Romans 10:21 in Sunwar 21 इस्राएल ङा मुर आन कली चहिं परमप्रभु यावेमी “गो नेल्ल नाक्त मटीब नु जोप पाइब आन कली रिम्शो दुम्मल, दे आं गुइ दिंस ङा दिंस बाक्नुङ। तन्न मेकोपुकीमी आं देंशो मटीम। आं कली मरिम्शो ला सुइक्तीमी” दे ब्रेक्शो बाक्त। यसैया ६५:२
Other Translations King James Version (KJV) But to Israel he saith, All day long I have stretched forth my hands unto a disobedient and gainsaying people.
American Standard Version (ASV) But as to Israel he saith, All the day long did I spread out my hands unto a disobedient and gainsaying people.
Bible in Basic English (BBE) But about Israel he says; All the day my hands have been stretched out to a people whose hearts were turned away, and who put themselves against my word.
Darby English Bible (DBY) But unto Israel he says, All the day long I have stretched out my hands unto a people disobeying and opposing.
World English Bible (WEB) But as to Israel he says, "All day long I stretched out my hands to a disobedient and contrary people."
Young's Literal Translation (YLT) and unto Israel He saith, `All the day I did stretch out My hands unto a people unbelieving and gainsaying.'
Cross Reference Deuteronomy 9:13 in Sunwar 13 मिनु परमप्रभु यावेमी आं कली ‘गो एको मुर आन कली कोव़ता। मिनु एकोपुकी काइ मटीब बाक्नीम।
Deuteronomy 31:27 in Sunwar 27 मारदे हना गो इन मरिम्शो पतीक नु इन मटितीके तुइक्नुङ। गो मुल सम्म गेपुकी नु बाक्शा यो, गेपुकी परमप्रभु यावे कली गन गन पा मटीब बाक्तीनी। गो बेक्ङा नोले दोशो मरिम्शो पाइनीनी?
1 Samuel 8:7 in Sunwar 7 मिनु परमप्रभु यावेमी सामुएल कली “मुरुम मार मार देंमा, मेको नेल्ल नेनो। मारदे हना मेकोपुकीम इ कली प्रोंइशो ममाइ, आं कली प्रोंइशो नम। मेकोपुकीम आं कली आन पिप दुम्शो मदाक्शो नम। प्रस्थान १५:१८; गन्ती २३:२१; ब्यवस्था ३३:५; भजन संग्रह २४:७-१०; भजन संग्रह ७४:१२; यसैया ६:५
Nehemiah 9:26 in Sunwar 26 मेको नेल्ल तशा यो इन देंशो मटिथु, ठेयब लेश्शा, इन अरेशो लोव़ मटीमे बाक्त। इन लोव़ पाइबपुकीमी आन कली ‘गे मरिम्शो पाइब बाक्नीनी। आं गे लेतीन’ देंमानु, मेको आन कली सदमे बाक्त। मिनु मेकोपुकीमी शुश शुक्शी पामे बाक्त।
Proverbs 1:24 in Sunwar 24 मिनु गो इन कली ब्रेत्तुनु, गेपुकीम मनेंनी। गो आं गुइ हामुनु, सुइ मपिनी। यसैया ६५:२,१२
Isaiah 65:2 in Sunwar 2 गो काइ मटीब मुर आन कली नाक्त रे आं गुइ हाम्शा वारच पाइक्चा माल्ता। मेकोपुकी आंम आन दला दाक्स पा मरिम्शो लां ला खोइक्तेक्म। रोमी १०:२१
Jeremiah 25:4 in Sunwar 4 मिनु परमप्रभु यावेम आ लोव़ पाइब आन कली मोदें लोव़ पथ सोइक्स ङा सोइक्स पाप्तु हना यो, गेपुकीम मेको आन लोव़ मनेंनी। इन नोफा मदाइक्तीनी। येरमीया ७:२५-२६; येरमीया ११:७; येरमीया २६:५; येरमीया २८:८; येरमीया २९:१९; येरमीया ४४:४; २इतिहास ३६:१५-१६
Jeremiah 35:15 in Sunwar 15 गो इन कली आं गेय नु आं लोव़ पाइब आन कली सोइक्ना सोइक्न बाक्ती। मेकोपुकीमी इन कली ‘गे नेल्ल इन मरिम्शो लां रे लेतीन। मिनु इन मरिम्शो गेय रिम्शो सेलीन। मिनु देवी देवता आन कली पूजा पचा नु आन नोले खोइक्चा प्रोनीन। मिनु गे इन किकी पिपी आन कली गेशो रागीम बाक्चा ताइनीनी’ देंती। तन्न गेपुकीम आं देंशो लोव़ मनेंनी नु मटिनी। मत्ती २३:३७
Jeremiah 44:4 in Sunwar 4 मो हना यो गो आं गेय पाइब आं लोव़ पाइब आन कली मेको आन बाक्तीके सोइक्ना सोइक्न ‘गो इन कली मेको आं काइ मदाक्शो ग्रांग्रा दिशो गेय मपन’ देंपाइक्तामी। येरमीया २५:४
Matthew 20:1 in Sunwar 1 स्वर्ग ङा राज्य ओदेंशो बाक्ब, खिं का ङा होव़प सुनी कना बोक्शा, आ अङगुर रूमी गेय पाइब आन कली ब्रेत्थ लमाक्त।
Matthew 21:33 in Sunwar 33 मिनु येसुमी “लो, अर्को कथा का नेनीने। मुर कामी अङगुर ख्रुम्शा, थारपु हिरशा, अङगुर ख्राक्तीक नु वोइक्तीक सेल्शा, बुम्था पाइब माल्शा, मेको आन कली गेशा वोइश्शा, अर्को रागी लमाक्त। यसैया ५:१-२
Matthew 22:3 in Sunwar 3 मिनु आ गेय पाइब आन कली निम्तो ताइब आन कली ब्रेत्थ सोइक्तीमी बाक्त। तन्न निम्तो ताइबपुकी लचा थुं मपामे बाक्त।
Matthew 23:34 in Sunwar 34 मोपतीके गो इन बाक्तीके परमप्रभु यावे आ लोव़ पाइब, जोक्ब तुइक्ब मुर नु परमप्रभु यावे आ लोव़ शेंब सोइक्नुङमी। का निक्शी आन कली साइक्नीनी, का निक्शी आन कली शीमी क्याइश्शा साइक्नीनी, का निक्शी आन कली ग्रुम्तीक खिंमी लाइश्शा, कोर्रामी युक्नीनी, मिनु तेइ बाक्चा मगेथु, खेदा पा खेरनीनी।
Luke 24:47 in Sunwar 47 मिनु यरूसलेम रे पा रागी नेल्ल ङा मुर आन कली ‘गे इन थुं परमप्रभु यावे गे लेत्चा माल्नीनी। मिनु येसु ख्रीस्त आ नेंमी पाप क्याम्चा तांइसीब’ दे नेंपाइक्चा माल्ब” देंमाक्त। प्रेरित २:३८ प्रेरित १७:३०
Acts 7:51 in Sunwar 51 “ए, गे परमप्रभु यावे आ लोव़ मनेंथु मटीब फुल्लु खोदेंशो थुं पाइश्शोपुकी, गे परमप्रभु यावे कली मतुइक्ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्त आ देंशो मटिथु दूली पाइनीनी। प्रस्थान १२:९; लेवी २६:४; रोमी २:२८-२९
Acts 13:46 in Sunwar 46 मिनु पावल नु बारनाबासमी यो महिंथु ठेयब थुं पा “अरु आन क्येङा ङोंइती इन कली परमप्रभु यावे आ लोव़ नेंपाइक्चा माल्शो। गेपुकीमी चहिं मनेंनीनी, नोफा मदाइक्नीनी, थमा मसुइक्नीनी। इन मोदेंशो पशोमी गेना हना यो ब्रोंइशा बाक्चा मताइनीनी। जाम्शा लाइनीकी, दे तुइक्तीने। मुल ङा मेरे इन कली शेंचा प्रोंइशा, अर्को रागी ङा मुर आन कली शेंथ गाक्नस्कु। प्रेरित ३:२५-२६; मत्ती १०:५-६
1 Thessalonians 2:16 in Sunwar 16 दोपा श्येत गेम्तेक्म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्ना तेम्न बाक्नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३
1 Peter 2:8 in Sunwar 8 मिनु लेंशा “मेको फुल्लुमी मुर आन कली दाइल पपाइक्ब। मेको ठेयब फुल्लुमी मुर आन कली थिप्पाइक्ब” दे ब्रेक्शो बाक्ब। मुरपुकीमी परमप्रभु यावे आ लोव़ मटितीके दाइल पांइसीनीम, दे ङोंइती मेको आ पर्बम देंशो बाक्ब। भजन संग्रह ११८:२२; यसैया ८:१४; रोमी ९:३३; लूका २:३४