मे, मोपा गो यो मेको आन पुंइशो लोव़ मनेंनुङ।
Matthew 15:22 in Sunwar 22 मिनु मार दुम्त देंशा हना, कनानी रागी ङा मीश मुर का जाक्शा “दाऊद आ तौ, प्रभु, शिशी पाइय्यीनी। आं तमी कली वोलम सुम्शा शुश श्येत गेप्तु। वोल कली खेरशा सापतीने” दे ङाक्न ङाक्न पुंइतु।
Matthew 26:75 in Sunwar 75 मिनु पत्रुसमी “भाले ग्रीचा ङोंइतीन सां खेयप सम्म मेको मुर कली मतुइक्नुङ, देंनेवे” दे येसुमी देंशो ति फ्रुक्गा बाक्त। मिनु ग्रूशा शुश ङाक्माक्त।
Mark 14:72 in Sunwar 72 मो देंम चोटी भाले खेयप निक्शी ग्रीमाक्त। मिनु पत्रुसमी “भाले खेयप निक्शी मग्रीथु, खेयप सां सम्म मेको कली मतुइक्नुङ, सु बाक्म? देंनेवे” दे येसुमी देंशो लोव़ ति फ्रुक्गा बाक्त। मिनु आ पशो मिम्शा ङाक्माक्त।
Luke 22:61 in Sunwar 61 मिनु प्रभुमी पत्रुस गे हिरशा, मिक्च मयाक्थु कोव़ङा बाक्त। मिनु पत्रुसमी “सुनी कना भाले ग्रीचा ङोंइती खेयप सां ‘मेको कली मतुइक्नुङ, सु बाक्मे’ देंनेवे” देंशो प्रभु आ लोव़ ति फ्रुक्गा बाक्त।
Revelation 3:19 in Sunwar 19 गो आं दाक्शो मुर आन कली आन मरिम्शो पतीके कोंइनुङ। नोले गो मेको आन कली श्येत गेशा, आल खोदेंशो पा शेंनुङ। इन थुं गो आं गे लेत्तीन। इन थमा सुइक्तीके बारपतीन। हितोपदेस ३:१२; १कोरिन्थी ११:३२; हिब्रू १२:६