Romans 8:17 in Sunwar 17 परमप्रभु यावे आ तमी तौ दुम्शा, येसु ख्रीस्त नु काथा बाक्शा, अङस ताइब दुम्तय। मेको अङस तचा ङोंइती येसु ख्रीस्त आ नेंमी श्येत जाइनय। नोले आ राज्य तांइसेनु, येसु ख्रीस्त नु काथा बाक्शा अङस ताइनय। गलाती ४:१७; प्रकाश २१:७
Other Translations King James Version (KJV) And if children, then heirs; heirs of God, and joint-heirs with Christ; if so be that we suffer with him, that we may be also glorified together.
American Standard Version (ASV) and if children, then heirs; heirs of God, and joint-heirs with Christ; if so be that we suffer with `him', that we may be also glorified with `him'.
Bible in Basic English (BBE) And if we are children, we have a right to a part in the heritage; a part in the things of God, together with Christ; so that if we have a part in his pain, we will in the same way have a part in his glory.
Darby English Bible (DBY) And if children, heirs also: heirs of God, and Christ's joint heirs; if indeed we suffer with [him], that we may also be glorified with [him].
World English Bible (WEB) and if children, then heirs; heirs of God, and joint-heirs with Christ; if indeed we suffer with him, that we may also be glorified with him.
Young's Literal Translation (YLT) and if children, also heirs, heirs, indeed, of God, and heirs together of Christ -- if, indeed, we suffer together, that we may also be glorified together.
Cross Reference Matthew 16:24 in Sunwar 24 मिनु येसुमी आ शेंसीब आन कली “सुमी आं नोले खोइक्चा थुं पाइबा, मेकोमी आंम दला दाक्स पचा प्रोंइशा, श्येत जचा महिंथु, आ नोले खोइय्यील। मत्ती १०:३८-३९; १पत्रुस २:२१
Matthew 25:21 in Sunwar 21 आ होव़पमी ‘रिम्शो पाप्तीवी। थमा सुइक्चा पुंइसीशो बाक्ते। इच्ची खोइ तशोमी शुश सेल्शा, रिम्शो गेय पाप्तीवी। मोपतीके शुश अधिकार गेनन। ग्येरसीशा बाक्स’ देंब। मत्ती २४:४५-४७
Luke 12:32 in Sunwar 32 गे आइक्च बगाल, महिनीन। मारदे हना इन आफोमी इन कली आ राज्यम वोइक्चा दाक्ब। लूका २२:२९
Luke 22:29 in Sunwar 29 आं आफोमी आ राज्यमी हुकुम पाइब सेल्ती। मिनु गो इन कली काथा वोइश्शा, हुकुम पाइब सेल्नन्नी।
Luke 24:26 in Sunwar 26 ख्रीस्त श्येत जशा, सक्ति पाइश्शो दुम्शा, राज्य पचा ताइब देंशो लोव़ मुल यो मरुप्नीसी?” देंमाक्त।
John 12:25 in Sunwar 25 सुमी आंम दला दाक्स पाइबा, मेको गेना हना यो ब्रोंइशा बाक्चा मताइब। सुमी चहिं रागीमी बाक्शा, आंम कली ममिम्थु, परमप्रभु यावे आ देंशो टीबा, मेको गेना हना यो ब्रोंइशा बाक्चा ताइब। मत्ती १०:३९; मत्ती १६:२५; लूका १७:३३
John 17:24 in Sunwar 24 आं आफ, आं कली गेशो मुरपुकी गो नु काथा बाक्मल, दे पुंइनुङ। गे रागी सेल्चा ङोंइती आं कली दाक्शा, इन सक्ति आं कली गेतीनी। मिनु मेकोपुकीमी यो आं सक्ति तामेक्ल। यूहन्ना १२:२६; हितोपदेस ८:२२-३१
Acts 14:22 in Sunwar 22 मेको सांफा सहर ङा थमा सुइक्ब आन कली “मार दुम्त हना यो, थमा सुइक्चा मप्रोनीन। इन खोइल थेक्शा बाक्कीने। ख्रीस्त आ नेंमी शुश श्येत जचा पुंइसीशा ला परमप्रभु यावे आ राज्य ओव़चा ताइनय, दे रुपीने” दे आन थुं बारपदसे बाक्त। रोमी ५:३-५; १थिस्सलोनिकी ३:३
Acts 20:32 in Sunwar 32 मुल गो इन कली परमप्रभु यावे आ गुइमी जिम्मा गेनुङ। प्रभुमी इन कली शिशी पा आ लोव़ नेल्ल रुप्चा गेशा, इन थुं बारना बारन लपाइश्शा, आ मुर नेल्ल आन कली गेतीक आसीक गेब, दे तुइक्नुङ।
Acts 26:18 in Sunwar 18 मारदे हना मेकोपुकी मिक्च ताइब दुम्मल। छिङछिङमी बाक्शोपुकी छेङछेङमी बाक्चा तामेक्ल। सैतान आ अधिकारमी बाक्शोपुकी परमप्रभु यावे आ अधिकारमी बाक्ब दुम्मल। मेको आन पाप क्याम्चा पुंइसीशा, आं कली थमा सुइश्शोमी आं मुरपुकी नु काथा दुम्शा, आं मुर दुम्मल’ देंशो नेंता। प्रेरित २०:३२
Romans 5:9 in Sunwar 9 मोपतीके ख्रीस्त आ हुशेमी इं पाप क्याम्शा, ठीक सेल्चा पुंइसाक्य। मोशो ला ममाइ। गोपुकी येसु ख्रीस्त आ पतीकेमी परमप्रभु यावे आ गाइश्शो रे ब्रोंइचा ताइनय, दे तुइक्ताक्य। रोमी १:१८; रोमी २:५,८
Romans 5:17 in Sunwar 17 दोपा आदम आ पशोमी बेक्तीकेम मुर आन कली हुकुम पवा, मोपा मेको आन क्येङा येसु ख्रीस्त आ गेशो शिशी नु आ ठीक सेल्तीकेमी मुर आन कली ब्रोंइचा गेशा हुकुम पाइब। मेको पपाइक्ब नेल्ल येसु ख्रीस्त बाक्ब।
Romans 8:3 in Sunwar 3 परमप्रभु यावेमी अरेशो लोव़ टिने मचाप्नीम, दे तुइश्शा, आ तौ कली पापी बुद पा रागीम सोइक्ताक्व। मोपा मेको कली मुर आन पाप आ पर्बम सजाइ गेप्तु। प्रेरित १८:३८; प्रेरित १५:१०; हिब्रू २:१७
Romans 8:29 in Sunwar 29 मारदे हना आ ङोंइती तुइश्शो मुर कली “आं तौ खोदेंशो दुम्मल” दे योव़तु। आ तौ मेको योव़शो लोक्ब आन क्येङा ङोंइती जरमेशो बाक्ब। कलस्सी १:१८; हिब्रू १:६
1 Corinthians 2:9 in Sunwar 9 मिनु “मिक्चीम मतशो, नोफाम मनेंशो, मुर आन थुंमी ममिम्शो लोव़ परमप्रभु यावेमी आ कली दाक्ब आन कली तुइक्पाइश्शा, रुप्चा गेम्तीमी” दे ब्रेक्शो बाक्ब। यसैया ६४:४
1 Corinthians 3:22 in Sunwar 22 इन कली शेंब, गो पावल, आपोल्लोस, केफास नु रागी, ब्रोंइचा नु बेक्चा, मुल मार दुम्शो बाक्बा नु नोले मार दुम्बा, नेल्ल इन के बाक्नीम।
2 Corinthians 1:7 in Sunwar 7 आंइ जशो श्येत गे यो जाइनीनी। मिनु आंइ खोदेंशो पा थुं नाइक्पाइक्चा पुंइसीनीनी। आंइ खोदेंशो पा, थुं नाइक्पाइक्चा पुंइसीनीनी, दे तुइश्शा, आस पचा मप्रोंइथु बाक्नीकी।
2 Corinthians 4:8 in Sunwar 8 गो शुश श्येत जाइतक हना यो, खतम मदुम्क। मारेइ पने मचाप्ब दुम्तक हना यो, आइक्च थुं पाइश्शो मदुम्क।
Galatians 3:29 in Sunwar 29 ख्रीस्त नु रां का दुम्शा, अब्राहाम आ चच युइ दुम्तीनी। परमप्रभु यावेमी अब्राहाम कली गेशो लोव़ गाप्शा, हक ताइब दुम्तीनी।
Galatians 4:7 in Sunwar 7 मोपतीके गो वाइलीम वाइल दुम्चा प्रोंइशा, परमप्रभु यावे आ तमी तौ दुम्शा, हक ताइब दुम्तय। रोमी ८:१६-१७
Ephesians 3:6 in Sunwar 6 मिनु मेको ख्रुइश्शो लोव़ मार बाक्ब देंशा हना, अर्को रागी ङा मुरपुकी यो इस्राएली नु खाल का ङा दुम्शा, अङस ताइब बाक्नीम। मेको नेल्ल रां का नम। ग्येरपाइक्ब लोव़मी मार देंब देंशा हना, ख्रीस्त येसु कली थमा सुइश्शा, मेकोपुकी यो परमप्रभु यावे आ कबल ताइब बाक्नीम। एफिसी ३:१३,१८-१९; प्रेरित १५:७-९
Philippians 1:29 in Sunwar 29 ख्रीस्त कली थमा सुइक्चा ला इन कली गेशो ममाइ, तन्न मेको आ पर्बम श्येत जचा यो गेशो बाक्ब।
2 Timothy 2:10 in Sunwar 10 मोपतीके गो योव़शो मुर आन कली मिम्शा, श्येत नेल्ल फाल्नुङ। मोपा मेकोपुकीमी ख्रीस्त येसुमी पाप रे प्रोंइशो दुम्शा, गेना हना यो परमप्रभु यावे आ छेङछेङमी ब्रोंइशा बाक्चा तामेक्ल। कलस्सी १:२४
Titus 3:7 in Sunwar 7 मोदेंशो पा, परमप्रभु यावे आ शिशी आ पतीकेम इं कली ठीक सेल्तु। मिनु परमप्रभु यावे नु बाक्चा शिरशो दुम्तय। परमप्रभु यावे नु गेना हना यो बाक्चा कली आस पा बाक्तय। रोमी ३:२६
Hebrews 1:14 in Sunwar 14 मेको गेय पाइब सोक्त मनमी ङा? मिनु आन पाप क्याम्चा पुंइसीब आन कली वारच पथ सोइश्शो मनमी ङा?” देंत। भजन संग्रह ३४:८; भजन संग्रह ९१:११-१२
Hebrews 6:17 in Sunwar 17 मोपतीके परमप्रभु यावेमी “आं गेशो लोव़ गेनायो मफाइक्नुङ” दे आ गेशो लोव़ ताइब आन कली रुप्पाइक्चा, दे कसम जशा, आ लोव़ थोक्ता बाक्त।
James 2:5 in Sunwar 5 आं लोक्बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्ल, दे मयोव़ङा ङा? मिनु परमप्रभु यावे कली दाक्ब नेल्ल आ राज्य ओव़चा ताइनीम मदेंम ङा? १कोरिन्थी १:२६; १कोरिन्थी ११:२२; लूका १२:२१
1 Peter 1:4 in Sunwar 4 मिनु इं कली स्वर्गमी जाम्शा मलाइब, काइ मबिग्रेब नु गेना हना यो लीब शोंप वोइश्शो बाक्ब। कलस्सी १:१२
1 Peter 4:13 in Sunwar 13 गे ख्रीस्त आ श्येत जशो खोदेंशो पा श्येत जाइतीनी हना, ग्येरसीने। मारदे हना आ छेङछेङ पा जाक्ची ना शुश ग्येरनीनी। प्रेरित ५:४१; याकूब १:२; रोमी ८:१७
Revelation 3:21 in Sunwar 21 सु सुमी सैतान कली ग्रानीमी, मेको आन कली आं ठेयब नित्तीकेमी निप्पाइक्नुङ। गो ङोंइती ग्राती। मोपा गो आं आफ आ ठेयब नित्तीकेमी आफ नु निस्साक्यी। मत्ती १९:२८
Revelation 21:7 in Sunwar 7 सु सुमी सैतान कली ग्रानीमी, मेकोम आं देंशो नेल्ल ताइनीम। मिनु गो मेको ग्राब आन परमप्रभु यावे दुम्नुङ। मेकोपुकी चहिं आं तमी तौ दुम्नीम।