Cross Reference Genesis 18:19 in Sunwar 19 गो अब्राहाम कली तुइक्नुङ, आ आल नु आ चच युइ आन कली परमप्रभु यावे आ लां गाक्पाइक्चा कली अरेब। मिनु मेकोपुकी परमप्रभु यावे आ लां खोइक्ब दुम्शा, ठीक नु रिम्शो पचा शेंसीशा पाइनीम। परमप्रभु यावेमी अब्राहाम कली मार लोव़ देंमे, मेको नेल्ल दुम्ल” देंमाक्त। ब्यवस्था ६:७; ब्यवस्था ३२:४६
Deuteronomy 15:8 in Sunwar 8 तन्न गे शिशी पा मेको कली आ माल्शो नेल्ल जेर गेने। लूका ६:३४-३५
Deuteronomy 15:14 in Sunwar 14 परमप्रभु यावे, इन परमप्रभुमी इन कली आसीक गेशो रे इन क्यारश भेडा इन अन्न नु अङगुर शांबु रे मेको कली शुश गेशा सोइक्तीन।
Deuteronomy 16:11 in Sunwar 11 मिनु गेपुकी, इन तमी तौपुकी, वाइलीम वाइल, इन सहरम बाक्शो लेवी आ थर ङा मुरपुकी, इन दातेमी बाक्शो अर्को रागी ङा मुरपुकी, रोम रोइक्च नु आन वोंइश बेक्शो मीश मुर नेल्ल परमप्रभु यावे, इन परमप्रभु आ नें वोइक्चा कली नोले योव़शो बाक्तीकेमी मेको आ ङोंइती ग्येरसीचा माल्नीनी।
Deuteronomy 16:14 in Sunwar 14 मिनु गेपुकी, इन तमी तौ, इन वाइलीम वाइल, इन सहरम बाक्शो लेवीपुकी, अर्को रागी ङा मुरपुकी, रोम रोइक्च नु आन वोंइश बेक्शो मीश मुरपुकी, नेल्लेमी ग्येरसीशा मेको चाड मानेचा माल्नीम। ब्यवस्था २६:११; यसैया ३०:२९
Job 31:16 in Sunwar 16 गो प्रुङग आन कली आन माल्शो थोव़क मगेशो बाक्ती हना, आन वोंइश बेक्शो मीश मुर आन कली ङाक्पाइश्शो बाक्ती हना, अय्युब २९:१२
Psalm 37:21 in Sunwar 21 परमप्रभु आ अरेशो मटीबपुकीमी जेर जशा, मथाप्नीम। मिनु ठीक पाइबपुकीमी हाइश्शो दुम्शा गेनीम।
Psalm 101:1 in Sunwar 1 दाऊद आ कुम्सो। परमप्रभु यावे, गो इन दाक्शा मप्रोंइतीक नु इन ठीक निसाफ पतीक आ पर्बम इन कली कुम्सो पाइनुङ।
Psalm 112:9 in Sunwar 9 मेकोपुकीमी हाइश्शो थुं पा प्रुङग आन कली मार मार गेम्तेक्म। मेको आन ठीक पतीके गेना हना यो लीब। मेको मान ताइब बाक्नीम। २कोरिन्थी ९:९
Proverbs 22:9 in Sunwar 9 हाइश्शो मुरुमी आसीक ताइब। मारदे हना मेकोमी आ जचा थोव़क प्रुङग नु योक्ब। हितोपदेस १९:१७
Ecclesiastes 9:10 in Sunwar 10 इ ङोंइती मार गेय बाक्मे, मेको इ सक्ति नेल्लेमी पावो। मारदे हना बेक्शो मुर आन बाक्तीकेम मारेइ मिम्तीके, जोक्तीके नु तुइक्तीके मबाक्ब।
Ecclesiastes 11:1 in Sunwar 1 इ क्येट ङोन सोइक्तो। मिनु शुश नाक्त नोले मेको लेंशा ताइनेवे।
Ecclesiastes 11:6 in Sunwar 6 गे सुनी इ वांचेर शोक्को। मिनु नाक्दो यो गेय पचा मप्रोनो। मारदे हना मुल शोक्शो नु आपो शोक्शो तेको ग्रेल्बा, मतुइक्नेवे। निम्फा ग्रेल्नीसी कों? मतुइक्नेवे।
Isaiah 32:5 in Sunwar 5 मेना मुरुमी मूर्ख आन कली रिम्शो थुं पाइश्शो मुर मदेंनीम। खुइ नु जोल पाइब आन कली हाइश्शो मुर मदेंनीम। हितोपदेस २८:१६
Isaiah 32:8 in Sunwar 8 तन्न रिम्शो थुं पाइश्शो मुरपुकीमी रिम्शो गेय ला मिम्नीम। मिनु गेना हना यो रिम्शो गेय पा बाक्नीम।
Isaiah 58:7 in Sunwar 7 आंम जचा थोव़क शोव़लु बेक्ब नु योक्चा, खिं मबाक्शो नु प्रुङग आन कली इन खिंम बाक्चा गेचा, शिश्रा बाक्ब आन कली वा फेक्चा गेचा नु इन लोक्ब आन कली वारच पचा, आं दाक्शो माइजा बाक्तीक बाक्ब। ब्यवस्था १५:११; इजीकीएल १८:७; मत्ती २५:३५-३६
Isaiah 64:5 in Sunwar 5 गे ग्येरशा ठीक पतीके मिम्शा पाइब आन कली वारच पाइब बाक्नीनी। मेको मुरपुकी इन लांम गाक्शा, इन कली मिम्ब बाक्नीम। गे आंइ पाप पशो आ पर्बम गाइक्ताक्नी। मारदे हना गे ख्रुंइसाक्नी। मिनु गो हेंथे गाक्तक।
Matthew 6:2 in Sunwar 2 श्येत जाइब, मथीब आन कली मारेइ गेनीनु, इन ङोंइती तुराही मतापीने। कपटीपुकीमी ग्रुम्तीक खिंमी, लांमी मुर आन कली आन रिम्शो पतीके कोंइशा ठेयब सेल्पांइसीनीम। नोफा दाइश्शा नेनीने, मेको आन तचा ङा इनाम मारेइ मलीब। १कोरिन्थी १३:३
Matthew 25:40 in Sunwar 40 मिनु पिपमी ‘नोफा दाइश्शा नेनीने, आं लोक्ब नेल्ल क्येङा महिक्सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११
Luke 21:1 in Sunwar 1 मिनु नोले येसुमी शोंप पाइश्शो मुरपुकीमी भेटी चढ़ेशो तवा बाक्त।
Acts 2:44 in Sunwar 44 थमा सुइक्ब नेल्ल थुं का दुम्शा, आन के बाक्शो मारेइ मारेइ नेल्ल इं के बाक्ब, दे मिम्बाक्मा बाक्त। प्रेरित ४:३२-३५
Acts 4:33 in Sunwar 33 मिनु येसु आ सोइश्शोपुकीमी सक्ति पाइश्शो लोव़ पा प्रभु येसु बेक्शो रे सेंचा पुंइसाक्व, दे नेंपाइक्बाक्मा बाक्त। मेको नेल्ल शुश आसीक तामे बाक्त। प्रेरित २:४७
Acts 11:28 in Sunwar 28 मेको आन दातेमी अगाबस नें पाइश्शो मुर का बाक्माक्त। मिनु काबु थमा सुइक्बपुकी खुम्सीशा बाक्मानु, अगाबसमी परमप्रभु यावे आ सोक्त रे पा “रागी नेल्लेमी अन्काल दुम्शा, जचा मतांइसीब” दे लोव़ पवा बाक्त। मेको लोव़ पिप क्लौदीयस आ सासनम थमा दुम्माक्त। प्रेरित २१:१०
Acts 13:12 in Sunwar 12 मिनु हुकुम पाइबमी चटक कोंइब कली मिक्च मताइब दुम्शो तशा छक लाक्माक्त। मिनु “मेको आस लोव़ प्रभु आ सक्ति पाइश्शो लोव़ बाक्माक्त” दे रुप्शा, प्रभु कली थमा सुइक्ब दुम्माक्त।
Acts 13:15 in Sunwar 15 मिनु ग्रुम्तीक खिं ङा ठेयब मुरपुकीमी मोसा नु परमप्रभु यावे आ लोव़ पाइबमी ब्रेक्शो लोव़ पढेपा नेंपाइक्ने थुम्शा, पावल नु बारनाबास आस कली ब्रेश्शा “आंइ लोक्ब निक्शी, मुर आन कली शेंशा, आन थुं बारपाइक्चा ङा लोव़ बाक्त हना, शेंदीसे” दे आस कली लोव़ पचा गेमे बाक्त। प्रेरित १५:२१
Acts 15:32 in Sunwar 32 यहूदा नु सिलास परमप्रभु यावे आ लोव़ पाइब यो बाक्सा बाक्त। मिनु मेको निक्शीमी शुश लोव़ पा लोक्ब आन थुं बारपदसे बाक्त। प्रेरित ११:२७; प्रेरित १३:१
Acts 20:2 in Sunwar 2 मासीडोनीयामी हिरना हिरन थमा सुइक्ब आन कली ग्रुम्शा शेंशा, आन थुं बारपाइक्ना पाइक्न गाक्शा, ग्रीस रागी जाक्दीम्माक्त।
Acts 20:28 in Sunwar 28 गे आंम कली कोव़ङीने। परमप्रभु यावे आ सोक्तीमी इन कली थमा सुइक्ब आन कली कोव़ब सेल्तु। गे परमप्रभु यावे आ मुर आन कली मुर आन कली कोव़ब रिम्शो गोठला दुमीन। मारदे हना मेकोपुकी आ तौ आ हुशेम ग्याप्शो बाक्नीमी। १तिमोथी ४:१६; १पत्रुस ५:२-४
Romans 12:13 in Sunwar 13 थमा सुइक्ब आन कली आन माल्शो गेशा, वारच पने। इन खिंमी जाक्ब आन कली बास गेशा थुलीन। ३यूहन्ना ५-८; हिब्रू १३:२
Romans 13:6 in Sunwar 6 मोपतीके परमप्रभु यावेमी सरकार कली योव़शा, गेय पपाइक्तु, दे तुइश्शा, गेपुकीमी तिरो थाप्नीनी।
1 Corinthians 12:28 in Sunwar 28 परमप्रभु यावेमी थमा सुइक्ब आन ग्रुम्तीकेमी ङोंइती ख्रीस्त आ सोइश्शोपुकी, मेको आन नोले आ लोव़ पाइबपुकी, मेको आन नोले शेंबपुकी, मेको आन नोले छक लाक्चा ङा गेय पाइबपुकी, मेको आन नोले सापाइक्बपुकी, मेको आन नोले वारच पाइबपुकी, मेको आन नोले कोव़बपुकी नु मेको आन नोले सोक्त आ लोव़ पाइबपुकी वोइक्तीमी। एफिसी ४:११-१२
1 Corinthians 14:3 in Sunwar 3 परमप्रभु यावे आ लोव़ पामेनु, मुर आन थुं बारपाइक्ब। रिम्शो गेय पपाइक्ब, नु थुं खाइश्शो आन कली सापाइक्ब।
2 Corinthians 1:12 in Sunwar 12 गो आंइ नें बोरपा बाक्नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्शा, मुर नेल्ल आन कुल, इन कुल यो रिम्शो थुं रे पा गेय कोंइताक्क। आंम आंइ रागी ङा जोक्तीक तुइक्तीक रे ममाइ। तन्न परमप्रभु यावे आ शिशीम पतीके बाक्ब। २कोरिन्थी २:१७; हिब्रू १३:१८; १कोरिन्थी १:१७
2 Corinthians 8:1 in Sunwar 1 आं लोक्बपुकी, परमप्रभु यावेमी मासीडोनीया रागीमी बाक्ब थमा सुइक्ब आन कली शिशी पशो आ पर्बम इन कली शेंनीकी। रोमी १५:२६
2 Corinthians 8:12 in Sunwar 12 आंम के बाक्शो ला गेने जाप्ब, आंम के मबाक्शो गेने मजाप्ब। इन चाप्चा ङा पा गेने। हितोपदेस ३:२७-२८; मर्कूस १२:४३
2 Corinthians 9:7 in Sunwar 7 क्येट पोक्गु कों मपोक्गु, दे थुं निक्शी मपथु, सुइमी “गेव की गेव” माइक्चा मपुंइसीथु, आंम थुंमी मिम्शा, ग्येरसीशा गेचा माल्ब। ग्येरसीशा गेब कली परमप्रभु यावेमी दाक्ब। रोमी १२:८
2 Corinthians 9:11 in Sunwar 11 मिनु गे शुश थीब दुम्शा, हाइश्शा गेशो तशा, गो परमप्रभु यावे कली “गे रिम्शो पाइब बाक्नीनी” दे ठेयब सेल्नीकी।
2 Corinthians 9:13 in Sunwar 13 एको क्येट पोक्तीक गेय पशा इन टितीक नाक्सीशो बाक्ब। मिनु गे परमप्रभु यावे कली ठेयब सेल्शो बाक्नीनी। मिनु इन हाइश्शा मेको आन कली नु अरु आन कली गेशोमी गे ख्रीस्त आ ग्येरपाइक्ब लोव़ तुइक्ब बाक्नीनी, दे कोंइनीनी।
2 Corinthians 11:3 in Sunwar 3 बुस्सुमी हव्वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्शो खोदेंशो पा, दूली शेंबपुकीमी इन थुं क्याल्शा, ख्रीस्त कली दाक्चा रे हेंथे लां खोइक्पाइक्नीम। उत्पत्ती ३:४,१३
Ephesians 6:5 in Sunwar 5 गे वाइलीम वाइलपुकी, इन रागी ङा होव़प कली टिने। दोपा टिचा माल्नीनी देंशा हना, गेपुकी ख्रीस्त कली टिशो खोदेंशो पा, मेको आन क्येङा हिंशा ख्रिंख्रि पा, थुं का पा रिम्शो गेय पने। तिमोथी ६:१२; तीतस २:९-१०; १पत्रुस २:१८
Colossians 3:22 in Sunwar 22 वाइलीम वाइलपुकी, इन ठेयब मुरुमी मार मार देंनीमी, मेको नेल्ल टिचा माल्नीनी। इन ठेयब मुरुमी कोव़तेक्म हना यो, मकोव़तेक्म हना यो, थुं का पशा, प्रभु कली मान पा हिनीन।
1 Thessalonians 2:3 in Sunwar 3 गोपुकीमी इन कली मुरुम पशो जोल रे मशेंदक। ठेयब दुम्कल, दे ममिम्तक। २कोरिन्थी ४:२; २कोरिन्थी ११:७; यूहन्ना ५:४४
1 Thessalonians 2:8 in Sunwar 8 गोपुकीमी इन कली शुश दाक्शा, परमप्रभु यावे आ ग्येरपाइक्ब लोव़ शेंचा ला ममाइ, तन्न शेंचा आ पर्बम बेक्चा माल्तक हना यो, बेक्नीकी। २कोरिन्थी १२:१५
1 Thessalonians 5:12 in Sunwar 12 आंइ लोक्बपुकी, इन कली शेंब नु लां कोंइशा, अरेब आन कली रिम्शो पने, दे माइक्नीकी। १कोरिन्थी १६:१८
1 Timothy 3:4 in Sunwar 4 आंम खिं ङा मुर आन कली रिम्शो कोव़ब बाक्चा माल्ब। आंम आलपुकी टीब नु मुर नु रिम्शो पाइब बाक्चा माल्नीम।
1 Timothy 4:13 in Sunwar 13 गो मजाक्ङा सम्म मुर आन कली परमप्रभु यावे आ लोव़ पढेशा, नेंपाइक्ना पाइक्न नु शेंना शेंन बाक्को।
1 Timothy 5:17 in Sunwar 17 ग्रुम्तीके खिंमी श्येत पा लोव़ पाइब नु शेंब खाल्पा आन कली निक्शी खेयप मान पा क्येट गेचा माल्नीम। प्रेरित १४:२३; रोमी १२:८
Hebrews 10:25 in Sunwar 25 थमा सुइक्ब आन ग्रुम्तीके लशा, लोव़ नेंचा मप्रोनीन। का निक्शी लचा मदाक्ब दुम्शो बाक्तेक्म। मोपतीके “लचा माल्ब” देंचा मप्रोनीन। येसु ख्रीस्त लेंशा जाक्चशो बाक्ब, दे मप्रेंथु बाक्कीन। हिब्रू ३:१३; रोमी १३:११-१२
Hebrews 13:7 in Sunwar 7 इन कली परमप्रभु यावे आ लोव़ शेंब आन पशो मिम्तीने। मेकोपुकी बेक्ची सम्म थमा सुइक्चा मप्रोनेम। मेको आन पशो खोदेंशो पने।
Hebrews 13:17 in Sunwar 17 इन कली शेंब आन लोव़ नेंशा टिने। मेकोपुकीमी “परमप्रभु यावे आ ङोंइती जिम्मा ब्राइनुङ” दे तुइश्शा इन कली शेंनीमी, कोव़नीम। शेंब आन लोव़ टीतीनी हना, मेकोपुकीमी ग्येरशा शेंनीम। इन कली मटिशो तशा चहिं, आन थुं हेल्शो दुम्शा, शेंचा ब्रीनीम, मिनु इन कली यो मरिम्शो दुम्ब। १थिस्सलोनिकी ५:१२; इजीकीएल ३:१७-१९
Hebrews 13:22 in Sunwar 22 आं दाक्शो लोक्बपुकी, इन कली आं ब्रेक्शो थुं बारपाइक्तीक लोव़ शुश मब्रेक्तु। रिम्शो पा रुप्चा माल्नीनी।
Hebrews 13:24 in Sunwar 24 शेंब नु थमा सुइक्ब नेल्ल इन कली “रिम्शो बाक्कीन” देंती। इटाली ङा थमा सुइक्ब लोक्बपुकीमी यो इन कली “रिम्शो बाक्कीन” देंतेक्म।
1 Peter 4:9 in Sunwar 9 मगाइक्थु बास गेमुने।
1 Peter 5:2 in Sunwar 2 इन कली मार अर्ती गेनुङ देंशा हना, गे परमप्रभु यावे आ योव़शो मुर आन गोठला खोदेंशो दुम्शा, मेको आन कली रिम्शो पा कोव़ङीन। इन थुंमी “आं मदाक्शो गेय बाक्ब” दे मिम्शा ममाइ, तन्न “गो मेको गेय दाक्नुङ” दे ग्येरशा पने। “क्येट चेम्नुङ” दे मिम्शा ममाइ, तन्न रिम्शो शेंतीके गेय शुश पने। यूहन्ना २१:१६; प्रेरित २०:२८; १तिमोथी ३:२-७